#Local_News
Published 17 May 2025
▪️ တရုတ်-မြန်မာနယ်စပ် ယူနန်ပြည်နယ် တယ်ဟုန်းပြည်နယ်ခွဲရှိ ရွှေလီမြို့ သက်မွေးပညာ အထက်တန်းကျောင်းတွင် မြန်မာနိုင်ငံမှ ကျောင်းသား ၈၈ ဦးတို့က ပညာသင်ယူကာ သက်မွေးပညာစွမ်းရည်များကိုမြှင့်တင်နေကြကြောင်း မြန်မာ နိုင်ငံဆိုင်ရာ တရုတ်သံရုံးမှ သတင်းထုတ်ပြန်ထားသည်။
▪️ အဆိုပါ ကျောင်းသားကျောင်းသူများသည် တရုတ်-မြန်မာ ပညာရေးကူးလူး ဖလှယ်ရေးအစီအစဉ်၏ ပထမဆုံးအသုတ် အကျိုးခံစားခွင့် ရသူများအနေဖြင့် အသက်မွေးဝမ်းကျောင်းပညာရပ်များကို စာတွေ့၊လက်တွေ့ သင်ကြားနေသူများဖြစ်ကြောင်း သိရသည်။
▪️ လက်ရှိတွင် ရွှေလီမြို့သက်မွေးပညာအထက်တန်းကျောင်းနှင့် မြန်မာနိုင်ငံ ရန်ကုန်မြို့ရှိ GESC တရုတ်စာသင်ကျောင်းအပါအဝင် ပညာရေးအဖွဲ့အစည်းများနှင့် ပုံမှန်ပူးပေါင်းဆောင်ရွက်မှုယန္တရားကို တည်ဆောက်ထားပြီး နိုင်ငံတကာကျောင်းသားများအတွက် သုံးဖက်မြင်လေ့ကျင့်သင်ကြားရေးစနစ်ကို တည်ဆောက်ပေးထားကြောင်း ထုတ်ပြန်ချက်တွင်ဖော်ပြထားသည်။
#YMG/SW #Yangon_Times
