#Local_News
Published_13 June 2025
▪️ KNU အဖွဲ့မှအချို့နှင့် PDF များက အရပ်ဘက်မော်တော်ယာဉ်တစ်စီးကို မိုင်းထောင်ဖောက်ခွဲမှု ကျိုက်ထိုမြို့နယ်တွင် ဖြစ်ပွားခဲ့၍ ၄ ဦးဒဏ်ရာရခဲ့ကြောင်း သိရသည်။
▪️ ယမန်နေ့ ဇွန်လ ၁၂ ရက် နံနက် ၉ နာရီခွဲခန့်တွင် မွန်ပြည်နယ်၊ သိမ်ဇရပ်မြို့မှ ကျိုက်ထိုမြို့ဘက်သို့ ထွက်ခွာလာသည့် ယာဉ်မောင်းမျိုးမင်းခန့် မောင်းနှင်ပြီး ခရီးသွားပြည်သူအမျိုးသား ၁ ဦးနှင့် အမျိုးသမီး ၂ ဦးတို့ စီးနင်းလိုက်ပါလာသော WISH အမျိုးအစား မော်တော်ယာဉ်ကိုဘိုက္ကားကျေးရွာအနီး ရန်ကုန်-မော်လမြိုင် ကား လမ်း၌ KNU အဖွဲ့မှ အကြမ်းဖက်မှုကိုလိုလားသူများနှင့် PDF အမည်ခံအကြမ်းဖက်သမားများက မိုင်းဆွဲတိုက် ခိုက်ခဲ့ရာ မိုင်းပေါက်ကွဲမှုကြောင့် ယာဉ်ပေါ်တွင် လိုက်ပါလာသည့် အပြစ်မဲ့ပြည်သူ ၄ ဦး မိုင်းစထိမှန်ဒဏ်ရာများ ရရှိခဲ့ကြောင်း သိရသည်။
▪️ ယင်းကြောင့် ထိခိုက်ဒဏ်ရာရရှိခဲ့သူများအား တာဝန်ရှိသူများက ကျိုက်ထိုပြည်သူ့ဆေးရုံသို့ ပို့ဆောင်၍ လိုအပ်သည့်ဆေးဝါးကုသမှုများ ခံယူစေလျက်ရှိကြောင်း သိရသည်။
▪️ ယင်းဖြစ်စဉ်အပေါ် အွန်လိုင်းမီဒီယာအချို့က တပ်မတော်ယာဉ် တန်းကို မိုင်းဆွဲတိုက်ခိုက်စဉ် အရပ်သားများ လိုက်ပါလာသည့် မော်တော်ယာဉ် ၁ စီး မိုင်းစထိမှန်ခဲ့ပြီး အရပ်သားပြည်သူများ ထိခိုက်ဒဏ်ရာရရှိခဲ့ကြောင်း ဝါဒဖြန့် သတင်းမှားထုတ်ပြန်လျက်ရှိကြောင်းလည်း သိရသည်။
#Yangon_Times/PP
