#Local_News
Published_ 8 March 2022
ဒီကနေ့ မတ်လ ၈ ရက် ရန်ကုန်စက်သုံးဆီရောင်းစျေးဟာ အောက်တိန်း ၉၂ တစ်လီတာလျှင် ၂,၁၃၀ ကျပ်၊ ၉၅ တစ်လီတာလျှင် ၂,၁၉၅ ကျပ်၊ ဒီဇယ်ဆီတစ်လီတာလျှင် ၂,၃၂၅ ကျပ် နှင့် ပရီမီယံဒီဇယ် တစ်လီတာလျှင် ၂,၃၃၅ ကျပ်အထိ မြင့်တက်လာပါတယ်။
မတ်လ ၇ ရက် မနေ့က အောက်တိန်း ၉၂ တစ်လီတာလျှင် ၁,၉၃၀ ကျပ်၊ ၉၅ တစ်လီတာလျှင် ၁,၉၉၅ ကျပ်၊ ဒီဇယ်ဆီတစ်လီတာလျှင် ၂,၀၂၅ ကျပ် နှင့် ပရီမီယံဒီဇယ် တစ်လီတာလျှင် ၂,၀၃၅ ကျပ် ရှိခဲ့ပါတယ်။
မနေ့ကနှင့် ဒီကနေ့ နှိုင်းယှဉ်ပါက အောက်တိန်းတစ်လီတာကို ၂၀၀ ကျပ်နှင့် ဒီဇယ်ဆီ တစ်လီတာကို ၃၀၀ ကျပ်စီ အသီးသီးမြင့်တက်လာတာ ဖြစ်ပါတယ်၊အမေရိကန်နဲ့ ဥရောပနိုင်ငံတွေက ရုရှားနိုင်ငံထုတ်ကုန်ပစ္စည်းတွေကို ပိတ်ဆို့အရေးယူမှုတွေစတင်အပြီးမှာ ကမ္ဘာ့ရေနံစိမ်းက တစ်စည်ပေါက်ဈေး အမေရိကန်ဒေါ်လာ ၁၃၀ နဲ့အထက်သို့ ရောက်သွားခဲ့ပြီး ဒါဟာ ၂၀၀၈ ခုနှစ်နောက်ပိုင်း ကမ္ဘာ့ရေနံစိမ်းဈေးနှုန်း အမြင့်ဆုံးအဖြစ် စံချိန်တင်မြင့်တက်သွားတာပဲဖြစ်ပါတယ်။
စက်သုံးဆီဈေးတွေ အဆမတန်မြင့်တက်လာတာကြောင့် ကုန်တင်ယာဉ်နှင့် အငှားယာဉ်တချို့လည်း ပြေးဆွဲမှုတွေရပ်နားနေရပါတယ်။
#ymg_mnn
#Yangon_Media_Group
