#Local_News
Published_ 1 May 2023
မြန်မာအလုပ်သမား အများဆုံးသွားရောက်အလုပ်လုပ်ကိုင်သည့် ထိုင်း၊ မလေးရှား နှင့် ကိုရီးယားသမ္မတ နိုင်ငံတို့တွင် အလုပ်သမားသံအရာရှိများ ခန့်အပ်ထားရှိသည့်အပြင် နိုင်ငံတကာရှိ မြန်မာသံရုံးများကလည်း လိုအပ်သည့်ကာကွယ်စောင့်ရှောက်မှုများ ပြုလုပ်ပေးလျက်ရှိတယ်လို့ မေ ၁ ရက်တွင်ကျရောက်သည့် နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံမှပေးပို့သည့် အပြည်ပြည်ဆိုင်ရာအလုပ်သမားနေ့ သဝဏ်လွှာတွင် ဖော်ပြထားပါတယ်။
ပြည်ပနိုင်ငံများသို့ သွားရောက်အလုပ်လုပ်ကိုင်သည့် မြန်မာရွှေ့ပြောင်း အလုပ်သမားများကို သက်ဆိုင်ရာနိုင်ငံများ၏ ဥပဒေနှင့်အညီ ရပိုင်ခွင့်များရရှိနိုင်ရေး အတွက်လည်း ဆောင်ရွက်ပေးနေတယ်လို့ ဆိုပါတယ်။
ထို့ပြင် မြန်မာနိုင်ငံလုပ်သားများကျွမ်းကျင်မှု “စံ” သတ်မှတ်ပြဋ္ဌာန်းရေးအဖွဲ့ (National Skills Standards Authority-NSSA) ကို ဖွဲ့စည်းပြီး ကျွမ်းကျင်မှု စစ်ဆေး အကဲဖြတ်ရေးနှင့် အသိအမှတ်ပြုရေးလုပ်ငန်းစဉ်များ ချမှတ်အကောင်အထည်ဖော် ဆောင်ရွက်လျက်ရှိတယ်လို့ ဖော်ပြထားပါတယ်။
အထည်ချုပ်လုပ်ငန်းများအပါအဝင် စက်ရုံ၊ အလုပ်ရုံများ စဉ်ဆက်မပြတ် လုပ်ငန်း လည်ပတ်လုပ်ကိုင်နိုင်ရန် အစိုးရ၊ အလုပ်ရှင်၊ အလုပ်သမားသုံးပွင့်ဆိုင် လက်တွဲကြိုးပမ်း ဆောင်ရွက်လျက်ရှိသည့်အပြင် ကုန်ကြမ်းယူ ကုန်ချောပေး လက်ခစားလုပ်ငန်းများ (CMP) ကို နိုင်ငံခြားကုမ္ပဏီများနှင့် တိုင်းရင်းသားလုပ်ငန်းရှင်များအား ဆောင်ရွက်ခွင့် ပြုခြင်း၊ မြန်မာနိုင်ငံ ရင်းနှီးမြှုပ်နှံမှု ဥပဒေနှင့်အညီ မြန်မာနိုင်ငံအတွင်း နိုင်ငံခြား ရင်းနှီးမြှုပ်နှံမှုများကို ခွင့်ပြုပေးခြင်းများ ဆောင်ရွက်ပေးလျက်ရှိကြောင်း သိရပါတယ်။
မြန်မာနိုင်ငံ၌ ၂၀၁၁ ခုနှစ်၊ အလုပ်သမားအဖွဲ့အစည်းဥပဒေအရ အလုပ်သမား အဖွဲ့အစည်း (၃၀၁၅) ဖွဲ့နှင့် အလုပ်ရှင်အဖွဲ့အစည်း (၂၈) ဖွဲ့ကို ဖွဲ့စည်းခွင့်ပြုခဲ့ပြီး ယင်းအဖွဲ့ အစည်းများနှင့်လည်း ညှိနှိုင်းပူးပေါင်းဆောင်ရွက်လျက်ရှိကြောင်း သိရပါတယ်။
ygm_mnn
#Local_News #မြန်မာအလုပ်သမား #အလုပ်သမားသံအရာရှိများ
#YMG #Yangon_Media_Group
#LocalNews
Published_ 30 April 2023
ယခုရက်ပိုင်းအတွင်း ရန်ကုန်တိုင်းတွင် ကိုဗစ်ပိုးတွေ့ရှိသူအနည်းငယ်များလာပြီး (၅)ရက်အတွင်း ရန်ကုန်တိုင်းတွင်ကိုဗစ်ပိုးတွေ့ရှိသူ(၁၈၄)ဦးရှိကြောင်း ကျန်းမာရေးဝန်ကြီးဌာနမှထုတ်ပြန်ထားသည့် စာရင်းများအရသိရသည်၊၊
ဧပြီလ(၂၄)ရက်မှ(၂၈)ရက်အထိကျန်းမာရေးဝန်ကြီး ဌာနထုတ်ပြန်ချက်များအရသိရခြင်းဖြစ်ပြီးရန်ကုန် တိုင်းဒေသကြီး၌ ဧပြီ(၂၄)ရက်တွင်(၇)ဦး၊ဧပြီ(၂၅) ရက်တွင်(၃၄)ဦး၊ဧပြီ(၂၆)ရက်တွင်(၅၄)ဦး၊
ဧပြီ(၂၇)ရက်တွင်(၄၅)ဦး၊ဧပြီ(၂၈)ရက်တွင်(၄၄)ဦး ရှိသည်ဟုဆိုသည်၊၊
ယခုရက်ပိုင်းအတွင်းကိုဗစ်ပိုးတွေ့ရှိမှုအများဆုံးဒေသသည်ရန်ကုန်တိုင်းဒေသကြီးဖြစ်ပြီး ပြည်ပပြန်များတွင် ကိုဗစ်ပိုးတွေ့ရခြင်းထက် ကိုဗစ်ပိုးပိုမိုတွေ့ရှိနေရခြင်းဖြစ်သည်၊၊
ဧပြီလ(၂၉)ရက်ထုတ်ပြန်ချက်စာရင်းတွင် တစ်နိုင်ငံလုံးအတိုင်းအတာကိုဗစ်ပိုးတွေ့သူ(၁၃၀)ဦးရှိပြီး သေဆုံးသူတစ်ဦးရှိကြောင်းသိရသည်၊၊
ဧပြီလအတွင်းတွင်ကိုဗစ်ပိုးတွေ့ရှိသူအနည်းငယ်ပြန်မြင့်လာသည့်အတွက် ကိုဗစ်ကာကွယ်ထိန်းချုပ်ရေးများကိုအရှိန်အဟုန်မြှင့်တင်ဆောင်ရွက်နေသလို ပြည်သူလူထုအနေဖြင့်လည်း ကိုဗစ်စည်းမျဥ်းစည်းကမ်းများကိုပြန်လည်လိုက်နာရန်လိုအပ်ကြောင်း ကျန်းမာရေးဝန်ကြီးဌာနမှသိရသည်၊၊
#ymg/tthl
#Yangon_Media_Group
#Local_News
Published_ 30 April 2023
ရှမ်းပြည်နယ်မြောက်ပိုင်း၊ သီပေါမြို့နယ် ကုန်းသာနှင့် စံလောင်းကျေးရွာကြားမှာ ယာဉ်တိုက်မှုဖြစ်ပွားခဲ့၍ဆိုင်ကယ်သမား ပွဲချင်းပြီး သေဆုံးခဲ့ကြောင်း သီပေါမြို့ နယ်စည်းမခြားပရဟိတအသင်းမှသိရသည်။
ဧပြီလ ၂၉ ရက် နံနက် ၁၁ နာရီခန့်က ကားကြီးနှင့် ဆိုင်ကယ် တိုက်မိကြပြီး ဆိုင်ကယ်သမား အမျိုးသားသေဆုံးကာ ကားသမားဒဏ်ရာရရှိခဲ့ကြောင်းသိရသည်။
သွားရောက် ကူညီပေးခဲ့တဲ့ သီပေါမြို့မှ နယ်စည်းမခြား ပရဟိတအသင်းက"ဘယ်လို တိုက်ကြတာလဲတော့ မသိရဘူး၊ သေဆုံးသူက အသက်၄၀ ဝန်းကျင်လောက်ရှိပါတယ်။ ဆေးရုံပို့ပေးခဲ့တယ်"ဟုပြောကြားသည်။
သီပေါမြို့နယ်တွင် ဧပြီလ အတွင်းယာဉ်တိုက် မှု ၁၀ ကြိမ်ခန့် ဖြစ်ပွားခဲ့ကြောင်းလည်းသိရသည်။
#ymg/pl
#YMG #Yangon_Media_Group
#Local_News
Published_30 April 2023
မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်ရှိ ခန်ကုန်းကျေးရွာမှ မီးဘေးသင့် အိမ်ထောင်စုများအတွက် ယာယီနေအိမ်(၃၁)လုံးကို မကွေးတိုင်းဒေသကြီးအစိုးရအဖွဲ့၏ ပံ့ပိုးကူညီမှုဖြင့် မြို့နယ်သစ်တောဦးစီးဌာနက အခမဲ့ ဆောက်လုပ်ပေးလျက်ရှိကြောင်း သိရသည်။
င်းနေအိမ်များကို ပြီးခဲ့သည့် ဧပြီလ ၁၇ ရက်က စတင်တည်ဆောက်ခဲ့ခြင်း ဖြစ်ကြောင်း၊အိမ်အရွယ်အစားမှာ(၁၄)ပေပတ်လည်ဖြစ်ကာ ထရံကာ၊ သက္ကယ်မိုး၊ ဝါးကြမ်းခင်း၊ သုံးပင် ပတ်လည် မြေစိုက်ယာယီနေအိမ် အမျိုးအစားဖြစ်ကြောင်း၊
ယခုအခါ နေအိမ် ၂၉ လုံး ဆောက်လုပ်ပြီးစီးနေပြီ ဖြစ်ကြောင်း သိရသည်။
ခန်ကုန်းကျေးရွာ၌ ဧပြီလ ၂ ရက်က မီးလောင်မှုဖြစ်ပွားခဲ့ပြီး အိမ်ထောင်စု (၃၄)စုမှ အိမ်ခြေ (၃၂)လုံး၊ လူဦးရေ (၁၄၈)ဦး မီးဘေးသင့်ခဲ့ရကြောင်း သိရသည်။
#ymg/pl
#YMG #Yangon_Media_Group
#Local_News
Published_ 30 April 2023
ဆူဒန်နိုင်ငံ စစ်ဘေးအတွင်း ပိတ်မိနေသည့်မြန်မာနိုင်ငံသားအမျိုးသမီးအား ကူညီကယ်တင်ပြီးအလုပ်ရှိရာဒူဘိုင်းသို့ပြန်ရန်စီစဥ်ဆောင်ရွက်ပေးခဲ့ကြောင်း မြန်မာနိုင်ငံခြားရေးဝန်ကြီးဌာန၏ထုတ်ပြန်ချက်အရသိရသည်၊၊
ထုတ်ပြန်ချက်တွင်မြန်မာသံရုံး၊ ရီရတ်ဒ်မြို့အနေဖြင့် နိုင်ငံသားများအကျိုးစီးပွားကို ကာကွယ်စောင့်ရှောက်ရန် တာဝန်ရှိသည်နှင့်အညီ အရှေ့အလယ်ပိုင်းဒေသ နိုင်ငံများတွင် ရောက်ရှိနေပြီး အခက်အခဲ ကြုံတွေ့ နေရသည့် မြန်မာနိုင်ငံသားများကို ကူညီဆောင်ရွက်ပေးလျက်ရှိရာ ယူအေအီးနိုင်ငံ၊ ဒူဘိုင်းမြို့တွင် အလုပ်လုပ်ကိုင်လျက်ရှိသူ မြန်မာနိုင်ငံသား မလယ်မယ်မီး (Lae Mae Mee) သည် သူမ၏အိမ်ရှင်နှင့်အတူ အားလပ်ရက်ခရီးအဖြစ် ဆူဒန်နိုင်ငံ၊ ခါတွန်မြို့သို့ ရောက်ရှိပြီး စစ်မက်ဘေးနှင့် ကြုံတွေ့ကာ Port Sudan မြို့တွင်ပိတ်မိနေကြောင်း ၂၆-၄-၂၀၂၃ ရက် (ဗုဒ္ဓဟူးနေ့) ညပိုင်းတွင် သံရုံးမှ သတင်းရရှိခဲ့ကြောင်း၊
မြန်မာသံရုံးမှ မလယ်မယ်မီးအား ကူညီကယ်ဆယ်နိုင်ရေးအတွက် ဆော်ဒီနိုင်ငံခြားရေးဝန်ကြီးဌာနသို့ လည်းကောင်း၊ ဆူဒန်နိုင်ငံ စစ်ဘေးအတွင်း ပိတ်မိနေသူများအား ကယ်ဆယ်ရေးအတွက် ဆော်ဒီနိုင်ငံမှ ဖွဲ့စည်းထားသည့် Emergency Crisis Management Team သို့လည်းကောင်း ဆက်သွယ်၍ ဆော်ဒီနိုင်ငံမှ စီစဉ်ဆောင်ရွက်နေသည့် ကယ်ဆယ်ရေး သင်္ဘောတွင် လိုက်ပါခွင့်ရရှိရေးအတွက် ညှိနှိုင်းရရှိခဲ့ကြောင်း၊
ထို့နောက် မလယ်မယ်မီးသည် ဆူဒန်နိုင်ငံ Port Sudan မြို့မှ ဂျက်ဒါမြို့သို့ ၂၉-၄-၂၀၂၃ ရက် (စနေနေ့) ညပိုင်းတွင်ရောက်ရှိခဲ့ပြီး၊ ထိုမှတစ်ဆင့် သူမ၏လုပ်ငန်းခွင်ရှိရာ ဒူဘိုင်းမြို့သို့ ခရီးဆက်လက် ထွက်ခွာနိုင်ရေးအတွက် မြန်မာသံရုံး၊ ရီရတ်ဒ်မြို့မှ စီစဉ်ဆောင်ရွက်ပေးခဲ့ကြောင်း ဖော်ပြပါရှိသည်။
ymg/tthl
#YMG #Yangon_Media_Group
#TV Yangon Times Matters အစီအစဉ်
Published_ 30 April 2023
တားရော့ပညာကို စတင်လေ့လာဖြစ်ခဲ့ပုံအကြောင်း တားရော့ကြည့်ပေးဖြစ်တဲ့ အချိန်တိုင်းအစောင့်အရှောက်တွေကို မေတ္တာပို့ပေးလေ့ရှိကြောင်း တားရော့မေးကြသူတွေက ၇၅%မှန်တယ်လို့ ပြောလေ့ရှိကြောင်း
တားရော့ပညာနဲ့ပတ်သတ်ပြီး သင်ပေးခဲ့သူဆိုတာထက် ကိုယ်တိုင်ကြိုးစားလေ့လာခဲ့ရတာဖြစ်ကြောင်း
တားရော့ကတ်ပေါ်မှ ကိုယ်တွေ့ဖြစ်ရပ်များ၊ မမြင်ရသူတွေရဲ့ပုံရိပ်များ စာအုပ်နှစ်အုပ်ရေးသားဖြစ်ခဲ့တဲ့အကြောင်း
(၁၀)ရက် ပြတ် တားရော့သင်တန်းအပတ်စဉ် ၉အထိ သင်ကြားပေးနေမှုအကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#TV Yangon Times Matters #ဆရာဟိန်းလတ် #နေခြည် (တားရော့)
#YMG #Yangon_Media_Group
#TV Yangon Times Matters အစီအစဉ်
Published_ 30 April 2023
တားရော့ပညာကို စတင်လေ့လာဖြစ်ခဲ့ပုံအကြောင်း တားရော့ကြည့်ပေးဖြစ်တဲ့ အချိန်တိုင်းအစောင့်အရှောက်တွေကို မေတ္တာပို့ပေးလေ့ရှိကြောင်း တားရော့မေးကြသူတွေက ၇၅%မှန်တယ်လို့ ပြောလေ့ရှိကြောင်း
တားရော့ပညာနဲ့ပတ်သတ်ပြီး သင်ပေးခဲ့သူဆိုတာထက် ကိုယ်တိုင်ကြိုးစားလေ့လာခဲ့ရတာဖြစ်ကြောင်း
တားရော့ကတ်ပေါ်မှ ကိုယ်တွေ့ဖြစ်ရပ်များ၊ မမြင်ရသူတွေရဲ့ပုံရိပ်များ စာအုပ်နှစ်အုပ်ရေးသားဖြစ်ခဲ့တဲ့အကြောင်း
(၁၀)ရက် ပြတ် တားရော့သင်တန်းအပတ်စဉ် ၉အထိ သင်ကြားပေးနေမှုအကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#TV Yangon Times Matters #ဆရာဟိန်းလတ် #နေခြည် (တားရော့)
#YMG #Yangon_Media_Group
Page 1617 of 2529
