#Local_Sport
Published-6-8-2023

ရာသီကြိုခြေစမ်းပွဲစဉ်တွေက အသင်းရဲ့ ခြေစွမ်းကို ကျေနပ်အားရပေမယ့်ကြီးမားတဲ့အားနည်းချက် တွေကိုပြုပြင်ရဦးမယ်လို့ ရီးရဲလ်မက်ဒရစ်နည်းပြ အန်ဆယ်လော့တီကဆိုလိုက်ပါတယ်။ရီးရဲလ်အသင်းဟာ ရာသီကြို အဖွင့်ပွဲစဉ်မှာ အေစီမီလန်ကို ၃-၂ နဲ့အနိုင်ရပြီး မန်ယူကို၂-၀နဲ့ ဆက်နိုင်ခဲ့ပေမယ့် နောက်ပွဲစဉ်တွေမှာ ဘာစီလိုနာကို ၀-၃၊ ဂျူဗင်တပ်ကို ၁-၃ ဂိုးတွေနဲ့အသီးသီး ဂိုးပြတ် အရေးနိမ့်ခဲ့ပါတယ်။ နောက်ဆုံး၂ပွဲမှာ ၆ ဂိုးအထိ ပေးခဲ့ရတဲ့အတွက် ခံစစ်ပိုင်းကို အဓိကထားပြင်ဆင်ဖို့လိုကြောင်း နည်းပြ က၀န်ခံပြောဆိုပါတယ်။

"တိုက်စစ်ပိုင်းအလွန်ကောင်းပေမယ့် ခံစစ်ပိုင်းလိုအပ်ချက်တွေရှိနေတဲ့အတွက် ဘာစီလိုနာနဲ့ ဂျူဗင်တပ် တို့ကို ၃ ဂိုးစီ ပေးခဲ့ရတာကိုပြုပြင်ဖို့လိုပါတယ်။နေရာယူမှု၊ အာရုံစူးစိုက်မှုနဲ့ စိတ်ခံယူချက်တွေကို ပြင်ဆင်ရမှာပါ။ဒီအချက်တွေမှာ ဟန်ချက်မညီ ဖြစ်နေပါတယ်"လို့အန်ဆယ်လော့တီက ဆိုပါတယ်။

ရီးရဲလ်မက်ဒရစ်ဟာလာလီဂါအဖွင့်ပွဲစဉ်အဖြစ် ဩဂုတ်၁၂ရက် ကျရင်အဝေးကွင်းမှာ ဘီလ်ဘာအိုနဲ့ရင်ဆိုင်ရမှာပါ။အန်ဆယ်လော့တီကတော့ အသစ်ပြင်ဆင်လေ့ကျင့်နေတဲ့ ၄-၁-၂-၁-၂ ကစားကွက်ကို ဆက်သုံးစွဲဦးမယ်လို့ ပြောပါတယ်။အခြားသတင်းတစ်ရပ်မှာတော့ ရီးရဲလ်မက်ဒရစ်ကို ၂၀၂၄ ခုနှစ်မှာပြောင်းရွှေ့လာဖို့ သတင်းထွက်နေတဲ့ နည်းပြဇာဘီ အလွန်ဆိုဟာလေဗာကူဆင်အသင်းနဲ့ ၂၀၂၆ ခုနှစ်အထိစာချုပ်သက်တမ်း တိုးမြှင့်လိုက်တယ်လို့သိရပါတယ်။ရီးရဲကစားသမားဟောင်းဖြစ်တဲ့အလွန်ဆိုဟာ ထိပ်တန်း နည်းပြသက်တမ်း ၁နှစ်သာရှိသေးပေမယ့် လေဗာကူဆင်အသင်းကိုပြီးခဲ့တဲ့ရာသီက အောင်မြင်မှုတွေရအောင်စွမ်းဆောင်ပေးနိုင်ခဲ့ပါတယ်။

#Local_Sport #အန်ဆယ်လော့တီ
#Ref: Managing Madrid

#Local_News
Published_ 5 August 2023

အပြောင်းအရွှေ့ပိတ်သိမ်းဖို့ တစ်လနီးပါးသာလိုတော့တဲ့အချိန်မှာနောက်ထပ်ကွင်းလယ်လူ ၂ ဦးထပ်မံခေါ်ယူဖို့ လီဗားပူးအသင်းကစီစဉ်နေပြီးကစားသမားအများအပြားကို စောင့်ကြည့်နေတယ်လို့ သိရပါတယ်။

အပြောင်းအရွှေ့ကစက်တင်ဘာ ၁ရက်မှာပိတ်သိမ်းမှာဖြစ်ပြီး ပရီးမီးယားလိဂ်ရာသီသစ်က သြဂုတ်၁၃ ရက်မှာစတင်တော့မယ်အချိန်မှာ လီဗာပူးရဲ့အပြောင်းအရွှေ့က ပြီးဆုံးခြင်းမရှိသေးတာဖြစ်ပါတယ်။

ဝါရင့်ကွင်းလယ်လူတွေဖြစ်ကြတဲ့ ဟန်ဒါဆင်နဲ့ ဖာဘင်ဟိုတို့ဆော်ဒီလိဂ်ကို ပြောင်းရွှေ့သွားခဲ့သလို မီလ်နာကလည်း ဘရိုက်တန်ကိုပြောင်းရွှေ သွားခဲ့တာကြောင့်လိုက်နေတဲ့ကွင်းလယ်လို အပ်ချက်ကိုဖြည့်ဆည်းဖို့အခုလို စီစဉ်နေတာဖြစ်ပါတယ်။

လက်ရှိမှာ ဆောက်သမ်တန်ကွင်းလယ်လူ လာဗီယာနဲ့ ဘရာဇီးကလပ်ဖလူမင်နက်စီက လူငယ်ကွင်းလယ်လူ အင်ဒရေတို့ကို ပစ်မှတ်ထားစောင့်ကြည့်နေပြီးကမ်းလှမ်းမှုတွေပြုလုပ်ထားတယ်လို့သိရပါတယ်။

လီဗာပူးက ကွင်းလယ် ဘောလုံး ထိန်းချုပ်သူနဲ့ အဖျက်သန်ပြီးတိုက်စစ်လိုက်ပါကစားနိုင်တဲ့ ကစားသမား၂ဦးကိုခေါ်ယူလိုနေတယ်လို့ဆိုပါတယ်။

ဒါအပြင် မာနူးကိုနေး၊ ကီဖရန်သူရမ်၊ဂရာဗန်ဗာ့ချ်၊မက်သီးယပ်နူနက်ဇ်၊ရာဖေးလ်ဗီဂါ၊ ကာမာရာ၊ ဒ်ိုကိုရီနဲ့ပယ်လင်ဟာတို့လို ကွင်းလယ်လူတွေကိုလည်းစောင့်ကြည့်နေတယ်လို့ သိရပါတယ်။

#Local_News #လီဗာပူးကနောက်ထပ်ကွင်းလယ်လူ၂ဦးထပ်မံခေါ်ယူ
#ref:This is Anfield

#Local_Sport
Published_ 4 August 2023

အာဆင်နယ်အသင်း၏ အဓိကတိုက်စစ်မှူးဂါဘရီယယ်ဂျေဇူးသည် ဒူးဒဏ်ရာခွဲစိတ်ကုသမှုခံယူရမည်ဖြစ်သော‌ကြောင့် ရာသီအစပွဲစဉ်များကို လွဲချော်မည်ဖြစ်ကြောင့် နည်းပြ အာတီတာကအတည်ပြုပြောကြားခဲ့သည်။

ဂျေဇူးသည်ပြီးခဲ့သည့်ရာသီကလည်း ပွဲကမ္ဘာ့ဖလားတွင်ရခဲ့သည့် ဒူးဒဏ်ရာ‌ေကြာင့် ပွဲစဉ်၁၅ပွဲလွဲချော်ခဲ့ပြီး ယခုနောက်ဆုံးကစားခဲ့သည့် မိုနာကိုနှင့်ခြေစမ်းပွဲကိုလည်းပါဝင်မကစားနိုင်ခဲ့ပေ။

"သူ့ရဲ့ဒူးဒဏ်ရာအ‌ခြေအနေကပြဿနာအနည်းငယ်ရှိနေပါတယ်။ မပြင်းထန်ပေမယ့် ရက်သတ္တပတ်အနည်းငယ်အနားယူရပါလိမ့်မယ်။ သူဟာအကောင်းဆုံးပုံစံရနေလို့ ကျွန်တော်တို့အတွက်ကြီးမားတဲ့ ထိုးနှက်ချက်တစ်ခုပါပဲ။ အထူးသဖြင့်ဘာစီလိုနာနဲ့ပွဲမှာကစားခဲ့တဲ့ခြေစွမ်းကအတော်ကောင်းခဲ့ပါတယ်။ သူအမြန်‌ဆုံးပြန်ကစားနိုင်ဖို့မျှော်လငိ့ပါတယ်"ဟုနည်းပြအာတီတာက‌‌ ပြောကြားခဲ့သည်။

မိုနာကိုနှင့်ပွဲစဉ်တွင် ဂျေဇူးနေရာ၌အန်ကက်တီယားဝင်ရောက်ကစားခဲ့ပြီး တစ်ဂိုး သွင်းယူနိုင်ခဲ့သည်။ သို့သော် အခြားတိုက်စစ်မှူးတစ်ဦးဖြစ်သည့် အမေရိကန်လက်ရွေးစင် ဘာလိုဂန်မှာ အရန်စာရင်းတွင် ပင်ပါဝင်လာခြင်းမရှိပေ။ဘာလိုဂန်သည်ပြီးခဲ့သည့်ရာသီက ပြင်သစ်လီဂူး-၁ ကလပ် ရိမ်းစ်အသင်းတွင်အငှားသွားရောက်ကစားခဲ့ပြီး ၂၁ ဂိုး "သွင်းယူနိုင်ခဲ့သော်လည်း အာဆင်နယ်မှ ထွက်ခွာရန်များနေပြီး နည်းပြအာတီတာ၏ စိတ်ကြိုက်ကစားသမား မဖြစ်ခဲ့ပေ။

၎င်းအားအင်တာမီလန်က ခေါ်ယူရန် ကြိုးပမ်းနေသည်ဟုသတင်းများ ထွက်ပေါ်နေပြီး အခြားအာဆင်နယ်ကစားသမားများဖြစ်ကြသော လိုကွန်ဂါ၊ ထရပ်စတီးနှင့် မာကွင်ဟို့စ်တို့သည်လည်း အသင်းမှထွက်ခွာရန်ပြင်ဆင်နေကြသည်။ အခြားသတင်းတစ်ရပ်တွင် အာဆင်နယ်အသင်းသည်ဒိုင်နမိုဇာဂရက် အသင်းမှခရိုအေးရှား နောက်ခံလူ အသက်၂၃နှစ်ရှိ ဂျိုဆစ်ဆူတာလို ကိုခေါ်ယူရန် စောင့်ကြည့်နေကြောင်းသိရသည်။

#Local_Sport #အာဆင်နယ်တိုက်စစ်မှူး ဂျေဇူး ဒူးဒဏ်ရာခွဲစိတ်ကုသ
Ref : 90min

#Local_Sport
Published_ 3 August 2023

လက်ရှိမန်ယူအသင်းနည်းပြ အဲရစ်တန်ဟက်ကို ပြီးခဲ့တဲ့နွေရာသီမှာမခန့်အပ် မီအသင်းမှ ထွက်ခွာဖို့စဉ်းစားခဲ့တယ်လို့ တိုက်စစ်မှူး မားကပ်ရပ်ရှ်ဖို့ဒ်ကဖွင့်ဟပြောကြားခဲ့ပါတယ်။

ရပ်ရှ်ဖို့ဒ်ဟာ သူ့ရဲ့ကစားသမားဘဝသက်တမ်းတစ်လျှောက် ဂိုးသွင်းအနည်း ဆုံးရာသီကိုတန်ဟက်ခ်မရောက်မီ ရင်ဆိုင်ကြုံတွေ့ခဲ့ရပါတယ်။တန်ဟက်ခ်ကိုင်တွယ်တဲ့ ပထမရာသီမှာတော့ သူရဲ့ကစားသမားဘဝတစ်လျှောက် လက်ရှိအချိန်ထိ ခြေစွမ်းအကောင်းဆုံးရာသီတစ်ခုဖြစ်ခဲ့ပြီး ပြိုင်ပွဲစုံမှာဂိုး၃၀အထိ အံ့အားသင့်ဖွယ် သွင်းယူနိုင်ခဲ့ပါတယ်။လက်ရှိအချိန်မှာ ရပ်ရှ်ဖို့ဒ်ဟာအသင်းနဲ့ကာလရှည်စာချုပ်သစ်တစ်ရပ် လက်မှတ်ရေးထိုးခဲ့ပြီး မန်ယူအသင်းရဲ့ လစာအမြင့်ဆုံးကစားသမား ဖြစ်လာခဲ့ပြီးအသင်းရဲ့ အဓိကကစားသမားအဖြစ်လဲ ခိုင်ခိုင်မာမာရပ်တည်နိုင်ခဲ့ပါတယ်။

ဒါပေမဲ့တန်ဟက်ခ်မရောက်ခင်မှာ အသင်းက ထွက်ခွာဖို့အထိ စဉ်းစားခဲ့ကြောင်းရက်ရှ်ဖို့ဒ်က အခုလို ထုတ်ဖော်ပြောဆိုခဲ့တာဖြစ်ပါတယ်။

"အရာရာဟာ အကြောင်းတရားတစ်ခုကြောင့် ဖြစ်ပေါ်ခဲ့တာပါ။"နည်းပြကြီးဟာ အသင်းကို အချိန်ကိုက်ရောက်ရှိလာခဲ့တာဖြစ်ပြီး အလုပ်ဖြစ်ခဲ့ပါတယ် ။သူရောက်ရှိလာတာဟာ ကျွန်‌ ‌‌ေတာ့်ရဲ့စွမ်းဆောင်ရည်ကို လွှမ်းမိုးမှုရှိခဲ့ပြီး အခုလိုခြေစွမ်းကောင်းတွေရရှိပိုင်ဆိုင်ခဲ့တာပါ။ အခုကျွန်တော် ဂိုးတွေသွင်းယူရတာ၊ဂိုးဖန်တီးမှုပြုလုပ်ရတာနဲ့ တိုက်စစ် ဧရိယာထဲမှာ တစ်ဖက်အသင်းကို ခြိမ်းခြောက်ဖို့ကြိုးစားရတာတွေကို ပျော်ရွှင်နေပါတယ် "ရပ်ရှ်ဖို့ဒ်ကပြောကြားခဲ့ပါတယ်။

#Local_Sport #နည်းပြတန်ဟက်ခ်ကိုမခန့်အပ်မီအသင်းမှထွက်ခွာရန်စဉ်းစားခဲ့
#Yangon_Times

#Local_Sport
Published_ 3 August 2023

ရန်ကုန်ယူနိုက်တက်အသင်းက နည်းပြချုပ်အသစ်အဖြစ် ခန့်အပ်လိုက်တဲ့ ဂျာမနီလူမျိုးနည်းပြ ဂတ်ဇီစီဟာ ဩဂုတ် (၃) ရက် ညနေပိုင်းမှာ ရန်ကုန်မြို့သို့ ရောက်ရှိ လာမယ်လို့ သိရှိရပါတယ်။

သူဟာ ဩဂုတ် (၄) ရက်မှစတင်၍ အသင်းကို ကိုယ်တွယ်သွားတော့မှာဖြစ်ပါတယ်။ နည်းပြသစ် ဂတ်ဇီစီဟာ သူ့ရဲ့မြန်မာလိဂ် ပထမပွဲအဖြစ် လာမယ့် ဩဂုတ် (၇) ရက်မှာ ကချင်ယူနိုက်တက်အသင်းနဲ့ စတင်တွေ့ဆုံမှာပဲဖြစ်ပါတယ်။

အဆိုပါနှစ်သင်းဟာ ပထမအကျော့ပွဲစဉ်တွင် တိုက်စစ်မှူး ဆိုင်လာရဲ့ တစ်လုံးတည်းသော သွင်းဂိုးနဲ့ ရန်ကုန်အသင်းက အနိုင်ရရှိခဲ့ပါတယ်။

#ygm_mnn #Local_Sport #ရန်ကုန်ယူနိုက်တက်နည်းပြချုပ်
#Yangon_Media_Group

Published 2 August 2023

စာချုပ်သက်တမ်း ၁၂ လသာ ကျန်ရစ်တော့သော စပါးတိုက်စစ်မှူးဟယ်ရီကိန်းအားခေါ်ယူရန်အတွက် စပါးအသင်းဥက္ကဋ္ဌ ဒင်နီယယ် လီဗိုင်းနှင့် ဘိုင်ယန်မြူးနစ် အသင်းတာဝန်ရှိသူမှား ဆွေးနွေးမှုတစ်ရပ်ပြုလုပ်ခဲ့ကြကြောင်း သိရသည်။

ဘိုင်ယန်အသင်းက အသက် ၃၀ နှစ်ရှိ ဟယ်ရီကိန်းအား ကမ်းလှမ်းမှုအသစ်တစ်ရပ် ထပ်မံပြုလုပ်ရန် စီစဉ်လျက်ရှိသည်။ကိန်းသည်လက်ရှိတွင်စပါးအသင်းနှင့်အတူလေ့ကျင့်လျက်ရှိပြီး စပါးတွင်းသည်ရာသီကြိုခြေစမ်းပွဲအဖြစ် သြဂုတ် ၅ ရက်တွင်ရှက်တာဒိုးနက်အသင်းနှင့်ယှဉ်ပြိုင်ကစားရန်ပြင်ဆင်လျက်ရှိသည်။

ကိန်းနှင့် ဘိုင်ယန်မြူးနစ်တို့အကြား ပုဂ္ဂိုလ်ရေး အချက်အလက်များ သဘောတူညီခဲ့ပြီဟု ဘိုင်ယန်အသင်း ဂုဏ်ထူးဆောင်ဥက္ကဌ အူလီဟိုးနက်စ်က လွန်ခဲ့သည့်လကပြောကြားခဲ့သော် ကမ်းလှမ်းမှု ၂ကြိမ်ကို စပါးကပယ်ချခဲ့သည်။

ဆွေးနွေးမှုများအရ ဘိုင်ယန်မြူးနစ်က ကိန်းကား ယူရိုသန်း ၁၀၀ (ပေါင်၈၅.၆သန်း) ပမာဏဖြင့် ကမ်းလှမ်းရန် စီစဉ်လျက်ရှိသည်ဟုသိရသည်။ဟယ်ရီကိန်းအပြင် စပါး၏ ဝါရင့် ဂိုးသမားဟူဂိုလိုရစ်မှာလည်း အသင်းမှထွက်ခွာရန် ပြင်ဆင်လျက်ရှိသည်။

သို့သော် ပြီးခဲ့သည့်ရာသီကဗီလာရီးရဲလ်သို့အားသားရောက်ကစားခဲ့သောအာဂျင်တီးနားလက်ရွေးစင်ကွင်းလယ်လူ လိုဆယ်လ်ဆိုမှာခြေစမ်းပွဲများတွင် နည်းပြ၏ကျေနပ်မှုကို ရအောင် စွမ်းဆောင်ထားနိုင်သဖြင့် အသင်းတွင်ဆက်လက်ရှိနေဖွယ်ရှိသည်။

#ဘိုင်ယန်မြူးနစ်တာဝန်ရှိသူများထပ်မံဆွေးနွေးနေ
ref:fot mob
#Yangon_Times