#Local_News
#Published 4 June 2022
ရှမ်းပြည်နယ်( အရှေ့ပိုင်း) တာချီလိတ်မြို့တွင် ထိုင်းနိုင်ငံမှလွဲပြောင်းပေးလာသည့် ရွှေ့ပြောင်းမြန်မာအလုပ်သမားများနှင့် ပြစ်ဒဏ်မှလွတ်မြောက်လာသူ စုစုပေါင်း(၂၀၃)ဦးကို တာဝန်ရှိသူများက ယနေ့နံနက် ၁၁ နာရီအချိန်က မြန်မာ-ထိုင်းချစ်ကြည်ရေးတံတား ၂ တွင် လက်ခံခဲ့ကြပါတယ်။
နေရပ်ပြန်ရွှေ့ပြောင်းမြန်မာအလုပ်သမားအမျိုးသား(၁၈) ဦး၊ အမျိုးသမီး(၃၈)ဦး၊ စုစုပေါင်း(၅၆) ဦးနှင့် ပြစ်ဒဏ်မှလွတ်မြောက်လာသူ အမျိုးသား(၁၀၁)ဦး၊ အမျိုးသမီး(၄၆)ဦး၊ စုစုပေါင်း (၁၄၇)ဦး တို့ကို ဒေသတာဝန်ရှိသူတွေက လက်ခံခဲ့ကြတာဖြစ်ပါတယ်။
နေရပ်ပြန်များကို ကျန်းမာရေးဝန်ထမ်းများက ကိုဗစ် ၁၉ ရောဂါနှင့် ဗီဇပြောင်းအိုမီခရွန်ရောဂါ ရှိ/မရှိ စစ်ဆေးမှုများပြုလုပ်ပြီး ဝမ်လုံး Quarantine Centre တွင်(၅) ရက်ထားရှိကာ ဆေးစစ်မှု နှစ်ကြိမ်ထပ်မံပြုလုပ်ပြီး ရောဂါပိုးကင်းရှင်းပါက မိမိနေရပ်သို့ ပြန်လည်ပို့ဆောင်ပေးမည်ဖြစ် ကြောင်းသိရပါတယ်။
ymg/ys-TCL
#Yangon_Media_Group
