#Local_News
Published_ 3 April 2023
ရန်ကုန်မြို့မှ ကော့သောင်းမြို့သို့ပြေးဆွဲနေသော မြတ်မန္တလာထွန်း ခရီးသည်တင်ယာဉ် ပစ်ခတ်ခံရ၍ အသက် ၇ နှစ်အရွယ် ကလေး၁ ဦးနှင့် အမျိုးသမီး ၁ ဦးသေဆုံးကာ သံဃာတော် ၂ ပါးနှင့် အမျိုးသား ၂ ဦး ဒဏ်ရာရခဲ့ကြကြောင်း သိရသည်။
ဧပြီလ ၁ ရက် ည ၈ နာရီခန့်က ခရီးသည် ၁၆ ဦးတင်ဆောင်၍ ထွက်ခွာသည့် ယာဉ်မောင်းဦးကျော်စိုးလွင်မောင်းနှင်သော အဆိုပါ ခရီးသည်တင်ယာဉ် မှာ တနင်္သာရီတိုင်းဒေသကြီး၊ တနင်္သာရီမြို့နှင့် ကမ္မလိုင်း ကျေးရွာအကြားရှိ မိုင်တိုင်အမှတ် (၈၄/၁) နှင့် (၈၄/၂) ကြား နေရာသို့အရောက်တွင် လမ်း၏အရှေ့ဘက် မီတာ ၂၀၀ ခန့်အကွာမှ လက်နက်ငယ်များဖြင့် အကြောင်းမဲ့ပစ်ခတ်တိုက်ခိုက်ခံခဲ့ရခြင်း ဖြစ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။
ယင်းပစ်ခတ်တိုက်ခိုက်မှုကြောင့် ဒဏ်ရရသူများမှာ တနင်္သာရီမြို့နယ် ပြည်သူ့ဆေးရုံတွင် ဆေးကုသမှု ခံယူနေကြကြောင်း အဆိုပါ ထုတ်ပြန်ချက်တွင် ဖော်ပြထားသည်။
ymg/mt
#ခရီးသည်တင်ယာဉ်ပစ်ခတ်ခံရ #ကလေး၁ ဦးနှင့်အမျိုးသမီး ၁ ဦးသေဆုံး
# YMG #Yangon_Media_Group
