#Local_News
Published_29July 2022
၂၀၂၂ ခုနှစ် 'တရုတ်နိုင်ငံနိုင်ငံတကာ ခရီးသွားပြပွဲ'ကို ဇူလိုင်လ (၂၄) ရက်ကတရုတ်နိုင်ငံ၊ ကူမင်းမြို့တွင် ကျင်းပပြီးစီးခဲ့ကြောင်း မြန်မာနိုင်ငံဆိုင်ရာ တရုတ်သံရုံးမှထုတ်ပြန်လိုက်သည်၊၊
အဆိုပါပွဲတွင် မြန်မာ၊ ကမ္ဘောဒီးယား၊ ထိုင်း၊ မလေးရှား၊ တောင်ကိုရီးယားစသဖြင့် နိုင်ငံနှင့်ဒေသ(၇၁)ခုမှ အွန်လိုင်းနှင့်အော့ဖ်လိုင်းပုံစံဖြင့် ပြပွဲတွင် ပါဝင်ခဲ့ကြသည်။
လတ်တလောနှစ်များတွင် ယူနန်သည် အာဆီယံ (၁၀)နိုင်ငံကို ချိတ်ဆက်ပေးသော အရေးပါအချက်အချာနေရာနှင့် လမ်းကြောင်း အားသာချက်ကို ဖော်ထုတ်၍ ခရီးသွားဧည့်သည်များ အပြန်အလှန်သွားလာမှုကို မြှင့်တင်ပြီး နိုင်ငံအသီးသီး၏ ခရီးသွားလုပ်ငန်း ဖွံ့ဖြိုးတိုးတက်ရေးနှင့် စီးပွားရေး စည်ပင်ဝပြောရေးကို အားဖြည့်ကူညီပေးခဲ့ပါသည်ဟုဆိုသည်၊၊
ယူနန်သည် ကူမင်း-ဘန်ကောက်၊ ကူမင်း-ဟနွိုင်း၊ ကူမင်း-ရန်ကုန်၊ လန်ချန်း-မဲခေါင်၊ ဘင်္ဂလားဒေ့ရှ်-တရုတ်-အိန္ဒိယ-မြန်မာ စသည့် နိုင်ငံတကာခရီးသွားစင်္ကြံ (၅)ခုကို ကြိုးပမ်းတည်ဆောက်ကာ လေ့လာရေးခရီး၊ ကျန်းမာရေးနှင့်ညီညွတ်စွာ အပန်းဖြေအနားယူနိုင်ရေး၊ အားလပ်ရက် အပန်းဖြေရေး၊ လက်တွေ့အတွေ့အကြုံများ ခံစားနိုင်ရေး စသည့်ခရီးသွားထုတ်ကုန်များကို ဖော်ထုတ်ဒီဇိုင်းဆွဲပြီး အရှေ့တောင်အာရှဒေသ ဖွံ့ဖြိုးတိုးတက် စည်ပင်ဝပြောရေးကို မြှင့်တင်ရင်း အာရှ-ပစိဖိတ် အေးအတူပူအမျှအသိုက်အဝန်းမှ ပုံဖော်ထားသော သာယာလှပသည့်ရုပ်ပုံလွှာများကိုအကောင် အထည်ဖော်ဆောင်သွားမည်ဖြစ်ကြောင်းသိရသည်၊၊
ymg/tthl
#Yangon_Media_Group
