#LocalNews
Published _ 26 June 2022
ယနေ့ ဇွန်လ ၂၆ ရက်တွင် ကျရောက်တဲ့ (၃၅)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ်အဖြစ် မူးယစ်ဆေးဝါးများမီးရှို့ဖျက်ဆီးခြင်းကို မန္တလေးမြို့၊ ချမ်းမြသာစည်လေယာဥ်ကွင်းဟောင်းတွင် ပြုလုပ်ခဲ့ကြောင်း မန္တလေးတိုင်းဒေသကြီး မူးယစ်ဆေးဝါးနှင့် စိတ်ကိုပြောင်းလဲစေသောအန္တရာယ် တားဆီးကာကွယ်ရေးအဖွဲ့မှ သိရသည်။
မူးယစ်ဆေးဝါးများ မီးရှို့ဖျက်ဆီးရာတွင် ဘိန်း၊ ဘိန်းဖြူ၊ စိတ်ကြွရူးသွပ်ဆေးပြား၊ ဆေးခြောက်၊ ကတ်တမင်းအစရှိသည့် မူးယစ်ဆေးဝါးအမျိုးအစား (၂၅)မျိုး မီးရှို့ဖျက်ဆီးခဲ့ရာ တန်ဖိုး (၃၁၆.၇၇၈၈)ဘီလီယံရှိကြောင်း သိရသည်။
လူသားမျိုးနွယ်စုတစ်ခုလုံးအတွက် အန္တ ရာယ်ရှိသည့် မူးယစ်ဆေးဝါးနှင့် ထိန်းချုပ်ဓါတုပစ္စည်းအမြောက်အများကို ထိထိရောက်ရောက်ကာကွယ်တားဆီးနေခြင်းအား မြန်မာတစ်နိုင်ငံလုံးသာမက နိုင်ငံတကာကပါ သိရှိအောင် ယခုလိုဆောင်ရွက်ခြင်းဖြစ်ကြောင်း သိရသည်။
#ymg/NN
#Yangon_Media_Group
