#World_News
Published 27 June 2025
▪️ အီရန်ကို အမေရိကန် နောက်ထပ်တိုက်ခိုက်လာရင် အရှေ့အလယ်ပိုင်းဒေသရှိ အမေရိကန် စစ်အခြေစိုက်စခန်းများကို လက်တုံ့ပြန်တိုက်ခိုက်သွားမယ်လို့ အီရန်ခေါင်းဆောင် အယာတိုလာအလီခါမီနီက ကြာသပတေးနေ့မှာ ပြောသွားပါတယ်။
▪️ အီရန်နဲ့ အစ္စရေးလ်တို့ကြား အပစ်အခတ်ရပ်စဲရေး ရရှိပြီးနောက် အလီခါမီနီ ပထမဆုံးထုတ်လွှင့်ပြောကြားခဲ့တာ ဖြစ်ပါတယ်။
▪️ အမေရိကန်က အစ္စရေးလ်ဘက်ကနေ ပူးပေါင်းတိုက်ခိုက်ခဲ့ပြီးနောက် အသက် ၈၆ နှစ်ရှိပြိဖြစ်တဲ့ ခါမီနီက ကာတာရှိ အကြီးဆုံးအမေရိကန်စခန်းကို တိုက်ခိုက်ခဲ့ပါတယ်။
▪️ ခါမီနီထုတ်လွှင့်ပြောကြားတဲ့နေရာကို ဖော်ပြခြင်းမရှိဘဲ နောက်ခံက အညိုရောင်လိုက်ကာရှိပြီး ဘေးတစ်ဖက်တစ်ချက်မှာ အီရန်အလံနဲ့ ယခင်ခေါင်းဆောင်ဟောင်း ရူဟိုလာခိုမီနီဓာတ်ပုံတို့ ရှိပါတယ်။
▪️ "အမေရိကန်သမ္မတဒေါ်နယ်ထရမ့်က အီရန်ကို အရှုံးပေးခိုင်းရုံကလွဲပြီး တခြားဘာမှ စိတ်ကူးမရှိဘူးဆိုပေမယ့် ဘယ်တော့မှ အရှုံးပေးမှာမဟုတ်ဘူး"လို့ ခါမီနီက ပြောသွားပါတယ်။
▪️ အီရန်အနေနဲ့ ဒေသတဝိုက်ရှိ အမေရိကန်စစ်ဌာနတွေဆီ ရောက်ရှိနိုင်ပြီး စစ်ရေးဆောင်ရွက်နိုင်တဲ့ကိစ္စဟာ ပေါ့သေးသေးမဟုတ်ဘဲ ကြီးမားတဲ့ကိစ္စဖြစ်ပြီး နောက်ထပ်တိုက်ခိုက်လာရင် ဒီလိုကိစ္စမျိုး ထပ်လုပ်ဆောင်သွားနိုင်တယ်လို့ ပြောသွားပါတယ်။
▪️ အီရန်သာ နျူကလီးယားထုတ်လုပ်ရေး အစီအစဉ်ပြန်လည်စတင်ပါက အမေရိကန်အနေနဲ့ ထပ်မံတိုက်ခိုက်သွားနိုင်လားလို့ ထရမ့်ကို သတင်းထောက်များမေးမြန်းရာမှာ တိုက်ခိုက်သွားမယ်လို့ ဖြေကြားခဲ့ပါတယ်။
▪️ ခါမီနီက အမေရိကန်အနေနဲ့ အီရန်နျူကလီးယား စက်ရုံနေရာတွေကို တိုက်ခိုက်ခဲ့ပေမယ့် ဘာမှအောင်မြင်မှု မရခဲ့ဘူးလို့ ဆိုပါတယ်။
#Source: Reuters
