#Local_News
Published 31 July 2026

■ ရန်ကုန်မြို့ ဗိုလ်ချုပ်လမ်းရှိ နိုင်ငံတကာအဆင့်မီ ဝဇီရာဂုဏ်ပြုခံကဇာတ်ရုံကြီး ဖွင့်ပွဲအထိမ်းအမှတ်အဖြစ် သဘင်အငြိမ့်ဖျော်ဖြေပွဲကို ယနေ့ ဇူလိုင် ၃၁ ရက် ညနေ ၄ နာရီမှ ည ၈ နာရီအထိ ကျင်းပသွားမည်ဖြစ်ကြောင်း မြန်မာနိုင်ငံသဘင်အစည်းအရုံး (ဗဟို) က အသိပေးထားသည်။

■ အဆိုပါ သဘင်အငြိမ့်ဖျော်ဖြေပွဲတွင် မင်းသမီး ဝင်းသပြေထွန်း၊ ဇွဲရတီတို့က ပါဝင်ဖျော်ဖြေမည်ဖြစ်ပြီး နိုင်ငံကျော်ဟာသလူရွှင်တော်များကလည်း ဟာသအငြိမ့်ခန်း များဖြင့် ပါဝင်တင်ဆက်သွားမည်ဖြစ်ကြောင်း သိရသည်။

■ ထို့ပြင် ရွာစား သီရိမောင်မောင်၊ ပတ္တလားတီးဝိုင်းဖြင့် မွန်ပြည်နယ် ကိုကိုနိုင်၊ ရတနာမင်း ကျောက်ဆည်ဆင်အဖွဲ့တို့၏ ဖျော်ဖြေတင်ဆက်မှုများအပြင် ဆပ်ကပ်နှင့် မျက်လှည့်အစီအစဉ်များကိုလည်း ပဒေသာပွဲစဉ်အဖြစ် ထည့်သွင်းတင်ဆက်သွားမည်ဖြစ် ကြောင်း ထုတ်ပြန်ချက်တွင် ဖော်ပြထားသည်။

■ မြန်မာနိုင်ငံသဘင်အစည်းအရုံး (ဗဟို) က သဘင်ချစ်ပရိသတ်များအနေဖြင့် အဆိုပါဖွင့်ပွဲအထိမ်းအမှတ်ဖျော်ဖြေပွဲသို့လာရောက်ကြည့်ရှုအားပေးကြရန် ဖိတ်ကြားထားသည်။

#YMG/SW #Yangon_Times