#Local_News
Published-31 August 2023
ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် သြဂုတ်လအတွင်း ၇ကြိမ်မြောက်အနေဖြင့် မြန်မာလုပ်သား (၁၀၀၀)ကျော်ကို စေလွှတ်ခဲ့ကြောင်း ဆိုလ်းမြို့၊ မြန်မာသံရုံးက သိရသည်။
ယခုလအတွင်း EPS စနစ်ဖြင့် သြဂုတ်လ ၁ရက်တွင် မြန်မာလုပ်သား ၁၃၉ဦးကို လည်းကောင်း၊ သြဂုတ်လ ၂ရက်တွင် မြန်မာလုပ်သား (၁၄၇)ဦးကိုလည်းကောင်း၊ သြဂုတ်လ ၈ ရက်တွင် မြန်မာလုပ်သား (၁၄၂)ဦးကို လည်းကောင်း၊ သြဂုတ်လ ၂၂ ရက်တွင် မြန်မာလုပ်သား(၁၄၂)ဦးကိုလည်းကောင်း၊ သြဂုတ်လ ၂၃ရက်တွင် မြန်မာလုပ်သား (၁၄၇)ဦးကိုလည်းကောင်း၊ သြဂုတ်လ ၂၉ရက်တွင် မြန်မာလုပ်သား(၁၄၆)ဦးကို လည်းကောင်း၊ သြဂုတ်လ ၃၀ ရက်တွင် မြန်မာလုပ်သား(၁၅၁)ဦးကိုလည်းကောင်း စေလွှတ်ခဲ့သည်။
ယင်းကဲ့သို့စေလွှတ်ခဲ့သည့် မြန်မာလုပ်သားများတွင် ကုန်ထုတ်လုပ်သားသစ်၊ စိုက်ပျိုးရေးနှင့်မွေးမြူရေးလုပ်သားသစ်များပါဝင်ပြီး မြန်မာလုပ်သားများရန်ကုန်မြို့မှအင်းချွန်အပြည်ပြည်ဆိုင်ရာလေဆိပ်သို့ရောက်ရှိခဲ့ရာမြန်မာသံရုံး ဆိုလ်းမြို့မှအလုပ်သမားသံအရာရှိမှကြိုဆို၍ သိရှိလိုက်နာသင့်သည့်အချက်များမှာကြား၍ လိုအပ်သည်များကူညီပေးခဲ့ကြောင်းသိရသည်။
ပြီးခဲ့သည့် ဇူလိုင်လအတွင်းကလည်း ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် မြန်မာလုပ်သား(၁၀၄၉)ဦးကိုစေလွှတ်ခဲ့ကြောင်း ဆိုလ်းမြို့၊ မြန်မာသံရုံးက သိရသည်။
#Local_News #EPS စနစ် # မြန်မာလုပ်သား(၁၀၀၀)
#Yangon-Times/PP
- Category: Myanmar
#Local_News
Published-31 August 2023
ရှမ်းပြည်နယ် (မြောက်ပိုင်း)၊ ကွတ်ခိုင်မြို့နယ်၊ နမ့်ဖတ်ကာကျေးရွာအတွင်း လက်နက်ကြီးများဖြင့် ပစ်ခတ်တိုက်ခိုက်ခဲ့သဖြင့် ၁၆ နှစ်အရွယ်အရပ်သား အမျိုးသမီးငယ် ၁ ဦးသေဆုံးပြီး၊ အမျိုးသား ၃ ဦးနှင့် အမျိုးသမီး ၁ ဦးထိခိုက် ဒဏ်ရာရရှိခဲ့ကြောင်း သိရသည်။
အောက်တိုဘာလ ၃၀ ရက် နံနက် ၁၀ နာရီခွဲခန့်တွင် TNLA အဖွဲ့ဝင်များက နမ့်ဖတ်ကာ ကျေးရွာ၏ တောင် ဘက်မီတာ ၅၀၀ ခန့်အကွာမှ လက်နက်ကြီးများဖြင့် ကျေးရွာအတွင်းသို့ ပစ်ခတ်တိုက်ခိုက်ခဲ့ခြင်းဖြစ်ကြောင်း နစက သတင်းထုတ်ပြန်ရေးအဖွဲ့၏ ထုတ်ပြန်ချက်တွင် ဖော်ပြထားသည်။
အဆိုပါ ဒဏ်ရာရရှိသူများအား လုံခြုံရေးတပ်ဖွဲ့ဝင်များက ကွတ်ခိုင်ပြည်သူ့ ဆေးရုံနှင့် နယ်မြေခံဆေးတပ်ရင်း များသို့ ပို့ဆောင်၍ ဆေးကုသမှုခံယူ စေလျက်ရှိ ကြောင်းနှင့် လုံခြုံရေးတပ်ဖွဲ့ဝင်များအနေဖြင့် နမ့်ဖတ်ကာကျေးရွာနှင့် အနီးပတ်ဝန်းကျင်တစ်ဝိုက်ကိုလိုအပ်သည့် နယ်မြေလုံခြုံရေးနှင့် နယ်မြေစိုးမိုးရေး လုပ်ငန်းများ ဆက်လက် ဆောင်ရွက်လျက်ရှိကြောင်း သိရသည်။
#Local_News #လက်နက်ကြီးကျ
#Yangon_Times/PP
- Category: Myanmar
၃၀ ဩဂုတ် ၂၀၂၃
INGO နှင့် NGO အဖွဲ့များကို စည်းမျဉ်းစည်းကမ်းများနှင့် အညီလုပ် ဆောင်နိုင်ရေးသက်ဆိုင်ရာဝန်ကြီးဌာနများ အနေဖြင့် စနစ်တကျကြပ်မတ်ထိန်းသိမ်း ဆောင်ရွက်နေရန်လိုအပ်တယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က အစိုးရအဖွဲ့ကို မှာကြားပါတယ်။
ဩဂုတ်လ ၃၀ ရက် ဗုဒ္ဓဟူးနေ့ မွန်းလွဲ ပိုင်းက နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး အစည်းအဝေး ခန်းမမှာကျင်းပတဲ့ အစိုးရအဖွဲ့အစည်းအဝေးမှာ နစက ဥက္ကဋ္ဌ ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က အမှာစကားပြောကြားရာမှာ ယခုလိုထည့်သွင်းပြောကြားခဲ့တာဖြစ်တယ်လို့ သတင်းထုတ်ပြန််ချက်အရသိရပါတယ်။
“ အချို့သောပြည်ပအကူအညီများသည် INGO၊ NGO များမှတစ်ဆင့်မျှဝေ ဆောင်ရွက်ခြင်းဖြစ်ပြီး၎င်းတို့ကို အကူအညီ ပေးနေသည့် အဖွဲ့ အစည်း၊ နိုင်ငံများကအသုံးချနေမှုများရှိနေတယ်” လို့ ဗိုလ်ချုပ်မှူးကြီးက ဆက်လက်ပြောကြားပါတယ်။
ယင်းအပြင် မီဒီယာလုပ်ငန်းများနှင့်ပတ်သက်၍လည်း “ နိုင်ငံနှင့်လူမျိုး၏ အမျိုးသားရေး စရိုက်လက္ခဏာများနှင့် အမျိုးသားစည်းလုံးညီညွတ်မှုကို ထိခိုက်စေမည့် လုပ်ဆောင်မှု များ၊ ရေးသားထုတ်ဝေမှုများ၊ ထုတ်လွှင့်မှုများ မရှိစေဖို့အတွက်လည်း စာပေ၊ ဂီတ၊ ရုပ်ရှင်နှင့် လူမှုကွန်ရက် စသည့်နယ်ပယ်များအလိုက် သက်ဆိုင်ရာ ဝန်ကြီးဌာနများ အနေဖြင့် စနစ်တကျဖြင့် ကြပ်မတ်ဆောင် ရွက်သွားဖို့လိုအပ်တယ်လို့ ဝန်ကြီးတွေကို မှာကြားခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။
မီဒီယာကဏ္ဍအနေဖြင့် ခရီးသွားလုပ်ငန်းများဖွံ့ဖြိုးတိုးတက်ရေးအတွက် ပါဝင်ဆောင်ရွက်ကြဖို့လည်း နစက ဥက္ကဋ္ဌက တိုက်တွန်း ပြောဆိုပါတယ်။
“မီဒီယာကဏ္ဏအနေနှင့် သက်ဆိုင်ရာဝန်ကြီးဌာနများအလိုက် လူမှုကွန်ရက်များမှတစ် ဆင့်ခရီးသွားလုပ်ငန်းများအတွက် ဆွဲဆောင်မှုများရှိစေရေး ဆောင်ရွက်ရန်လိုတယ်” လို့ ဗိုလ်ချုပ်မှူးကြီးကပြောပါတယ်။လာရောက်သည့် ခရီးသွားများ အနေဖြင့် မိမိတို့နိုင်ငံ၏ ပုံရိပ်ကောင်းများကို မြင်တွေ့သွားနိုင်ရေးနှင့် ဝန်ဆောင်မှုများကို ရရှိစေရေး ကြပ်မတ် ဆောင်ရွက်သွားကြရမယ်လို့လည်း နစကဥက္ကဋ္ဌက ဆက်လက်ပြောဆိုပါတယ်။
အစည်းအဝေးတွင် ပညာရေး၊စိုက်ပျိုးမွေးမြူရေး၊ကုန်ထုတ်လုပ်မှုနှင့် MSMEလုပ်ငန်းများဖွံ့ဖြိုးတိုးတက်ရေး၊စာရင်းဇယားများ မှန်ကန်တိကျရေး၊လူ့စွမ်းအားအရင်းအမြစ်ဖွံ့ဖြိုးရေးနှင့် ဝန်ဆောင်မှုစီးပွားရေးလုပ်ငန်းများနှင့်ပတ်သက်၍လည်း မှာကြားခဲ့ တယ်လို့ သတင်းထုတ်ပြန်ချက်အရသိရပါတယ်။
ယခုအစည်းအဝေးသည် အစိုးရအဖွဲ့ပြောင်းလဲဖွဲ့စည်းပြီးနောက်ပိုင်း ပထမဆုံးအကြိမ်ပြုလုပ်တဲ့ အစိုးရအဖွဲ့အစည်းအဝေးဖြစ်ပြီး နစက ဒုတိယဥက္ကဋ္ဌ ဒုတိယ ဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်းနှင့် ပြည်ထောင်စုဝန်ကြီးများ၊ ပြည်ထောင်စု အဆင့်ပုဂ္ဂိုလ်များ တက်ရောက်ကြပြီး တိုင်းဒေသကြီးနှင့် ပြည်ယ်ဝန်ကြီးချုပ်များက Video Conferencing ဖြင့်တက်ရောက်ခဲ့ကြတာဖြစ်ပါတယ်။
-ymg/knl
- Category: Myanmar
#Daily_News
Published_ 30 August 2023
၁။ မိုးစပါးထွက်ခါနီးအချိန် အယ်နီညိုကြောင့် ရေရှားနိုင်သဖြင့် ယခုလအတွင်းဆည်ရေစုထားရန်လို
၂။ အသီးအနှံ တန်၂၀၀ ကျော်အထိ သိုလှောင်ထားနိုင်တဲ့ အအေးခန်းကုန်သိုလှောင်ရုံကြီး တညင်းကုန်း (သစ်သီးဝလံ) လက်ကားဈေးကြီးတွင်ဖွင့်လှစ်
၃။ ယူနန်ပြည်နယ် ပြည်သူ့ပြည်ပချစ်ကြည်ရေးအသင်းက YESC သို့ ဆိုလာလမ်းမီး တိုင်အစုံ(၆၀) လှူဒါန်း
၄။ တရုတ်ပြည်အရှေ့ပိုင်းမှ မျက်မှန်စက်မှုလုပ်ငန်းများ ခေတ်နှင့်အညီအဆင့်မြင့် စမတ်မျက်မှန်များထုတ်လုပ်ဖန်တီးလာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Times #Daily_News #YMG
- Category: Myanmar
‘ ဆီကုမ္ပဏီတွေကသာဒီအတိုင်းရည်ညွှန်းဈေးအတိုင်းရောင်းပေးရင် သေချာတယ်ဆီဈေးကျ ဆင်းသွား နိုင်တယ်။ဆီတင်သွင်းတဲ့ကုမ္ပဏီအလိုက် ရည်ညွှန်းဈေး(၄၁၅၅)ကျပ်နဲ့ဆီလက်လီလက်ကားအရောင်းဆိုင်(၁၇၃) ဆိုင်ကိုရောင်းချပေးထားတာဖြစ်ပြီးအဲ့ဒီဆိုင်တွေကအထွေထွေစရိတ်နဲ့အမြတ်(၂)ရာခိုင်နှုန်းသာယူပြီးကျပ်(၄၃၀၀)နဲ့ရောင်းချပေးနေတာဖြစ်တယ်။
ဆီလက်ကားကုန်သည်ကြီးတစ်ဦး
Published_ 30 August 2023
#စားအုန်းဆီ #ဆီကုမ္ပဏီ
#tthl
#Yangon_Times
- Category: Myanmar
သယ်ယူပို့ဆောင်ရေးစရိတ်တင်မကဘဲ အဖက်ဖက်ကကုန်ကျမှု ပိုများလာတာကြောင့် သစ်သီးဈေးနှုန်းတန်ဖိုးပိုမြင့်လာကာ အခြေခံစားသောက်ကုန်မဟုတ်တာကြောင့် ဈေးကွက်တွင် အရောင်းဝယ်အလွန်အေးနေတယ်လို့ ကိုရဲသစ်သီးပွဲရုံပိုင်ရှင်က အခုလိုပြောပါတယ်။
Published_ 30 August 2023
#ရာသီပေါ်သစ်သီးဈေးကွက် #အရောင်းအဝယ်အလွန်အေး
#YMG/LW
#Yangon_Times
- Category: Myanmar
တရုတ်ယွမ် သုံးသိန်း တန်ဖိုးရှိသည့်ဆိုလာလမ်းမီးတိုင် အစုံ (၆၀) လှူဒါန်း
Published_ 30 August 2023
#ဆိုလာလမ်းမီးတိုင် #ယူနန်ပြည်နယ်
#YMG/my
#Yangon_Times
- Category: Myanmar