#Local_News
Published_ 24 May 2023
ယခုတစ်ပတ်ဈေးကွက်အဖွင့် စက်သုံးဆီဈေးမှာ နှုန်းထားနှစ်ရာကျပ်ဝန်းကျင်အထိသို့ ကျဆင်းခဲ့ပြီး ၉၂ တစ်လီတာလျှင် ၂,၀၀၀ အောက်ကိုရောက်ရှိလာကြောင်း ယနေ့ဈေးနှုန်းထုတ်ပြန်ချက်များအရ သိရပါတယ်။
#Local_News #စက်သုံးဆီနှုန်းဈေးအကျဘက်ရှိ
#YMG #Yangon_Media_Group
- Category: Myanmar
#Local_News
Published-24 May 2023
ဆိုင်ကလုန်းမုန်တိုင်းမိုခါ တိုက်ခတ်ခံခဲ့ရသည့် ရခိုင်ပြည်နယ်နှင့်မုန်တိုင်း၏ ဆက်စပ်အရှိန်ကြောင့် မန္တလေးတိုင်းဒေသကြီး အပါအဝင်တိုင်းဒေသကြီး ၄ခုတွင် စိုက်ပျိုးသီးနှံဧက(၆၂၀၀၀) ကျော် ပျက်စီးခဲ့ကြောင်း သိရသည်။
ရခိုင်ပြည်နယ်နှင့် မကွေးတိုင်းဒေသကြီး၊ မန္တလေးတိုင်းဒေသကြီး၊စစ်ကိုင်းတိုင်းဒေသကြီးနှင့် ဧရာဝတီတိုင်းဒေသကြီးတိုတွင် စိုက်ပျိုးထားသည့် စိုက်ပျိုးသီးနှံ စုစုပေါင်း (၆၂,၈၃၆)ဧက ပျက်စီးခဲ့ကြောင်း နစက ကသတင်းထုတ်ပြန်ထားသည်။
အဆိုပါပျက်စီးသွားသည့် စိုက်ပျိုးသီးနှများမှာ ရခိုင်ပြည်နယ်မှ ငှက်ပျော (၆၀၅)ဧက၊ ကွမ်းသီးပင်(၁၃၄၅)ဧက၊ ကွမ်းရွက်ပင်(၅၈)ဧက၊ ဓနိပင် (၂၃၁)ဧက၊ ကြက်ပေါင်ဆီ(၅)ဧကနှင့် သစ်သီးဥရှည်(၁၇၀၉)ဧက၊ မကွေးတိုင်းဒေသကြီးမှာ နွေ စပါး (၁၀၉)ဧက၊ နွေနှမ်း (၄၉၅၆၉)ဧက၊ ဆောင်းနေကြာ(၈)ဧက၊ မိုးနေကြာ(၂၂)ဧကနှင့် မိုးပဲတီစိမ်း (၆၇၆၆)ဧက၊ မန္တလေးတိုင်းဒေသကြီးမှာ နွေနှမ်းဧက(၃၅၀)နှင့် မိုးပဲတီစိမ်း(၁၇)ဧက၊ စစ်ကိုင်းတိုင်းဒေသကြီးမှာ နွေနှမ်း(၉၀၂)ဧကနှင့် မိုးပဲတီစိမ်း(၁၀၆၅)ဧက၊ ဧရာဝတီတိုင်းဒေသကြီးမှာ ငှက်ပျော(၇၅)ဧကတိုဖြစ်ကြောင်း နစက ၏ သတင်းထုတ်ပြန်ချက်အရ သိရသည်။
#ymg/pl #Local_News #စိုက်ပျိုးသီးနှံ (၆၂၀၀၀)ကျော်ဧကပျက်စီး
#YMG #Yangon-Media-Group
- Category: Myanmar
#Local_News
Published_ 24 May 2023
ရခိုင်ရှိပျက်စီးသွားသော ဆက်သွယ်ရေးစခန်းများကို တိုင်းဒေသကြီးနှင့် ပြည်နယ်များမှ လာရောက်သည့် ဆက်သွယ်ရေးဝန်ထမ်း စုစုပေါင်းအင်အား ၄၀၀ ကျော်ဖြင့် ပြန်လည်ကောင်းမွန်အောင် ဆောင်ရွက်ခဲ့ရာ ယနေ့အထိ မိုဘိုင်းစခန်း စုစုပေါင်း ၉၇၆ခု စခန်းပြန်လည် ပြုပြင်နိုင်ခဲ့ကြောင်း သိရသည်။
မိုခါမုန်တိုင်း ဘေးအန္တရာယ်မကျရောက်မီရခိုင် ပြည်နယ်အတွင်းတွင် ဆက်သွယ်ရေးအော်ပရေတာ လေးခု၏ မိုဘိုင်းစခန်း ၁၂၃၃ စခန်းရှိသည့်အနက် ဆိုင်ကလုန်းမုန်တိုင်း “မိုခါ” ကြောင့် မိုဘိုင်းစခန်း ၉၀၄ စခန်းဆက်သွယ်မှု ပြတ်တောက်ခဲ့ရသည်။
ယင်းသို့ပျက်တောက်ခဲ့သည့် စခန်းများပြန်လည်ပြုပြင်ပြီးစီးမှု ၇၉ ဒသမ ၁၆ ရာခိုင်နှုန်းသို့ရောက်ရှိပြီး ဆက်သွယ်ရေးဝန်ဆောင်မှုများ ပြန်လည်ပေးအပ်နိုင်ပြီဟု သိရသည်။
ဆက်သွယ်မှုပြန်လည်ရရှိစေရေးအတွက် ပျက်စီးသွားသော မိုဘိုင်းဆက်သွယ်ရေးစခန်းများ ပြန်လည်ပြုပြင်ခြင်း ချွတ်ယွင်း ပြတ်တောက်ခဲ့သည့် မြေပေါ်/ မြေအောက် ဖိုင်ဘာကေဘယ်လ် ဆက်ကြောင်းများ၊ မိုက္ကရိုဝေ့ဗ် ဆက်ကြောင်းများနှင့် မြို့တွင်းကေဘယ်လ်ကွန်ရက်များ ပြန်လည်ပြုပြင်ခြင်း၊ စသည်တို့ကိုလုပ်ဆောင်ခဲ့ခြင်းဖြစ်သည်။
#ymg/ppk #Local_News #မိုဘိုင်းစခန်း ၈၀ ရာခိုင်နှုန်းနီးပါးပြုပြင်ပြီးစီး
#YMG #Yangon-Media-Group
- Category: Myanmar
#Local_News
Published_ 24 May 2023
Hip hop တေးသံရှင် အဆိုတော်ဗျူကို ယနေ့ မေလ ၂၄ ရက်နေ့ မနက်ပိုင်းမှာ ၎င်းနေထိုင်ရာရန်ကုန်တိုင်းဒေသကြီး မြောက်ဒဂုံ နေအိမ်တွင်ဖမ်းဆီးခံရကြောင်း နီးစပ်သူမိသားစုအသိုင်းအဝိုငးနှင့် လူမူကွန်ယက်စာမျက်နှာများမှသိရပါတယ်။
မေလ ၂၃ရက်နေ့ညပိုင်း ၎င်း၏ လူမှုကွန်ယက်မှတဆင့် လျှပ်စစ်မီးကိစ္စ Live လွှင့်ပြီးနောက်တစ်နေ့မနက်ပိုင်းမှာ အဖမ်းခံရခြင်းဖြစ်ပါတယ်။
တေးရေး၊ တေးဆို ဗျူဟာကို မြောက်ဒဂုံ၊ (၄၈) ရပ်ကွက်၊ ဗထူးအိမ်ရာရှိ သူ့ရဲ့နေအိမ်မှာပဲ လာရောက်ဖမ်းဆီးသွားတာ ဖြစ်ပါတယ်။
#ymg/ynzw
#Yangon-Media-Group
- Category: Myanmar
#Local_News
Published_ 24 May 2023
မုန်တိုင်းဒဏ်သင့်ခဲ့သည့် ရခိုင်ဒေသကိုသွားရောက်အကူညီပေးနေသည့် စာရေးဆရာဝေဟင်အောင်ကို မေလ ၂၃ ရက်နေ့ နေ့လည်ပိုင်းက ဖမ်းဆီးထိန်းသိမ်းခံခဲ့ရပြီး မေလ ၂၄ ရက်နေ့ (ယနေ့)နံနက် ၁၁ နာရီခန့်မှာ ပြန်လည်လွတ်မြောက်လာကြောင်း နီးစပ်သူအသိုင်းအဝိုင်းမှ သိရသည်။
မေ ၂၃ ရက်၊ ညနေ ၃ နာရီ ဝန်းကျင်ခန့်တွင် စာရေးဆရာဝေဟင်အောင်နှင့် လေဘေးကယ်ဆယ်ရေးအဖွဲ့ဝင် ၅ ဦးသည် မုန်တိုင်းဒဏ်သင့်ပြည်သူများကို စာနပ်ရိက္ခာများ အကူအညီပေးရန် စစ်တွေမြို့မှ ပုဏ္ဏားကျွန်းမြို့သို့အသွား စစ်တွေမြို့၊ အမြင့်ကျွန်းကျေးရွာအနီး၌ ဖမ်းဆီးထိန်းသိမ်းခံခဲ့ရခြင်းဖြစ်ပြီး မည်သည့်အကြောင်းအရင်းကြောင့် ဖမ်းဆီးထိန်းသိမ်းခံခဲ့ရကြောင်း ရခိုင်ပရဟိတအသင်း လူမှုကွန်ယက်စာမျက်နှာများတွင် ဖော်ပြနေကြသည်။
လက်ရှိတွင် ပရဟိတသမား စာရေးဆရာဝေဟင်အောင်သည် မုန်တိုင်းကြောင့်ပျက်စီးခဲ့သည့် ရသေ့တောင်၊ ပုဏ္ဏားကျွန်း၊ ကျောက်တော်နှင့် စစ်တွေ စသည့်မြို့နယ်များသို့ သွားရောက်ပြီး ကူညီကယ်ဆယ်ရေးပေးနေသူလည်း ဖြစ်သည်။
ရခိုင်လူငယ်စာရေးဆရာတစ်ဦးဖြစ်သည့် ကိုဝေဟင်အောင်သည် ၂၀၁၈ ခုနှစ်က ပုဒ်မ ၅၀၅၊ပုဒ်မ ၁၀၂ တို့ဖြင့်ထောက်ဒဏ်နှစ်၂၀ ချမှတ်ခဲ့ပြီး ပြီးခဲ့သည့်၂၀၂၁ ခုနှစ်တွင် လွတ်ငြိမ်းချမ်းသာခွင့်ဖြင့်ပြန်လည်လွတ်မြောက်လာသူဖြစ်သည်။
#ymg /ynzw #Local_News #ရခိုင်လူငယ်စာရေးဆရာဝေဟင်အောင်
#YMG #Yangon_Media_Group
- Category: Myanmar
#Local_News
Published- 24 May 2023
ရခိုင်ပြည်နယ်ရှိ ဆိုက်ကလုန်းမုန်တိုင်း မိုခါမုန်တိုင်းသင့်ပြည်သူများအတွက် ကူညီထောက်ပံလှူဒါန်းထားသော Sleeping Bag အရေအတွက် ၅၀ ကို မြန်မာအမျိုးသားလေကြောင်းမှ စင်ကာပူ-ရန်ကုန်ခရီးစဉ် အခမဲ့သယ်ယူပို့ဆောင်ပေးခဲ့ကြောင်း MNA က သိရသည်။
မုန်တိုင်းသင့်ပြည်သူများအတွက် အ ထောက်အကူ ပစ္စည်းများအား မြန်မာအမျိုးသားလေကြောင်းမှ အခမဲ့သယ်ယူပို့ဆောင်မည်ဖြစ်ကြောင်းလည်း မေလ၁၈ရက်က အသိပေးထား သည်။
မုန်တိုင်းသင့်ပြည်သူများအတွက်အထောက်အကူ ပစ္စည်းများအား မြန်မာ့အမျိုးသားလေကြောင်းလိုင်း၏ နိုင်ငံခြားခရီးစဉ်များအပါ စစ်တွေခရီးစဉ်တွင် အခမဲ့သယ်ယူပို့ဆောင်လိုပါက
+95943039152,+958762370,+959458041082 ,
လှူဒါန်းမည့် ပစ္စည်းမှန်ကန်ကြောင်း အာမခံစာပါဝင်ရမည်ဖြစ်ပြီး လေကြောင်းလိုင်းနှင့်မသက်ဆိုင်သော အခွန်အခများရှိပါက ပစ္စည်းပို့ဆောင်သူမှကျခံရမည်ဖြစ်ကြောင်းလည်း ပါရှိသည်။
#ymg/pl #Local_News #မုန်တိုင်းသင့်ပြည်သူများ #Sleeping Bag
#စင်ကာပူ-ရန်ကုန်ခရီးစဉ်အခမဲ့ #YMG #Yangon-Media-Group
- Category: Myanmar
#Local_News
Published_ 24 May 2023
ပဲခူးတိုင်း၊ညောင်လေးပင်မြို့နယ်တွင် မေလ(၂၄)ရက်က လေပြင်းတိုက်ခတ်ခြင်းနှင့်မွန်ပြည်နယ်၊သံဖြူဇရပ်မြို့နယ်တွင် လေဆင်နှာမောင်းတိုက်ခြင်းကြောင့် လူနေအိမ်များထိခိုက်ပျက်စီးခဲ့ကြောင်း မြန်မာနိုင်ငံမီးသတ်တပ်ဖွဲ့ထံမှ သိရသည်၊၊
မေလ(၂၄)ရက် မနက်ပိုင်းတွင် ပဲခူးတိုင်းဒေသကြီး၊ ညောင်လေးပင်မြို့နယ်တွင် လေပြင်းတိုက်ခတ်မှုကြောင့် မြို့မ(၁)ရပ်ကွက်၊ ကန်တော်ဦး(၆)လမ်းတွင် လူနေအိမ်များ အမိုးလန်ခြင်းနှင့် ပြိုကျပျက်စီးခြင်းများဖြစ်ပွားကြောင်း သတင်းရရှိသဖြင့် ညောင်လေးပင်မြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ညောင်လေးပင်ပရဟိတအသင်းဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့သည်ဟုဆိုသည်၊၊
မေလ(၂၄)ရက်၊ ၀၅ ၃၀ အချိန်ခန့်၊ မွန်ပြည်နယ်၊ သံဖြူဇရပ်မြို့နယ်၊ စက်စဲကျေးရွာအုပ်စု၊ ရသေ့တောင်ကျေးရွာတွင် လေဆင်နှာမောင်းတိုက်ခတ်မှုကြောင့် နေအိမ်များ အမိုးလန်ပျက်စီးသွားကြောင်းသတင်းရရှိသဖြင့် သံဖြူဇရပ်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ကြောင်းသိရသည်၊၊
ယင်းအပြင် မေလ(၂၃)ရက်ညနေပိုင်းအချိန်က မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်တွင် လေပြင်းတိုက်ခတ်မှုကြောင့် မလွန်ကျေးရွာ၊ ညောင်ပင်ကျင်းရွာ၊ ကဒကျေးရွာနှင့် ရေခါးကျေးရွာများရှိ ဘုန်းကြီးကျောင်းများ၊ စာသင်ကျောင်းများနှင့် လူနေအိမ်များ အမိုးလန်ပျက်စီးမှုများ၊ သစ်ပင်လဲကျမှုများဖြစ်ပွားသဖြင့် ၂၄.၅.၂၀၂၃ ရက်နေ့၊ ၀၇ ၃၀ အချိန်တွင် မင်းလှမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့်ပူးပေါင်း၍ ပြန်လည်ထူထောင်ရေးနှင့် ရှင်းလင်းရေးလုပ်ငန်းများ ဆောင်ရွက်လျက်ရှိကြောင်းဖော်ပြထားသည်၊၊
#ymg/tthl #Local_News #ပဲခူးတိုင်း၊မကွေးတိုင်းနှင့်မွန်ပြည်နယ် #လေဆင်နှာမောင်းတိုက်ခတ်
#YMG #Yangon_Media_Group
- Category: Myanmar