#World_Health
Published 17 June 2025
▪️ ကလေးတွေမှာ ကိုယ်ခံအားစနစ်က ရောဂါကူးစက်မှုတွေထံမှ ပထမဆုံးကာကွယ်ပေးတဲ့ စနစ်ဖြစ်ပြီး ထိုစနစ်ပျက်ယွင်းတဲ့အခါ ခန္ဓာကိုယ်ကနေ ရောဂါပိုးတွေ မတိုက်ထုတ်နိုင်တော့ပါဘူး။ ဒါကြောင့် ကလေးတွေမှာ ကိုယ်ခံအားနည်းတဲ့ လက္ခဏာတွေကို သိရှိထားဖို့ လိုအပ်ပါတယ်။
(၁) ရောဂါမကြာခဏဖြစ်ခြင်း ပြန်ဖြစ်ခြင်း
▪️ သာမန်ကုသနည်းတွေနဲ့ သိပ်အလုပ်မဖြစ်ဘဲ ဆေးဖြတ်လိုက်ပြီးနောက် ရောဂါပြန်ဖြစ်ခြင်း၊ တစ်နှစ်အတွင်း နားရွက်ရောဂါကူးစက်မှု ၈ ကြိမ်အထက်ဖြစ်ခြင်း၊ နှာတွင်းကူးစက်မှု ၂ ကြိမ်နဲ့အထက်ဖြစ်ခြင်း၊ အဆုတ်ရောင်၊ လေပြွန်ရောင်တို့ ပြန်ဖြစ်ခြင်းတို့ ဖြစ်နိုင်ပါတယ်။
(၂) ရောဂါဖြစ်လျှင် ကြာရှည်ခြင်း ပြင်းထန်ခြင်း
▪️ သာမန်အအေးမိရာကနေ ကြာရှည်လာခြင်း၊ ဆေးရုံတက်ရခြင်း၊ ကိုယ်တွင်းအင်္ဂါပြဿနာများ ဖြစ်ခြင်းတို့ ဖြစ်နိုင်ပါတယ်။
(၃) ကိုယ်အလေးချိန်နည်းခြင်း၊ ဖွံ့ဖြိုးမှုနှေးခြင်း
▪️ ခန္ဓာကိုယ်က ရောဂါတွေနဲ့ အချိန်တိုင်း တိုက်ခိုက်နေရတဲ့အတွက် သာမန်နှုန်းထက် ဖွံ့ဖြိုးမှုနှောင့်နှေးခြင်း၊ စားချင်စိတ်နည်းပါးခြင်းတို့ ဖြစ်နိုင်ပါတယ်။
(၄) ဝမ်းပြဿနာများ
▪️ ကိုယ်ခံအားနည်းတဲ့ကလေးတွေမှာ ဝမ်းလျှောခြင်းလက္ခဏာက ရက်သတ္တပတ်အထိ ကြာနေခြင်း၊ ပုံမှန်ဆေးများနဲ့ မတိုးခြင်း၊ အာဟာရချို့တဲ့ခြင်း၊ ရေဓာတ်ခန်းခြောက်ခြင်းတို့ ဖြစ်နိုင်ပါတယ်။
(၅) ကိုယ်ခံအားနည်းမျိုးရိုးရှိခြင်း
▪️ မျိုးရိုးထဲမှာ ကိုယ်ခံအားနည်းရောဂါများ ဖြစ်ဖူးတဲ့သူတွေရှိရင် ကလေးမှာလည်း ဖြစ်နိုင်ခြေများပါတယ်။
(၆) ဒဏ်ရာကျက်နှုန်းနှေးခြင်း
▪️ ပွန်းပဲ့ဒဏ်ရာတွေ သာမန်ထက်ပိုပြီး သက်သာမှုနှေးနေရင် ကိုယ်ခံအားနည်းတဲ့လက္ခဏာ ဖြစ်ပါတယ်။
(၇) ပဋိဇီဝဆေး အကြောဆေးများ မကြာခဏထိုးရခြင်း
▪️ သာမန်ရောဂါလောက်နဲ့ပင် တစ်နှစ်အတွင်းမှာ ပဋိဇီဝဆေးတွေ ခဏခဏအသုံးပြုရခြင်း အကြောဆေးသွင်းရခြင်းတို့က ကိုယ်ခံအားပုံမှန်အလုပ်မလုပ်တဲ့လက္ခဏာ ဖြစ်ပါတယ်။
#Source: DoctorNDTV
