#Local_News
Published 4 August 2023
မြန်မာနိုင်ငံအပါအဝင် အာဆီယံအဖွဲ့ဝင်(၃)နိုင်ငံကို ရုရှားပြည်ဝင်ခွင့်ဗီဇာကို အီလက်ထရွန်းနစ်ဗီဇာဖြင့် ခွင့်ပြုလိုက်ပြီဖြစ်တယ်လို့ သိရပါတယ်။
ရုရှားမီဒီယာများရဲ့သတင်းများအရ မြန်မာ၊ ဗီယက်နမ်နှင့်ကမ္ဘောဒီးယားနိုင်ငံ (၃)နိုင်ငံကို ဩဂုတ်(၁)ရက်ကစပြီး ရုရှားနိုင်ငံသို့ အီးလက်ထရွန်းနစ်ဗီဇာဖြင့် ဝင်ရောက်ခွင့်ပြုမယ့် အမိန့်ကို ရုရှားဝန်ကြီးချုပ် မစ်ခေးလ် မီရှုစတင်က လက်မှတ်ရေးထိုးခဲ့တာဖြစ်ပါတယ်။
အီးလက်ထရွန်းနစ်ဗီဇာဟာ အလည်အပတ် သို့မဟုတ် လုပ်ငန်းကိစ္စ လာရောက်သူများအတွက် တစ်ကြိမ်သုံးဗီဇာအဖြစ်ထုတ်ပေးမှာဖြစ်ပါတယ်။ အဲဒီအပြင် သိပ္ပံ၊ယဉ်ကျေးမှု၊ ပြည်သူ့ရေးရာနှင့်နိုင်ငံရေး၊ စီးပွားရေးနှင့် အားကစား အခမ်းအနားနှင့် ပွဲတွေလာရောက်သူများသည်လည်း အကျုံးဝင်တယ်လိုဆိုပါတယ်။ ဗီဇာသက်တမ်းမှာ ရက်ပေါင်း(၆၀)ဖြစ်ပါတယ်။
#Yangon_Times
#ရုရှားပြည်ဝင်ခွင့်အီးလက်ထရွန်းနစ်ဗီဇာထုတ်ပေး
