Published_ 6 September 2023
မြန်မာနိုင်ငံသည် ရုရှားနှင့် တိုက်ရိုက်လေကြောင်းပျံသန်းတဲ့ ၃၈နိုင်ငံမြောက်ဖြစ်လာတယ်လို့ တာ့စ်သတင်းဌာနက သတင်းရေးသားပါတယ်။
နှစ်ပေါင်း၃၀ခန့် လေကြောင်းပျံသန်းမှုမရှိခဲ့ရာမှ ယခုအခါ အပြည်ပြည်ဆိုင်ရာမြန်မာ့ လေကြောင်းလိုင်း MAI ဟာ စက်တင်ဘာ ၅ ရက်က မြန်မာနှင့်ရုရှားအကြား တိုက်ရိုက် လေကြောင်းပျံသန်းပြေးဆွဲမှုစတင်ခဲ့တာဖြစ်ပါတယ်။
“ ယနေ့ ၂၀၂၃ခုနှစ် စက်တင်ဘာ ၅ရက်မှာ မြန်မာအပြည်ပြည်ဆိုင်ရာလေကြောင်းလိုင်းရဲ့ လေယာဉ်ဟာ နိုဗိုဆီဘစ်ကို ရန်ကုန်-မန္တလေး-နိုဗီဆီဗစ်ခရီးစဉ်ပျံသန်းရင်း ပထမဆုံး ဆိုက်ရောက်လာပါတယ်။ ရုရှားနှင့် ပြည်ထောင်စုမြန်မာနိုင်ငံအကြား လေကြောင်းပျံသန်းမှု နှစ်၃၀ရပ်ဆိုင်းပြီးနောက် ယခုပြန်လည်ပျံသန်းမှုကို အောင်မြင်စွာဆောင်ရွက်နိုင်ခဲ့ပါပြီÓ လို့ ရုရှားလေကြောင်းပျံသန်းရေးအေဂျင်စီက သတင်းထုတ်ပြန်ပါတယ်။
နိုဗိုဆီဗစ်ကို ပထမဆုံးဆိုက်ရောက်တဲ့ မြန်မာလေယာဉ်ကို ရေပန်းများဖြန်းပက်ကာ ကြိုဆိုခဲ့ ကြပြီး လိုက်ပါခဲ့တဲ့ ခရီးသည်တွေကိုလည်း နိုဗီဆီဗစ် ဒေသအစိုးရ ဒုတိယအုပ်ချုပ်ရေးမှူး ယူရီပီတပ်ကော့ခ်နှင့် ရုရှားနိုင်ငံဆိုင်ရာ မြန်မာသံအမတ်ကြီး ဦးလွင်ဦးအပါအဝင် တာဝန်ရှိသူတွေနှင့် ရုရှား ဖက်ဒရယ်လေကြောင်းအေဂျင်စီမှ ပုဂ္ဂိုလ်တွေက ကြိုဆိုခဲ့ကြတယ်လို သတင်းမှာဖော်ပြ ထားပါတယ်။
“ လေကြောင်းပျံသန်းမှုစတင်လိုကတာဟာ အရှေ့တောင်အာရှကို အားလပ်ခရီးထွက်ချင် ကြတဲ့ ရုရှား ခရီးသွားတွေအတွက် အခွင့်အလမ်းအသစ်ကို ဖန်တီးပေးပါလိမ့်မယ်။ အဲဒီအပြင် စီးပွားရေးအဆက်အသွယ်တွေကိုလည်း ပိုမိုဖွံ့ဖြိုးတိုးတက်စေပါလိမ့်မယ်Ó လို့ အေဂျင်စီက ဆက်လက်ပြောဆိုပါတယ်။
ymg/knl
#Local_News
#YMG #Yangon_Times
