#Local_News
Published_ 3 October 2022
ရန်ကုန်မြို့ရှိ ဆိပ်ကမ်းများ၌ အောက်တိုဘာလအတွင်း ကုန်သေတ္တာတင် သင်္ဘောလိုင်း ၁၃ ခုမှ ကုန်သေတ္တာတင်သင်္ဘောအစင်း ၅၀ ဆိုက်ကပ်သွားမည် ဖြစ်ကြောင်း မြန်မာ့ဆိပ်ကမ်းအာဏာပိုင်ရဲ့ ထုတ်ပြန်ချက်အရ သိရပါတယ်။
ရန်ကုန်မြို့ရှိဆိပ်ကမ်းများ၌ ပိုကုန်ကဏ္ဍတွင် မြန်မာ့ဆိပ်ကမ်းအာဏာပိုင်မှ လိုအပ်တဲ့စာရွက်စာတမ်းများဖြင့် ဆိုက်ကပ်ခွင့်ပြုကာ အကောက်ခွန်ဦးစီးဌာနမှ စစ်ဆေး ပြီး ကုန်ပစ္စည်းတင်ပို့မှုများ ဆောင်ရွက်နေတာ ဖြစ်ပါတယ်။
သွင်းကုန်များ ဆောင်ရွက်ရာတွင်လည်း သင်္ဘောမှချသည့် ကုန်သေတ္တာများအား ယာယီစုပုံ၍ ဝယ်ယူသူများကစာရွက်စာတမ်းများဖြင့် အခွန်အခပေးဆောင်ကာ ကုန်သေတ္တာများထုတ်ယူနိုင်ရန် ဆောင်ရွက်ပေးထားကြောင်း သိရပါတယ်။
ကုန်သွယ်မှုနှင့် ကုန်စည်စီးဆင်းမှု မှန်ကန်မြန်ဆန်စေရန်၊ ပို့ကုန်များတိုးမြှင့် တင်ပို့နိုင်ရန်နှင့် သွင်းကုန်များမြန်ဆန်စွာတင်သွင်းနိုင်ရန် ဆောင်ရွက်ပေးလျက်ရှိတယ်လို့ ဆိုပါတယ်။
ပြီးခဲ့တဲ့ စက်တင်ဘာလအတွင်းကလည်း ရန်ကုန်ဆိပ်ကမ်းများတွင် ကုန်သေတ္တာ တင် သင်္ဘောလိုင်း ၁၄ လိုင်းမှ ကုန်သေတ္တာတင်သင်္ဘော ၅၅ စင်း ဆိုက်ကပ်ခဲ့ကြောင်း မြန်မာ့ဆိပ်ကမ်းအာဏာပိုင်က ထုတ်ပြန်ထားပါတယ်။
#ygm_mnn
#Yangon_Media_Group
#Local_News
Published _3 October 2022
စင်ကာပူနှင့် ကိုရီးယားနိုင်ငံသို့ သံရည်ကျို ပုံလောင်းထုတ်ကုန်ပစ္စည်းများ တင်ပို့နေရကြောင်း ပဲခူးတိုင်းဒေသကြီး အစိုးရအဖွဲ့က သိရသည်။
အဆိုပါ ပို့ကုန်များမှာ လျှပ်စစ်မီးတိုင် အောက်ခံခုံများ၊ သံကျွတ်မြောင်းဖုံး အမျိုးမျိုး၊ ပို့ကုန်ခဲသီးအစားထိုး သံကျွတ်ခဲသီးများဖြစ်ပြီး နေ့စဉ်လုပ်သားဦးရေ (၈၀) ဖြင့် တစ်ရက်လျှင် ကုန်ချောထုတ်ကုန် (၈) တန်ခန့် ထုတ်လုပ်တင်ပို့နေခြင်း ဖြစ်ကြောင်း အစိုးရအဖွဲ့က ထုတ်ပြန်ထားသည်။
ယင်းကို ပဲခူးတိုင်းဒေသကြီး၊ ပဲခူးမြို့နယ်၊ ဘုရားကြီးမြို့၊ အနောက်ပိုင်းရပ်ကွက်၊ အမှတ် (၂၉) ရှိ ဦးအေးဝင်း၏ သံရည်ကျို ပုံလောင်းလုပ်ငန်းမှ တင်ပို့နေခြင်းဖြစ်ကြောင်း၊ ပဲခူးတိုင်းဒေသကြီးအစိုးရအဖွဲ့ အနေဖြင့် တိုင်းဒေသကြီး အတွင်းရှိ အသေးစား၊ အငယ်စား၊ အလတ်စား စီးပွားရေးလုပ်ငန်း (MSME) များကို မြှင့်တင်ပေးရန် ၊ ကုန်ကြမ်းကို ဈေးနှုန်းသက်သာစွာဖြင့် လွယ်ကူစွာရရှိနိုင်ရေး ကူညီမည်ဖြစ်ကာ စင်္ကာပူနိုင်ငံနှင့် ကိုရီးယားနိုင်ငံများသို့ တစ်ဆင့်ခံဖြစ်နေသဖြင့် တိုက်ရိုက်ချိတ်ဆက် တင်ပို့နိုင်ရေး၊ လုပ်ငန်းတိုးချဲ့နိုင်ရန် မြေနေရာရရှိရေးနှင့် လုပ်ငန်းချိန်အတွင်း လျှပ်စစ်မီး အပြည့်အဝရရှိရေး တို့ကို ပေါင်းစပ်ညှိနှိုင်း ဆောင်ရွက်ပေးမည်ဖြစ်ကြောင်းလည်း သိရသည်။
အဆိုပါသံရည်ကျိုလုပ်ငန်းအနေဖြင့် ၂၀၁၃ ခုနှစ်က နိုင်ငံတော်အဆင့် အလတ်စားစီးပွားရေး လုပ်ငန်းရှင်ဆု၊ ၂၀၁၈ ခုနှစ်တွင် ဒေသဆိုင်ရာထုတ်ကုန် အမျိုးအစား ဒုတိယဆု ရရှိထားသော လုပ်ငန်းဖြစ်ကြောင်းလည်း သိရသည်။
#ymg/mt
#Yangon_Media_Group
#Local_News
Published_ 3 October 2022
ရုပ်ရှင်သက်ကြီးကန်တော့ခံ သရုပ်ဆောင်ရဲမြတ်ညွန့်ကွယ်လွန်သွားကြောင်း မြန်မာနိုင်ငံရုပ်ရှင်အစည်း အရုံးမှသိရသည်၊၊
အောက်တိုဘာလ(၃)ရက် မနက်ပိုင်းက ကွယ်လွန်ခဲ့ခြင်းဖြစ်ပြီး ကွယ်လွန်ချိန်တွင် အသက်(၈၉)နှစ်ရှိပြီ ဖြစ်သည်၊၊
"ဒီကနေ့မနက်ပိုင်းက အဘ ရဲမြတ်ညွန့်ကွယ်လွန်သွားပါတယ်၊၊ အသက်ကတော့(၈၀) ကျော် (၉၀)နားနီးနေပါပြီ၊၊ သူရိုက်ကူးခဲ့တဲ့ အောင်မြင်ကျော်ကြားခဲ့တဲ့ ရုပ်ရှင်ဇာတ်ကားတွေများစွာရှိပါတယ်၊၊ သူက ဇာတ်ပို့ ဇာတ်ရံအလွှာက သက်ကြီးကန်တော့ခံတစ်ဦးဖြစ်ပါတယ်"လို့ မြန်မာနိုင်ငံရုပ်ရှင်အစည်းအရုံးမှ တာဝန်ရှိသူတစ်ဦးက ပြောသည်၊၊
သရုပ်ဆောင်ရဲမြတ်ညွန့်သည် မြန်မာရုပ်ရှင်နှင့် ဗီဒီယိုဇာတ်ကားများတွင် ရဲတပ်ဖွဲ့ဝင်အဖြစ်နှစ်ပေါင်းများစွာသရုပ်ဆောင်ခဲ့ပြီး ရဲဝတ်စုံနှင့် အသုံးအဆောင် ပစ္စည်းများငှားရမ်းခြင်းကိုလည်းဆောင်ရွက်ခဲ့ ကြောင်းသိရသည်၊၊
ရဲမြတ်ညွန့်သည် မကွယ်လွန်ခင်တွင် အိမ်ငှားမနေနိုင်သည့် အတွက်ရပ်ကွက်ရုံး နေရာလေးတွင် ခိုကပ်နေခဲ့ရကြောင်းလည်းသိရသည်၊၊
#ymg/tthl
#Yangon_Media_Group
#Local_News
Published _ 3 october 2022
ပြည်တွင်း အခေါက်ရွှေစျေးနှုန်းများ ဆက်လက်ကျဆင်းနေပြီး တစ်ကျပ်သားလျှင် ကျပ်၂၃ သိန်းအောက်စျေးဖြင့် စျေးစတင်ဖွင့်လှစ်ခဲ့ကြောင်း ပြည်တွင်း ရွှေဆိုင်များ၏ စျေးနှုန်းများအရ သိရသည်။
စက်တင်ဘာ ၁ ရက်က ရန်ကုန် နှင့် မန္တလေးတို့တွင် အခေါက်ရွှေ တစ်ကျပ်သားလျှင် ကျပ် ၃၁ သိန်း ၊ ၁၅ ပဲရည် တစ်ကျပ်သားလျှင် ကျပ်၂၉ သိန်းဝန်းကျင်အထိ မြင့်တက်ခဲ့ရာမှ စက်တင်ဘာ ၁၉ ရက်မှစ၍ စျေးနှုန်းများ ပြန်လည်ကျလာနေခြင်းဖြစ်သည်။
အောက်တိုဘာလ ၁ ရက်တွင် အခေါက်ရွှေ တစ်ကျပ်သားလျှင် ကျပ်၂၃ သိန်း ၊ ၁၅ ပဲရည် တစ်ကျပ်သားလျှင် ကျပ် ၂၂ သိန်းဝန်းကျင်ဖြင့် စျေးစတင်ဖွင့်လှစ်ခဲ့ခြင်းဖြစ်သည်။
ရွှေစျေးတွေက ဆက်တိုက်ကျဆင်းနေမည့်သဘောမှာ ရှိနေပြီး စျေးကွက်ထဲအရောင်းအဝယ်အေးနေကြောင်း ရန်ကုန်တိုင်းရွှေလုပ်ငန်းရှင်များအသင်းချုပ် ထံမှ သိရသည်။
ကမ်ဘာ့ရွှေစျေးဟာလည်း ကျဆင်းနေလျှက်ရှိသောကြောင့် ပြည်တွင်းရွှေစျေးကွက်မှာ အရောင်းအဝယ်သိပ်မရှိဘဲ စျေးကွက်အေးနေသည့် အနေအထားမျိုးဖြင့်ကြုံနေရပြီး လေလံစျေးကွက်မှာလည်း မေးမြန်းသူအနည်းငယ်သာရှိနေကာ ရောင်းချရမှုမရှိသေးကြောင်း ၎င်းထံမှ သိရှိရသည်။
#ymg/NN
#Yangon_Media_Group
#Local_News
Published _3 October 2022
ရခိုင်ပြည်နယ် ၊ သံတွဲ-ဂွကားလမ်း မိုင်တိုင်အမှတ်၊ ၆၅/၄ နှင့် ၆၅/၅ ကြား၊ ဘုရားတောင်ကွေ့တွင် စက်တင်ဘာလ ၂ ရက်က ကုန်တင်ကားနှင့် ဆိုင်ကယ်တစ်စီး တိုက်မိသောကြောင့် ဆိုင်ကယ်စီးနင်းသူ ၂ ဦး သေဆုံးမှုဖြစ်ပွားခဲ့ကြောင်း ရခိုင်ပြည်နယ်အစိုးရအဖွဲ့က သိရသည်။
သံတွဲမြို့နယ်၊ ကွေ့ချောင်းအုပ်စု၊ ရေစဉ်ကျေးရွာနေသူအသက် ၃၂ နှစ်အရွယ် အောင်ဆန်းလင်းက FUSO အမျိုးအစား ကုန်တင်ယာဉ်ကို သံတွဲဘက်မှ မောင်းနှင်လာစဉ် ဂွဘက်မှ သံတွဲဘက်သို့ ကျိုက်ထိုမြို့နယ် တစ်ဂိတ်ချောင်းဖျားကျေးရွာနေသူ အသက် ၁၈ နှစ်အရွယ် သက်ဇော်လွင် မောင်းနှင်ပြီး ညောင်ဦးမြို့နယ် အရှေ့ပုလင်းကျေးရွာနေသူ အသက် ၃၆ နှစ်အရွယ် နိုင်ဝင်း စီးနင်းလိုက်ပါလာသော Honda Dream 125 ဆိုင်ကယ်နှင့် လမ်းအကွေ့တွင် တိုက်မိခဲ့ခြင်းဖြစ်ကြောင်း သိရသည်။
ဆိုင်ကယ်စီးနင်းလာသူ ၂ ဦးအနက် နိုင်ဝင်းမှာ အခင်းဖြစ်ပွားရာနေရာ၌ပင် သေဆုံးသွားခဲ့ပြီး သက်ဇော်လွင်မှာလည်း ရရှိဒဏ်ရာများဖြင့် ဆပ်သွားဆေးရုံသို့ ပို့ဆောင်စဉ် လမ်းတွင်သေဆုံးသွားကြောင်း သိရသည်။
အဆိုပါ ယာဉ်တိုက်မှုနှင့်ပတ်သက်၍ ယာဉ်မဆင်မခြင်မောင်းနှင်သူများအား သက်ဆိုင်ရာနယ်မြေရဲစခန်းတွင် ဥပဒေနှင့်အညီ အမှုဖွင့်ထားကြောင်း သိရသည်။
#ymg/mt
#Yangon_Media_Group
#Local_News
Published _3 October 2022
အမြန်လမ်းတွင် MINI BUS တစ်စီး တိမ်းမှောက်မှုဖြစ်ပွားသောကြောင့် နှစ်ဦးဒဏ်ရာရသွားကြောင်း မြန်မာနိုင်ငံ မီးသတ်တပ်ဖွဲ့က သိရသည်။
အောက်တိုဘာလ ၂ ရက် ည ၁၁ နာရီခန့်အချိန်က ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၇၆/၁)နှင့်(၇၆/၂) ကြားတွင် ဖြစ်ပွားခဲ့ခြင်း ဖြစ်သည်။
အဆိုပါ HIGER MINI BUS (အဖြူရောင်)ယာဉ် တိမ်းမှောက်ရာနေ
ရာသို့ ဥသျှစ်ကုန်းအမြန်လမ်းမီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများသွားရောက် ဆောင်ရွက်ခဲ့ကြကြောင်း သိရသည်။
ယာဉ်ပေါ်ပါ အမျိုးသား(၅)ဦး၊ အမျိုးသမီး(၅)ဦးနှင့် ကလေး(၂)ဦးတို့အနက် အမျိုးသား(၂)ဦး ထိခိုက်ဒဏ်ရာရသွားသည့်အတွက် ၁၉၂ သူနာတင်ယာဉ်ဖြင့် မြို့ချောင်းဆေးရုံသို့ ပို့ဆောင်၍ဆေးကုသမှုခံယူနေကြကြောင်း သိရသည်။
#ymg/mt
#Yangon_Media_Group
#LocalNews
Published 2 Oct 2022
ကချင်ပြည်နယ်အတွင်း အသက် ၁၀၀ နှစ်နှင့်အထက် သက်ကြီးဘိုးဘွား ဘိုးဘွား ၂၀၀ ဦးခန့်အား အောက်တိုဘာလ ၂ ရက်တွင် ထောက်ပံ့ဂါရဝပြုခဲ့ကြကြောင်း ကချင်ပြည်နယ်အစိုးရအဖွဲ့က သိရသည်။
၂၀၂၂ ခုနှစ် အောက်တိုဘာလ ၁ ရက်တွင် ကျရောက်ခဲ့သော အပြည်ပြည်ဆိုင်ရာ သက်ကြီးရွယ်အိုများနေ့ အထိမ်းအမှတ်အဖြစ် ပြည်နယ်အစိုးရဖွဲ့မှ သက်ကြီးဘိုးဘွားတစ်ဦးလျှင် လှူဒါန်းငွေ ကျပ်တစ်သိန်းစီနှင့် ငွေကျပ် ၅၀၀၀၀ တန်ဖိုးရှိ လှူဖွယ်ပစ္စည်းများကို ထောက်ပံ့ဂါရဝပြုခဲ့ကြခြင်းဖြစ်ကြောင်း သိရသည်။
ထောက်ပံ့ဂါရဝပြုအခမ်းအနားသို့ တက်ရောက်သည့် အသက် ၁၀၀ နှစ်နှင့် အထက် ဘိုးဘွား ၅၀ ဦး ၊ တက်ရောက်နိုင်ခြင်းမရှိသည့် ပြည်နယ်အတွင်းမှ အသက် ၁၀၀ နှစ်နှင့် အထက် ဘိုးဘွား ၁၄၅ ဦးတို့ကို ထောက်ပံ့ဂါရဝပြု လှူဒါန်းခဲ့ကြခြင်းဖြစ်ကြောင်းလည်း သိရသည်။
ယင်းတွင် အသက်အကြီးဆုံး အသက် ၁၂၁ နှစ်အရွယ် တနိုင်းမြို့နယ်မှအဘွားတစ်ဦးအတွက် လှူဒါန်းငွေကျပ် ၂၅၀၀၀၀ ၊ အလားတူ ဒုတိယအသက်ကြီးဆုံးဖြစ်သည့် မြစ်ကြီးနားမြို့နယ်မှ အသက် ၁၁၂ နှစ်ရှိ အဘွားတစ်ဦးနှင့် မိုးညှင်းမြို့နယ်မှ အသက် ၁၁၀ နှစ်ရှိ အဘိုးတစ်ဦးတို့အတွက် တစ်ဦးလျှင်ငွေကျပ် ၂၀၀၀၀၀ စီ ထောက်ပံ့လှူဒါန်းပေးခဲ့ကြောင်း သိရှိရသည်။
"သက်ကြီးဘိုးဘွားတွေရဲ့ ဘဝလုံခြုံမှုရှိစေရေးနဲ့ သက်ကြီးရွယ်အိုတွေရဲ့ စွမ်းအားကို နိုင်ငံတော် တည်ဆောက်ရေးဖြစ်စဉ်တွေမှာထည့်သွင်းအသုံးပြုသွားနိုင်ဖို့အတွက်အခွင့်အလမ်းတွေ ဖန်တီးဆောင်ရွက်ပေးသွားမယ်"ဟု ပြည်နယ်ဝန်ကြီးချုပ် ဦးခက်ထိန်နန်က အခမ်းအနားတွင်ပြောကြားသွားသည်။
မြန်မာနိုင်ငံ၌ လက်ရှိတွင် အသက် ၁၀၀ နှစ် နှင့်အထက် အဘိုးအဘွားများအား ၂၀၁၅ ခုနှစ်က စတင်၍ ထောက်ပံ့ပေးနေခြင်း ဖြစ်ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနက သိရသည်။
ymg/mt
#Yangon_Media_Group
Page 2025 of 2529
