စစ်ကိုင်းတိုင်းဒေသကြီးအတွင်းရှိ ယဉ်ကျေးမှုအခြေခံတဲ့ ဒေသတွေကို တစ်လတာအတွင်းပြည်တွင်း၊ ပြည်ပခရီးသွားတစ်သောင်းကျော်ဝင်ရောက်ထားတယ်လို့ ဟိုတယ်နှင့်ခရီးသွားညွှန်ကြားမှုဦးစီးဌာနက သိရပါတယ်။
#Local_News
Published 25 July 2024
#ယဉ်ကျေးမှုအခြေခံ #ဟိုတယ်နှင့်ခရီးသွားညွှန်ကြားမှု
#YMG/NN #Yangon_Times

၂၅ ဇူလိုင် ၂၀၂၄

ထိုင်းနိုင်ငံ ဆမွန်ပရာကန်ပြည်နယ် ဘန်ဘိုခရိုင်ရှိ ကလောင်ဒန်မှာ ဇူလိုင်၂၄ရက်ညက အရက်မူးနေတဲ့သူတစ်ဦးက ဓားနှင့် တိုက်ခိုက်တဲ့အတွက်  မြန်မာအမျိုးသမီးတစ်ဦးသေဆုံးပြီး သူ့ခင်ပွန်းလည်းဒဏ်ရာရရှိသွားတယ်လို့ ထိုင်းမီဒီယာတွေရဲ့ ဖော်ပြချက်အရသိရပါတယ်။

သေဆုံးသူမှာ အသက် ၅၁နှစ်အရွယ် မြန်မာအမျိုးသမီး မီမီအေးဆိုသူဖြစ်ပြီး သူမဟာ တစ်ထပ်အဆောက်အဦက ငှားထားတဲ့ အခန်းရဲ့ရှေ့ လမးပေါ်မှာ လဲကျသေဆုံးနေတာတွေ့ရတယ်လို့ ရဲမှူး ပွန်ချိုင်း ကွမ်ကန်တော့ဒ်က ပြောပါတယ်။

သူမဟာ နှလုံးအပါအဝင် ခန္ဓာကိုယ်အနှံ့မှာ ဓားထိုးဒဏ်ရာ အချက်ပေါင်းများစွာရရှိထားပါတယ်။ သူမဟာ အခင်းဖြစ်ပွားနေရာ မှာပဲ သေဆုံးခဲ့တာဖြစ်ပါတယ်။

သူမရဲ့ခင်ပွန်း အသက် ၃၈ နှစ်အရွယ် ဇင်ပန်ဟာလည်း တိုက်ခိုက်ခံရမှုကြောင့် ဒဏ်ရာတွေရရှိခဲ့ကာ ဘန်ဘိုဆေးရုံသို့ အရေးပေါ်ကုသခံရန် ပို့ဆောင်လိုက်ရပါတယ်။

အိမ်နီးချင်းတစ်ဦးဖြစ်တဲ့ “ဝင်း” ဆိုတဲ့ မြန်မာတစ်ဦးအပြောအရ အခန်းနံပါ(၉)မှာ ပြစ်မှူကျူးလွန်တဲ့ အသက်၂၉နှစ်အရွယ် ရာဇာကွန်ဟာ သူ့မိန်းမနှင့် အကြီးအကျယ်အော်ဟစ်ရန်ဖြစ်နေကြတာကို အခန်းနံပါတ်(၁)က မီမီအေးနှင့်ဇင်ပန်တို့က  အသံလျှော့ပြောကြဖို့ သွားပြောခဲ့တယ်လို့ဆိုပါတယ်။

အဲသလိုလာပြောတာကိုမကျေနပ်လို့ ပြစ်မှုကျူးလွန်ခဲ့တဲ့သူက အပြင်မှာအရက်သောက်နေကြတဲ့ သူ့သူငယ်ချင်းတွေကို လူသွားစုဖို့ ထွက်သွားခဲ့ပါတယ်။ အဲဒီနောက် အခန်း(၁)ကိုပြန်လာကာ ဇင်ပန်ကို ကိုယ်ထိလက်ရောက်စတင်တိုက်ခိုက်ခဲ့ ပါတယ်။ အဲဒီအခါ ဇနီးဖြစ်တဲ့ မီမီအေးက ရပ်တန့်သွားအောင်ကြိုးစားခုခံစဉ် ဓားနဲ့ အချက်ပေါင်းများစွာ အထိုးခံရတာဖြစ် ပါတယ်။

အသက် ၃၈နှစ်အရွယ်အိမ်နီးချင်းမြန်မာတစ်ဦးဖြစ်တဲ့ “စိုင်း”က သူဟာ လမ်းပေါ်မှာ မီမီအေးသွေးတွေအများအပြာနှင့်လဲကျ နေပြီး သူဘေးမှာ ဇင်ပန်က ထိုင်လျက်တွေ့ရလို့ ရဲကိုဖုန်းဆက်အကြောင်းကြားခဲ့ပါတယ်လို့သိရပါတယ်။

ပြစ်မှုကျူးလွန်သူဟာ ဇနီးဖြစ်သူနှင့် နှမဖြစ်သူတို့နှင့် အတူနေထိုင်ပြီး အဲဒီနှစ်ယောက်ကတော့ အမှုမှာမပတ်သက်ကြ ပါဘူး။

@ymg/knl

အပျော်စီးသင်္ဘောပေါ်မှာ အလုပ်လုပ်ကိုင်လိုတဲ့ အမျိုးသားအမျိုးသမီးသင်္ဘောသား
တွေအတွက် လုပ်ငန်းခွင်သုံး အင်္ဂလိပ်စာအခမဲ့သင်တန်း အပတ်စဉ် (၃)ကို ဩဂုတ်လမှာ ထပ်မံဖွင့်လှစ်သွားမှာဖြစ်တယ်လို့ သိရပါတယ်။
#Local_News
Published 25 July 2024
#အပျော်စီးသင်္ဘော #အင်္ဂလိပ်စာအခမဲ့သင်တန်း
#YMG/tthl #Yangon_Times

#Local_News
Published_25 July 2024

▪️ MNDAA က လားရှိုးမြို့အခြေစိုက်အရှေ့မြောက်ပိုင်းတိုင်းစစ်ဌာနချုပ်ကို သိမ်းပိုက်ထားသည်ဆိုသောသတင်းမှာ မဟုတ်မှန်ဟု နစက သတင်းထုတ်ပြန်ရေးအဖွဲ့ ခေါင်းဆောင်လည်းဖြစ်၊ပြန်ကြားရေးဝန်ကြီးဌာန ဒုဝန်ကြီးလည်းဖြစ်သူ ဗိုလ်ချုပ်ဇော်မင်းထွန်းက မီဒီယာများအား ယနေ့ ဇူလိုင်လ ၂၅ ရက်တွင် ပြောကြားလိုက်သည်။

▪️ MNDAA ဦးဆောင်သော အဖွဲ့များက အရှေ့မြောက်ပိုင်းတိုင်းစစ်ဌာနချုပ်ကို ထိန်းချုပ်နိုင်ပြီဟု သတင်းများ ထုတ်ပြန်ရေးသားနေမှုအပေါ် ယင်းက အထက်ပါအတိုင်းတုန့်ပြန် ပြောဆိုလိုက်ခြင်းလည်း ဖြစ်သည်။

▪️ လက်ရှိတွင် လားရှိုးမြို့စွန်ရပ်ကွက်များသို့ သောင်းကျန်းသူများ စိမ့်ဝင်လာသောကြောင့် လိုက်လံရှင်း လင်းနေကြောင်းလည်း သိရသည်။

▪️ တရုတ်၏တောင်းဆိုချက်အရ အပစ်အခတ်ကို ဇူလိုင်လကုန်ထိရပ်မည်ဟု MNDAA က ကြေညာချက်တစ်ခုကို ဇူလိုင်လ ၁၉ ရက် ရက်စွဲဖြင့် ဒုတိယအကြိမ်ထုတ်ပြန်ခဲ့သေးသည်။

▪️ ယင်းထုတ်ပြန်ချက်တွင် တရုတ်နိုင်ငံ၏ ချက်ချင်းအပစ်အခတ်ရပ်စဲရေးနှင့် စစ်ပွဲများရပ်တန့်ရေးတောင်းဆိုချက်ကို တက်ကြွစွာတုံ့ပြန်ရန်အတွက် ထုတ်ပြန်ခြင်းဖြစ်ကြောင်း ဖော်ပြထားသည်။

#Yangon_Times/PP

#Local_News
Published 25 July 2024

▪️ ရန်ကုန်တိုင်းဒေသကြီး၊ မှော်ဘီမြို့နယ်၊ အမှတ်(၄)လမ်းမပေါ်တွင် Hilux နှင့်Light Truck ယာဉ်တိုက်မှုဖြစ်ပွားရာနှစ်ဦး‌ ‌ေ-ဆုံးပြီး ခြောက်ဦးဒဏ်ရာရရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဖြစ်စဉ်မှာ ဇူလိုင်၂၅ရက်နေ့၊ မနက် ၇ နာရီ ၁၀ မိနစ် အချိန်ခန့်က  ရန်ကုန်တိုင်းဒေသကြီး၊ မှော်ဘီမြို့နယ်၊ အမှတ်(၄)လမ်းမပေါ်တွင် ယာဉ်တိုက်မှုဖြစ်ပွားကြောင်း သတင်းရရှိသဖြင့် မှော်ဘီမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ခဲ့ကြောင်း သိရသည်။

▪️ အဆိုပါယာဉ်တိုက်မှုကြောင့် Hilux ယာဉ်ပေါ်ပါ ကျား(၁)ဦး၊ မ(၃)ဦး ၊ စုစုပေါင်း (၄)ဦးအနက် ကျား(၁)ဦး ထိခိုက်ဒဏ်ရာ(မစိုးရိမ်ရ)၊ မ(၂)ဦး ထိခိုက်ဒဏ်ရာ(မစိုးရိမ်ရ)နှင့် မ(၁)ဦး (သေဆုံး)၊  Light Truckယာဉ်ပေါ်ပါ ကျား(၃)ဦး၊ မ(၁)ဦး ၊ စုစုပေါင်း(၄)ဦးအနက် ကျား(၂)ဦး ထိခိုက်ဒဏ်ရာ(မစိုးရိမ်ရ)နှင့် ကျား(၁)ဦး (သေဆုံး)၊ မ(၁)ဦး ထိခိုက်ဒဏ်ရာ(မစိုးရိမ်ရ) တို့အား မြို့မလူမှုကူညီရေးအသင်းနှင့် မြင့်မြတ်စေတနာလူမှုကူညီရေးအသင်းတို့မှ သူနာတင်ယာဉ်များဖြင့် မှော်ဘီမြို့နယ်ပြည်သူ့ဆေးကြီးသို့‌ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#Local_News
Published_ 25 July 2024

▪️ မြန်မာနိုင်ငံသည် တရုတ်နိုင်ငံနှင့် တောင်အာရှနိုင်ငံများအကြား စီးပွားရေးပူးပေါင်း ဆောင်ရွက်မှုများကို ပေါင်းစပ်ပေးနိုင်သည့်အတွက် မြန်မာနိုင်ငံတွင် ရင်းနှီးမြှုပ်နှံမှုများ ပိုမိုပြုလုပ်သွားရန် ဒုတိယဝန်ကြီးချုပ်နှင့်နိုင်ငံခြားရေးဝန်ကြီး ဦးသန်းဆွေက ဖိတ်ခေါ်ခဲ့ပါတယ်။

▪️ (၈) ကြိမ်မြောက် တရုတ်-တောင်အာရှကုန်စည်ပြပွဲနှင့် (၂၈) ကြိမ်မြောက် တရုတ် (ကူမင်း) ပို့ကုန်/သွင်းကုန်ပြပွဲ ဖွင့်ပွဲအခမ်းအနားကို ဇူလိုင် (၂၃) ရက်တွင် တရုတ်နိုင်ငံ၊ ယူနန်ပြည်နယ်၊ ကူမင်းမြို့၌ကျင်းပပြုလုပ်ရာ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ဦးသန်းဆွေ က မိန့်ခွန်းပြောကြားခဲ့ရာ၌ ဖိတ်ခေါ်ခဲ့တာ ဖြစ်ပါတယ်။

▪️ ဒုတိယဝန်ကြီးချုပ်က မြန်မာနိုင်ငံသည် လူဦးရေ ၃.၂ ဘီလီယံ အခြေချနေထိုင် လျက်ရှိသော အိမ်နီးချင်းနိုင်ငံ (၅) နိုင်ငံ၏အလယ်တွင်ရှိပြီး သဘာဝသယံဇာတနှင့် လူသားအရင်းအမြစ်ကြွယ်ဝသော အခြေခံကောင်းများရှိကာ အိန္ဒိယ သမုဒ္ဒရာတွင် ရှည်လျားသည့်ကမ်းရိုးတန်း ပိုင်ဆိုင်ထားသည့်နိုင်ငံဖြစ်၍ ရင်းနှီးမြှုပ်နှံမှုနှင့် ကုန်သွယ်မှု အလားအလာ အလွန်ကောင်းမွန်သောနိုင်ငံဖြစ်တယ်လို ဆိုပါတယ်။

▪️ ကုန်စည်ပြပွဲကို အရှေ့တောင်အာရှ (၁၀) နိုင်ငံနှင့် တောင်အာရှ (၈) နိုင်ငံတို့မှ အစိုးရကိုယ်စားလှယ်များ တက်ရောက်ခဲ့ပြီး ပြပွဲကို ဇူလိုင် ၂၃ ရက်မှ ၂၈ ရက်အထိ ကျင်းပလျက်ရှိကာ နိုင်ငံပေါင်း (၈၂) နိုင်ငံမှ ကုမ္ပဏီပေါင်း (၂၀၀၀) ကျော်က ပြခန်းပေါင်း (၈၀၀)ကျော် ပါဝင်ပြသလျက်ရှိပါတယ်။

▪️ အဆိုပါကုန်စည်ပြပွဲသို့ မြန်မာနိုင်ငံကုန်သည်များနှင့်စက်မှုလက်မှု လုပ်ငန်းရှင်များ အသင်းချုပ်ဥက္ကဋ္ဌ ဦးအေးဝင်း ဦးဆောင်သည့် အဖွဲ့ဝင် ၃၇ ဦး၊ မြန်မာ့စီးပွားရေး လုပ်ငန်းရှင် ၈၈ ဦးတို့တက်ရောက်ခဲ့ကြပြီး ကုန်စည်ပြပွဲ၌ မြန်မာနိုင်ငံမှ ကုမ္ပဏီ ၂၄ ခုက ပြခန်းပေါင်း ၂၆ ခု ပါဝင်ပြသလျက်ရှိပါတယ်။

▪️ တရုတ်−တောင်အာရှ ကုန်စည်ပြပွဲကို တရုတ်နိုင်ငံနှင့် တောင်အာရှနိုင်ငံများ အကြား ကုန်သွယ်ရေးပူးပေါင်းဆောင်ရွက်မှု ပိုမိုတိုးမြင့်စေရေးနှင့် ပြည်သူများအကြား ကူးလူးဆက်ဆံမှု ပိုမိုများပြားလာစေရေး ရည်ရွယ်ချက်များဖြင့် ၂၀၁၃ ခုနှစ်မှစ၍ ယူနန် ပြည်နယ်၊ ကူမင်းမြို့၌ကျင်းပခဲ့တာဖြစ်ပြီး ယခုနှစ်ပြပွဲကို “စည်းလုံးညီညွတ်မှုနှင့် ဘုံဖွံ့ဖြိုးတိုးတက်မှုအတွက် ပူးပေါင်းဆောင်ရွက်ရေး” ခေါင်းစဉ်ဖြင့် ကျင်းပနေတာဖြစ်ပါတယ်။

#Ymg_mnn #Yangon_Media_Group