#Local_News
Published _ 17 october 2022
စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေး ကော်မတီမှ အောက်တိုဘာ ၁၇ရက်မှ ၂၄ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးအဖြစ် စားအုန်းဆီ တစ်ပိဿာလျင် ကျပ် ၃၉၆၀ သတ်မှတ်ထားရှိကြောင်း သိရသည်။
ပြီးခဲ့သည့် အပတ်တွင် တစ်ပိဿာလျင် ကျပ် ၃၈၈၀ ရှိသည့်အတွက် ယခုအပတ်နှင့်နှိုင်းယှဉ်လျင် ကျပ် ၈၀ နီးပါးဈေးပြန်တက်သွားခဲ့တာပါ။
စားအုန်းဆီလက်ကားရည်ညွှန်းဈေးနှုန်းတွေကို အဓိကတင်ပို့နေသည့် နိုင်ငံများရဲ့ ဈေးနှုန်းများ၊ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များနှင့် အခွန်အခများပါ ထည့်သွင်းတွက်ချက်ပြီး ထုတ်ပြန်ကြောင်း သိရှိရသည်။
ပြည်တွင်းဈေးကွက်ထဲ၌ စားအုန်းဆီကို ဈေးကစားရန် ရည်ရွယ်ချက်များဖြင့် သိုလှောင်ခြင်း၊ ဈေးနှုန်းမြှင့်တင်ရောင်းချခြင်းများကိုလည်း အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူမည်ဖြစ်ကြောင်း ထုတ်ပြန်ချက်၌ ဖော်ပြထားသည်။
#ymg/NN
#Yangon_Media_Group
