#Local_News
Published_6 Dec 2024
▪️ မြန်မာနိုင်ငံ၏ အသေးစားနှင့် အငယ်စား စီးပွားရေးလုပ်ငန်းများဖွံ့ဖြိုးတိုးတက်မှု တောင့်တင်းလာစေရန် တရုတ်ကူညီပေးမည်ဖြစ်ကြောင်း ဒီဇင်ဘာလ ၄ ရက် နေပြည်တော်၌ကျင်းပခဲ့သော က ၂၀၂၄ ခုနှစ် လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေဖြင့်ဖော်ဆောင်သည့် “အသေးစားလုပ်ငန်းများ မြှင့်တင်ခြင်းနှင့် ဒစ်ဂျစ်တယ်စီးပွားရေး စဉ်ဆက်မပြတ် ဖွံ့ဖြိုးတိုးတက်ရေးအတွက် အသေးစားနှင့်အငယ်စား စက်မှုလုပ်ငန်း များ၏ ဒစ်ဂျစ်တယ်နည်းပညာ ကျွမ်းကျင်မှုမြှင့်တင်ခြင်း” နှင့် “စိုက်ပျိုးရေးကုန်ကြမ်းသီးနှံ အခြေခံအသေးစား ကုန်ထုတ်လုပ်ငန်းများ မြှင့်တင်ရေး” စီမံကိန်း စတင်ခြင်းအခမ်းအနားတွင် တရုတ်နိုင်ငံဘက်က ပြောကြားခဲ့ကြောင်း သိရသည်။
▪️ မြန်မာနိုင်ငံ၏ အသေးစားနှင့် အငယ်စား စီးပွားရေးလုပ်ငန်းများဖွံ့ဖြိုးတိုးတက်မှု တောင့်တင်းလာစေ ရန်ကူညီ ပေး၍ မြန်မာနိုင်ငံ၏ ဖွံ့ဖြိုးတိုးတက်မှုအလားအလာကို အပြည့်အဝ ဖော်ဆောင်ကာ ပြည်သူများ လုပ်ငန်းခွင် ဝင်မှုနှင့် လူနေမှုဘဝ တိုးတက်ကောင်းမွန်လာစေရန် တိုးမြှင့်ဆောင်ရွက်သွားမည်ဟုပြောကြားခဲ့ကြောင်း မြန်မာ နိုင်ငံဆိုင် ရာ တရုတ်သံရုံးက ထုတ်ပြန်ထားသည်။
▪️ အဆိုပါအခမ်းအနားသို့ မြန်မာနိုင်ငံ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုး၊ လန်ချန်း-မဲခေါင် ပူးပေါင်းဆောင်ရွက်မှု ပူးပေါင်းညှိနှိုင်းရေးအဖွဲ့ (မြန်မာ) ဥက္ကဋ္ဌ ဦးကျော်ညွန့်ဦး၊ မြန်မာနိုင်ငံဆိုင်ရာ တရုတ်သံရုံးမှ Mr. Zhang Zhonghua စသဖြင့် တာဝန်ရှိသူများ ၁၀၀ ကျော် တက်ရောက်ခဲ့ကြောင်း သိရသည်။
#Yangon_Times/PP
