#Local_News
Published 30 September 2026

■ “Naypyitaw” ဟု အမည်ပေးထားသည့် MAI ၏ ATR 72-600 လေယာဉ်သစ် XY-ANE
ပြင်သစ်နိုင်ငံမှ ရောက်ရှိလာရာကြိုဆိုခဲ့ကြောင်း Myanmar Airways International (MAI) ကအသိပေးထားသည်။

■ အဆိုပါလေယာဉ်သည် ပြင်သစ်နိုင်ငံ Toulouse မြို့မှ ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာခဲ့ပြီး ရေဖြန်းဂုဏ်ပြုကြိုဆိုမှုဖြင့် ဂုဏ်ပြုခဲ့ကြောင်း ၊ XY-ANE သည် MAI ၏ ATR 72-600 လေယာဉ်အုပ်စုတွင် အသစ်ထပ်မံဝင်ရောက်လာသော လေယာဉ်ဖြစ်ပြီး လေယာဉ်အုပ်စုတိုးချဲ့ရေးနှင့် မြန်မာနိုင်ငံအတွင်းရှိ ပြည်တွင်းလေကြောင်းဆက်သွယ်မှုများအပြင် ဒေသတွင်းနိုင်ငံများနှင့် လေကြောင်းဆက်သွယ်မှုများကို ပိုမိုအားကောင်းစေရန် အထောက်အကူပြုမည်ဖြစ်သည်ဟုဆိုထားသည်။

■ ထို့အပြင် MAI အနေဖြင့်လည်း လေကြောင်းကွန်ရက်များကို ဆက်လက်တိုးချဲ့ပြီး မြန်မာနိုင်ငံနှင့် ဒေသတွင်းနိုင်ငံများအကြား ခရီးစဉ်ဆက်သွယ်မှုများ ပိုမိုရရှိစေရန် ဆောင်ရွက်သွားမည်ဟု ဖော်ပြထားသည်။

#YMG/NN #Yangon_Times