#LocalNews
Published - 18 Feb 2022
လာနီညာဖြစ်စဉ်ရဲ့ အကျိုးဆက်အနေနဲ့ အခုလက်ရှိမှာတော့ ရန်ကုန်မြို့အတွင်း နေရာအချို့မှာ အချိန်အခါမဟုတ် မိုးရွာသွန်းလျက်ရှိပါတယ်။
မိုးလေဝသနှင့် ဇလဗေဒညွှန်ကြားမှုဦးစီးဌာနက ဖေဖော်ဝါရီ ၂၃ ရက်နေ့အထိ အချိန်အခါမဟုတ် မိုးရွာသွန်းမယ်လို့ ထုတ်ပြန်ထားပါတယ်။
တနင်္သာရီတိုင်းဒေသကြီး၊ ကချင်ပြည်နယ်တို့မှာ နေရာစိပ်စိပ်၊ စစ်ကိုင်းတိုင်းဒေသကြီးအထက်ပိုင်း၊ ရှမ်းပြည်နယ်နဲ့ မွန်ပြည်နယ်တို့မှာ နေရာကျဲကျဲ မိုးရွာသွန်းနိုင်ပါတယ်။
ဒါ့အပြင် စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်းဒေသကြီး၊ ပဲခူးတိုင်းဒေသကြီး(အရှေ့ပိုင်း)၊ ရန်ကုန်တိုင်းဒေသကြီး၊ ရှင်းပြည်နယ်(မြောက်ပိုင်းနှင့် တောင်ပိုင်း)နဲ့ ကယားပြည်နယ်တို့မှာ နေရာကွက်ကျား မိုးထစ်ချုန်းရွာနိုင်တယ်လို့ ဖေဖော်ဝါရီလ ၁၆ ရက်နေ့က ထုတ်ပြန်ထားပါတယ်။
တိုင်းတွာချက်တွေအရ အနောက်ဘက်မှ ရွေ့လျာလာသော လေပွေလှိုင်းတို့ရဲ့ အရှိန်ကြောင့်လည်းကောင်း၊ ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှ လေနွေးတွေနဲ့ တရုတ်ပြည်မကြီးပေါ်ရှိ လေဖိအားကြီး ရပ်ဝန်းဒေသမှ ရွေ့လျားလာသော လေအေးများတွေ့ဆုံမှုကြောင့် အချိန်အခါမဟုတ်မိုးရွာနိုင်တယ်လို့ ဆိုပါတယ်။
ပြည်သူတွေအနေနဲ့ အချိန်အခါမဟုတ်မိုးရွာတာနဲ့အတူ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စစ်လက်ခြင်းနဲ့ မိုးသီးကြွေခြင်း စတဲ့မိုးလေဝသဖြစ်စဉ်တွေ ဖြစ်ပေါ်နိုင်ကြောင်း မိုး/ဇလက ကြိုတင်သတိပေးထားပါတယ်။
ymg/ei
#Yangon_Media_Group
