#Local_News
Published_26 July 2022
ဒေါ်အောင်ဆန်းစုကြည်ရင်ဆိုင်နေရသော ရဟတ်ယာဉ်အမှု၏ တရားလိုပြသက်သေများအား ယနေ့ ဇူလိုင်လ ၂၆ ရက်တွင် နေပြည်တော်အကျဉ်းထောင်တွင်း တရားရုံး၌ ဆက်လက် စစ်ဆေးခဲ့ကြောင်း သိရသည်။
"ရဟတ်ယာဉ်အမှု ဖြစ်တဲ့ ၄၀(၇) အတွက် တရားလိုပြသက်သေ ဦးစိုးအောင်ကို ဆက်လက်စစ်ဆေးခဲ့ပါတယ်၊ ပြီးတော့ဒေါ်ခင်ကြည်ဖောင်ဒေးရှင်းကို ဦးမောင်ဝိတ်ကအလှူငွေပေးအပ်ခဲ့တဲ့ အဂတိအမှု ၂မှုအတွက်ကတော့ တရားလိုပြသက်သေ ဦးရဲထက်ကို ပြန်ခေါ်သက်သေ ဆက်လက်စစ်ဆေးခဲ့ပါတယ်။ နောက်ထပ်လည်း လိုပြသက်သေတွေကိုဆက်လက်စစ်ဆေးဖို့ အများကြီး ကျန်ပါသေးတယ်"ဟုတရားရုံးနှင့် နီးစပ်သူက YMG ကို ပြောသည်။
ယမန်နေ့ ဇူလိုင်လ ၂၅ ရက်က ဒေါ်ခင်ကြည်ဖောင်ဒေးရှင်းအတွက် ဦးမောင်ဝိတ်ကအလှူငွေပေးအပ်ခဲ့သည့်အမှုကို စွဲချက်တင်ကြောင်းလည်း တရားရုံးက ဆုံးဖြတ်ထားသေးသည်။ ယင်းအပြင် အဆိုပါအမှုကို ပြီးခဲ့သည့် ဇူလိုင်လ ၁၃ ရက်က တရားလွှတ်တော်ချုပ်သို ချေဖျက်ခွင့်လည်း တင်ထားသေးကြောင်း အဆိုပါ တရားရုံးနှင့် နီးစပ်သည့် အသိုင်းအဝိုင်းက သိရသည်။
၎င်းအမှု နှစ်မှုမှာ ဒေါ်ခင်ကြည်ဖောင်ဒေးရှင်းအတွက် ဒေါ်လာငွေလှူဒါန်းသည်ဆိုသည့် အမှုများဖြစ်ကာ အမှတ်အမှတ် ၃ မှာ ဒေါ်လာ နှစ်သိန်းခွဲ လှူသည်ဆိုသော အမှုဖြစ်ပြီး အမှုအမှတ် ၄ မှာ ဒေါ်လာ ၃ သိန်း လှူသည့် ဆိုသည့် အမှူများ ဖြစ်ကြောင်း သိရသည်။
ဒေါ်အောင်ဆန်းစုကြည်အနေဖြင့် ၂၀၂၂ ဇွန်လအထိ အမှုပေါင်း ၂၀ ထက်မနည်းဖြင့် စွဲဆိုထားခြင်းဖြစ်ပြီး ယင်းအထဲမှ ၆မှုအတွက် ထောင်ဒဏ် ၁၁ နှစ်ချမှတ်ထားကြောင်း သိရသည်။
ymg/mt
#Yangon_Media_Group
