#Local_News
Published 21 May 2025
▪️ ပြင်ဦးလွင်မြို့နယ်၌ ယနေ့မနက်အစောပိုင်းတွင် အိမ်စီးကား တစ်စီးအပေါ် ညောင်ပင်ပိမိ၍ ဖယ်ရှားရှင်းလင်းခဲ့ရကြောင်း မြန်မာနိုင်ငံမီးသတ်တပ်ဖွဲ့မှသိရသည်။
▪️ မေလ၂၁ ရက်နေ့၊ မနက်၇ နာရီ ၂၈ မိနစ်အချိန်ခန့်က မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်၊ ရပ်ကွက်ကြီး(၁၂)၊ မန္တလေး-လားရှိုးလမ်းတွင် လုံးပတ်(၅)၊ အမြင့်(၃၀)ပေခန့်ရှိညောင်ပင်(၁)ပင်သည် ဆွေးမြေ့လဲကျ၍ ကား(၁)စီးပေါ်ပိမိနေကြောင်း သိရသည်။
▪️ အဆိုပါ သတင်းရရှိသဖြင့် ပြင်ဦးလွင်ခရိုင်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ ပြင်ဦးလွင်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများဆောင်ရွက်ပေးခဲ့ရကြောင်း သိရသည်။
#YMG/NN #Yangon_Times
