#Local_News
Published 3 October 2025
▪️ မန္တလေးတိုင်းဒေသကြီး၊ ကျောက်ပန်းတောင်းမြို့နယ် ကျောက်ပန်းတောင်း-မိတ္ထီလာလမ်းပိုင်းရှိ တံတားတစ်စင်း ရေတိုက်စားမှုကြောင့်ပြိုကျမှုတစ်ခု ယနေ့နံနက်ပိုင်းကဖြစ်ပွားခဲ့ကြောင်း သိရသည်။
▪️ ယနေ့ အောက်တိုဘာလ (၃) ရက်နေ့ နံနက် ၁၀ နာရီ ၄၅ မိနစ်က ကျောက်ပန်းတောင်း-မိတ္ထီလာလမ်း မိုင်တိုင် ၅၁/၆ နှင့် မိုင်တိုင် ၅၁/၇ ကြား၊ ကိုင်းကျေးရွာအနီးရှိ တံတားအမှတ်-၅/၅၂ တွင် ရေတိုက်စားမှုကြောင့် ကျိုးကျမှုဖြစ်ပွားခဲ့ခြင်းဖြစ်သည်။
▪️ အဆိုပါ တံတားကျိုးကျမှုကြောင့် ကားလမ်းအား ယာယီပိတ်ထားရပြီး မော်တော်ယာဉ်များ အမြန်ဆုံး ပြန်လည်ဖြတ်သန်းသွားလာနိုင်ရေးအတွက်အမြန်ဆုံး ဘေလီတံထားထိုး ပြုပြင်ပေးသွားမည်ဖြစ်ကြောင်း၊ လမ်း၏ တစ်ဖက်တစ်ချက်စီမှ ယာဉ်များ ပိတ်ဆို့မှုမဖြစ်စေရေးအတွက် မြို့နယ်မီးသတ်ဦးစီးဌာနနှင့် မြန်မာနိုင်ငံရဲတပ်ဖွဲ့ဝင်များက ကူညီဆောင်ရွက်ပေးလျက်ရှိကြောင်း သိရသည်။
#YMG/SW #Yangon_Times
