Full Time
Nashville SC 1-1 Inter Miami(Penalty 9-10)
Picault(57') Messi(23')
ပင်နယ်တီ ၁၁ လုံး အထိ ကန်ခဲ့ရပြီး နောက်ဆုံး ဂိုးသမားတွေ ကန်တဲ့ အခါမှာ Nashville ဂိုးသမား ဂိုးမဝင်တာကြောင့် အင်တာမိုင်ယာမီ တို့ ချန်ပီယံ ဖြစ်လာခဲ့တာပါ။

#Local_sport
Published 20-8-23

ဒီရာသီမှာ ပြောင်းရွှေ့ကြေးမြင့်မားစွာနဲ့အသင်းကို ပြောင်းရွှေ့ရောက်ရှိလာတဲ့ကစားသမားတွေ ဖြစ်ပေမယ့်လည်း ပွဲထွက်ကစားခွင့်ပုံမှန်ရဖို့အာမခံချက်မရှိကြောင်းချယ်ဆီးနည်းပြပိုချက်တီနိုကသတိပေးပြောကြားခဲ့ပါတယ်။

အခုရာသီအတွက်ကစားသမားသစ်တွေကို ပေါင် သန်း ၃၅၀ ကျော်ထိ ကုန်ကျခံပြီး ဝယ်ယူထားပေမယ့် ဘယ်ကစားသမားမှ ပွဲထွက်ခွင့်အာမခံချက်မရှိပဲ တိုက်ပွဲဝင်ရမှာဖြစ်ကြောင်း၊ဒါမှဟုတ်ရင်အသင်းကထွက်သွားနိုင်ကြောင်း၊ ခြေစွမ်းကောင်းမွန်နေသူတွေကို သာနေရာပေးသွားမှာဖြစ်ကြောင်း၊ ပွဲတစ်ပွဲချင်း အတွက် အကောင်းဆုံးလူတွေကိုနည်းပြက ရွေးချယ်သွားမှာဖြစ်ကြောင်းပိုချက်တီနိုက ပြောခဲ့ပါတယ်။

ပြီးခဲ့တဲ့ရာသီက ကစားသမားဖောင်းပွမှုတွေဖြစ်ခဲ့တဲ့ အတွက်လျော့ချမှုတွေပြုလုပ်ခဲ့ပေမယ့်အခုရာသီမှာကစားသမားသစ်၈ ဦး ခေါ်ယူခဲ့သလို အငှားချထားသူတွေလည်းပြန်ရောက်လာတဲ့အတွက် ချယ်လ်ဆီးမှာ ပြီးခဲ့တဲ့ရာသီက ကစားသမားအရေအတွက် လောက်ပြန်ဖြစ်လာနေပါတယ်။

ကစားသမားတွေအနေနဲ့ ပွဲထွက်တစ်နေရာနဲ့ ထိုက်တန်တယ်ဆိုတာ နေ့စဉ် သက်သေပြနေဖို့လိုကြောင်း၊ မိမိအနေနဲ့ အားလုံးကိုမျှမျှတတ အခွင့်အရေးပေးသွားမှာဖြစ်ကြောင်း ပိုချက်တီနိုက ဆိုခဲ့တာပါ။အခြားအတင်း တစ်ရပ်မှာတော့ ဒီရာသီချယ်ဆီးခေါ်ယူခဲ့တဲ့ ကစားသမားတွေဟာ နည်းပြ ပိုချက်တီနိုနဲ့ အံဝင်ခွင်ကျဖြစ်နိုင်ကြောင်းနဲ့ ချယ်လ်ဆီးဟာဒီရာသီ ပရီးမီးယားလိဂ်ပြိုင်ဖက်တွေကို အံ့အားသင့်စေမှာ ဖြစ်ကြောင်း ချယ်လ်ဆီးကစားသမားဟောင်းဂတ်စ်ပိုယက်က သုံးသပ်ပြောကြားခဲ့ပါတယ်။

#Local_sport #ပိုချက်တီနို
#Yangon_Times

#Local_Sport
Published_ 19 August 2023

- ဒင်းဟန်ဒါဆင် သည်အပြောင်းအရွှေ့ပိတ်သိမ်းချိန်မတိုင်မီ မန်ယူအသင်းမှထွက်ခွာဖွယ် မရှိတော့ပဲ ဒုတိယဦးစားပေးဂိုးသမားအဖြစ် ဆက်လက်ကစားဖွယ် ရှိနေသည်ဟု သိရသည်။

- ကစားသမားအသစ် ထပ်မံခေါ်ယူခြင်းထက်လက်ရှိအသင်းကိုပိုမိုအသားကျစေရန် ပိုမိုလိုလားလုပ်ဆောင်သွားမည်ဖြစ်ကြောင်း ချယ်ဆီးနည်းပြ ပိုချက်တီနိုက ပြောကြားခဲ့သည်။

- နောက်ခံကူမာကွင်ဟို့စ်အားအသင်း ခေါင်းဆောင်အဖြစ် ဆက်လက်ခန့်အပ်ထားရန် ပီအက်စ်ဂျီအသင်းသားများကမဲပေးခဲ့သည်ဟုသိရသည်။

- အသစ်ရောက်ရှိလာဘေရးသမား ကီပါမှာ လေ့ကျင့်ရေးတွင် စွမ်းဆောင်ရည်ကောင်းမွန်နေသော်လည်း အယ်လ်မာရီယာနင့်ပွဲတွင်လူနင်ကို သာပွဲတွက်စေမည်ဟု ရီးရဲယ်မက်ဒရစ် နည်းပြအန်ဆယ်လော့တီက ဆိုသည်။

- အာဆင်နယ်အသင်းသည် ဘာစီလိုနားနှင့် ဆွေးနွေးနေသော နောက်ခံလူကန်ဆယ်လိုအားခေါ်ယူရန် စတင်ကြိုးပမ်းနေကြောင်း သိရသည်။

- နောက်ခံလူပါဗက် အားခေါ်ယူရန် ဘိုင်ယန်မြူးနစ်နှင့် အင်တာမီလန်တို့ဆွေးနွေးမှုများစတင်နေပြီဟုသိရသည်။

- ဂျူဗင်တပ်အသင်းမှအီတလီဝါရင့်နောက်ခံလူ ဘိုနုချီသည် ဂျာမန် ဘွန်ဒက်လီဂါမှယူနီယံဘာလင်အသင်းသို့ ပြောင်းရွှေရန်နီးစပ်နေပြီဟုသိရသည်။

- အက်သလက်တီကိုမက်ဒရစ်တိုက်စစ်မှူး ဂရိဇ်မန်းက ၎င်း၏ကစားသမားဘဝကို အမေရိကန်မေဂျာလိဂ်၌ အဆုံးသတ်လိုသည်ဟု ဖွင့်ဟခဲ့သည်။

-နာပိုလီအသင်းသည် အသင်းကြီးများ စိတ်ဝင်စားနေသောဆယ်လ်တာဗီဂိုကွင်းလယ်လူ ဂါဘရီဗီဂါအား အပြီးသတ် ခေါ်ယူနိုင်ခဲ့ပြီဖြစ်သည်။

-စပါးအသင်းအနေဖြင့် ကွင်းတွင်းကွင်းပြင်၂ခုစလုံးတွင်စည်းလုံးမှုရှိရမည်ဟု နည်းပြပိုစတီကိုဂလူက သတိပေးခဲ့သည်။

#Local_Sport #နောက်ဆုံးရကမ္ဘာ့ဘောလုံး #ထူးခြားသတင်းများ
#Yangon_Times

#Local_Sport
Published_ 18 August 2023

ဂျပန်လက်ရွေးစင် ကွင်းလယ်လူ ဝါတာရူအန်ဒိုသည်လီဗာပူးအသင်းသို့ ပြောင်းရွှေ့ရန် သဘောတူညီမှုရရှိခဲ့ပြီး မကြာမီ ဆေးစစ်မှုခံယူသွားမည်ဖြစ်သည်ဟု သိရသည်။၎င်းအား ယူရို ၁၉ သန်းဝန်းကျင်ဖြင့်ခေါ်ယူနိုင်ခဲ့ခြင်းဖြစ်ပြီးဆေးစစ်မှု အောင်မြင်ပါက ဘုန်းမောက်နှင့် သြဂုတ် ၁၉ ရက်တွင် ကစားမည့် ပရီးမီးယားလိဂ်ပွဲစဉ်လူစာရင်းတွင်ပါဝင်လာနိုင်မည်ဖြစ်သည်။

ကိုင်စီဒိုနှင့်လာဗီယာတို့ကို ခေါ်ယူရန်ကြိုးပမ်းခဲ့သော်လည်း ချယ်လ်ဆီးအသင်းကခေါ်ယူသွားခဲ့ပြီးနောက် အသက် ၃၀နှစ် ရှိ ဂျပန်လက်ရွေးစင် ကွင်းလယ်လူအန်ဒိုကိုယခုကဲ့သို့ခေါ်ယူနိုင်ခဲ့ခြင်းဖြစ်သည်။လီဗာပူးအသင်းသည်နောက်ထပ် ဒုတိယမြောက် ကွင်းလယ်လူတစ်ဦးကို ထပ်မံခေါ်ယူရန် စောင့်ကြည့်နေပြီး ဖီအိုရင်တီးနားမှ မော်ရိုကို လက်ရွေးစင် ကွင်းလယ်လူ အမ်မရာဘက်ကိုခေါ်ယူရန် စောင့်ကြည့်လျက်ရှိသည်။

အမ်မရာဘက်သည် မူလက မန်ယူအသင်းနှင့် သဘောတူညီမှု ရရှိထားသော်လည်း မန်ယူဘက်မှ ခေါ်ယူရန်နှောင့်နှေးနေမှုများ ကြောင့်စိတ်ပျက်နေသည်ဟုသိရသည်။ကာလရှည် ပစ်မှတ်ထားနေသော ဘိုင်ယန်မြူးနစ်ကွင်းလယ်လူ ဂရာဗန်ဗတ်နှင့်ပဲလေ့စ်ကွင်းလယ်လူဒိုကိုရီတို့ကိုလည်း လီဗာပူးကဆက်လက်စောင့်ကြည့်လျက်ရှိသည်။

#Local_Sport #လူအန်ဒိုလီဗာပူး
This is Anfield

#Local_News
Published-17-8-2023

ထွန်းထွန်းမင်းနှင့် သွေးသစ်ဝင်းလှိုင်တို့၏ မကျေပွဲယှဉ်ပြိုင်ထိုးသတ်မည့်အပေါ် လက်ရှိ မြန်မာ့ရိုးရာလက်ဝှေ့ချန်ပီယံ ဒေဝ က စောင့်ကြည်သွားမည်ဟု ယနေ့ ဩဂုတ် (၁၇)ရက်တွင် သူ၏ ပရိတ်သတ်အား သတင်းစကားပါးလိုက်သည်။

သတင်းစကားပါးရာတွင် ရိုးရာလက်ဝှေ့လောကမှ ၎င်းအနေဖြင့်အနားယူခဲ့ပြီးနောက် သူ၏နေရာအား ဆက်ခံထားသူမှာ သွေးသစ်ဝင်းလှိုင်ဖြစ်ကြောင်း ဆိုသည်။

ထို့အပြင် မြန်မာနိုင်ငံတွင် လက်ရှိ အဖွင့်ဝိတ်တန်း မြန်မာ့လက်ဝှေ့ချန်ပီယံကို သွေးသစ်ဝင်းလှိုင်အား အသိအမှတ်ပြုစေချင်ကြောင်းကိုလည်း သူ၏လူမှုကွန်ရက်စာမျက်နှာတွင် ယနေ့ရေးသားမျှဝေထားသည်။

ထွန်းထွန်းမင်းနှင့် သွေးသစ်ဝင်းလှိုင်တို့နှစ်ဦးသည် ယခုနှစ်ဇန်နဝါရီ (၂၉)ရက်တွင် လစ်လပ်နေသော အိုးပင်းဝိတ်တန်းချန်ပီယံဆုအတွက် ယှဉ်ပြိုင်ထိုးသတ်ရာသွေးသစ်ဝင်းလှိုင်က အနိုင်ရရှိထားသည်။

ထို့ကြောင့် ယခုလ ဩဂုတ်(၂၀)ရက်နေ့တွင် ထွန်းထွန်းမင်း၏ စိန်ခေါ်မှုကြောင့် မကျေပွဲယှဉ်ပြိုင်ထိုးသတ်ကြမည်ဖြစ်ရာနှစ်ဦးစလုံးကံကောင်းကြစေရန် ဆုမွန်တောင်းထားသည်။

အဆိုပါပွဲကို ရန်ကုန်မြို့၊ သိမ်ဖြူအားကစားရုံ၌ ကျင်းပသွားမည် ဖြစ်သည်။

#YMG/my #Local_News #ထွန်းထွန်းမင်းနှင့် သွေးသစ်ဝင်းလှိုင် #ဒေဝစောင့်ကြည့်နေမည်
#Yangon_Times

#Local_Sport
Published_ 16 August 2023

သြဂုတ်၁၆ ရက်မှာဆီဗီလာအသင်းနဲ့UEFAစူပါဖလားပြိုင်ပွဲကစားမယ့် မန်စီးတီးအသင်းလူစာရင်းကနေ ဒဏ်ရာရနေတဲ့ အသင်းခေါင်းဆောင် ဒီဘရိုင်းကို ချန်လှပ်ထားခဲ့တယ်လို့ သိရပါတယ်။ ဒီဘရိုင်းဟာ သောကြာနေ့က ကစားခဲ့တဲ့ ဘန်လေအသင်းနဲ့ ပွဲစဉ်မှာ ဒဏ်ရာပြဿနာကြောင့်လူစားလဲခံခဲ့ရတာဖြစ်ပြီး ရက်သတ္တပတ် အနည်းငယ်အနားယူရမယ်လို့ နည်းပြ ဂွာဒီယိုလာကပြောခဲ့ပါတယ်။

အသက် ၃၂နှစ်ရှိ ဒီဘရိုင်းဟာပြီးခဲ့တဲ့မေလ ချန်ပီယံလိဂ် ဖိုင်နယ်ပွဲစဉ်မှာလည်း အခုလိုတံကောက်ကြောဒဏ်ရာရရှိခဲ့တာဖြစ်ပါတယ်။အသင်းကဒဏ်ရာအခြေအနေကို အသေးစိတ်ဖော်ပြခြင်းမရှိပေမယ့် အေသင်မှာယှဉ်ပြိုင်ကစားမယ့် ယူအီးအက်ဖ်အေစူပါဖလားယှဉ်ပြိုင်မဲ့မန်စီးတီးရဲ့ ကစားသမား၂၂ဦး လူစာရင်းကနေ ဒီဘရိုင်းကိုချန်လှပ်ခဲ့တာပါ။

ဒီဘရိုင်းဟာ၂၀၁၅ ခုနှစ်က ဝုဖ်ဘက်ကနေ မန်စီးတီးကို ပြောင်းရွှေ့လာခဲ့ပြီးနောက်ပိုင်းအသင်းရဲ့ အဓိက ကစားသမားတစ်ဦးအဖြစ် စွမ်းဆောင်ရည်ပြသနေပြီး ကမ္ဘာ့ကောင်းဆုံးကစားသမားတစ်ဦးအဖြစ်လည်းသတ်မှတ်ခံထားရပါတယ်။

အခြားအဓိကကစားသမားတွေဖြစ်တဲ့ ဘာနာဒိုဆေးလ်ဗားနဲ့ရူဘင်ဒီယာ့ဇ်တို့လည်း ဒဏ်ရာပြဿနာတွေကြောင့်အခုလူစာရင်းမှာပါဝင်လာခြင်းမရှိပါဘူး။

#Local_Sport #မန်စီးတီးအသင်းလူစာရင်း #ဒီဘရိုင်းအားချန်လှပ်
Ref;fotmob