#Local_News
PUBLISHED _26 OCTOBER 2022
နေပြည်တော်၊ တပ်ကုန်းမြို့နယ်၊ ရန်ကုန်- မန္တလေးအမြန်လမ်းမကြီး၊ မိုင်တိုင်အမှတ် (၂၂၈/၂)နှင့် (၂၂၈/၃) အကြားတွင် Express ခရီးသည်တင်ယာဉ်တစ်စီး အရှိန်မထိန်းနိုင်ဘဲ တိမ်းမှောက်မှုဖြစ်ပွားခဲ့သောကြောင့် (၃)ဦး သေဆုံးကာ (၁၄)ဦး ဒဏ်ရာ ရရှိခဲ့ကြကြောင်း သိရသည်။
ယနေ့ အောက်တိုဘာလ ၂၆ ရက် နံနက် ၆ နာရီခွဲ ခန့်အချိန်က ဖြစ်ပွားခဲ့ခြင်း ဖြစ်ပြီး အခင်းဖြစ်နေရာသို့ ပလွေးအမြန်လမ်းမီးသတ်စခန်း၊ ပန်းတင်အမြန်လမ်းမီးသတ်စခန်းနှင့် ဘုရားတောင်နယ်မြေမီးသတ်စခန်းတို့မှ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြကြောင်း သိရသည်။
ယာဉ်တိမ်းမှောက်မှုကြောင့် ယာဉ်ပေါ်ပါ ခရီးသည်(၁၇)ဦးတွင် အမျိုးသား(၃)ဦးသေဆုံးကာ အမျိုးသား (၁၀)ဦးနှင့် အမျိုးသမီး (၄)ဦး စုစုပေါင်း (၁၄)ဦး ထိခိုက်ဒဏ်ရာခဲ့ကြကြောင်း၊ ယင်းတို့ကို သုခဒါနပရဟိတအသင်း၊ မေတ္တာရေစင်တောင်ညိုပရဟိတအသင်းနှင့် အမြန်လမ်းမကြီးပိုင် သူနာတင်ယာဉ်တို့ဖြင့် နေပြည်တော်ကုတင်(၁၀၀၀)ဆေးရုံသို့ ပို့ဆောင်ထားကြောင်း သိရသည်။
#ymg/mt
#Yangon_Media_Group
