#LocalNews
Published_ 25 Feb 2022
ဖေဖော်ဝါရီလ ၁၄ ရက်မှ ၂၀ ရက်အထိ တစ်ပတ်အတွင်း တစ်နိုင်ငံလုံးမှာ တရားမဝင်သစ် တန် ၃၃၀ ကျော်၊ တရားမဝင် သစ်ထုတ်သူ ၂၇ ဦးနဲ့ ယာဉ်/ယန္တရား ၁၄ စီး ဖမ်းဆီးရမိခဲ့တယ်လို့ သစ်တောဦးစီးဌာနက သတင်းထုတ်ပြန်ထားပါတယ်။
သစ်တောဦးစီးဌာနရဲ့စာရင်းများအရ တရားမဝင် ကျွန်းသစ် ၆၅ ဒသမ ၉၇၆၆ တန်၊ သစ်မာ ၃၁ ဒသမ ၉၁၅ တန်၊ အခြား ၂၃၃ ဒသမ ၈၇၈၆ တန်၊ စုစုပေါင်း ၃၃၁ ဒသမ ၇၇၀၂ တန်၊ လူ ၂၇ ဦး၊ ယာဉ်/ယန္တရား ၁၄ စီး ဖမ်းဆီးရမိခဲ့တယ်လို့ ဆိုပါတယ်။
အဆိုပါ ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ဖေဖော်ဝါရီ ၈ ရက်က ရခိုင်ပြည်နယ်၊ သံတွဲခရိုင်၊ တောင်ကုတ်မြို့နယ်၊ လမူးဘိနယ်၊ ငှက်ပျောတောကျေးရွာ အနီး၊ လမူးချောင်းနံဘေးနဲ့ အနီးဝန်းကျင်မှ တရားမဝင် တောင်သရက်/ကညင်/သစ်ပုတ် ခွဲသား ၄၉၉ ချောင်း (၅၃ ဒသမ ၃၇၁ တန်) ၊ လက်ကိုင်စက်လွှနှစ်လက်တို့ ကို ပိုင်ရှင်မဲ့ ဖမ်းဆီးရမိမှု ဖြစ်ပါတယ်။
ဒါ့အပြင် ဖေဖော်ဝါရီလ ၁၄ ရက်မှ ၂၀ ရက်အထိ တစ်ပတ်အတွင်း ပဲခူးရိုးမ စိမ်းလန်းစိုပြည်ရေး ဧရိယာအတွင်း တရားမဝင် ကျွန်း၊ သစ်မာနှင့် အခြားသစ် အမျိုးစားများ စုစုပေါင်း ၉၂ ဒသမ ၅၂၃ တန် ဖမ်းဆီးရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ymg-mnn
#Yangon_Media_Group
