Published 3 Oct 2022
နိုင်ငံတော်မှာ ပြည်တွင်းလည်ပတ်သုံးစွဲငွေများ ရှိပြီးဖြစ်တဲ့အတွက် စီးပွားရေးလုပ်ငန်းတွေအတွက် လိုအပ်တဲ့ ချေးငွေတွေကို အတတ်နိုင်ဆုံးထုတ်ပေးသွားမယ်လို့ နစက ဥက္ကဋ္ဌက လုပ်ငန်းရှင်တွေကို ပြောကြားလိုက်ပါတယ်။
အောက်တိုဘာ ၃ရက်မနက်က နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က ပြည်ထောင်စု သမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (UMFCCI)နှင့် ရန်ကုန်တိုင်း ဒေသကြီးအတွင်းရှိ အသေး စား၊ အငယ်စားနှင့် အလတ်စား စီးပွားရေး (MSME) လုပ်ငန်းရှင် များအား ရန်ကုန်မြို့ရှိ ဇေယျာသီရိဗိမာန် ဧည့်ခန်းမဆောင်၌ တွေ့ဆုံ ၍ စီးပွားရေး လုပ်ငန်းများ ဖွံ့ဖြိုးတိုးတက်ရေးအတွက် ဆွေးနွေးပြောကြားရာမှာ ထည့်သွင်းပြောကြားခဲ့တာဖြစ်ပါတယ်။
- ကိုဗစ်ကာလ ချေးငွေများ နိုင်ငံတော်သို့ ပြန်လည် ပေးဆပ်ရန် အခက်အခဲများ ဖြစ်ပေါ်နေမှုအတွက် ကာလ တစ်ခု သတ်မှတ်ဆောင်ရွက်ပေးမည်ဖြစ်ပြီး ရင်းနှီးမြှုပ်နှံငွေများရရှိရေးအတွက်လည်း ဆောင်ရွက်ပေးသွားမည်ဖြစ်
- ရင်းနှီးမြှုပ်နှံနိုင်ရန် ငွေကြေးများ ထုတ်ချေးပေးထားခြင်းဖြစ်သဖြင့် အမှန်တကယ်အောင်မြင်အောင် ဆောင်ရွက် ကြစေလိုပြီး ပြန်လည်ပေးဆပ်ရမည့် ကာလအတွင်း ပြည့်မီအောင် ပြန်လည်ပေးသွင်းနိုင်ရေး ဆောင်ရွက်ကြရန်လို
- နိုင်ငံတော်သို့ ပေးသွင်းရမည့် အခွန်အခများကိုလည်း အပြည့်အဝ ပေးသွင်းရန်လိုကြောင်း၊
- လာမည့်ဘတ်ဂျက်ကာလများတွင် နိုင်ငံစီးပွား ဖွံ့ဖြိုးတိုးတက်ရေးရံပုံငွေ အတွက် ထည့်သွင်းလျာထား ဆောင်ရွက်သွားမည်ဖြစ်
- နိုင်ငံတော်မှရရှိရန် ကျန်ရှိသည့် ချေးငွေများ ပြန်လည်ရရှိမည်ဆိုပါက ချေးငွေများကို ပိုမိုပြည့်ဝစွာထပ်မံ ထုတ်ချေးပေးနိုင်မည်ဖြစ်
- နိုင်ငံတော်အနေဖြင့် ပြည်တွင်းလည်ပတ် သုံးစွဲငွေ များရှိပြီးဖြစ်ပြီး စီးပွားရေးလုပ်ငန်းများအတွက် လိုအပ်သည့် ချေးငွေများ ကိုလည်းအတတ်နိုင်ဆုံးထုတ်ပေးသွားမည်ဖြစ်ကြောင်း” ဖြင့်ဗိုလ်ချူပ်မှူးကြီးက ပြောကြားခဲ့တယ်လို့ နစကရဲ့ သတင်းထုတ်ပြန်ချက်မှာဖော်ပြထားပါတယ်။
ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်း ရှင်များ အသင်းချုပ် (UMFCCI) ဥက္ကဋ္ဌ ဦးဇော်မင်းဝင်း၊ မြန်မာနိုင်ငံ ဆန်စပါး လုပ်ငန်း ရှင်များအသင်း ဥက္ကဋ္ဌ ဦးရဲမင်းအောင်၊ မြန်မာနိုင်ငံ ဆီကုန်သည်နှင့် ဆီလုပ်ငန်းရှင် များအသင်း ဥက္ကဋ္ဌ ဦးဆန်းလင်း၊ အသေးစား၊ အငယ်စားနှင့် အလတ်စား စီးပွားရေး လုပ်ငန်းရှင်များကိုယ်စား ဒေါ်သီသီဝင်း၊ ဦးဝင်းမြင့်အောင်၊ ဒေါ်ယဉ်ယဉ်မိုး နှင့် တက်ရောက်လာကြသူတွေက
- ရန်ကုန်တိုင်းဒေသကြီးအတွင်း MSME လုပ်ငန်းများ ဆောင်ရွက်လျက်ရှိမှု၊
- Quick Win ဖြစ်စေမည့် စိုက်ပျိုးမွေးမြူရေးထုတ်ကုန်များ ထုတ်လုပ်သည့်လုပ်ငန်းများနှင့် အခြားဆက်စပ်လုပ်ငန်းများ ကို အောင်မြင်စွာဆောင် ရွက်နိုင်ရေးအတွက် အတိုးနှုန်းနည်းပါးသည့် ရင်းနှီးငွေများလိုအပ်မှု
- နည်းပညာများ ရရှိရေးနှင့် အခြားပံ့ပိုးပေးမှုများလိုအပ်မှု၊ ကုန်ကြမ်းပစ္စည်းများနှင့် စက်ပစ္စည်းများ တင်သွင်းခွင့်ရရှိရန်လိုအပ်မှု
- ပြည်တွင်းထုတ်ကုန်တိုးတက်ရေးအတွက် တရားမဝင် ကုန်စည်တင်သွင်းမှုများကို ထိရောက်စွာ အရေးယူဆောင်ရွက်ရန်လိုအပ်မှု
- ဆန်စပါးစိုက်ပျိုးထုတ်လုပ်မှုနှင့် ပတ်သက်၍ ယခုနှစ် မိုးဦး ကာလတွင် မိုးနည်းသည့်အတွက် ဆန်းစပါးအထွက်နှုန်း ကျဆင်းမှုရှိနိုင်သဖြင့် နွေ စပါး အထွက်နှုန်း တိုးတက်ရေး ဆောင်ရွက်ပေးရန်လိုအပ်မှု
- နိုင်ငံတော်မှ နွေစပါး စိုက်ပျိုးရေးအတွက် ရင်းနှီးမြှုပ်နှံငွေများ ထုတ်ပေးသည့်အတွက် နွေစပါးအထွက်နှုန်း တိုးတက်ရေးအတွက် အထောက်အကူဖြစ်မှု
- ဆန်၊ စပါး ပြည်ပ ပို့ကုန်မြှင့်တင်ရေးအတွက် နိုင်ငံတော်မှ ကူညီဆောင်ရွက်ပေးလျက်ရှိသည့်အတွက် ကုန်ထုတ်လုပ်မှု လုပ်ငန်း များ ပိုမိုတိုးတက်လာနိုင်မှု
- စိုက်ပျိုးရေးလုပ်ငန်းများအတွက် စိုက်ပျိုးရေး စရိတ် ချေးငွေများကို နိုင်ငံတော်အစိုးရသာမက ပုဂ္ဂလိက လုပ်ငန်းများမှလည်း ထုတ်ချေးပေးမည်ဆိုပါက ဆန်၊ စပါး ထုတ်လုပ်မှုများ ပိုမိုတိုးတက်လာမည့် အခြေ အနေများ
- ပြည်တွင်းကုန်ဈေးနှုန်း တည်ငြိမ်ရေးအတွက် ကုန်စည်ဒိုင်များ အဆင့်မြှင့် တင်ဆောင်ရွက်ရန် လိုအပ်မှု
- ဆီထုတ်လုပ်မှုနှင့် ပတ်သက်၍ ကျန်းမာရေးနှင့် ညီညွတ်သည့် စားသုံးဆီများ ပြည်တွင်း၌ ဖူလုံစွာ ရရှိရေး
- ကျန်းမာရေးနှင့်ညီညွတ်သည့် ဆီထွက် သီးနှံစိုက်ပျိုးထုတ်လုပ်မှုအတွက် တိကျသည့် မူဝါဒတစ်ခုကို သုသေသနပြု ချမှတ် ပေးရန်လိုအပ်မှု
- ပြည်တွင်း စားသုံးဆီထုတ်လုပ်မှု လျော့နည်းသည့် အတွက် လိုအပ်ချက်အရ စားသုံးဆီများ တင်သွင်းနေရမှုကြောင့် ဆီထွက်သီးနှံများ ပိုမိုစိုက်ပျိုးထုတ်လုပ်ရန် ဆောင်ရွက်လျက်ရှိမှု
- အသေးစား၊ အငယ်စားနှင့် အလတ်စား စီးပွားရေး လုပ်ငန်းများတွင် ဒေသထွက် ကုန်ကြမ်းပစ္စည်းများကို အသုံးပြု၍ စားသောက်ကုန်နှင့် လူသုံးကုန်ပစ္စည်းများ ထုတ်လုပ်လျက်ရှိမှုနှင့် အချို့သော အခက်အခဲများနှင့် ရင်ဆိုင်နေရလျက်ရှိမှု
- ကိုဗစ် ကာလအတွင်း ချေးငွေရယူထားသည့် MSME လုပ်ငန်းရှင်များအနေဖြင့် အခက်အခဲ များ ဖြစ်ပေါ်လျက်ရှိသဖြင့် နိုင်ငံတော်သို့ ပြန်လည်ပေးဆပ်ရမည်ကာလအား တိုးမြှင့် သတ် မှတ်ပေးစေလိုမှုနှင့် ရင်းနှီးမြှုပ်နှံငွေများ ဆက်လက်ဆောင်ရွက်ပေးစေလိုမှု
- ရန်ကုန်တိုင်းဒေသကြီးအတွင်း ဆောင်ရွက်လျက်ရှိသည့် MSME လုပ်ငန်းများမှ ထွက် ရှိသည့် ကုန်ပစ္စည်းများသည် အမှန်တကယ် ဈေးကွက်လိုအပ်ချက်ရှိသည်ဖြစ်သည့် အတွက် ဈေးကွက်မပြတ်လုပ်ငန်းလည်ပတ်နိုင်စေရေး ရင်းနှီးမြှုပ်နှံငွေများ ဆောင်ရွက်ပေး စေလိုမှု
- လုပ်ငန်းများအတွက် အဓိကလိုအပ်ချက်ဖြစ်သည့် လျှပ်စစ် စွမ်းအင် လိုအပ်ချက်ကို ဖြည့်ဆည်းဆောင်ရွက်ပေးစေလိုမှု
- စက်မှုလုပ်ငန်းများ တိုးချဲ့ ဆောင်ရွက်ရာတွင် မြေနေရာ လိုအပ်ချက်များ
- ကျွမ်းကျင်လုပ်သားများအတွက် Training Centerများ လိုအပ်လျက်ရှိမှု
- ခရီးသွားလုပ်ငန်းဖွံ့ဖြိုးတိုးတက်ရေး၊ ကုန်စည် စီးဆင်းမှုများ လွယ်ကူမြန်ဆန်စေရေးအတွက် လိုအပ်ချက်များနှင့် အောင်မြင်စွာ ဆောင်ရွက်နိုင်မည့် အခြေအနေများ
- တိုင်းရင်းဆေးဝါး ထုတ်လုပ်မှုနှင့် အထည်ချုပ် လုပ်ငန်း ဖွံ့ဖြိုးတိုးတက်ရေးအတွက် ဆောင်ရွက်နိုင်မည့် အခြေအနေများ
- မွေးမြူရေး ထုတ်ကုန်များထုတ်လုပ်လျက်ရှိမှုနှင့် မွေးမြူရေးအစာများပြည်တွင်း၌လုံလောက်စွာ ထုတ်လုပ်နိုင်ရန် လိုအပ်မှု
- ရာဘာထုတ်လုပ်မှုကဏ္ဍ တိုးတက်ရေးအတွက် ထိရောက် သည့် ပံ့ပိုးကူညီမှုများ ဆောင်ရွက်ပေးရန် လိုအပ်မှု
- စိုက်ပျိုးရေးလုပ်ငန်းအတွက် သွင်းအားစုများပြည့်ဝစွာရရှိရေး ဖြည့်ဆည်းပေးစေလိုမှု စတာတွေကို တင်ပြဆွေးနွေးခဲ့ကြတယ်လို့ သတင်းထုတ်ပြန်ချက်အရသိရပါတယ်။
လုပ်ငန်းရှင်တွေရဲ့တင်ပြချက်တွေအပေါ် ပြည်ထောင်စုဝန်ကြီးများဖြစ်ကြသည့် ဦးဝင်းရှိန်၊ ဒေါက်တာ ကံဇော်၊ ဦးတင်ထွဋ်ဦး၊ ဦးလှမိုး၊ ဒေါက်တာ ချာလီသန်း နှင့် ဦးအောင်နိုင်ဦး၊ ရန်ကုန်တိုင်းဒေသကြီးဝန်ကြီးချုပ်တို့က သက်ဆိုင်ရာ ကဏ္ဍများအလိုက်အသီးသီး ပြန်လည် ဆွေးနွေးပြောကြားခဲ့ကြပါတယ်။
ဗိုလ်ချူပ်မှူးကြီးက လုပ်ငန်းရှင်များ၏ တင်ပြချက်များနှင့် ပတ်သက်၍ ဖြည့်စွက်ပြောကြားရာတွင်.
- ဆီထွက်ကုန်များတွင်မြေပဲတစ်ခုသာ အထွက်နှုန်းကောင်းမွန်ပြီး ကျန်ဆီထွက်သီးနှံများ ပန်းတိုင်အထွက်နှုန်း မပြည့်မီသဖြင့်ပြည့်မီအောင်ဆောင်ရွက်မှ ပြည်တွင်းဆီထုတ်လုပ်မှုတိုးတက်မည်
- ဆီအုန်းစိုက်ပျိုးမှုကို ပြည့်ဝစွာ စိုက်ပျိုးမှု မရှိသည့်အတွက် ဆီထုတ်လုပ်မှု နည်းပါးနေခြင်းဖြစ်ကြောင်း၊ ပြည်တွင်း ဆီလိုအပ် ချက် ပြည့်မီဖူလုံစေရေးအတွက် လိုအပ်သည်များကို နိုင်ငံတော်မှ ဖြည့်ဆည်းပေးသွားမည်
- ဆီထွက်သီးနှံစိုက်ပျိုးသည့် လုပ်ငန်းရှင်များနှင့် ဆီ ထုတ်လုပ် သူများ အနေဖြင့်လည်း အမှန်တကယ် အလုပ်လုပ်ကြရန် လိုအပ်
- စားသုံးဆီကို ပြည်ပမှ တင်သွင်းနေရသူ (Importer) အဖြစ်မှ ပြည်တွင်း၌ ပိုလျှံသည်အထိ ထုတ်လုပ်၍ ပြည်ပသို့ ပြန်လည်တင်သွင်းသူ(Exporter) အဖြစ်ထိ ရောက်ရှိအောင် ကြိုးပမ်းဆောင်ရွက်သွားကြရမည်
- MSME လုပ်ငန်းများအတွက် လျှပ်စစ်ဓာတ်အား လုံလောက်စွာရရှိရေးအတွက် ပုဂ္ဂလိကအနေဖြင့်လည်း လျှပ်စစ် ဓာတ်အားရရှိအောင် ဆောင်ရွက်ကြရန်လို
- နေရောင်ခြည်စွမ်းအင်နှင့် လေအား တို့ကို အသုံးပြု၍ လျှပ်စစ်ဓာတ်အားများ ထုတ်လုပ်နိုင်ရန်လို
- လျှပ်စစ်ဓာတ်အားထုတ်လုပ်မှုအတွက်လိုအပ်သည့် ဒီဇယ်ဆီများကို ဈေးနှုန်းသက်သာစွာဖြင့် ဝယ်ယူနိုင်ရေး စီမံဆောင်ရွက်လျက်ရှိ
- MSME လုပ်ငန်းများအတွက် မြေနေရာလိုအပ်မှုကို နိုင်ငံ တော်မှ မြေနေရာများ ချမှတ်ဆောင်ရွက်ပေးလျက်ရှိ
- စိုက်ပျိုးမြေများပေါ်တွင် စက်မှုလုပ်ငန်းများ ဆောင်ရွက်မည်ဆိုပါက သီးနှံထွက်နှုန်းနည်းပါးသွားမည်ဖြစ်
- စိုက်ပျိုးမြေများပေါ်တွင် စက်မှုလုပ်ငန်းများ ဆောင်ရွက်မည်ဆိုပါက သီးနှံထွက်နှုန်းနည်းပါးသွားမည်ဖြစ်
- စားရေးအတွက် အဓိကလိုအပ်ချက်ဖြစ်သည့် မြေနေရာများကိုမူ ခွင့်ပြုပေး၍ ရနိုင်မည်မဟုတ်ဘဲ မြေလွတ်မြေရိုင်းများ ပေါ်တွင် စက်မှုလုပ်ငန်းဆောင်ရွက်နိုင်ရေး နိုင်ငံတော်မှ ခွင့်ပြုပေးနေ
- မွေးမြူရေးကုန်ကြမ်းများအားလုံး ပြည်တွင်း၌ လုံလောက် စွာ ရှိပြီးဖြစ်သော်လည်း အရည်အသွေးပြည့်မီရန်လိုနေ
- မွေးမြူရေးကို မိရိုးဖလာ မွေးမြူရေးထက် စနစ်ကျနသည့် မွေးမြူရေးဖြစ်ရန်လိုကြောင်
- စိုက်ပျိုးရေးလုပ်ငန်းများအတွက် သွင်းအားစုဖြစ်သည့် မျိုးကောင်းမျိုးသန့်များ ရရှိရေး ဆောင်ရွက်လျက်ရှိ
- ပြည်တွင်း၌ လိုအပ်လျက်ရှိသည့် ဓာတ်မြေဩဇာများ ရရှိရေး နိုင်ငံတော်မှ ကြိုးပမ်းဆောင်ရွက်လျက်ရှိ
- ရာဘာ အထွက် နှုန်းများ ကောင်းမွန်ရေးနှင့် အရည်အသွေးပြည့်မီသည့် ရာဘာကုန်ကြမ်းများ ရရှိ အောင် နည်းပညာများ အသုံးပြု၍ ဆောင်ရွက်ရန်လို
- ပြည်ပမှ ရာဘာ တရားမဝင် တင်သွင်းမှုများကို ထိရောက်စွာ ထိန်းချုပ်သွားမည်
- စက်မှုနှင့် စိုက်ပျိုးရေးသင်တန်းကျောင်းများကို အခြေခံပညာကျောင်းများတွင် တွဲဖက်၍ ဖွင့်လှစ်သင်ကြားပေးသွားမည်
- ဘဏ်စနစ် ပြိုလဲအောင် နည်းလမ်းမျိုးစုံဖြင့် ထိုးနှက်လုပ်ဆောင်ခဲ့သော် လည်း ပြိုလဲမှုမရှိစေရေး ဦးစားပေးအနေဖြင့် ဆောင်ရွက်ခဲ့
- ငွေကစားသူများရှိခြင်းကြောင့် ငွေကြေးတန်ဖိုးများကျဆင်းမှုများဖြစ်ပေါ်ခဲ့၍ ငွေကြေးကြီးကြပ်ရေးကော်မတီကိုဖွဲ့စည်း ကာ ထိန်းသိမ်း ဆောင်ရွက်ခဲ့
- ရေအားလျှပ်စစ်ဓာတ်အားများ ထုတ်လုပ်နိုင်ရေး နိုင်ငံတော်အစိုးရ အနေဖြင့် ကြိုးပမ်းဆောင်ရွက်လျက်ရှိ
- နေရောင်ခြည်စွမ်းအင်သုံး လျှပ်စစ် ဓာတ်အားများ ထုတ်ယူနိုင်ရေးအတွက်လည်း တည်ဆောက်ရေးလုပ်ငန်းများဆောင် ရွက်လျက်ရှိ
- နျူကလီးယား စွမ်းအင်သုံး လျှပ်စစ်ဓာတ်အား ထုတ်လုပ် ရေးလုပ်ငန်းများ ဆောင်ရွက်နိုင်ရေးအတွက်လည်း ကြိုးပမ်းဆောင်ရွက်လျက်ရှိပြီး စိုက်ပျိုးရေး၊ကျန်းမာရေး၊ ပညာရေးလုပ်ငန်းများတွင်လည်း နျူကလီးယား စွမ်းအင် အသုံးပြုနိုင်ရေး ညှိနှိုင်း ဆောင်ရွက်လျက်ရှိ
- အခွန်ကောက်ခံမှုနှင့်ပတ်သက်၍ နိုင်ငံတကာနှင့် အာဆီယံထက် မိမိတို့နိုင်ငံသည် နှုန်းထားအသက်သာဆုံးဖြစ်
- နိုင်ငံတကာထက် အခွန်နှုန်း များ များပြားနေသည်များရှိပါက သတင်းပို့ဆောင်ရွက်ကြစေလို
- အခွန်တိမ်းရှောင်သူများ မရှိစေရန်လည်း ကြပ်မတ်ဆောင်ရွက်လျက်ရှိပြီး အခွန်များကို လည်း မှန်မှန်ကန်ကန် ပေး ဆောင်စေလိုကြောင်းများဆွေးနွေးပြောကြားခဲ့တယ်လို့ သတင်းထုတ်ပြန်ချက်အရသိရပါတယ်။
တွေ့ဆုံပွဲအပြီးမှာ နစက ဥက္ကဋ္ဌနှင့်အဖွဲ့ဝင်တွေဟာ တက်ရောက်လာခဲ့တဲ့ လုပ်ငန်းရှင်တွေနှင့် ရင်းရင်းနှီးနှီးနှုတ်ဆက်ပြီး ခင်းကျင်းပြသထားတဲ့ MSME တွေရဲ့လုပ်ငန်းနှင့်ထုတ်ကုန်ပြခန်းတွေကို ကြည့်ရှုခဲ့ကြတယ်လို့ နစကရဲ့ သတင်း ထုတ်ပြန်ချက်မှာဖော်ပြထားပါတယ်။
Source SAC’s Info
#SG_Min_Aung_Hlaing
#Yangon_region_MSME
#Myanmar_Economy
- Category: Myanmar
- Hits: 446
Published 2 Oct 2022
အိန္ဒိယနိုင်ငံ ချာတီစကားပြည်နယ်က တူဆီလို့ခေါ်တဲ့ရွာငယ်ကလေးဟာ ယခု ယူကျုရွာYouTube Villageလို့ လူသိများနေကြပါတယ်။ ဘာဖြစ်လို့လဲဆိုတော့ တစ်ရွာလုံးရဲ့ သုံးပုံတစ်ပုံဟာ ယူကျဗွီဒီယိုတွေလုပ်ပြီး ပိုက်ဆံရှာနေကြလို့ဖြစ်ပါတယ်တဲ့။
အွန်လိုင်းဗွီဒီယိုတွေဟာ အခုလောက် လူကြိုက်များတာမျိုး ယခင်မရှိသေးပါဘူး။ တစ်ကမ္ဘာလုံးက သန်းပေါင်းများစွာသော လူတွေဟာ ဗွီဒီယိုဖန်တီးသူတွေအဖြစ် ရပ်တည်နိုင်အောင် အပင်ပန်းခံကြိုးစားနေကြပါတယ်။ ယူကျုသမားတွေဖြစ်အောင် ဘယ်လောက်ပဲ အာရုံစိုက်လုပ်ဆောင်နေကြပေမယ့် တူဆီရွာကိုတော့ မီကြမှာမဟုတ်ပါဘူး။ တူဆီရွာဟာ ချာတီစကားပြည်နယ်က ကျေးရွာဇနပုဒ်ကလေးသာဖြစ်ပါတယ်။
ရွာလူဦးရေ ၃၀၀၀ ခန့်ရဲ့ သုံးပုံတစ်ပုံဟာ ဝင်ငွေရအောင် ဗွီဒီယိုတွေသက်ဝင်လှုပ်ရှားရိုက်ကူးနေကြပြီး ယူကျကိုတင်နေကြပါတယ်။ အဲဒီသုံးပုံတစ်ပုံတည်းမှာ အတော်များများဟာ လယ်သမားတွေပါ။ ဒါပေမယ့် လုပ်ဖော်ကိုင်ဖက်တွေက ယူကျုမှာ ဗွီဒီယိုတင်တဲ့အတွက် ဝင်ငွေတွေ နှစ်ဆ ဒါမှမဟုတ် သုံးဆခန့်တိုးလာတာကို ကြားလိုက်ရပြီးနောက် ကျန်သူတွေကလည်း ယူကျုနှင့်စီးပွားရှာဖို့ ဆုံးဖြတ်ခဲ့ကြတာဖြစ်ပါတယ်။
ယူကျုရွာရဲ့ အစကတော့ သူငယ်ချင်းနှစ်ယောက်နှင့်ပါ။ ဂျန်ဒရာရှုကလာနှင့် ဂျေး ဗာမာဆိုတဲ့ သူငယ်ချင်း နှစ်ယောက်ဟာ သူတို့ရဲ့ နက်ဝတ်ဒ် အင်ဂျင်နီယာနှင့် ကျောင်းဆရာ အလုပ်ကထွက်ပြီး ဗွီဒီယိုတွေ စဖန်တီးခဲ့ကြပါတယ်။ သိပ်မကြာပါဘူး။ သူတို့ဟာ သူတို့ရဲ့ဗွီဒီယိုတွေကနေ ပိုက်ဆံတွေစတင်ရရှိခဲ့ကြပါတယ်။ သူတို့ရဲ့ အောင်မြင်မှုသတင်းဟာ တစ်ရွာလုံးကို ပျံ့နှံ့သွားပါတော့တယ်။ အဲဒီအခါ အခြားသူတွေကလည်း သူတို့ခြေရာနောက် လိုက်ပါလာကြပါတော့တယ်။
“အရင်က ကျွန်တော် အက်စ်ဘီအိုင်မှာ နက်ဝတ်အင်ဂျင်နီယာတစ်ဦးအဖြစ်အလုပ်လုပ်ခဲ့ပါတယ်။ ကျွန်တော့်ရုံးမှာက မြန်နှုန်းမြင့် အင်တာနက်ရှိတော့ အဲဒီမှာ ကျွန်တော်ဟာ ယူကျုဗွီဒီယိုတွေအမြဲကြည့်ဖြစ်ခဲ့ပါတယ်” လို့ ရှူကာက အေ အင်န်အိုင် သတင်းအေဂျင်စီကိုပြောပါတယ်။
“ကျွန်တော်က ရုပ်ရှင်တွေသိပ်ကြိုက်ခဲ့တာ။ ၂၀၁၁-၁၂ မှာ ယူကျု ဗားရှင်းအသစ်လွှင့်ပါတယ်။ အဲဒီတုန်းက ယူကျုမှာ ချယ်နယ်လ်နည်းနည်းလေးပဲရှိပါသေးတယ်။ ကျွန်တော်ဟာ မနက်၉နာရီ ညနေငါးနာရီ ကျွန်တော့်အလုပ်ကြီးကို မကျေနပ်ဘူး။ အဲဒါကြောင့် အလုပ်ကထွက်ခဲ့တယ်။ပြီးတော့ ယူကျုလုပ်ခဲ့တယ်” လို့ သူကဆက်ပြောပါတယ်။
တစ်ရွာလုံးရဲ့ ၄၀ ရာခိုင်နှုန်းခန့်ဟာ အခု ယူကျု၊ တစ်တော့နှင့်အင်စတာဂရမ်တို့ လို ပလက်ဖောင်းတွေအတွက် ဗွီဒီယိုတွေလုပ်နေကြပါတယ်။ အငယ်ဆုံး အသက်၁၅နှစ်ကနေ အသက်အကြီးဆုံး ၈၅နှစ်အရွယ်ဖွားဖွားကြီးအထိ ပါဝင်ကြပါတယ်။တူဆီရွာမှာ လုပ်တဲ့ အဓိက ဗွီဒီယိုချယ်နယ်တွေက လေးဆယ်နှင့်အထက်ရှိပါတယ်။ ဟာသကနေ တေးသီချင်း၊ပညာရေးနှင့် ကိုယ်တိုင်လုပ်ကြည့် DIY တွေအထိအမျိုးမျိုးပါဝင်ပါတယ်။ လူကြိုက်အများဆုံးချယ်နယ်လ်ဟာ ယူကျုတစ်ခုတည်းတင် စာရင်းသွင်းကြည့်ရှုသူပေါင်း တစ်သိန်းကျော်နေပါသတဲ့။ အဲသလိုဆိုတော့ ယူကျုရွာလို့အမည်ပေးကြတာ မလွန်ကြောင်းပါ။
Source: India-Times
#YouTube_Village
#India
#Tulsi_Chhattisgarh
- Category: World
- Hits: 1101
Published 29 Sept 2022
မကြာမီကာလအတွင်း နျူကလီးယားစွမ်းအင်ကို ငြိမ်းချမ်းစွာ အသုံးချနိုင် ရေးအတွက် လျှပ်စစ်ဓာတ်အား၊ စိုက်ပျိုးရေး၊ ပညာရေးနှင့် ကျန်းမာရေးဆိုင်ရာ ကိစ္စရပ်များတွင် အသုံးချနိုင်ရေးကြိုးပမ်းဆောင်ရွက်နေတယ်လို့ ဗိုလ်ချူပ်မှူးကြီး မင်းအောင် လှိုင်က ပြောကြားပါတယ်။
မန္တလေးစက်မှုဇုန်က အသေးစား၊ အငယ်စားနှင့် အလတ်စား စီးပွားရေး (MSME) လုပ်ငန်းရှင်တွေနှင့် ယနေ့ စက်တင်ဘာ ၂၉ ရက်ကတွေ့ဆုံရာမှာ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ယခုလို ထုတ်ဖော်ပြောကြားခဲ့တာဖြစ်ပါတယ်။
“ရုရှားဖက်ဒရေးရှင်း နိုင်ငံသို့ သွားရောက်ခဲ့စဉ်တွင် ရေအားလျှပ်စစ်ဓာတ်အား ထုတ်လုပ်ရေးနှင့် နျူကလီးယားစွမ်းအင် သုံး လျှပ်စစ်ဓာတ်အားထုတ်လုပ်မှုများကို ဆွေးနွေးခဲ့ပါတယ်။ မိမိတို့နိုင်ငံ တွင် ရေအားလျှပ်စစ်ဓာတ်အားထုတ်လုပ်နိုင်သည့် ရေအရင်း အမြစ်များစွာ ရှိပါတယ်။၊ ရေအားလျှပ်စစ်ဓာတ်အားထုတ်လုပ်မှု လုပ်ငန်းသည် အရင်းအနှီးကြီးမားသော်လည်း ရေရှည် အတွက် ကောင်းမွန်သည့်လုပ်ငန်း တစ်ရပ်ဖြစ်ပါတယ်။ နျူကလီးယား စွမ်းအင်သုံး လျှပ်စစ်ဓာတ်အားထုတ်လုပ်ခြင်းသည်လည်း များစွာအကျိုး ဖြစ်ထွန်းစေပြီး မကြာမီကာလအတွင်း နျူကလီးယားစွမ်းအင်ကို ငြိမ်းချမ်းစွာ အသုံးချနိုင် ရေးအတွက် လျှပ်စစ် ဓာတ်အား၊ စိုက်ပျိုးရေး၊ ပညာရေးနှင့် ကျန်းမာရေးဆိုင်ရာ ကိစ္စရပ်များတွင် အသုံးချနိုင်ရေးကြိုးပမ်းဆောင်ရွက်နေပါတယ်” လို့ ဗိုလ်ချူပ်မှူးကြီးကပြောခဲ့တာဖြစ်တယ်လို့ နစကရဲ့ သတင်းထုတ်ပြန်ချက်မှာ ဖော်ပြထားပါတယ်။
တိုင်းပြည်သာယာဝပြောရေးနှင့် စားရေရိက္ခာပေါများရေး ကို အမျိုးသားရေးရည်မှန်းချက်အဖြစ် ဆောင်ရွက်ရမည်ဖြစ်ပြီး လုပ်ကိုင်ဆောင်ရွက် နေသူများအားလုံး အေးချမ်းလုံခြုံစွာဖြင့် လုပ်ကိုင်နေထိုင် ဆောင်ရွက်နေခြင်းသည် တိုင်းပြည် သာယာ ဝပြောခြင်းဖြစ်ကြောင်း၊ စားရေ ရိက္ခာပေါများရေးနှင့်ပတ်သက်၍ သောက်သုံးရေလုံလောက်စွာရရှိရေးနှင့် စားသောက်ဖွယ်ရာ များသာမက တစ်ကိုယ်ရေ သုံး ပစ္စည်းများသည်လည်း ရိက္ခာတွင်ပါဝင်ကြောင်းလည်း နစက ဥက္ကဋ္ဌက ရှင်းလင်းပြောကြားခဲ့ပါ တယ်။
မန္တလေးတိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များ အသင်း ၊မန္တလေးစက်မှုဇုန် စီမံခန့်ခွဲရေးကော်မတီ ၊မြန်မာနိုင်ငံဝါလုပ်ငန်းရှင်များအသင်း၊အသေးစား၊ကျောက်ဆစ်လုပ်ငန်းအသင်း၊ရှင်သန်ဆဲဒြပ်မဲ့မျက်ပါးရွှေဆိုင်းအသင်းနှင့် တက်ရောက်လာကြသည့် လုပ်ငန်းရှင်တွေက အသေးစား၊ အငယ်စားနှင့် အလတ်စား စီးပွားရေး (MSME) လုပ်ငန်းများ ဆောင်ရွက်နေမှု အခြေအနေများ၊ ထုတ်ကုန်များ ဈေးကွက် ရရှိရေး၊ နည်းပညာနှင့် ရင်းနှီးမြှုပ်နှံမှု အရင်းအနှီးများ ရရှိရေးတို့အတွက် လိုအပ်မှု အခြေအနေများ၊ အနာဂတ်ကာလများတွင် စက်မှုဇုန် စဉ်ဆက်မပြတ် ဖွံ့ဖြိုးတိုးတက် ရေး အတွက် လိုအပ်ချက်များ၊ ဝါမျိုးကောင်းမျိုးသန့်များရရှိရေးနှင့် ဈေးကွက်ရရှိရေး၊ ဝါစိုက်တောင်သူများ အရင်းအနှီးရရှိရေးအတွက် သက်သာသောအတိုးနှုန်းထားဖြင့် ရင်းနှီးမတည်ငွေများ နိုင်ငံတော်မှ ဆောင်ရွက်ပေးစေလိုမှု၊ သက်တမ်းပြည့်ချေးငွေများ သက်တမ်းတိုးမြှင့်ပေးစေလိုမှု၊ ကျောက်ဆစ်လုပ်ငန်းအတွက် မြေနေရာနှင့် စက်ပစ္စည်း လိုအပ်မှု၊ ရိုးရာလက်မှု လုပ်ငန်းတစ်ခုဖြစ်သည့် မျက်ပါးရွှေဆိုင်းလုပ်ငန်း ဖွံ့ဖြိုး တိုးတက်ရေးနှင့် တင်ဒါစနစ်အစား လက်ခစနစ်ဖြင့် ဆောင်ရွက် ပေးစေလိုမှု၊ ရက္ကန်း လုပ်ငန်းများ အဆင့်မြှင့်တင်ဆောင်ရွက်ပေးစေလိုမှုနှင့် နိုင်ငံတော် မှရင်းနှီးမတည်ငွေ များထုတ်ချေး ပေးစေလိုမှု၊ စက်မှုဇုန်အတွင်း ရှေ့ပြေးနည်းပညာများ လေ့လာ၍ရသည့် စာကြည့်တိုက်နှင့် သုတေသနစင်တာ တစ်ခုတည်ထောင် ပေးစေလိုမှု၊ စက်မှုလုပ်ငန်း များဆောင်ရွက်ရန် လျှပ်စစ်ဓာတ်အားများ လုံလောက်စွာရရှိ အောင်ဆောင်ရွက် ပေးစေလိုမှု၊ နိုင်ငံတော်၏ပံ့ပိုးမှု၊ စက်မှုလုပ်ငန်းရှင်များ၏ ဝိုင်းဝန်း ပါဝင်ဆောင်ရွက် မှုများဖြင့် စက်မှုဇုန်များတွင် နေရောင်ခြည်စွမ်းအင်သုံး လျှပ်စစ် ဓာတ်အားများ ထုတ်လုပ်နိုင်ရန်လိုအပ်မှု၊ ကုန်ချောပစ္စည်းများ ပြည်ပမှတိုက်ရိုက် တင်သွင်းမှုများ ကြောင့် ပြည်တွင်းကုန်ချောထုတ်လုပ်သူများအနေဖြင့် အခက်အခဲများ ဖြစ်ပေါ်နေမှု၊ ပြည်ပမှ ကုန်ချောတင်သွင်းမှုအပေါ်တွင် ထိုက်သင့်သည့် အခွန်ငွေများ ကောက်ခံ ရန်နှင့် ကုန်ကြမ်းပစ္စည်းများတင်သွင်းမှုအပေါ် အခွန်ငွေများလျှော့ခ ကောက်ခံမည် ဆိုပါက ပြည်တွင်းကုန်ချောထုတ်လုပ်မှုအပေါ် အထောက်အကူပြုနိုင်မှု၊ ထုတ်ကုန်များ အတွက် Exhibition များပြုလုပ်ပေးခြင်းဖြင့် ဈေးကွက်သစ်များကို ဖန်တီးပေးနိုင်ပြီး ထုတ်လုပ်သူများအဆင်ပြေစေမည့် အခွန်စနစ်ဆောင်ရွက်ပေးရန် လိုအပ်မှု၊ MRCCI အသင်းနှင့်ညီနောင်အသင်းများအတွက် ရုံးခန်းများ တစ်စုတစည်းတည်းဖွင့်လှစ် နိုင်ရေးအဆောက်အဦ မြေနေရာအတွက် နိုင်ငံတော်မှသတ်မှတ်သောနှုန်းဖြင့် မြေနေရာ စီစဉ်ပေးနိုင်ရေး အခြေအနေတွေကို အသီးသီးတင်ပြခဲ့ကြတယ်လို့ သတင်းထုတ်ပြချက်မှာ ဖော်ပြထားပါတယ်။
ပြည်ထောင်စုဝန်ကြီးများဖြစ်ကြသည့် ဦးတင်ထွဋ်ဦး၊ ဦးလှမိုး၊ ဒေါက်တာ ချာလီသန်း၊ တိုင်းဒေသကြီးဝန်ကြီးချုပ် ဦးမောင်ကိုတို့ကလည်း လုပ်ငန်းရှင်များ၏ဆွေးနွေးချက်များအပေါ် ဆောင်ရွက်ထားရှိမှုနှင့် ဆောင်ရွက်နိုင်မည့်ကိစ္စတွေကို ပြန်လည်ဆွေးနွေးခဲ့ကြတယ်လို့လည်းသိရှိရပါတယ်။
အဆင့်မီဝါများထွက်ရှိရေး အတွက် အရည်အသွေးပြည့်မီသည့် ဝါမျိုးကောင်းမျိုးသန့်များရရှိအောင် နိုင်ငံတော်မှ ကြိုးပမ်း ဆောင်ရွက်လျက်ရှိကြောင်း၊ မန္တလေးတိုင်းဒေသကြီးအတွင်း ဝါစိုက်ပျိုးမှုများစွာရှိသည့် အတွက် မန္တလေးတိုင်းဒေသကြီးအတွင်း ဝါကိုအခြေခံသည့် စက်မှုလုပ်ငန်းများကို အောင်မြင်အောင် ဆောင်ရွက်ကြစေလိုပြီး နိုင်ငံတော်မှလည်း လိုအပ်သည့် ပံ့ပိုးကူညီ မှုများ ဆောင်ရွက်ပေးသွားမယ်လို့လည်း သတင်းထုတ်ပြန်ချက်မှာဖော်ပြထားပါတယ်။
စက်မှုကုန်ကြမ်းများအတွက် လိုအပ်သည့် သတ္တုကုန်ကြမ်းများနှင့် သစ်ကုန်ကြမ်းများရရှိရေး ဆောင်ရွက်ပေးမည် ဖြစ်ကြောင်း၊ထုတ်ကုန်ပြပွဲများကျင်းပနိုင်ရေးဆောင်ရွက်ပေးသွားမည်ဖြစ်ကြောင်း၊ ပြည်တွင်းကုန် ထုတ်လုပ်မှုကို အားပေးခြင်း သည် ပြည်တွင်းစီးပွားရေးကိုအားပေးခြင်းဖြစ်ပြီး ပြည်တွင်းမှထွက်ရှိသည့် ကုန်ကြမ်းများကို အဆင့်မြင့်ထုတ်ကုန်များအဖြစ် ထုတ်လုပ်နိုင်ရမည်ဖြစ်ကြောင်း၊ မိမိတို့နိုင်ငံရှိ ကုန်ထုတ်လုပ်မှုများ တွင် ပြည်ပမှဝင်ရောက်ဆောင်ရွက်ခြင်းထက် မိမိတို့ကိုယ်တိုင် ဦးစီးဆောင်ရွက်မှုများကို အားပေးရမည်ဖြစ်ကြောင်း၊ မိမိတို့အကျိုးစီးပွားကို မိမိတို့ကိုယ်တိုင်ဖော်ဆောင် ရမည်ဖြစ်ကြောင်း၊ နိုင်ငံတော်မှစိုက်ပျိုးရေးချေးငွေများကို ယခင်ကတည်းထုတ်ချေးပေးခဲ့ကြောင်း၊ နိုင်ငံတော်သို့ ပြန်လည်ပေးဆပ်နိုင်ခြင်း မရှိသေးသည်များလည်းရှိကြောင်း၊ နိုင်ငံတော်မှ ထုတ်ချေးပေးထားသည့် ကိုဗစ်-၁၉ ချေးငွေများနှင့်ပတ်သက်၍ ပြန်လည်ပေးဆပ် ရန်ကာလကို သက်တမ်းတိုးပေးသွားမည်ဖြစ်ကြောင်း၊ ဒေသအတွင်း ကုန်ထုတ်လုပ်မှုများကို ဆောင်ရွက်နိုင်ခြင်းကြောင့် အလုပ်အကိုင်အခွင့်အလမ်းများ များပြားလာမည်ဖြစ်ပြီး ပြည်ပနိုင်ငံများသို့ သွားရောက်လုပ်ကိုင်ရမှုများ နည်းပါးလာ မည်ဖြစ် ကြောင်း ဗိုလ်ချူပ်မှူးကြီးက ပြောကြားခဲ့တယ်လို့ နစကရဲ့သတင်းထုတ်ပြန်ချက်မှာ ဖော်ပြထားပါတယ်။
ထို့အပြင် နစကဥက္ကဋ္ဌနှင့်အဖွဲ့ဟာ မန္လေးတိုင်းဒေသကြီး စက်မှုဇုန်(၁)အတွင်းက ပုဂ္ဂလိက ကုန်ထုတ်လုပ်ငန်းတွေကို သွားရောက်ကြည့်ရှုခဲ့ပါတယ်။ အဲဒီလုပ်ငန်းတွေက ဘုရင်ဘီစကစ်စက်ရုံ၊ အောင်နိုင်သူ တွင်နှင့်သံရည်ကျို လယ်ယာသုံးရေပန့် သံမဏိသွန်းထည်လုပ်ငန်း၊မောရိယ တိုင်းရင်းဆေးထုတ်လုပ်ရေးလုပ်ငန်းတွေဖြစ်ကြပြီး လုပ်ငန်းတွေရဲ့ လုပ်ငန်းရှင်တွေနှင့် စီမံခန့်ခွဲသူတွေက ထုတ်လုပ်နေမှုအခြေအနေတွေကို တင်ပြခဲ့ကြရာ ဗိုလ်ချူပ်မှူးကြီးက အကြံပြုဆွေးနွေးခဲ့တယ်လို့လည်း သတင်းထုတ်ပြန်ချက်မှာ ဖော်ပြထားပါတယ်။
Source SAC’s press release
#SG_Min_Aung_Hlaing
#Myanmar_MSME
#Myanmar
- Category: Myanmar
- Hits: 613
Published 28 Sept 2022
လူနေမှုစရိတ်တွေ မြင့်တင်လာတာနှင့်အတူ မီလျံနာတွေဟာ အလုပ်ကြိုးစားတဲ့ ရွှေ့ပြောင်းနေထိုင်သူတွေနှင့် ရင်းနှီးစွာပြောဆိုဆက်ဆံတတ်ပြီး ချမ်းသာကြွယ်ဝတဲ့ ပင်လယ်ကွေ့ အာရပ်စော်ဘွားများပြည်ထောင်စုနိုင်ငံက ဒူဘိုင်းမြို့မှာ ဆင်းရဲသားတွေအတွက် ပေါင်မုန့်တွေကို အခမဲ ဖြန့်ဖြူးပေးနေပါတယ်။
သဲကန္တာရပေါ် မိုးမြင့်အဆောက်အအုံတွေရဲ့ မြို့ဒူဘိုင်းမှာအစားအစာအားလုံးဟာ ပြည်ပကတင်သွင်းရတာပါ။ ရုရှားရဲ့ ယူကရိန်းအပေါ်ကျူးကျော်မှုကြောင့်တစ်ကမ္ဘာလုံးဖြစ်နေရတဲ့ လူသုံးကုန်ပစ္စည်းတွေ ဈေးတွေခပ်မြန်မြန်မြင့်တက်တဲ့ ရိုက်ခတ်မှုကို ဒူဘိုင်းမှာလည်း ခံစားနေကြရပါတယ်။
စူပါမားကက်တွေမှာ ပြီးခဲ့တဲ့ အပတ်က ပေါင်မုန့်ရောင်းတဲ့ vending machines စက် ၁၀လုံးတပ်ဆင်ပေးထားပါတယ်။ ကွန်ပျူတာ မြင်ကွင်းပေါ်ကနေ လက်နှင့်ထိပြီး လူတွေဟာ ပေါင်မုန့်အမျိုးမျိုးကို အခမဲ့ရယူနိုင်ကြပါတယ်။အသားညှပ်ပေါင်မုန့်လုံးတွေ၊ အဆာညှပ်ပေါင်မုန့်ပြားတွေနှင့် အိန္ဒိယပုံစံ ချာပါတီပြားတွေကို နှစ်သက်ရာ ခလုပ်နှိပ်ရယူနိုင်ကြတာဖြစ်ပါတယ်။ စက်မှာ အကြွေးဝယ်ကတ်ဖတ်တဲ့စက်လည်းပါပါတယ်။ ဒါပေမယ့် ပေါင်မုန့်ဝယ်ဖို့မဟုတ်ဘဲ ငွေလှူချင်သူတွေ လှူနိုင်အောင်တပ်ထားပေးတာပါ။
ဒီပေါင်မုန့်စက်တွေကို ဒူဘိုင်းရဲ့ အုပ်စိုးသူ ရှိတ်မိုဟာမက်ဘင် ရာရှစ် အယ်လ် မက်တုမ်ရဲ့ ဖောင်ဒေးရှင်းက ကမကထပြု တပ်ဆင်ပေးတာဖြစ်ပါတယ်။
သူငယ်ချင်းတစ်ယောက်က ကျွန်မကို ပေါင်မုန့်အလကားရတယ်ပြောလို့ လာတာပါ လို့ ကားရေဆေးလုပ်ငန်းလုပ်နေတဲ့ နီပေါသူ အမျိုးသားတစ်ဦးဖြစ်တဲ့ ဘီဂန်ဒါက ပြောပါတယ်။
အာရှက ရွှေ့ပြောင်းလာကြသူတွေလိုပဲ သူဟာ ယူအေအီးမှာ အခွင့်အလမ်းကောင်းတွေ အိပ်မက်နေသူပါ။
ဒူဘိုင်းကိန်းဂဏန်းဌာနရဲ့ အစိုးရကိန်းဂဏန်းတွေအရ စားသောက်ကုန် ဈေးတွေဟာ ဇူလိုင်မှာ မနှစ်ကဇူလိုင်နှင့်ယှဉ်ရင် ၈.၇၅ ရာခိုင်နှုန်းတက်လာပါတယ်။သယ်ယူပို့ဆောင်စရိတွေကတော့ ၃၈ ရာခိုင်နှုန်းမြင့်တက်နေပါတယ်။
စိတ်ကူးကတော့ ဒီကို ရောက်မလာခင်မှာ ချို့ငဲ့ကြတဲ့ မိသားစုတွေနှင့် အလုပ်သမားတွေအတွက်ပါ။ ဒူဘိုင်းက နေရာအနှံ့မှာတပ်ဆင်ထားတဲ့ စမတ်စက် ၁၀လုံးနေက ပေါင်မုန့်တွေ အခမဲ့ပံ့ပိုးတာပါ။ တစ်ခါနှိပ်လိုက်ရုံနှင့် ပေါင်မုန့်ကိုရမှာပါ လို့ မိုဟာမက်ဘင်ရာရှစ်စင်တာရဲ့ ညွှန်ကြားရေးမှူးတစ်ဦးဖြစ်တဲ့ ဇင်နက်ဂျူမာ အယ်လ်တာမီမီ ကပြောပါတယ်။
ဒီစက်တွေကို ပြည်သူတွေက ကြိုဆိုကြပြီး အလွန်လူကြိုက်များပါတယ်။ ဒီလှုပ်ရှားမှုအတွက် ပံ့ပိုးကူညီမှုတွေလည်း အများကြီးလက်ခံရရှိထားလို့ ဒူဘိုင်းနှင့် ယူအေအီးမှာ နေရာအသစ်တွေမှာ စက်အသစ်တွေထပ်တပ်ဆင်ပေးမယ် လို့လည်း သူမကပြောပါတယ်။
ဒီစက်တစ်လုံးမှာ ဗူးကလေးတွေ ၆၈ဘူးပါတယ်။ တစ်ဘူးကို ပေါင်မုန့်လေးလုံးထည့်ထားတယ်။ ပေါင်မုန့်က သုံးမျိုးလုပ်ထားတယ်။ ပေါင်မုန့်လုံး၊အာရပ်ပေါင်မုန့်နှင့် ချာပါတီတို့ပဲဖြစ်တယ်။ ကျွန်တော်တို့ အက်ရှ်ဝက်မားကက်ကစက်တွေထဲမှာ အေးခဲထားတဲ့ပေါင်မုန့်တွေ ထည့်ပေးထားတယ်။နေ့စဉ်လိုအပ်ချက်အရ တစ်နေ့ကို နှစ်ကြိမ်သုံးကြိမ်လောက် ပေါင်မုန့်တွေပြန်ပြန်ဖြည့်ပေးရတယ် လို့ အက်ရှ်ဝက် အဆောက်အဦရဲ့ စီအီးအို မိုဟာမက် ဖာရိုင်ဒိုနီက ပြောပါတယ်။
ငွေကြေးဖောင်းပွမှုတွေနှင့် အတိုးနှုန်းတွေမြင့်မားနေတဲ့ စီးပွားရေးအခြေအနေတစ်ခုမှာ ကျွန်တော်တို့နေထိုင်နေကြရတယ်။ လစာနည်းတဲ့သူတွေ အများကြီးရှိတယ်။ သူတို့ဩာ သူတို့လိုအပ်ချက်တွေပြည့်မီဖို့ ဖြည့်ဆည်းနိုင်စွမ်းမရှိကြဘူး။ ဒီလိုလုပ်ပေးတာဟာ ဒေသခံပဲဖြစ်ဖြစ် နိုင်ငံသားဖြစ်ဖြစ် အားလုံးအတွက် အကျိုးရှိတယ် လို့လည်း ဒူဘိုင်းမှာ နေထိုင်တဲ့ ဂျော်ဒန်စီးပွားရေးသမား ဖာဒီရာရှစ်က ပြောပါတယ်။
ယူအေအီးနိုင်ငံမှာ လူဦးရေက ၁၀သန်းနီးပါးရှိပါတယ်။ အဲဒီထဲက ၉၀ ရာခိုင်နှုန်းဟာ နိုင်ငံခြားသားတွေဖြစ်ပြီး အများစုဟာ အာရှနှင့်အာဖရိကကလာကြတဲ့ အလုပ်သမားတွေဖြစ်ကြပါတယ်၊
ယူအေအီးရဲ့ စီးပွားရေးအချက်အခြာကျတဲ့ ဒူဘိုင်းမြို့ဟာ မိုးမြင့်မျှော်စင်ကြီးတွေတည်ဆောက်တာ ၊ ဝန်ဆောင်မှုလုပ်ငန်းတွေလုပ်ကိုင်တာ၊ အိမ်ခြံမြေလုပ်ငန်းမှသည် ဇိမ်ခံ ခရီးသွားလုပ်ငန်းတွေအထိ နိုင်ငံခြားသားလုပ်သားအုံလိုက်အင်လိုက်အပေါ် မှီခိုနေရပါတယ်။
ဒူဘိုင်းမှာ အလုပ်လုပ်တာ (၃)နှစ်ရှိပြီဖြစ်တဲ့ ဘီဂန်ဒါက သူကားတစ်စီးရေဆေးပေးတိုင်း အမေရိကန်ဒေါ်လာ ၈၁ ဆင့်နှင့်ညီမျှတဲ့ ဒူဘိုင်းငွေ ၃ ဒိုင်ဟမ်ရရှိတယ်လို့ပြောပါတယ်။ အလုပ်ကြိုးစားလုပ်ပြီး ကားဆေးသူတွေဆီက ရတဲ့ ဘောနပ်စ်တွေနှင့်ပေါင်းရင် တစ်လတစ်လကို ဒီဟမ်၇၀၀ကနေ ၁၀၀၀အကြား( အမေရိကန်ဒေါ်လာ ၁၉၀ကနေ ၂၇၀ အကြား) ရတယ်လို့ သူကပြောပါတယ်။
ကျွန်တော့်အလုပ်ရှင်က နေစရာနှင့် အသွားအလာစီစဉ်ပေးတယ်။အစားအသောက်တော့ မကျွေးဘူး လို့ သူကပြောပါတယ်။
ကုလသမဂ္ဂ ရွှေ့ပြောင်းနေထိုင်သူများအစီရင်ခံစာအရ ယူအေအီးမှာ ရွှေ့ပြောင်းလာသူ ၈.၇သန်းခန့်နေထိုင်ကြပြီး အများစုဟာ အိန္ဒိယ၊ဘင်္ဂလားဒေ့ရှ်နှင့် ပါကစ္စတန်တို့မှဖြစ်တယ်လို့သိရပါတယ်။ ဒူဘိုင်းမှာ မီလျံနာ ခြောက်သောင်းရှစ်ထောင်နှင့် ဘီလျံနာ ၁၃ ဦးနေထိုင်ပြီး ကမ္ဘာပေါ်မှာ ၂၃ခုမြောက် အချမ်းသာဆုံးမြို့ဖြစ်ပါတယ်။
Source AFP
#Dubai
#UAE
#Free_Bread_Vending Machine
- Category: World
- Hits: 520
Published 28 Sept 2022
အသေးစား၊အငယ်စားနှင့် အလတ်စား စက်မှုလုပ်ငန်း (MSME)တွေဟာ နိုင်ငံအတွက်အရေးကြီးတဲ့လုပ်ငန်းတွေဖြစ်လို့ လိုအပ်တဲ့ငွေကြေးတွေကို နိုင်ငံတော်မှ ထုတ်ချေးပေးမယ်လို့ ဗိုလ်ချူပ်မှူးကြီး မင်းအောင်လှိုင်က စက်မှုလုပ်ငန်းရှင်တွေကို ပြောကြားပါတယ်။
နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ဟာ အဖွဲ့ဝင်တွေလိုက်ပါလျက် ယနေ့ စက်တင်ဘာ ၂၈ ရက် နေ့လယ်ပိုင်းက မန္တလေးတိုင်းဒေသကြီး၊ မိတ္ထီလာ စက်မှုဇုန်ရှိ စက်မှုဇုန်ခန်းမ တွင် မိတ္ထီလာခရိုင်အတွင်းရှိ အသေးစား၊ အငယ်စားနှင့် အလတ်စား စီးပွားရေး (MSME) လုပ်ငန်းရှင်များနှင့် သွားရောက်တွေ့ဆုံရာမှာ နစက ဥက္ကဋ္ဌက ယခုလို ပြောကြား လိုက်တာဖြစ်တယ်လို့ နစကရဲ့ သတင်းထုတ်ပြန်ချက်အရ သိရပါတယ်။
“နိုင်ငံတော်အနေဖြင့် လိုအပ်ချက်များအရသာ အချို့သော စီးပွားရေးလုပ်ငန်းတွေကို ပါဝင်ဆောင်ရွက်နေရခြင်းဖြစ် ကြောင်း၊ ပုဂ္ဂလိကစီးပွားရေးလုပ်ငန်းများ ဆောင်ရွက်နိုင်ရန်အတွက် နိုင်ငံတော်မှ ချေးငွေများကို သက်သာသော အတိုးနှုန်းများ ဖြင့် ထုတ်ချေးပေးလျက်ရှိကြောင်း၊ အသေးစား၊ အငယ်စားနှင့် အလတ်စားစက်မှု လုပ်ငန်း (MSME) များသည် နိုင်ငံအတွက် အရေးကြီးသည့် လုပ်ငန်းများဖြစ်သဖြင့် လိုအပ်သည့်ငွေကြေးများကို နိုင်ငံတော်မှ ထုတ်ချေးပေးသွားမည်ဖြစ်ကြောင်း ကို ဗိုလ်ချူပ်မှူးကြီးက ပြောကြားခဲ့တာဖြစ်တယ်လို့ သတင်းထုတ်ပြန်ချက်အရသိရပါတယ်။
မိတ္ထီလာစက်မှုဇုန်စီမံခန့်ခွဲမှုကော်မတီနှင့် လုပ်ငန်းရှင်များက စက်မှုဇုန်တွင် အရင်းအမြစ်ကောင်းများပြည့်စုံမှုနှင့် ပြည်တွင်း၊ ပြည်ပရင်းနှီးမြှုပ်နှံမှုများကို အောင်မြင်စွာ ဆောင်ရွက်နိုင်မည့်အခြေအနေများ၊ စက်မှုဇုန်ဖွံ့ဖြိုးတိုးတက်ရေးအတွက် ဆောင်ရွက် နေမှု၊ စက်မှုဇုန်နည်းဥပဒေအတည်ပြုပေးရန်လိုအပ်မှု၊ လျှပ်စစ်ဓာတ်အား လိုအပ်မှု၊ ဝါသီးနှံကိုအခြေခံသည့် စက်မှုလုပ်ငန်းများဆောင်ရွက်နေမှု၊ ဝါစိုက်ပျိုး တောင်သူများ ဈေးကွက်ရရှိရေး ဆောင်ရွက်လျက်ရှိမှု၊ ဝါမျိုးကောင်းမျိုးသန့်များရရှိရေးအတွက် နိုင်ငံ တော်မှ ဆောင်ရွက်ပေးရန်၊ ဆီထွက်သီးနှံများ တိုးချဲ့စိုက်ပျိုးရေး ဆောင်ရွက်လျက်ရှိမှု၊ ဆီကောင်းဆီသန့်များရရှိအောင် ဆောင်ရွက်ရန်လိုအပ်မှု၊ နိုင်ငံတော်မှ သက်သာသော ဈေးနှုန်းဖြင့် ဖြန့်ခွဲရောင်းချပေးသည့် စားသုံးဆီများကို ပြည်သူများထံ သက်သာ သောဈေးနှုန်းများ ဖြင့်ပြန်လည် ရောင်းချပေးလျက်ရှိမှု၊ ရက္ကန်းလုပ်ငန်းများ ဆောင်ရွက်လျက်ရှိမှု၊ ဆန်စက်လုပ်ငန်းတွင် အသုံးပြုသည့်ပစ္စည်းများ ဈေးနှုန်းများ မြင့်တက်မှု များ ကြောင့် အခက်အခဲများ ဖြစ်ပေါ်လျက်ရှိမှု အခြေအနေများနှင့် စက်မှုဇုန်အတွင်း လိုအပ်ချက်များကို အသီးသီး တင်ပြခဲ့ကြပါတယ်။
အဲဒီဆွေးနွေးတင်ပြချက်တွေအပေါ် ပြည်ထောင်စုဝန်ကြီးတွေဖြစ်တဲ့ ဦးတင်ထွဋ်ဦး၊ဦးလှမိုး၊ဒေါက်တာချာလီသန်းနှင့် မန္တလေးတိုင်းဒေသကြီးဝန်ကြီးချုပ်ဦးမောင်ကိုတို့က ပြန်လည်ရှင်းလင်းပြောကြားပေးခဲ့ကြပါတယ်၊
နိုင်ငံ့စီးပွားမြှင့်တင်ရေး ရန်ပုံငွေမှ စိုက်ပျိုးရေးလုပ်ငန်းများအတွက် မတည်ငွေများလွှဲအပ်ပေးခဲ့ပြီဖြစ်၍ ကျန်ရှိသည့် ရန်ပုံငွေများမှလည်း အသေးစား၊ အငယ်စားနှင့် အလတ်စား (MSME) လုပ်ငန်းများ အတွက် မတည်ငွေများလွှဲအပ်နိုင်ရေးဆောင်ရွက်လျက်ရှိကြောင်းနှင့် ဝါစိုက်ပျိုးတောင်သူ များအတွက်လည်း မတည်ငွေများ ထုတ်ပေးသွားရန် စီမံလျက်ရှိကြောင်းလည်း သတင်းထုတ်ပြန်ချက်မှာဖော်ပြထားပါတယ်။
“ဒေသတွင်းစက်မှုလုပ်ငန်းများ ဆောင်ရွက် ရာတွင် ဆန်၊စပါး လုပ်ငန်း၊ ဆီထွက်သီးနှံကိုအခြေခံသည့် စက်မှုလုပ်ငန်း၊ ပဲ ကို အခြေခံသည့် စက်မှုလုပ်ငန်းများကိုဆောင်ရွက်၍ရပြီး မိတ္ထီလာစက်မှုဇုန်အတွက်လိုအပ်တဲ့ လျှပ်စစ်ဓာတ်အားများ ရရှိစေရေး နေရောင်ခြည်စွမ်းအင်သုံး လျှပ်စစ်ဓာတ်အားထုတ်လုပ်ခြင်း လုပ်ငန်းများကို ဆောင်ရွက်စေလိုကြောငးနှင့် နိုင်ငံတော်မှလည်း လျှပ်စစ်ဓာတ်အားများလုံလောက်စွာ ရရှိရေး ဆောင်ရွက်လျက်ရှိတယ်လို့ ဗိုလ်ချူပ်မှူးကြီးက ပြောတဲ့အကြောင်း သတင်းထုတ်ပြန်ထားပါတယ်။
နစကဥက္ကဋ္ဌနှင့်အဖွဲ့ဟာ မိတ္ထီလာမြို့ရှိ တပ်မတော် ချည်မျှင်နှင့်အထည်စက်ရုံ(မိတ္ထီလာ)သို့ သွားရောက်ကြည့်ရှုစစ်ဆေးခဲ့ကြောင်း လည်း သတင်းရရှိပါတယ်။
Source SAC’s Info
#SAC
#SG_Min_Aung_Hlaing
#Myanmar_Politics
- Category: Myanmar
- Hits: 1225
Published 27 Sept 2022
နာဆာရဲ့ DART အာကာသယာဉ်(ဒုံး)ဟာ တနင်္လာနေ့က Dimorphos ဂြိုဟ်သိမ် ဂြိဟ်ငယ်ကလေးတစ်လုံးကို ဝင်တိုက်ဖျက်ဆီးပစ်ခဲ့နိုင်ပါတယ်။
ငွေအကြွေဖြင့်ပစ္စည်းဝယ်စက် vending machine စက်တစ်လုံးအရွယ်အစားခန့်သာရှိတဲ့ အဆိုပါ နာဆာရဲ့ DART အာကာသယာဉ်ဟာ ဘောလုံးကွင်းတစ်ကွင်းစာအရွယ်ရှိတဲ့ Dimorphos ဂြိုဟ်သိမ်ကို အောင်မြင်စွာ ဝင်တိုက်ဖျက်ဆီးလိုက်နိုင်တာကို DART မစ်ရှင်မှာ တပ်ဆင်ပေးလိုက်တဲ့ DRACO ကင်မရာကနေတစ်ဆင့် မြင်တွေ့ကြရပါတယ်။
ဒါဟာ ကမ္ဘာပေါ်က သက်ရှိတွေ ဂြိုဟ်သိမ်ဂြိုဟ်မွှားကျရောက်မှုကြောင့် သေကြေပျက်စီးရမယ့် အန္တရာယ်ကို ကာကွယ်ပေးနိုင်ဖို့ဖြစ်ပါတယ်။
“ ကမ္ဘာ့ပထမဆုံး ကမ္ဘာ့လေ ကာကွယ်ရေးစမ်းသပ်မစ်ရှင်အတွက် အကျိူးသက်ရောက်မှု အတည်ပြုခဲ့ပါပြီ” လို့ နာဆာရဲ့ တိုက်ရိုက်ရုပ်သံထုတ်လွှင့်တဲ့ဗွီဒီယိုဂရပ်ဖစ်မှာ ဖော်ပြထားပါတယ်။စောင့်ကြပ်ကြည့်ရှုနေကြတဲ့အင်ဂျင်နီယာတွေနှင့် သိပ္ပံပညာတွေဟာ အောင်မြင်မှုကို လက်ခုပ်လက်ဝါးတီး ဂုဏ်ပြုခဲ့ကြပါတယ်။
Source: AFP/NASA
#Moonlet_asteroid
#Dimorphos
#DART_spaceship_NASA
- Category: World
- Hits: 529
Published 26 Sept 2022
ကံပန်းရောင် Fortune Pink လို့ အမည်ပေးထားတဲ့ အင်မတန်မှာရှားပါးလှတဲ့ ကျောက်မျက်ကြီးတစ်လုံးကို နိဝင်ဘာလကျရင် ဂျနီဗာမြို့မှာ လေလံတင်ရောင်းချပါတော့မယ်။ အဲဒီ ရှားပါး ပန်းရောင်စိန်ပွင့်ကြီးကို ဒေါ်လာ ၃၅ သန်းအထိ ရရှိလိမ့်မယ်လို့ လေလံတင်သူတွေက မျှော်လင့်ထားကြတယ်လို့ ပြောပါတယ်။
၁၈ ကာရက်ရှိတဲ့ အရောင်စိုနေတဲ့ အဲဒီကျောက်မျက်ရတနာကြီးဟာ လေလံတင်ရောင်းချသမျှ ပန်းရောင်စိန်တွေထဲမှာ အရည်အသွေးအရရော အရွယ်အစားအရပါ အကောင်းဆုံးနှင့် အကြီးဆုံးဖြစ်ပါတယ်လို့ ခရစ်စတီး လေလံအိမ်က ပြောပါတယ်၊
နိုဝင်ဘာ ၈ရက်မှာ ဈေးပြိုင်စနစ်နှင့်လေလံတင်မယ့် စိန်ကြီးကို ဒေါ်လာ ၂၅သန်းကနေ ၃၅ သန်းအထိ ရရှိလိမ့်မယ်လို့ ခရစ်စတီးလေံလံအိမ်က မျှော်လင့်ထားပါတယ်။
တောက်ပြောင်နေတဲ့ ပန်းရောင် မျက်ရည်စက်ပုံစံ စိန်ကြီးဟာ အလေးချိန်အတိအကျပြောရရင် ၁၈.၁၈ ကာရက်ရှိပါတယ်။
ဒီနံပါတ်ဟာ အာရှအတွက် ကံကောင်းတဲ့ နံပါတ်ဖြစ်တယ်။ ဒီစိန်ပွင့်ကြီးကို ကမ္ဘာအနှံ့ကစုဆောင်းသူတွေ စိတ်ဝင်စားကြလိမ့်မယ်လို့ ခရစ်စတီးရဲ့ အကြီးတန်း လက်ဝတ်ရတနာ ကျွမ်းကျင်သူ အိန်ဂျယ်လာ ဘာဒန်က ပြောပါတယ်။ နံပါတ်က မင်္ဂလာရှိတဲ့ ၁၈.၁၈ကာရက်ဖြစ်လို့ ဒီအလေးချိန်ဟာ ပိုင်ရှင်အသစ်အတွက် ကံကောင်းခြင်တွေကို ယူဆောင်လာပေးလိမ့်မယ်လို့လည်း သူမကပြောပါတယ်။
“သိပ်လှတဲ့ကျောက်တစ်ပွင့်ပဲ။ ဒီအရွယ်အစားနှင့် စိုတောက်နေတဲ့ ပန်းရောင်ရှိတဲ့ ပန်းရောင်စိန်တစ်ပွင့်ဆိုတော အတော်ရှားရှားပါးပါး ရှာတွေ့တာမျိုးပါ” လို့လည်း သူကပြောပါတယ်။
ဒီကျောက်ရဲ့ အရောင်ပြည့်ဝမှုဟာ သဘာဝအတိုင်း အတော်ရှာတွေ့ဖို့ခက်ပါတယ်။ ဒီလို အရွယ်အစား ဒီလို အရောင်မျိုးနှင့် ဒီလို အရည်အသွေးသန့်မှုနှင့်ဆိုတာ ရှားပါး ကျောက်ပဲဖြစ်တယ်” လို့ သူမကပြောပါတယ်။
၂၀၁၈ခုနှစ်တုန်းက ခရစ်စတီးဟာ Winston Pink Legacy ဆိုတဲ့ အလေးချိန် ၁၈.၉၆ ရှိ စိန်ပွင့်ကြီးကို ဒေါ်လာ သန်း၅၀ကျော်နှင့် ရောင်းခဲ့ပါတယ်။အဲဒီတုန်းက ဒီလိုကျောက်အမျိုးအစားတွေထဲမှာ တစ်ကာရက်မှာ ဈေးအများဆုံးရခဲ့တာပါ။ မနှစ်တုန်းက ၃၇.၃ ကာရက်ရှိတဲ့ Raj Pink ရာ့ချ်ပင့် စိန်ပွင့်ကြီးကို ဆောက်သဘီလေလံကုမ္ပဏီက လေလံတင်ရောင်းချခဲ့ပေမယ့် ရောင်းမထွက်ခဲ့ပါဘူး။ အဲဒီတုန်းက အဲဒီစိန်ကြီးကို ဒေါ်လာ သန်း၃၀အထိရလိမ့်မယ်လို့ မျှော်မှန်းခဲ့ကြတာဖြစ်ပါတယ်။
Source AFP
#The_Fortune_Pink
#Rare_pink_diamond
#Christie's_auction
- Category: Business
- Hits: 986