#Local_News
Published 02 July 2026

■ (၁၀၄) ကြိမ်မြောက် အပြည်ပြည်ဆိုင်ရာသမဝါယမနေ့ကို ကြိုဆိုဂုဏ်ပြုတဲ့အနေနဲ့ အကြိုဈေးရောင်းပွဲတော်ကို ယမာန်နေ့မနက်ပိုင်းက ဗဟန်းမြို့နယ်ရှိ တိုင်းသမဝါယမဦးစီးဌာနမှာ ကျင်းခဲ့ရာ ဆိုင်ခန်းပေါင်း ၄၀ ကျော်ဖြင့်ပြသရောင်းချခဲ့ကြောင်းသိရသည်။

■ အဆိုပါ (၁၀၄) ကြိမ်မြောက် အပြည်ပြည်ဆိုင်ရာသမဝါယမနေ့ အထိမ်းအမှတ် အကြိုဈေးရောင်းပွဲတော်တွင် ဒေသထွက်ကုန်များနှင့် သမဝါယမထုတ်ကုန် ဆိုင်ခန်းပေါင်း (၄၀) ခန်း၊ စတုဒိသာဆိုင်ခန်း (၁) ခန်း အပါအဝင် စုစုပေါင်းဆိုင်ခန်း (၄၁) ခန်း ပါဝင်ခင်းကျင်းပြသရောင်းချပေးခြင်းဖြစ်ပြီး ယင်းဈေးပွဲတော်၌ရောင်းချသည့် ကုန်ပစ္စည်းများကို ပြင်ပပေါက်ဈေးထက်လျှော့ချပြီး ဈေးနှုန်းသက်သာစွာဖြင့်ရောင်းချပေးခဲ့ကြောင်း သိရသည်။

■ ယင်းဈေးရောင်းပွဲတော်ကို ရန်ကုန်တိုင်းဒေသကြီးအစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာထူးမောင်၊ ရန်ကုန်တိုင်းဒေသကြီး သမဝါယမဦးစီးဌာနမှ တာဝန်ရှိသူများနှင့် ဖိတ်ကြားထားသည့် ဧည့်သည်တော်များတက်ရောက်ကြကြောင်းသိရသည်။

#YMG/NN #Yangon_Times