Published_ 18 October 2023
ပြီးခဲ့သည့်(၂၄)နာရီအတွင်း ဒေသ(၁၁)ခု၌မိုးရေချိန်များခဲ့ပြီး အောက်တိုဘာလ(၁၉)ရက်အပါအဝင်လာမည့် ရက်များတွင်ဒေသအချို့မှာတော့ မိုးထစ်ချုန်းရွာနိုင်သေးကြောင်းမိုးလေဝသနှင့်ဇလဗေဒညွှန်ကြားမှုဦးစီး ဌာနမှသိရသည်။
မှတ်သားဖွယ်ရာ မိုးရေချိန်များမှာ ဓနုဖြူမြို့တွင် (၂.၈၀)လက်မ၊ အင်္ဂပူမြို့တွင် (၁.၇၄)လက်မ၊ လေးမျက်နှာ မြို့တွင် (၁.၆၀)လက်မ၊ ဖြူးမြို့တွင် (၁.၅၇)လက်မ၊ ရန်ကုန်(မင်္ဂလာဒုံမြို့နယ်)တွင် (၁.၅၃) လက်မ၊ နမ့်စန်မြို့တွင် (၁.၄၂)လက်မ၊ ဟင်္သာတမြို့နှင့် ကျောင်းကုန်းမြို့တို့တွင် (၁.၂၆)လက်မစီ၊ သာပေါင်းမြို့တွင် (၁.၂၀)လက်မ၊ ဂွမြို့နှင့် ထားဝယ် မြို့တို့တွင် (၁.၁၄)လက်မစီတို့ရှိခဲ့ခြင်းဖြစ်သည်။
အောက်တိုဘာလ(၁၉)ရက်တွက် တနင်္သာရီတိုင်း၌ နေရာအနှံ့အပြား၊ ရှမ်းပြည်နယ်(တောင်ပိုင်း)နှင့် မွန်ပြည်နယ်တို့တွင် နေရာစိပ်စိပ်၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ကယားပြည်နယ်နှင့် ကရင်ပြည်နယ်တို့တွင် နေရာကျဲကျဲနှင့် နေပြည်တော်၊ မန္တလေးတိုင်း၊ မကွေးတိုင်း၊ ရှမ်းပြည်နယ်(မြောက်ပိုင်းနှင့် အရှေ့ပိုင်း)နှင့် ရခိုင်ပြည်နယ်တို့တွင် နေရာကွက်ကျား မိုးထစ်ချုန်း ရွာမည်ဖြစ်သည်ဟုဆိုသည်။
နောက်(၂)ရက်အတွက်ခန့်မှန်းချက်အဖြစ် ပဲခူးတိုင်း ၊ ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်းရွာနိုင်ကြောင်း သိရသည်။
Yangon_Times/tthl
#Local_News
#Published_ 18 October 2023
#YMG #Yangon_Times #Yangon_Media_Group
