#Local_News
Published 03 April 2026

■ မျိုးပြုန်းပျောက်ကွယ်မည့်ဘေးနှင့် ရင်ဆိုင် နေရပြီးလူသားတို့၏ ထိန်းသိမ်းစောင့်ရှောက်မှုကို လိုအပ်သောမျောက်ပင့်ကူ‌ ( Brown Headed Spider Monkey ) များအား ရန်ကုန်တိရစ္ဆာန်ဥယျာဥ်တွင် ပြသထားရာ လာရောက်လေ့လာနိုင်မည်ဖြစ်ကြောင်း သိရသည်။

■ မျောက်ပင့်ကူမျိုးစိတ်များသည် အမေရိကတိုက် အလယ်ပိုင်း မှ တောင်အမေရိက မြောက်ဘက်ပိုင်းထိ ပင်လယ်ရေမျက်နှာပြင် အထက်မီတာ ၁၀၀ မှ ၁၇၀၀ ကြားတွင်ရှိသော အပူပိုင်း နှင့် စိုစွတ်သည့် သစ်တောများတွင် နေ့ထိုင်လေ့ရှိကြကြောင်း၊ ကိုယ်လုံးကိုယ်ထည်မှာ သွယ်လျကာ ရှည်လျားသော ခြေတံ လက်တံများ နှင့် အမြှီးသည် ခန္ဓာကိုယ်အလျားထက် ပို၍ ရှည်လျားပြီး  သစ်ပင်သစ်ကိုင်းများကြားမှာ လှည့်ပတ်နေထိုင်ရန် နှင့် အစာရှာဖွေရာမှာ “ ပဉ္စမမြောက် လက် “ အနေဖြင့်အသုံးပြုကြကြောင်းသိရသည်။

■ မျောက်ပင့်ကူများသည် သစ်တောများ ထူထပ်သောနေရာမျိုးတွင်သာ ရွေးချယ်နေထိုင်ကြပြီး ယနေ့အချိန်တွင် ၎င်းတို့၏ ကျင်လည်ရာ ရေမြေတောတောင် များ ပျက်စီးဆုံးရှုံးလာမှု၊ သစ်တောများ ခုတ်ထွင်ရှင်းလင်းလာမှုနှင့် အမဲလိုက်ဖမ်းဆီးမှုများကြောင့် မျိုးပြုန်းပျောက်ကွယ်မည့်ဘေးနှင့် ရင်ဆိုင်ရလျက်ရှိကြောင်း ၊၎င်းတို့သည်နေ့ဘက်တွင်လှုပ်ရှား သွားလာကြပြီး သစ်ပင်များပေါ်၌ အများဆုံး နေထိုင်လေ့ရှိကြကာ ရှည်လျားသွယ်လျသော ခန္ဓာကိုယ်ကို ရှိခြင်းကြောင့် အမြင့် (၉)မီတာ ပေ (၃၀)ကျော် အထိပင် ခုန်ကူးနိုင်ကြပြီး သစ်တောများထူထပ်သောနေရာမျိုးတွင်သာ ရွေးချယ်နေထိုင်ကြကြောင်းသိရသည်။

#YMG/SW #Yangon_Times