#World_Health
Published 17 June 2025
▪️ ပရိုတိန်းဟာ ကြွက်သားထိန်းသိမ်းဖြစ်တည်ဖို့နဲ့ ကျန်းမာရေးအတွက် မရှိမဖြစ်ဆိုပေမယ့် များလွန်းရင်တော့ ဘေးထွက်ဆိုးကျိုးတွေ ဖြစ်စေနိုင်တယ်လို့ L-Nutra ကုမ္ပဏီမှ စီအီးအို ဒေါက်တာ ဂျိုဆက်အန်တွန်က ပြောပါတယ်။
▪️ IGF-1 ဟော်မုန်းက အသည်းမှာ အဓိကထုတ်လုပ်ပြီး ကြီးထွားမှု အားပေးခြင်းနဲ့ ဇီဝကမ္မဖြစ်စဉ် ထိန်းညှိခြင်းတို့မှာ အရေးပါပါတယ်။
▪️ ငယ်စဉ်မှာ အရေးကြီးပေမယ့် လူကြီးပိုင်းမှာ IGF-1 ကြာရှည်မြင့်မားနေရင် ဇီဝသက်တမ်း လျင်မြန်စွာအိုမင်းကာ ကင်ဆာလိုအခြေအနေတွေ ဖြစ်နိုင်ခြေ များစေတယ်လို့ ဆိုပါတယ်။
▪️ အသက် ၆၅ နှစ်အောက်ဆိုရင် ကိုယ်အလေးချိန် ၁ ပေါင်လျှင် အပင်အခြေပြုပရိုတိန်း ၀.၃၁ ဂရမ်မှ ၀.၃၆ ဂရမ် နေ့စဉ်စားသုံးသင့်ပါတယ်။
▪️ အကြမ်းဖျင်းအားဖြင့် ပေါင် ၁၅၀ ရှိသူအတွက် ပရိုတိန်း ၄၆.၅ မှ ၅၄ ဂရမ်အထိ လိုအပ်နိုင်ပြီး ဒါဟာ ကြက်ဥ ၇ လုံး၊ ကြက်ရင်အုံသား ၂၀၀ ဂရမ် ဒါမှမဟုတ် ပဲနီလေး ၂ ခွက်နဲ့ ညီမျှပါတယ်။
▪️ အသက် ၆၅ နှစ်ကျော်လာလို့ ကြွက်သားဆုံးရှုံးလာရင်တော့ ပရိုတိန်းကို အနည်းငယ်လောက်ပိုပြီး စားသင့်ပါတယ်။
▪️ ငါး၊ ကြက်ဥ၊ ဒိန်ခဲ၊ ဒိန်ချဉ်တို့မှရတဲ့ ပရိုတိန်းကို ဦးစားပေးသင့်ပြီး အသားပရိုတိန်းကတော့ ရေရှည်မှာ ဘေးအန္တရာယ်ဖြစ်စေနိုင်ပါတယ်။
▪️ IGF-1 မြင့်မားတဲ့အခါ နှလုံးရောဂါများ၊ ကင်ဆာများဖြစ်နိုင်ခြေ များစေပြီး အမျှင်ဓာတ်နည်းပါးလာရင် အူလမ်းကြောင်းပြဿနာများ ဖြစ်လာနိုင်ပါတယ်။
▪️ အပင်အခြေပြုပရိုတိန်းဟာဆိုရင် ကာဗိုဟိုက်ဒရိတ်အုပ်စု၊ ငါး၊ အစေ့အဆန်များမှ အဆီများမှာ ကြွယ်ဝစွာပါဝင်ပြီး သင့်တင့်မျှတစွာ ကျန်းမာစေနိုင်မယ်လို့ အန်တွန်က အကြံပြုသွားပါတယ်။
#Source: New York Post
