#Myanmar_News
Published_ 13 June 2023
မြန်မာနှင့် အိန္ဒိယနှစ်နိုင်ငံအကြား ကုန်သွယ်မှုပြုလုပ်ရာတွင် ရူပီးငွေကြေးဖြင့် ဆောင်ရွက်ဖို့ကိစ္စ ခပ်မြန်မြန်ဆောင်ရွက်ဖို့ အိန္ဒိယကို ရောက်ရှိနေတဲ့မြန်မာစီးပွားရေးနှင့်ကူးသန်းရောင်းဝယ်ရေးပြည်ထောင်စုဝန်ကြီး ဦးအောင်နိုင်ဦးကို အိန္ဒိယနိုင်ငံ ပို့ကုန်ကောင်စီတစ်ခုက ဆော်ဩတိုက်တွန်းခဲ့တယ်လို့ အိန္ဒိယကလာတဲ့ ရိုက်တာသတင်းတစ်ပုဒ်မှာ ဖော်ပြထားပါတယ်။
မြန်မာဝန်ကြီးဦးအောင်နိုင်ဦးကို အိန္ဒိယနိုင်ငံက ပို့ကုန်လုပ်ငန်းရှင်ကိုယ်စားလှယ်တစ်ဖွဲ့ဟာ ဝန်ကြီးရဲ့ အိန္ဒိယနိုင်ငံ အရှေ့ပိုင်း ကိုလ်ကာတာမြို့ခရီးစဉ်အတွင်း အဆိုပါကိစ္စကို တိုက်တွန်းတင်ပြခဲ့တာဖြစ်ပါတယ်။
“ မြန်မာဝန်ကြီးက လုပ်ငန်းယန္တယားအသစ်ဟာ မကြာမီ လုပ်ငန်းတွေ လုပ်ဆောင်မယ်လို့ အာမခံသွားပါတယ်လို့ အိန္ဒိယ နိုင်ငံရဲ့ အင်ဂျင်နီယာလုပ်ငန်းဆိုင်ရာပို့ကုန်ကောင်စီ ဥက္ကဋ္ဌဟောင်း ပီကေ ရှားက အစည်းအဝေးအပြီးမှာ ရိုက်တာကိုပြောပါတယ်။
မြန်မာက အိန္ဒိယရူးပီး၊ထိုင်းဘတ်ငွေနှင့် တရုတ်ယွမ်ငွေတွေကို ကုန်သွယ်မှုပြုရာမှာ တရားဝင်ငွေကြေးတွေအဖြစ် အသုံးပြု ခွင့်ကြေညာထားပြီးဖြစ်ပါတယ်။
အကယ်၍နှစ်နိုင်ငံငွေကြေးနှင့်ပေးချေလို့ရရင် အိန္ဒိယနိုင်ငံက ဆေးဝါးတွေနှင့် စက်ရုံထုတ်ပစ္စည်းတွေတင်ပို့ဖို့နှင့် မြန်မာ နိုင်ငံက ပဲမျိုးစုံ၊သစ်နှင့် အခြာထုတ်ကုန်တွေတင်သွင်းဖို့ အထောက်အကူဖြစ်လိမ့်မယ်လို့ အိန္ဒိယပို့ကုန်လုပ်ငန်းရှင်တွေ ကပြောကြားကြပါတယ်။
ပန်ဂျပ်အမျိုးသားဘဏ်ဟာ မြန်မာနိုင်ငံက CB Bank နှင့် UAB Bank ဘဏ်တို့ကို ရူပီးနှင့်ကျပ် ငွေစာရင်းတွေဖွင့်လှစ် ဆောင်ရွက်ဖို့ ခွင့်ပြုထားပါတယ်။ ဒါပေမယ့် မြန်မာအစိုးရက အခြားသော မြန်မာဘဏ်တွေကိုလည်း ဒီယန္တယားထဲမှာ ပါဝင်နိုင်ဖို့လိုလားနေပါတယ်။
သဘောတူပြီးသား ယန္တယားလည်ပတ်ဖို့ မကြာမီမှာ ဆုံးဖြတ်ချက်တစ်ခုခုကို ကြေညာပါလိမ့်မယ်လို့ ပြောပါတယ်။
#Myanmar_News #မြန်မာနှင့်အိန္ဒိယနှစ်နိုင်ငံ #ရူပီးဖြင့်ငွေပေးချေနိုင်ရေး #အိန္ဒိယပို့ကုန်လုပ်ငန်းရှင် #မြန်မာဝန်ကြီးဦးအောင်နိုင်ဦး
#YMG #Yangon_Media_Group
