#LocalNews
Published - 6 April 2022

ချေးငွေလုပ်ငန်းဆိုပြီး အွန်လိုင်းလိမ်လည်မှုတွေရှိနေပြီး ချေးငွေလျှောက်ထားသူအများစုလိမ်လည်ခံနေရတယ်လို့ သိရပါတယ်။

ချေးငွေလုပ်ငန်းလုပ်ကိုင်သည်ဟု ဆိုသူများက ချေးငွေလျှောက်ထားသူများကို ယုံကြည်အောင်
ပြောဆိုပြီး စုကြေးငွေကြိုသွင်းစနစ်ဟုဆိုကာ ငွေကျပ် ၇၅,၀၀၀ ကျပ်ကို Wave Money မှတစ်ဆင့် ချေးငွေမထုတ်ခင် အရင်ကြိုတင်လွဲခိုင်းပြီး နောက်ငွေလွဲရောက်ပါက ငွေချေးယူသူများ၏ အ ကောင့်များကို ဘလော့ကာ လိမ်လည်သွားခြင်းဖြစ်တယ်လို့ သိရပါတယ်။

"မိဘအတွက် ကြိုးပမ်းပေးရင်းနဲ့ အလိမ်ခံလိုက်ရပါတယ်။ ပိုက်ဆံတွေတော့ကုန်သွားပြီ ချေးငွေလျှောက်ရင်း အလိမ်ခံရတာပါ။ လိမ်တဲ့သူတွေက Mountain Finance Loan Service နာမည်နဲ့ Page ပါ ငွေကျပ် ၇၅့၀၀၀ ပါသွားပါတယ်။"လို့ ငွေ ကြေးအလိမ်ခံလိုက်ရသူ တစ်ဦးက YMG ကို အခုလိုပြောပြခဲ့ပါတယ်။

ယခုကာလတွင် အွန်လိုင်းငွေချေးလုပ်ငန်းဆိုကာ ဖေ့ဘုတ်တွင် ပေ့စ်များစွာဖြင့် လိမ်လည်မှုတွေရှိ
နေတာဖြစ်ပြီး ချေးငွေလျှောက်ထားသူများကို မက်လုံးပေးအယုံသွင်းကာ ငွေကြေးများကိုလိမ်လည်နေခြင်းဖြစ်တယ်လို့ သိရပါတယ်။

"သူတို့က သိန်း ၃၀ အတွက် ၇၅,၀၀၀ ကျပ် အရင်သွင်းရမယ်ဆိုပြီး ပြောတာပါ။ ကျွန်မလည်း မိဘအတွက် ထူပူနေတော့ ပေးလိုက်မိတယ်။ ပြီးတော့မှ အလိမ်ခံရမှန်းသိတယ်။ သူတို့က ချေးငွေထုတ်ယူစဥ်ကာလမှာ စီပွားရေး၊ကျန်းမာရေး၊ နိုင်ငံရေးအခြေနေတွေကြောင့် လစဥ်အတိုးပေးသွင်းရမည့် နေ့ရက်ထက်ကျော်လွန်ခဲ့လျှင် ရက်ကျော်ဒဏ်ကြေးငွေပေးဆောင်ရတယ် အဲ့အတွက်ကြောင့် ချေးငွေယူမယ့်သူတွေအနေနဲ့ ရက်ကျော်ဒဏ်ကြေးကိုတောင်းဖို့ မအားလပ်တဲ့ အခါတွေမှာ ကြိုပေးထားတဲ့ငွေထဲက သူတို့ကနှုတ်မယ်ပေါ့နော်။ ချေးငွေသက်တမ်းကုန်မှ သူတို့က အဲ့ကြိုတင်ငွေကို ပြန်ပေးမယ်ဆိုပြီးတော့ လိမ်တာပါ။"လို့ ၄င်းက ဆက်လက်ပြောပြခဲ့ပါတယ်။

ပြီးခဲ့တဲ့ ရက်ပိုင်းအတွင်းက အွန်လိုင်းအာမခံ ငွေချေးလုပ်ငန်းဟုဆိုကာ မြန်မာနိုင်ငံရဲ့ ထင်ရှားတဲ့ စီးပွားရေးလုပ်ငန်းရှင်တစ်ဦးရဲ့ပုံဖြင့် အွန်လိုင်းဖေ့ဘုတ်ပေ့စ်ဖွင့်ပြီး လိမ်လည်မှုတွေရှိခဲ့သည့် အတွက် အဆိုပါစီးပွားရေးလုပ်ငန်းရှင်က ၄င်း၏ ပေ့စ်မဟုတ်ကြောင်းနဲ့ အဆိုပါလုပ်ငန်းအား လုပ်ကိုင်ခြင်းမရှိကြောင်း ပြန်လည်ရှင်းလင်းခဲ့ရမှုတွေလည်း ရှိခဲ့တာပါ။

"လူတွေက အမျိုးမျိုးလိမ်နေကြတာပေါ့။ ပြောရရင် နည်းလမ်းပေါင်းစုံနဲ့ လိမ်နေကြတာ အခုက အွန်လိုင်းခေတ်ဆိုတော့ပိုဆိုးပါတယ်။ သူတိုရဲ့ပစ်မှတ်က မသိနားမလည်တဲ့သူတွေ ဗဟုသုတမကြွယ်တဲ့သူတွေကို အဓိကပစ်မှတ်ထားပြီးတော့ လိမ်ကြပါတယ်။ ဒီနေ့ခေတ်မှာကျတော့ အွန်လိုင်းလိမ်လည်မှုတွေက ပိုများတာပေါ့။ တော်တော်များများ တွေ့ရတယ်။ ဒါတွေကို သတိပြု ဆင်ခြင်နိုင်ရင်တော့ အကောင်းဆုံးပါ။ ငွေကြေးကိစ္စမှ မဟုတ်ပါဘူး၊ အခြားလိမ်လည်မှုတွေလည်း အွန်လိုင်းမှာ အများအပြားရှိနေတာကို တွေ့ရပါတယ်။" လို့ အိုင်တီပညာရှင်တစ်ဦးက အွန်လိုင်းလိမ်လည်မှုတွေနဲ့ ပတ်သက်ပြီး ၄င်း၏အမြင်ကို ယခုလိုပြောပြခဲ့ပါတယ်။

ငွေချေးလုပ်ငန်းဟုဆိုကာ Mountain Finance Loan Service အမည်ဖြင့် လိမ်လည်နေ
သည့် FaceBook (Page)

ymg/kg
#Yangon_Media_Group

#LocalNews
Published_6 April 2022

ရန်ကုန်မြို့တော် စည်ပင်သာယာရေးကော်မတီ(YCDC)တွင် လာမည့် ဧပြီလ ၈ ရက်ထိ ပုဂ္ဂလိက မဏ္ဍပ်ဆောက်လုပ်လိုသူများ လာရောက်လျှောက်ထားနိုင်ကြောင်း သိရသည်။

"ကျွန်တော်တို့အနေနဲ့ ဧပြီလ ၄ ရက်ကနေ ၈ ရက်နေ့ထိကို မဏ္ဍပ်တွေလာရောက်လျှောက်ထားနိုင်တယ်လို့ ထုတ်ပြန်ပြီးပါပြီ။ခုထိတော့ လာလျှောက်တာ မရှိသေးဘူး"ဟု YCDC ၏ အရာထမ်းတစ်ဦးကပြောသည်။

မြို့တော်ခန်းမရှေ့က မဟာသင်္ကြန်မဏ္ဍပ်တွင် ဧပြီလ ၁၃ ရက်မှ ၁၆ ရက်ထိ သင်္ကြန်ယိမ်းအကအလှဖျော်ဖြေမှုများကို မြန်မာနိုင်ငံ ရုပ်ရှင်အစည်းအရုံးဝင်များနှင့် ချိတ်ဆက်လုပ်ဆောင်နေပြီး ပြိုင်ပွဲဝင်မည့်အဖွဲ့များလည်း ပါဝင်မည်ဖြစ်ကြောင်းသိရသည်။

မြန်မာ့ရိုးရာ မဟာသင်္ကြန်ပွဲတော်ကာလအတွင်းတွင် ရန်ကုန်မြို့တော်ခန်းမရှေ့ သင်္ကြန်မဏ္ဍပ်အနီးရှိ မဟာဗန္ဓုလလမ်းကို ဆူးလေးဘုရားလမ်းမှ ပန်းဆိုးတန်းလမ်းအထိ၊ဆူးလေးဘုရားလမ်းကို အနော်ရထာလမ်းမှ ကုန်သည်လမ်းထိ နံနက် ၇ နာရီမှ ညနေ ၆ နာရီထိ ခေတ္တပိတ်ထားမည် ဖြစ်ကြောင်းလည်း ထုတ်ပြန်ထားသည်။

ယခုအခါ မဟာသင်္ကြန်ပွဲတော်ကာလအတွင်း လျှပ်စစ်မီးပေးချိန်ကို ထပ်တိုးပေးနိုင်ရန်လည်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း-YESC က စီစဉ်လျက် ရှိသည်။

ymg/mt
#Yangon_Media_Group

#WorldHealth
Published 06 April 2022

အသက် ၆၀ နဲ့ ၇၀ ဝန်းကျင်အသက်အရွယ်တွေမှာ စန္ဒရားတီးလေ့လာသင်ယူခြင်းက ဦးနှောက်ချို့ယွင်းမှုမဖြစ်လာအောင် ထိန်းသိမ်းပေးနိုင်ကြောင်း သုတေသီများကလေ့လာတွေ့ရှိခဲ့ပါတယ်။

မှတ်ဉာဏ်နဲ့ အာရုံစူးစိုက်မှုပြဿနာများဝင်လာတဲ့အခါ ဦးနှောက်ထဲကအာရုံကြောမျှင်လေးတွေတည်ရှိတဲ့ ဦးနှောက်အစိတ်အပိုင်းဟာ ချို့ယွင်းလာတတ်ပါတယ်။

စန္ဒရားတီးလေ့ကျင့်သင်ယူခြင်းဖြင့် ထိုဦးနှောက်အစိတ်အပိုင်းကို သန်မာအားကောင်းစေမှာဖြစ်ကြောင်း သိပ္ပံပညာရှင်များတွေ့ရှိခဲ့ကြပါတယ်။

အပတ်စဉ် စန္ဒရားတီးလေ့ကျင့်မှုများကို ၆ လတိုင်ပြုလုပ်ခြင်းဖြင့် အကျိုးအာနိသင်ခံစားလာရမှာဖြစ်ပါတယ်။

အင်္ဂလန်နိုင်ငံမှာ သတိမေ့လျော့ခြင်းဝေဒနာ(Dementia )အဖြစ်များလာတဲ့ ပြဿနာကြုံတွေ့နေရပြီး ၂၀၄၀ ခုနှစ်မှာ သတိမေ့လျော့ခြင်းဝေဒနာ ခံစားရနိုင်ဖွယ်ရှိတဲ့သက်ကြီးရွယ်အိုအရေအတွက်ဟာ ၈ သိန်းကနေ ၁ သန်းကျော်အထိ ရှိလာနိုင်ပါတယ်။

လေ့လာသုံးသပ်ချက်များအရ တေးဂီတတူရိယာတစ်ခုခုကို တီးမှုတ်လေ့ကျင့်ခြင်းက ထိုဝေဒနာကိုကာကွယ်နိုင်တယ်လို့ ဖော်ပြထားကြပါတယ်။

ဒါပေမဲ့လေ့လာခဲ့တဲ့သူတွေက ပညာရှင်တွေနဲ့ ငယ်စဉ်ကတည်းက တီးခတ်လာတဲ့သူတွေဖြစ်ပါတယ်။

ဒါကြောင့် အသက်ကြီးမှ စန္ဒရားတီးလေ့ကျင့်သင်ယူခြင်းက ဦးနှောက်ကို အထောက်အကူဖြစ်စေလားဆိုတာကို သိပ္ပံပညာရှင်တွေက လေ့လာခဲ့ကြပါတယ်။

ဂီတတူရိယာလုံးဝအသုံးမပြုဖူးတဲ့ အသက် ၆၀ မှ ၇၀ ဝန်းကျင်လူ ၁၂၁ ယောက်ကို လေ့လာသုံးသပ်ခဲ့ကြပါတယ်။

စမ်းသပ်မှုမလုပ်ခင်နဲ့ စမ်းသပ်မှုလုပ်ပြီးတဲ့အချိန်မှာ ဦးနှောက်ထဲရှိ fornix လို့ခေါ်တဲ့ အစိတ်အပိုင်းကို စကင်ဖတ်လိုက်ပါတယ်။

ထိုအစိတ်အပိုင်းဟာ အာရုံကြောအမျှင်လေးတွေရှိတဲ့နေရာဖြစ်ပြီး အသက်အရွယ်ကြီးလာတဲ့အခါ မှတ်ဉာဏ်သိရှိမှုအပိုင်းမှာ ချို့ယွင်းလာတတ်ပါတယ်။

ထိုလူတွေထဲမှတဝက်ကို အပတ်တိုင်းစန္ဒရားသင်ခန်းစာ ၁ နာရီဖြင့် ၆ လအထိသင်ကြားပေးခဲ့ပြီး အိမ်မှာတော့ နေ့စဉ်နာရီဝက်လေ့ကျင့်ခိုင်းခဲ့ပါတယ်။

နောက်ထပ်လူတဝက်ကိုတော့ သီချင်းဂီတအမျိုးမျိုးကို နားထောင်ခိုင်းခြင်းသာ ပြုလုပ်စေခဲ့ပြီး လိုက်လံသီဆိုခြင်း၊ တီးမှုတ်ခြင်း၊ လက်ခုပ်တီးခြင်းတို့ကိုတောင် မပြုလုပ်စေခဲ့ပါဘူး။

အဲဒီနောက်မှာတော့ စန္ဒရားတီးသင်ယူလေ့ကျင့်နေတဲ့သူတွေမှာ ဦးနှောက်လုပ်ဆောင်မှုကျဆင်းသွားခြင်းမရှိတာကို တွေ့ရှိခဲ့ကြပါတယ်။

စန္ဒရားတီးလေ့ကျင့်ခြင်းမရှိတဲ့သူတွေမှာတော့ အာရုံကြောမျှင်များကျဲပါးလာပြီး သတိမေ့လျော့ခြင်းနဲ့ မှတ်ဉာဏ်ချို့ယွင်းမှုတွေ ဖြစ်လာနိုင်ချေများနေတာကို တွေ့ခဲ့ရပါတယ်။

အသက်အရွယ်ကြီးတဲ့အချိန်မှ ဂီတတူရိယာလေ့ကျင့်သင်ယူခြင်းဟာ ထိရောက်မှုရှိပေမယ့် သင်ယူတဲ့နေရာမှာတော့ စိတ်ပါဝင်စားဖိုတော့လိုအပ်ပါတယ်။

ဦးနှောက်လုပ်ဆောင်မှုတိုးတက်လာခြင်းက စန္ဒရားတီးသင်ယူခြင်းနဲ့ဆက်စပ်နေပါတယ်လို့ သုတေသီများက ရေးသားဖော်ပြသွားပါတယ်။

Source: Dailymail.
#Yangon_Media_Group

#Local_News
Published_ 6 April 2022

၂၀၂၀ ပြည့်နှစ် တက္ကသိုလ်ဝင်စာမေးပွဲအောင်မြင်သူများအတွက် ဆေးတက္ကသိုလ်များနှင့် ဆေးပညာနှီးနွယ် တက္ကသိုလ်များသို့ တက်ခွင့်ရစာရင်း မကြာမီထုတ်ပြန်သွားမှာ ဖြစ်ကြောင်း နေပြည်တော်မှာ ဧပြီ ၅ရက်က ပြုလုပ်တဲ့ ဘွဲ့လွန်ဆေးပညာ သင်ကြားရေးအဖွဲ့ အစည်းအဝေးမှ သိရပါတယ်။

ကျန်းမာရေးဝန်ကြီးဌာန ကျန်းမာရေးလူ့စွမ်းအားအရင်းအမြစ်ဦးစီးဌာန ဆေးတက္ကသိုလ်များနှင့် ဆေးပညာနှီးနွယ်တက္ကသိုလ်များတွင် ၂၀၂၂ ပညာသင်နှစ် ဘွဲ့လွန်ဆေးပညာ သင်တန်းများဖွင့်လှစ်ရန် ဘွဲ့လွန်ဆေးပညာ သင်ကြားရေးအဖွဲ့ အစည်းအဝေး (၁/၂၀၂၂) ကို ယနေ့နံနက် ၁၀ နာရီတွင် ကျင်းပခဲ့တာဖြစ်ပါတယ်။

ကျန်းမာရေး လူ့စွမ်းအားအရင်းအမြစ်ဦးစီးဌာန၊ ဆေးတက္ကသိုလ်များနှင့် ဆေးပညာ နှီးနွယ် တက္ကသိုလ်များတွင် ဖွင့်လှစ်ရန် ကျန်ရှိနေသော ဘွဲ့ကြိုသင်တန်းများ အားလုံးကို ၂၀၂၂ ခုနှစ် ဧပြီနှင့် မေလတို့တွင် ဖွင့်လှစ်မှာ ဖြစ်ပါတယ်။

ယခုနှစ် ၂၀၂၂ ခုနှစ် တက္ကသိုလ်ဝင်စာမေးပွဲ ဖြေဆိုအောင်မြင်သူများအတွက် ဆေးတက္ကသိုလ်များနှင့် ဆေးပညာနှီးနွယ် တက္ကသိုလ်များသို့ ဝင်ခွင့်ရွေးချယ်ရာတွင် ဆရာဝန်စိတ်ဓာတ်အပြည့်အဝရှိပြီး စေတနာ၊ ဝါသနာနှင့် ပြည့်စုံသည့် ဆေးပညာရှင်နှင့် သွားဘက်ဆိုင်ရာ ဆေးပညာရှင်များကို မွေးထုတ်နိုင်ရန်ရည်ရွယ်၍ (၆) ဘာသာပေါင်း ရမှတ်အပေါ် အခြေခံပြီး (၃) ဘာသာရမှတ်ပေါင်းဖြင့် စိစစ်ရွေးချယ်ပြီး ဝင်ခွင့်စာမေးပွဲဖြေဆိုရွေးချယ်သောစနစ်ဖြင့် ဆောင်ရွက်သွားမှာပါ။

ကျန်းမာရေး လူ့စွမ်းအားအရင်းအမြစ် ဦးစီးဌာနအောက်ရှိ ဆေးတက္ကသိုလ်များနှင့် ဆေးပညာနှီးနွယ်တက္ကသိုလ်များတွင် ဘွဲ့လွန်သင်တန်းများကို ၁၉၆၄ ခုနှစ်တွင် စတင်ဖွင့်လှစ်ခဲ့ပြီး ၂၀၂၁ ခုနှစ် ဒီဇင်ဘာလ ၃၁ ရက်အထိ ဖွင့်လှစ်ပို့ချခဲ့သော ဘွဲ့လွန်သင်တန်းများမှ ဒီပလိုမာဘွဲ့ရရှိသူပေါင်း (၃၇၂၇) ဦး၊ ဆေးပညာမဟာသိပ္ပံဘွဲ့ ရရှိသူပေါင်း (၁၀၉၃၆) ဦး၊ ပါရဂူဘွဲ့ရရှိသူပေါင်း (၁၅၀၆) ဦး မွေးထုတ်ပေးနိုင်ခဲ့ပါတယ်။

ymg-mnn
#Yangon_Media_Group

#WorldWildlife
Published 05 April 2022

အီရတ်နိုင်ငံတောင်ပိုင်းရှိစိမ့်မြေတွေမှာ တိရိစ္ဆာန်ဆေးကုဆရာဝန်များက လယ်သမားများမွေးမြူထားတဲ့ကျွဲများကို အရေးပေါ်သွားရောက်ကုသဖို့အတွက် မော်တော်ဘုတ်ငယ်ဖြင့် သွားလာလေ့ရှိပါတယ်။

#Yangon_Media_Group

#LocalNews
Published 5 Apr

၂၀၂၂ က ဇန်နဝါရီလ ၁ ရက်နေ့မှ မတ်လ ၃၁ ရက်အထိ ထိုင်းနိုင်ငံအတွင်းသို့ တရားမဝင် ဝင်ရောက်သူ မြန်မာနိုင်ငံသား ၁၁,၀၀၀ ကျော်ဖမ်းဆီးခံခဲ့ရတယ်လို့ ထိုင်းနိုင်ငံအခြေစိုက် မြန်မာပြည်သားများအရေး ပူးတွဲလှုပ်ရှားမှုကော်မတီ(JACBA)က သိရပါတယ်။

#Yangon_Media_Group

#LocalNews
Published_5 April 2022

ဂလိုဘယ်ဓမ္မဖောင်ဒေးရှင်းတက္ကသိုလ် (Global Dhamma Foundation University) က ၂၀၂၂-၂၀၂၃ ပညာသင်နှစ်အတွင် အခမဲ့ Diploma in Buddhist English တစ်နှစ်သင်တန်းနဲ့ B.A in Buddhist English သုံးနှစ်သင်တန်းတွေကို ခေါ်ယူနေပါပြီ။

#Yangon_Media_Group

Published 5 April 2022

ဆွီဒင်နိုင်ငံ စတော့ဟုမ်းမြို့တော်ရဲ့ ဆင်ခြေဖုံးမှာ မကြာမီက ဖွင့်လှစ်ခဲ့တဲ့ ယူဆီယမ် "Youseum" လို့အမည်ပေးထားတဲ့ ပြတိုက်ဟာ လာရောက်ကြည့်ရှုတဲ့ ဧည့်သည်တွေအတွက် ဆဲလ်ဖီးဆွဲဖို့နှင့် ဗွီဒီယိုရိုက်ကူးဖို့  ပျော်စရာကောင်းတဲ့ နောက်ခံအပြင်အဆင်တွေ ဖန်တီးပေးထားပါတယ်။အဲဒီဆဲလ်ဖီးပြတိုက်ကို ကြိုက်နှစ်သက်သူတွေ အတော့်ကိုများနေပါတယ်။

ဒီစိတ်ကူးကို ၂၀၁၉ ခုနှစ်တုန်းက အမ်စတာဒမ်မှာစတင်ခဲ့ပြီး ယခုဆိုရင် ဂျာမနီနှင့် အရှေ့အလယ်ပိုင်းအပါအဝင် ကမ္ဘာအနှံ့ပျံ့နှံသွားပါပြီ။

Source AFP

#LocalNews
Published - 5 April 2022

ပုဂံဒေသသို့ ခရီးသွားများ ဝင်ရောက်လာသည့်အတွက် ဒေသခရီးသွားလုပ်ငန်းများကိုလည်း ပြန်လည်စတင်လည်ပတ်နေကြပြီဖြစ်တယ်လို့ ပုဂံဒေသရှိ ခရီးသွားလုပ်ငန်း လုပ်ကိုင်သူများထံမှ သိရပါတယ်။

"အရင်နှစ်တွေကနဲ့ မတူပါဘူး။ အရင်( ၂) နှစ်လောက်က ဒီလုပ်ငန်းတွေက ရပ်နားထားရတာ ပေါ့။အခုနှစ်ရယ် ပြီးခဲ့တဲ့နှစ်ကစပြီး ဒေသလုပ်ငန်းတွေ ပြန်လည်ပတ်လို့ရခဲ့ပါတယ်။

ဒေသခံတွေအတွက်လည်း အဆင်ပြေသွားတာ ပေါ့။ အလုပ်အကိုင် အခွင့်အလမ်းတွေ ပြန်ပြီးတော့ ဖွံ့ဖြိုးလာတယ်။ အရင်ကဆို ခရီးသွားတွေမရှိတဲ့အတွက် ဒေသလုပ်ငန်းတွေမိရိုးဖလာလုပ်ငန်းတွေကို (၂)နှစ်လုံးလုံး ရပ်ထားရတာပေါ့။

ဘာပဲပြောပြော အဲ့တုန်းကဆိုရင် မြို့ခံတွေက အဆင်မပြေဘူး။ တစ်ယောက်နဲ့ တစ်ယောက် ဈေးရောင်းကြ ပြန်ဝယ်ကြနဲ့ပဲ နေလာရတာ အခုက ခရီးသွားလုပ်ငန်းတွေကို ပြန်လုပ်လို့ရပြီဆိုတော့ ဘယ်လိုပြောမလဲ ပိုက်ဆံလေးလည်း ရွှင်ရွှင်ပြပြရှိလာတာပေါ့ ။"လို့ ပုဂံဒေသရှိ ခရီးသွားလုပ်ငန်းလုပ်ကိုင်သူတစ်ဦးက အခုလို ပြောပြခဲ့ပါတယ်။

လက်ရှိကာလမှာ ပုဂံဒေသသို့ ပြည်တွင်းခရီးသွားဝင်ရောက်မှုတွေ များပြားနေတာဖြစ်ပြီး ၁၀၀ မှာ ၇၀ ရာခိုင်နှုန်းခန့်အထိ ပုဂံဒေသသို့ ခရီးသွားတွေ ပြန်လည်ဝင်ရောက်လာခဲ့ကြတာဖြစ်ပါတယ်။

ဒါ့အပြင် ခရီးသွားများအတွက် ပုဂံဒေသရှိ ဘုရားစေတီပုထိုးများကို ပုံမှန်တိုင်းဖွင့်လှစ်ပေးထားပြီး ဘုရားဖူးများတည်းခိုနားနေနိုင်ရန်အတွက် ဟိုတယ်၊ မိုတယ်များကိုလည်း ပုံမှန်အတိုင်းဖွင့်လှစ်ပေးထားတာဖြစ်ပါတယ်။

"ခရီးသွားတွေက ပြန်ဝင်လာတယ်။ မနှစ် နှစ်ကုန်ပိုင်းလောက်ကစပြီးတော့ ပြန်ဝင်လာကြတာပေါ့။ ၁၀၀ မှာ ၅၀ တောင်မဟုတ်ဘူး။ ၇၀ ၊ ၈၀ လောက်ကို ပြန်ဝင်လာကြပါတယ်။"လို့ ၎င်းက ဆက်လက်ပြောပြခဲ့ပါတယ်။

ထို့အပြင် ယခုသင်္ကြန်ရုံးပိတ်ရက်ကာလများမှာလည်း ပုဂံဒေသသို့ ခရီးသွားဧည့်သည်တွေ ဝင်ရောက်မှုများပြားနိုင်မယ်လို့ ခရီးသွားလုပ်ငန်းလုပ်ကိုင်သူတွေက ခန့်မှန်းထားကြတာပါ။

ကိုဗစ် ၁၉ ရောဂါ ဖြစ်ပွားမှုတွေလျော့ကျလာခဲ့တဲ့ ပြီးခဲ့တဲ့ ၂၀၂၁ ခုနှစ်၊ နှစ်ကုန်ပိုင်းမှစလို့ ကမ်းခြေဒေသနှင့် ပုဂံဒေသသို့ ပြည်တွင်းခရီးသွားတွေကို ပြန်လည်ဝင်ရောက်ခွင့်ပြုခဲ့တာလည်း ဖြစ်ပါတယ်။

ymg/kg
#Yangon_Media_Group

#LocalNews
Published - 5 April 2022

မတ်ပဲတစ်တင်းကို ကျပ် ၅၀,၀၀၀ နီးပါးထိ ရှိခဲ့ရာကနေ အခုရက်ပိုင်းအတွင်း မတ်ပဲ တစ်တင်း ကျပ် ၅၀၀ ကနေ ၁,၀၀၀ ကြား ဈေးနှုန်းကျဆင်းနေတယ်လို့ ဧရာကုန်သွယ်မှုဗဟိုဌာန မြန်မာကုန်သွယ်မှုမြှင့်တင်ရေးအဖွဲ့က ဒီကနေ့ ထုတ်ပြန်ထားပါတယ်။

အိန္ဒိယနိုင်ငံအစိုးရက မတ်ပဲတင်သွင်းမှုကာလကို တစ်နှစ်တိုးမြှင့်သတ်မှတ်ပေးလိုက်ပြီးနောက် မြန်မာမတ်ပဲဈေးနှုန်းများ ကျဆင်းလာခဲ့တယ်လို့ ဆိုပါတယ်။

ယခုအခါ မြန်မာနိုင်ငံဗဟိုဘဏ်မှ ထုတ်ပြန်လိုက်တဲ့ ငွေကြေးပေါ်လစီအပြောင်းအလဲဟာ exporter တွေအပေါ် များစွာအကျိုးသက်ရောက်မှုရှိနေပြီး၊ ကုန်စည်များ အရောင်းအဝယ်ဖြစ်မှု နှေးကွေးသွားတယ်လို့ ဖော်ပြထားပါတယ်။

ငွေကြေးပေါ်လစီပြောင်းလဲသွားစေကာမူ FOB / CFR ဈေးနှုန်းများ မပြောင်းလဲသဖြင့် exporter များအနေနဲ့ တင်ပို့မယ့်ကုန်ပစ္စည်းကို ဈေးကိုက်ညီအောင်ဝယ်ယူရမှာဖြစ်တဲ့အတွက် ပို့ကုန်ပစ္စည်းဈေးနှုန်းများ ဆက်လက်ကျဆင်းမှာဖြစ်ပြီး၊ မတ်ပဲနဲ့ ပဲမျိုးစုံဈေးကွက်ကို ပိုမိုထိခိုက်လာနိုင်ကြောင်း ဈေးကွက်လေ့လာသူများက သုံးသပ်ထားတယ်လို့ သိရပါတယ်။

နေ့စဉ် ဈေးနှုန်းထပ်မံကျဆင်းလာရာ ပြီးခဲ့သည့် သီတင်းပတ်အတွင်းဖြစ်ပေါ်ခဲ့တဲ့ မတ်ပဲဈေးနှုန်းများမှာ မတ်လ ၂၇ ရက်နေ့တွင် မတ်ပဲတစ်တင်းဈေးနှုန်း ကျပ် ၄၉,၀၀၀၊ ၂၈ ရက်နေ့တွင် ကျပ် ၄၉,၇၀၀၊ ၂၉ ရက်နေ့တွင် ကျပ် ၄၉,၀၀၀၊ ၃၀ ရက်နေ့တွင် ကျပ် ၄၈,၅၀၀၊ ၃၁ ရက်နေ့တွင်ကျပ် ၄၆,၄၀၀၊ ဧပြီ ၁ ရက်နေ့တွင်ကျပ် ၄၈,၀၀၀၊ ၂ ရက်နေ့တွင်ကျပ် ၄၇,၆၀၀၊ ၃ ရက်နေ့တွင်ကျပ် ၄၆,၇၀၀၊ ၄ ရက်နေ့တွင်ကျပ် ၄၄,၀၀၀၊ ၅ ရက်နေ့တွင်ကျပ် ၄၆,၅၀၀ အသီးသီးဖြစ်တယ်လို့ ဧရာကုန်သွယ်မှုဗဟိုဌာနရဲ့ ဖော်ပြချက်အရ သိရပါတယ်။

ymg/ei
#Yangon_Media_Group

#Local_News
Published_ 5 April 2022

ပုဂံ ရွှေစည်းခုံဘုရားအနီးရှိ ချူအင်လိုင်းတန်ဆောင်း ပြုပြင်မွမ်းမံခြင်းစီမံကိန်း တည်ဆောက်ပြီးစီးခြင်းအခမ်းအနားကို ဧပြီ ၄ ရက်က ကျင်းပခဲ့ပါတယ်။

အခမ်းအနားသို့ မြန်မာနိုင်ငံဆိုင်ရာတရုတ်သံရုံးမှ သံမှူးကြီး Ms. Li Xiao Yan ၊ မန္တလေးအခြေစိုက် တရုတ်ကောင်စစ်ဝန်ချုပ်ရုံး ဒုတိယကောင်စစ်ဝန်ချုပ် Mr. Zhang Wei ၊ ရွှေစည်းခုံစေတီတော်ဂေါပကအဖွဲ့ ဥက္ကဌ ဦးကျော်မြင့်၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ပုဂံဌာနခွဲ) ညွှန်ကြားရေးမှူး ဦးကျော်မျိုးဝင်း၊ မြန်မာ-တရုတ်ဗုဒ္ဓဘာသာချစ်ကြည်နှီးနှောဖလှယ်ရေးအဖွဲ့ နာယကဒေါ်နီနီနှင့် ဒေသခံများ တက်ရောက်ခဲ့ကြပါတယ်။

သံမှူးကြီး Ms. Li Xiao Yan က ၁၉၆၁ ခုနှစ် ဇန်နဝါရီလ ၈ ရက်နေ့က ဝန်ကြီးချုပ်ချူအင်လိုင်း မြန်မာနိုင်ငံသို့ ခရီးစဉ်လာရောက်စဉ်အတွင်း ပုဂံသို့ လာရောက်ခဲ့ပြီး မြန်မာကျပ်ငွေငါးထောင် လှူဒါန်းခဲ့ကြောင်း၊ မြန်မာနိုင်ငံက ထိုမတည်အလှူတော်ငွေနှင့် အများပြည်သူတို့ စုပေါင်းလှူဒါန်းငွေဖြင့် ပြည်သူများ နားနေနိုင်ရန် ဤတန်ဆောင်းကို ဆောက်လုပ်ခဲ့ကြောင်း၊ ဝန်ကြီးချုပ်ချူအင်လိုင်းသည် တရုတ်-မြန်မာချစ်ကြည်ရင်းနှီးမှုကို ဆောင်ကြဉ်းပေးသူ ဖြစ်ကြောင်း၊ ဤတန်ဆောင်းကို ကောင်းမွန်စွာ ထိန်းသိမ်းစီမံခန့်ခွဲခြင်းသည် တရုတ်-မြန်မာ နှစ်ဦးနှစ်ဖက်၏ ဘုံဆန္ဒဖြစ်ရုံသာမက ဘုံတာဝန်နှင့် သမိုင်းပေးတာဝန်လည်း ဖြစ်ကြောင်း၊ တရုတ်-မြန်မာနှစ်ဦးနှစ်ဖက်၏ အတူတကွကြိုးပမ်းမှုအောက်တွင် အသစ်တစ်ဖန် ပြန်လည်မွမ်းမံထားသောတန်ဆောင်းက ဒေသခံပြည်သူများအား ဝန်ဆောင်မှုပေးရန်နဲ့ ဆွေမျိုး ပေါက်ဖော်ချစ်ကြည်ရေး လက်ဆင့်ကမ်းရန်အတွက် ပိုမိုကြီးမားသော အခန်းကဏ္ဍမှ ပါဝင်မည်ဟု ယုံကြည်ကြောင်း ပြောကြားခဲ့ပါတယ်။

ထို့နောက် ဂေါပကအဖွဲ့ဥက္ကဌ ဦးကျော်မြင့်က ရွှေစည်းခုံစေတီတော်ကြီးသို့ ကမ္ဘာ့နိုင်ငံအသီးသီးမှ နိုင်ငံခေါင်းဆောင်များ မကြာခဏလာရောက်ပြီး အလှူငွေများ လှူဒါန်းလေ့ရှိကြကြောင်း၊ ထိုကဲ့သို့ လှူဒါန်းကြသည့် အလှူရှင်များစွာထဲမှ ဝန်ကြီးချုပ်ချူအင်လိုင်း လှူဒါန်းငွေကို အထူးဝိသေသပြုရွေးချယ်ပြီး ဘုရားဖူးဧည့်သည်များ နားနေတည်းခိုနိုင်ရန် အဆောက်အဦး ဆောက်လုပ်ကမ္ဗည်းရေးထိုးထားခဲ့ခြင်းသည် မြန်မာ-တရုတ်ချစ်ကြည်ရေးကို အလေးထားမှုကို ပေါ်လွင်ထင်ရှားစေခဲ့ကြောင်း ပြောကြားခဲ့ပါတယ်။

ဆွေမျိုးပေါက်ဖော်ချစ်ကြည်ရေးကို ဆက်လက်ထိန်းသိမ်းပြီး ချူအင်လိုင်း တန်ဆောင်းကို ပိုမိုထိရောက်စွာ အသုံးပြုနိုင်စေရန်အတွက် မြန်မာနိုင်ငံဆိုင်ရာ တရုတ်သံရုံးသည် သာသနာရေးနှင့်ယဉ်ကျေးမှုဝန်ကြီးဌာန၊ မန္တလေးတိုင်းဒေသကြီး အစိုးရအဖွဲ့၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ပုဂံဌာနခွဲ)၊ ရွှေစည်းခုံစေတီတော်ဂေါပကအဖွဲ့တို့နှင့် ဆွေးနွေးညှိနှိုင်းပြီးနောက် တန်ဆောင်းကို ပြုပြင်မွမ်းမံပြီး ပြည်သူများအသုံးပြုနိုင်ရန်အတွက် ဖွင့်လှစ်ခဲ့တာဖြစ်ပါတယ်။

ymg-mnn
#Yangon_Media_Group

#LocalNews
Published - 5 April 2022

နယ်လိုင်စင်ကားတွေ အဝယ်လိုက်နေပြီး ဈေးကွက်တွင် ကြိုက်ရောင်းကြိုက်ဝယ်ပုံစံဖြင့်သာ
အရောင်းအဝယ်တွေဖြစ်နေတယ်လို့ ပြည်တွင်းကားဈေးကွက်အတွင်းမှ စုံစမ်းသိရှိရပါတယ်။

#Yangon_Media_Group