Published 3 May 2023
တရုတ်နိုင်ငံနှင့် မြန်မာနိုင်ငံတို့ဟာ နှစ်နိုင်ငံအကြား အလုံးစုံသော မဟာဗျူဟာမြောက် ပူးပေါင်းဆောင်ရွက်မှု ထပ်မံတိုးမြှင့်ဖို့ မေလ(၂)ရက် အင်္ဂါနေ့က သဘောတူခဲ့ကြတယ်လို့သိရပါတယ်။
မြန်မာနိုင်ငံမြို့တော်မှာ မြန်မာခေါင်းဆောင် ဗိုလ်ချူပ်မှူးကြီးမင်းအောင်လှိုင်နှင့်တွေ့ဆုံစဉ် တရုတ်နိင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်က “ အိမ်နီးချင်းနှစ်နိုင်ငံဟာ ပေါက်ဖော်ချစ်ကြည်ရေးကို အတူတကွမျှဝေခံစားကြတဲ့ အလျောက် မြန်မာနိုင်ငံနှင့် ဆက်ဆံရေးဟာ အရေးကြီးအထင်ကရဖြစ်တယ်လို့ တရုတ်က စွဲမြဲထားတယ်လို့ ပြောဆိုခဲ့ပါတယ်။
မျှဝေတဲ့အနာဂတ်နှင့်အတူ တရုတ်-မြန်မာအသိုက်အဝန်းကို အတူတကွလက်တွဲဆောင်ရွက်ဖို့၊ ကမ္ဘာလုံးဆိုင်ရာ ဖွံ့ဖြိုးတိုးတက်ရေးဦးစီးဦးရွက်ပြုမှု၊ကမ္ဘာလုံဆိုင်ရာလုံခြုံရေးဦးစီးဦးရွက်ပြုမှုနှင့် ကမ္ဘာလုံးဆိုင်ရာ လူမှုတိုးတက်ရေး ဦးစီးဦးရွက်ပြုမှုတွေ အကောင်အထည်ဖော်ရာမှာ ဦးဆောင်ဖို့ တရုတ်နိုင်ငံက အဆင်သင့် ရှိနေတယ်လို့လည်း ချင်းကပြောပါတယ်။
မြန်မာနိုင်ငံဟာ တည်ငြိမ်ရေးနှင့် အမျိုးသားဖွံ့ဖြိုးတိုးတက်ရေးရရှိလိမ့်မယ်လို့ တရုတ်က ရိုးသားစွာ ယုံကြည်တယ်လို့လည်း သူကပြောပါတယ်။ အမျိုးသားအခြေအနေတွေနှင့်ကိုက်ညီမယ့် မြန်မာ့စရိုက်လက္ခဏာတွေနှင့်အတူ ဖွံ့ဖြိုးတိုးတက်မှု လမ်းကြောင်းတစ်ခုကို စူးစမ်းရှာဖွေတာကို တရုတ်ကထောက်ခံအားပေးတယ်လို့လည်း သူကဖြည့်စွက်ပြောကြားပါတယ်။
မြန်မာ့နိုင်ငံရေးအသွင်ကူးပြောင်းမှုလုပ်ငန်းစဉ်တိုးတက်ရေးကို တရုတ်ကထောက်ခံပြီး နိုင်ငံထဲက သက်ဆိုင်တဲ့ အဖွဲ့တွေဟာ ကွဲပြားခြားနားမှုတွေကို သင့်လျော်မှန်ကန်စွာ ရင်ဆိုင်ဖြေရှင်းဖို့နှင့် အခြေခံဥပဒေနှင့် တရားဥပဒေမူဘောင်အောက်ကေန အမျိုးသားပြန်လည်သင့်မြတ်ရေးရရှိအောင်ဆောင်ရွက်ဖို့ တရုတ်နိုင်ငံကထောက်ခံအားပေးတယ်လို့ မစ္စတာချင်းက ဆက်လက်ပြောကြားပါတယ်။
မြန်မာနိုင်ငံရဲ့ အချုပ်အခြာအာဏာကို နိုင်ငံတကာအသိုက်အဝန်းက လေးစားသင့်ကြပြီး မြန်မာနိုင်ငံ ငြိမ်းချမ်းရေးနှင့် ပြန်လည်သင့်မြတ်ရေးရရှိဖို့ ကူညီရာမှာ အပြုသဘောအခန်းကဏ္ဍကနေဆောင်ရွက်ပေးသင့်ကြတယ်လို့လည်းသူက ပြောပါတယ်။
မြန်မာနိုင်ငံရဲ့ဖွံ့ဖြိုးတိုးတက်ရေးကြိုးပမ်းအားထုတ်မှုတွေ၊မှာ ကူညီဖို့ တရုတ်နိုင်ငံဖက်က အစွမ်းရှိသလောက် ဆက်လက် ကူညီပေးမှာဖြစ်ပြီး တရုတ်-မြန်မာ စီးပွားရေးစင်္ကြံရဲ့ အဓိကကျကျပူးပေါင်းဆောင်ရွက်နေတဲ့စီမံကိန်းတွေကိုအရှိန်မြှင့်တင် မယ်လို့ သူကဆက်လက်ပြောဆိုပါတယ်။ လယ်ယာစိုက်ပျိုးရေး၊ပညာရေး၊ကျန်းမာရေးစောင့်ရှောက်မှုနှင့် မြန်မာပြည်သူတွေ အကျိုးရှိစေမယ့် အခြားကဏ္ဍတွေရဲ့ စီံမံကိန်းတွေကို အကောင်အထည်ဖော်သွားမယ်လို့လည်း တရုတ်နိုင်ငံခြားရေးဝန်ကြီးက ဆက်လက်ပြောဆိုပါတယ်။
သက်ဆိုင်တဲ့ပြဿနာတွေကို ညှိနှိုင်းဆွေးနွေးခြင်းဖြင့် ဖြေရှင်းမှုနှင့်အတူ မြန်မာနှင့် ဘင်္ဂလားဒေ့ရှ်နိုင်ငံတွေရဲ့ ဆက်ဆံရေးတိုးမြှင့်လာစေရေး တရုတ်ကထောက်ခံအားပေးတယ်လို့သူကပြောဆိုလိုက်ပြီး တရုတ်-မြန်မာ-ဘင်္ဂလားဒေ့ရှ် လက်တွေ့ကျကျပူးပေါင်းဆောင်ရွက်မှု ချဲ့ထွင်ရေးကို အဲဒီနှစ်နိုင်ငံနှင့်အတူ တရုတ်က လက်တွဲလုပ်ဆောင်လိုတယ်လို့လည်း မစ္စတာချင်းက ပြောပါတယ်။
မြန်မာနှင့်တရုတ်နိုင်ငံတို့ဟာ သံတမန်ဆက်ဆံရေးတည်ထောင်ခဲ့တာ နှစ်ပေါင်း ၇၀နီးပါး ရှိပြီလို့ ဗိုလ်ချူပ်မှူးကြီး မင်းအောင်လှိုင်က ပြောကြားပြီး နှစ်နိုင်ငံဟာ ဖွံဖြိုးတိုးတက်မှုအရှိန်ုနှင့် အသီးအပွင့်ရလာဒ်တွေကို အမြဲထိန်းသိမ်းခဲ့ကြတယ်လို့ ဆက်လက်ပြောကြားပါတယ်။
မြန်မာ-တရုတ်ချစ်ကြည်ရေးနှင့်ပူးပေါင်းဆောင်ရွက်ရေးကို ပိုမိုတိုးမြှင့်ဖို့ နှင့် အနာဂတ်အတူတကွမျှဝေတဲ့ မြန်မာ-တရုတ် အသိုက်အဝန်းကို တက်ကြွစွာတည်ထောင်ရန် မြန်မာနိုင်ငံက တရုတ်နှင့်အတူလက်တွဲဆောင်ရွက်လိုတယ်လို့လည်း ဗိုလ်ချူပ်မှူးကြီးကပြောပါတယ်။
တရုတ်နိုင်ငံက ကြီးမားတဲ့အခန်းကဏ္ဏကနေ ပါဝင်ဆောင်ရွက်မှုကိုကြိုဆိုထားတဲ့ မြန်မာနိုင်ငံနှင့်ပတ်သက်တဲ့ ပြဿနာအရေးကိစ္စတွေမှာ တရုတ်နိုင်ငံရဲ့ ဓမ္မဓိဋ္ဌာန်ကျပြီးဘက်လိုက်မှုကင်းတဲ့ ရပ်တည်ချက်ကို မြန်မာက ကျေးဇူးတင်တယ်လို့ ဗိုလ်ချူပ်မှူးကြီးကဖြည့်စွက်ပြောကြားပါတယ်။
မြန်မာနိုင်ငံထဲက တရုတ်နိုင်ငံသားတွေနှင့် အဖွဲ့အစည်းတွေကို အကာအကွယ်ပေးရေး အထူးအရေးကြီးတယ်ဆိုတာကို မြန်မာကစွဲမြဲစွာသိရှိထားကြောင်းလည်း မြန်မာခေါင်းဆောင်ကပြောကြားပါတယ်။ နှစ်နိုင်ငံရဲ့နယ်စပ်ဒေသ တည်ငြိမ်အေးချမ်းရေးထိန်းသိမ်းရာမှာ တရုတ်ဘက်နှင့်အတူ ပူးပေါင်းဆောင်ရွက်ဖို့ မြန်မာက အမြဲအသင့်ရှိပါတယ်လို့လည်း သူက ပြောပါတယ်။
ချင်ဟာ သူ့ရဲ့ခရီးစဉ်အတွင်း မြန်မာနိုင်ငံ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ဥက္ကဋ္ဌ ဦးသန်းရွှေ၊ နိုင်ငံခြားရေးဝန်ကြီး ဦးသန်းဆွေတို့နှင့်လည်းတွေ့ဆုံခဲ့ပါတယ်။
Source CCTV
-ymg/knl
#တရုတ်-မြန်မာဆက်ဆံရေး
#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gang
#ဗိုလ်ချူပ်မှူးကြီးမင်းအောင်လှိုင်
#YangonMediaGroup
- Category: China_Myanmar
Published 3 May 2023
အကျဉ်းထောင်အသီးသီးတွင်သေဒဏ်ချမှတ်ခြင်းခံထားရသော အကျဉ်းသား/သူ (၃၈) ဦးကို သေဒဏ်ပြစ်ဒဏ်မှလွတ်ငြိမ်းခွင့်ပြု၍ ထောင်ဒဏ်တစ်သက်သို့ ပြောင်းလဲကျခံစေလိုက်တယ်လို့ နစက,က ယနေ့ မေလ(၃)ရက်နေ့မှာ အမိန့်ထုတ်ပြန်ပါတယ်။
မေလ(၃)ရက်ရက်စွဲဖြင့်ထုတ်ပြန်တဲ့ အမိန့်အမှတ် ၃၂ / ၂၀၂၃မှာ” နိုင်ငံတော်စီမံအုပ်ချုပ်ရေးကောင်စီဥက္ကဋ္ဌသည် မြန်မာသက္ကရာဇ် ၁၃၈၅ ခုနှစ်၊ ကဆုန်လပြည့်နေ့တွင် ကျရောက်သည့် ကဆုန်လပြည့်ဗုဒ္ဓနေ့ အထိမ်းအမှတ်အားဖြင့် အကျဉ်းထောင်အသီးသီးတွင်သေဒဏ်ချမှတ်ခြင်းခံထားရသော အကျဉ်းသား/သူ (၃၈) ဦးကို ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေပုဒ်မ ၂၀၄၊ ပုဒ်မခွဲ (က) အရ ချမှတ်ထားသည့် သေဒဏ်ပြစ်ဒဏ်မှ လွတ်ငြိမ်းခွင့်ပြု၍ ထောင်ဒဏ်တစ်သက်သို့ ပြောင်းလဲကျခံစေလိုက်သည်” လို့ဖော်ပြပါရှိပါတယ်။
-ymg/knl
#YangonMediaGroup
#သေဒဏ်ကိုတစ်သက်တစ်ကျွန်းပြောင်းလဲ
#မြန်မာ့နိုင်ငံရေး
- Category: Myanmar
Published 3 May 2023
တရုတ်-မြန်မာနယ်စပ်ဒေသတည်ငြိမ်ရေးထိန်းသိမ်းရန်နှင့် နိုင်ငံအကြားချစ်ကြည်စွာပူးပေါင်းဆောင်ရွက်မှုတိုးမြှင့်ရန် ကြိုးပမ်းအားထုတ်ကြဖို့ တရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်ဟာ မေလ၂ ရက်နေ့ အင်္ဂါနေ့က တရုတ်နိုင်ငံ အနောက်တောင်ပိုင်း ယူနန်ပြည်နယ်က တရုတ်-မြန်မာနယ်စပ်ကို သွားရောက်စစ်ဆေးစဉ်တိုက်တွန်းပြောကြားခဲ့တယ်လို့ တရုတ်CCTVသတင်းဌာနကသတင်းထုတ်ပြန်ပါတယ်။
ယူနန်ဟာ မြန်မာနှင့်ဆက်စပ်တဲ့ အရေးကိစ္စတွေမှာ ထိပ်တန်းရှေ့ဆုံးမှာတည်ရှိတဲ့အတွက် တရုတ်-မြန်မာ ဆက်ဆံရေး တိုးတက်ရေးမှာ အတုမရှိတဲ့ အခန်းကဏ္ဍကနေပါဝင်ဆောင်ရွက်နေတာဖြစ်တယ်လို့လည်း မစ္စတာချင်းက ပြောပါတယ်။
နယ်စပ်မျဉ်းရှင်းရှင်းလင်းလင်းရှိစေဖို့နှင့် နယ်စပ်ဒေသတည်ငြိမ်ရေးထိန်းသိမ်းဖို့ ကြိုးပမ်းအားထုတ်ကြဖို့လည်း သူက ပြောပါတယ်။ ပြီးတော့ နယ်စပ်ဖြတ်ကျော်မှုခင်းတွေကိုလည်း တင်းကြပ်စွာကိုင်တွယ်ဖို့လည်း သူက တိုက်တွန်းလိုက်ပါတယ်၊
ရှေ့တန်းစီမံခန့်ခွဲရေး၊ နယ်စပ်ဖြတ်ကျော်ကုန်သွယ်ရေးနှင့် နှစ်နိုင်ငံဆက်ဆံရေးမှာ နှစ်ဖက် ညှိနှိုင်းဆောင်ရွက်ဖို့လည်း တရုတ်နိုင်ငံခြားရေးဝန်ကြီးက တိုက်တွန်းခဲ့ပါတယ်။ အီဲဒအပြင် ပုံမှန်နယ်စပ်ဖြတ်ကျော်ကုန်သွယ်ရေးတိုးမြှင့်ရေး၊ ပြည်သူအချင်းချင်းကူးလူးဆက်ဆံရေး၊ ဝင်ပေါက်ဂိတ်တွေကို ဖွင့်နိုင်သမျှများများဖွင့်နိုင်ရေး အရေးကြီးတယ်လို့လည်း သူက အလေးပေးပြောဆိုပါတယ်။ နယ်စပ်ဖြတ်ကျော် စီးပွာရေးပူးပေါင်းဆောင်ရွက်မှုဇုံတည်ဆောက်မှုနှင့် တရုတ်-မြန်မာ စီးပွားရေးစင်္ကြ တိုးတက်မှုရှိစေရေးလည်း သူက တိုက်တွန်းခဲ့ပါတယ်။
နိုင်ငံခြားရေးရာကိစ္စမှာ ယူနန်အနေနှင့် နိုင်ငံတော်အခွဲအဆင့်အကျိုးရှိစွာ ကိုင်တွယ်ဆောင်ရွက်ဖို့နှင့် နယ်စပ်ဒေသတစ်လျောက် ငြိမ်းချမ်းရေးနှင့် တည်ငြိမ်အေးချမ်းရေးနှင့် တရုတ်မြန်မာ ချစ်ကြည်ရေး အလုံးစုံအနေအထားကို ထိန်းသိမ်းမြှင့်တင်ဖို့လည်း တရုတ်နိုင်ငံခြားရေးဝန်ကြီးက ပြောကြားခဲ့တယ်လို့သိရှိရပါတယ်။
#ymg/knl
#တရုတ်နိုင်ငံခြားရေးဝန်ကြီးတရုတ်-မြန်မာနယ်စပ်သွားရောက်
#တရုတ်-မြန်မာဆက်ဆံရေး
#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gan
- Category: China_Myanmar
Published 3 May 2023
ရာဇသတ်ကြီးပုဒ်မ ၅၀၅-က အရပြစ်ဒဏ်ကျခံလျက်ရှိသော အကျဉ်းသား/သူ ၂၁၅၃ ဦးတို့ကို ပြစ်ဒဏ်လွတ်ငြိမ်းခွင့်ပြုလိုက်တယ်လို့ နစက,က အမိန့်ထုတ်ပြန်ကြေညာပါတယ်။
နစကရဲ့ အမိန့်အမှတ် ၃၁/၂၀၂၃ အရ အကျဉ်းထောင်/အချုပ်ထောင်/စခန်း အသီးသီးတွင် ရာဇသတ်ကြီးပုဒ်မ ၅၀၅-က အရပြစ်ဒဏ်ကျခံလျက်ရှိသော အကျဉ်းသား/သူ ၂၁၅၃ ဦးတို့ကို ရာဇဝတ်ကျင့်ထုံးဥပဒေ ပုဒ်မ ၄၀၁၊ပုဒ်မခွဲ (၁) အရ “ နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ ဆက်လက်ကျခံပါမည် ” ဟူသော စည်းကမ်းသတ်မှတ်ချက်ဖြင့်ယင်းတို့ကျခံရန်ကျန်ရှိသော ပြစ်ဒဏ်များအပေါ်လျှော့ပေါ့၍ ပြစ်ဒဏ်လွတ်ငြိမ်းခွင့်ပြုလိုက်တာဖြစ်တယ်လို့ အဆိုပါအမိန့်မှာဖော်ပြထားပါတယ်။
နစက ဥက္ကဋ္ဌသည် မြန်မာသက္ကရာဇ် ၁၃၈၅ ခုနှစ်၊ ကဆုန်လပြည့်နေ့တွင် ကျရောက်သည့် ကဆုန်လပြည့်ဗုဒ္ဓနေ့ အထိမ်းအမှတ်အားဖြင့်လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူသားချင်းစာနာထောက်ထားမှုကို အလေးထားသောအားဖြင့်လည်းကောင်း ယခုလို ပြစ်ဒဏ်လွတ်ငြိမ်းခွင့်ပြုလိုက်တာလို့လည်းသိရှိရပါတယ်။
ymg/knl
#နစကပြစ်ဒဏ်လွတ်ငြိမ်းခွင့်
#၅၀၅-ကများပြစ်ဒဏ်လွတ်ငြိမ်း
#YangonMediaGroup
- Category: Myanmar
Published 2May 2023
တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး၏ ယခုကဲ့သို့ ခရီးစဉ်လာရောက်မှုမှာ နှစ်နိုင်ငံချစ်ကြည်ရင်းနှီးမှုကို ဖော်ပြနေသည်သာမကတရုတ်နိုင်ငံအနေဖြင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်နေမှုကိုပြသခြင်းပင်ဖြစ်တယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ကို နေပြည်တော်သို့ရောက်ရှိနေတဲ့ တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး H. E. Mr. Qin Gang မစ္စတာချင်ကန်ကမေလ (၂)ရက် အင်္ဂါနေ့က တွေ့ဆုံစဉ်ပြောကြားခဲ့တယ်လို့သိရပါတယ်။
နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်သည် တရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး H. E. Mr. Qin Gang အား မေလ(၂)ရက်မွန်းလွဲပိုင်းတွင် နေပြည်တော်ရှိနစက ဥက္ကဋ္ဌရုံး၊ သံတမန်ဆောင်ဧည့်ခန်းမ၌ လက်ခံတွေ့ဆုံခဲ့ရာမှာ တရုတ်နိုင်ငံခြားရေးဝန်ကြီးက ယင်းကဲ့သို့ပြောဆိုခဲ့တာဖြစ်တယ်လို့ နစက သတင်းထုတ်ပြန်ချက်မှာဖော်ပြထားပါတယ်။
တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးက ယခုကဲ့သို့မိမိအနေဖြင့် မြန်မာနိုင်ငံသို့ခရီးစဉ်လာရောက်ခြင်းမှာ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးအဖြစ်တာဝန်ထမ်းဆောင်ချိန်တွင် ပထမဆုံးအကြိမ်အဖြစ်လာရောက်ခြင်းဖြစ်ကြောင်း၊ ယခုကဲ့သို့ ခရီးစဉ်လာရောက်မှုမှာ နှစ်နိုင်ငံချစ်ကြည်ရင်းနှီးမှုကို ဖော်ပြနေသည်သာမကတရုတ်နိုင်ငံအနေဖြင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်နေမှုကိုပြသခြင်းပင်ဖြစ်ကြောင်း ဗိုလ်ချူပ်မှူးကြီးကို ပြောကြားခဲ့တယ်လို့ သတင်းထုတ်ပြန်ခဲ့တာဖြစ်ပါတယ်။
အဲဒီနောက် နှစ်နိုင်ငံသံတမန်ဆက်ဆံမှုနှင့် ချစ်ကြည်ရင်းနှီးမှု၊ ပူပေါင်းဆောင်ရွက်မှုများပိုမိုမြှင့်တင်ဆောင်ရွက်ရေး၊ မြန်မာနိုင်ငံ၏ နိုင်ငံရေးအခြေအနေများနှင့် နိုင်ငံတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် ဆောင်ရွက်လျက်ရှိမှုအခြေအနေများ၊ နယ်စပ်ဒေသတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး၊ နယ်စပ်ကုန်သွယ်မှုများ မြှင့်တင်ရေးတို့အတွက် ဆောင်ရွက်လျက်ရှိမှုအခြေအနေများ၊ စွမ်းအင်နှင့်လျှပ်စစ်ကဏ္ဍဖွံ့ဖြိုးတိုးတက်ရေးအတွက် ပူးပေါင်းဆောင်ရွက်သွားမည့်အခြေအနေများ၊ ရင်းနှီးမြှုပ်နှံမှုများတိုးမြှင့်ဆောင်ရွက်နိုင်ရေး ဆက်လက်ဆောင်ရွက်သွားမည့်အခြေအနေများနှင့် နိုင်ငံရေးကဏ္ဍ၊ နိုင်ငံခြားရေးကဏ္ဍနှင့်ဖွံ့ဖြိုးတိုးတက်ရေးကဏ္ဍများတွင် ပူးပေါင်းဆောင်ရွက်သွားမည့် အခြေအနေများကို ရင်းနှီးပွင့်လင်းစွာအမြင်ချင်းဖလှယ်ဆွေးနွေးခဲ့ကြတယ်လို့ သတင်းမှာ ဖော်ပြထားပါတယ်။
တွေ့ဆုံပွဲအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးတို့သည် အမှတ်တရလက်ဆောင်ပစ္စည်းများ အပြန်အလှန်ပေးအပ်ခဲ့ကြပါတယ်။
အဆိုပါတွေ့ဆုံပွဲသို့ နစက ဥက္ကဋ္ဌနိုင်ငံတော်ဝန်ကြီးချုပ်နှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးသန်းဆွေ၊ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင် နှင့်တာဝန်ရှိသူများ တက်ရောက်ကြပြီး တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးနှင့်အတူ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး H.E. Mr. Chen Hai နှင့်တာဝန်ရှိသူများ တက်ရောက်ခဲ့ကြပါတယ်။
#ymg/knl
✅Website>>>>
✅Telegram>>>
#တရုတ်နိုင်ငံခြားရေးဝန်ကြီး
#ဗိုလ်ချူပ်မှူးကြီးမင်းအောင်လှိုင်
#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gan
- Category: China_Myanmar
Published 1 May 2023
တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ချင်ကန်ဟာ ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးသံတမန် နိုလင်းဟေဇာကို မေလ(၁)ရက် တနင်္လာနေ့က ဘေဂျင်းမြို့တော်မှာ လက်ခံတွေ့ဆုံခဲ့ပါတယ်။
တရုတ်နိုင်ငံ၏ နီးကပ်သော အိမ်နီးချင်းနိုင်ငံတစ်ခုအနေဖြင့် မြန်မာနိုင်ငံသည် တည်ငြိမ်သောဖွံ့ဖြိုးတိုးတက်မှုကို ရရှိနိုင်မည်ဟု အခြားသော နိုင်ငံများထက် တရုတ်နိုင်ငံ ယုံကြည်မျှော်လင့်တယ်လို့ တရုတ်နိုင်ငံခြားရေးဝန်ကြီး ချင်က ပြောပါတယ်။ ဒါပေမယ့် မြန်မာ့ပြဿနာရဲ့အကြောင်းရင်းဟာ ရှုပ်ထွေးပြီး ပြဿနာတွေကို ခပ်မြန်မြန်ဖြေရှင်းလို့ မရဘူးလို့လည်း သူက ကုလအထူးသံတမန်ကို ဆက်လက်ပြောကြားခဲ့ပါတယ်။
နိုင်ငံတကာအသိုက်အဝန်းဟာ မြန်မာနိုင်ငံရဲ့ အချုပ်အခြာအာဏာကို လေးစားသင့်ပြီး မြန်မာနိုင်ငံမှာရှိတဲ့ အဖွဲ့တွေ အားလုံးအကြား ခြားနားမှုတွေကိုပေါင်းကူးပေးကာ ဖွဲ့စည်းပုံအခြေခံဥပဒေနှင့် ဥပဒေမူဘောင်အောက်ကနေ နိုင်ငံရေးဆွေးနွေးမှုကနေတစ်ဆင့် နိုင်ငံရေးအသွင်ကူးပြောင်းရေးလုပ်ငန်းစဉ်ကို ပြန်လည်စတင်ရေး ထောက်ခံအားပေးသင့်တယ်လို့လည်း ချင်က ပြောပါတယ်။
အရှေ့တောင်အာရှနိုင်ငံများအသင်း(အာဆီယံ)ရဲ့ ဖျန်ဖြေစေ့စပ်ရေးကြိုစားအားထုတ်မှုတွေကို နိုင်ငံတကာ အသိုက်အဝန်းက လေးစားသင့်ပြီး အကြမ်းဖက်မှုတွေချက်ခြင်းရပ်ဆိုင်းရေး၊အဖွဲ့တွေအကြားစေ့စပ်ဆွေးနွေးရေး၊ လူသားချင်းစာနာထောက်ထားမှုအကူအညီနှင့် အဖွဲ့အားလုံးနှင့်တွေ့ဖို့ မြန်မာနိုင်ငံကိုသွားရောက်မယ့် အထူးသံတမန် တစ်ဦးခန့်ထားရေးတွေပါဝင်တဲ့ အာဆီယံရဲ့ ဘုံသဘောတူညီချက်ငါးချက်ကို အကောင်အထည်ဖော်မှု တိုးမြှင့် လုပ်ဆောင်သင့်တယ်လို့လည်း တရုတ်နိုင်ငံခြားရေးဝန်ကြီးက ဆက်လက်ပြောကြားပါတယ်။
တင်းမာမှုတွေအရှိန်မြင့်တက်လာမှာနှင့် မြန်မာ့ပဋိပက္ခပြန့်နှံ့သွားမယ့်အရေးကနေ ဟန့်တားနိုင်ဖို့အတွက် သက်ဆိုင်တဲ့ အဖွဲ့တွေဟာ ချင့်ချင့်ချိန်ချိန်နှင့် လက်တွေ့ကျကျဆောင်ရွက်ဖို့လိုအပ်တာကိုလည်း နိုင်ငံခြားရေးဝန်ကြီးချင်က အလေး ပေးပြောဆိုခဲ့ပါတယ်။ အဲဒီအပြင် ဟေဇာရဲ့ စေ့စပ်ညှိနှိုင်းရေးကြိုးပမ်းအားထုတ်မှုတွေကိုလည်း တရုတ်နိုင်ငံအနေနှင့် ထောက်ခံမှုပေးလိုတဲ့ဆန္ဒရှိတယ်လို့လည်း သူကဆက်ပြောပါတယ်။
မြန်မာ့ပြဿနာ ပြေငြိမ်းရေးဟာ မြန်မာကသာဦးဆောင်သင့်ပြီး မြန်မာပြည်သူတွေရဲ့ဆန္ဒကို လေးစာသင့်တယ်လို့ ဟေဇာကပြောဆိုပါတယ်။
ဆွေးနွေးမှုတွေဟာ အတိတ်ကိုမပြောင်းလဲနိုင်ပေမယ့် အနာဂတ်ကိုတော့ ကွဲပြားခြားနားအောင်လုပ်ပေးနိုင်ပါတယ်လို့ သူမကဆက်လက်ပြောဆိုပါတယ်။ စေ့စပ်ဆွေးနွေးမှုတွေကတစ်ဆင့် မြန်မာနိုင်ငံမှာ ငြိမ်းချမ်းလုံခြုံမှုရရှိရေးနှင့်လူ့အခွင့်အရေးတွေကို ကာကွယ်စောင့်ရှောက်ရင်းနှင့် စေ့စပ်ဆွေးနွေးမှု၊ ဒေသတွင်း ဘုံဖွံ့ဖြိုတိုးတက်မှုနှင့်ချမ်းသာကြွယ်ဝမှုတိုးမြှင့်ရေးတို့အတွက် ကုလသမဂ္ဂက ရပ်တည်ထားပါတယ်လို့လည်း သူမက ဆက်ပြောပါတယ်။
မြန်မာပြဿနာမှာ အာဆီယံက တက်ကြွတဲ့ အခန်းကဏ္ဍကပါဝင်နေခြင်းအပေါ်လည်း ကုလမသဂ္ဂက ထောက်ခံအားပေးတယ်လို့ ဟေဇာက ဖြည့်စွက်ပြောကြားပါတယ်။
မြန်မာပြဿနာ ပြေငြိမ်းရေးတိုးမြှင့်လုပ်ဆောင်နေတဲ့ တရုတ်နိုင်ငံရဲ့ အခန်းကဏ္ဍအပေါ် ချီးကျူးတဲ့ အကြောင်းလည်း ဟေဇာကပြောပါတယ်။ မြန်မာနိုင်ငံရဲ့ ငြိမ်းချမ်းရေး၊တည်ငြိမ်ရေးနှင့် ဖွံ့ဖြိုးရေးတို့အတွက် အပြုသဘောဆောင်တဲ့ ပံ့ပိုးကူညီမှုတွေ တရုတ်က ဆက်လက်လုပ်ဆောင်လိမ့်မယ်လို့လည်း သူမက မျှော်လင့်ယုံကြည်တဲ့အကြောင်းပြောခဲ့ပါတယ်။
Source CCTV+
#တရုတ်နိုင်ငံခြားရေးဝန်ကြီးနှင့်နိုလင်းဟေဇာတွေ့
#မြန်မာ့နိုင်ငံရေး
#YangonMediaGroup
- Category: China_Myanmar
Published 28 April 2023
မြောက်ကိုရီးယားခေါင်းဆောင်ကင်မ်ဂျုန်အန်ရဲ့ ဩဇာတိက္ကမကြီးမားလှတဲ့ နှမဖြစ်သူ ကင်မ်ယိုဂျုန်က အမေရိကန်နှင့် တောင်ကိုရီးယားတို့ နျူကလီးယားသဘောတူညီချက်အသစ်လက်မှတ်ရေးထိုးခဲ့တဲ့အတွက် သတိပေးချက်ထုတ်ပြန် လိုက်ပြီး အမေရိကန်သမ္မတ ဂျိုးဘိုင်ဒင်ကိုလည်း သူငယ်ပြန်နေသူလို့ ခေါ်ဝေါ်သုံးစွဲလိုက်ကာ သူ့ရဲ့ ကြေညာချက်ဟာ “ အတွက်အချက်အလွန်မှားယွင်းပြီး တာဝန်မဲ့တဲ့ သတ္တိတွေ” ဖြစ်တယ်လို့ ပြောဆိုလိုက်ပါတယ်။
ပြုံယမ်းကို ဟန့်တားတာ တိုးမြှင့်ဖို့ ရည်ရွယ်တဲ့ အဆိုပါသဘောတူညီချက်ဟာ ဒေသအတွင်း ပိုပြီးစိုးရိမ်ရတဲ့ အန္တရာယ်ထဲ ရောက်သွားအောင်ဦးတည်သွားလိမ့်မယ်လို့ ပြောလိုက်ပါတယ်။
“ ဒီဖော်ပြမှုဟာ ကျွန်မတို့ရဲ့ ရန်အလိုဆုံးရန်ဘက်ဖြစ်တဲ့ အမေရိကန်သမ္မတရဲ့ ပုဂ္ဂိုလ်ရေးအရ အသုံးပြုတာလို့ ကျွန်မတို့ မှတ်ယူတယ်” လို့ သူမကပြောတယ်လို့မြောက်ကိုရီးယား နိုင်ငံပိုင် ကေအင်န်စီအေသတင်းဌာနက ရေးသားပါတယ်။
“ သူတို့ကို နျူကလီးယား စစ်လေ့ကျင့်ခန်းတွေပိုလုပ်လေလေ၊ ကိုရီးယားကျွန်းဆွယ်မှာ နျူကလီးယားပိုင်ဆိုင်မှုတွေ ပိုဖြန့်ကျက်ချထားလေလေ၊ သူတို့လုပ်တာနှင့် အချိုးကျစွာပဲ ကျွန်မတို့ရဲ့ ခုခံကာကွယ်ပိုင်ခွင့်ပို ပိုမိုအားကောင်းအောင် လုပ်မှာပဲဖြစ်တယ်” လို့ သူမက သတိပေးခဲ့ပါတယ်။
ကင်မ်ဂျုန်အန်ဟာ အမေရိကန်နှင့်အပေါင်းပါမဟာမိတ်တွေအပေါ် နျူကလီးယားတိုက်ခိုက်မှုလုပ်လာရင် သူ့ရဲ့အစိုးရဟာ တည်ရှိမှု အဆုံးသတ်သွားလိမ့်မယ်လို့ ဘိုင်ဒင်က ပြောခဲ့အပြီး ကင်ယိုဂျုန်ရဲ့ သတင်းထုတ်ပြန်ချက် ထွက်ပေါ်လာခဲ့တာဖြစ်ပါတယ်။ တောင်ကိုရီးယားသမ္မတ ယွန်ဆတ်ယိုရဲ့ ဒီတစ်ပတ်စောစောပိုင်း အမေရိကန်ခရီးစဉ်မှာ ဝါရှင်တန်ကြေညာချက်လက်မှတ်ရေးထိုးအပြီး ဘိုင်ဒင်ရဲ့ မှတ်ချက်စကားထွက်ပေါ်လာခဲ့တာပါ။
ဝါရှင်တန်ကြေညာချက်အရ ဆိုးလ်အနေနှင့် သူ့ကိုယ်ပိုင်နျူကလီးယားလက်နက်တွေထုတ်လုပ်မှာမဟုတ်ဘဲ မြောက်ကိုရီးယားနှင့် ပဋိပက္ခဖြစစ်လာနိုင်ချေတစ်ခုခုရှိတဲ့အခါ အမေရိကန်က အဲဒါတွေအသုံးပြုဖို့ ကူညီပေးမှာ ဖြစ်ပါတယ်။ အဲဒီအပြင် အမေရိကန်ဟာ သဘောတူညီချက်အစိတ်အပိုင်းတစ်ခုအရ တောင်ကိုရီးယားမှာ နျူကလီးယား လက်နက်တပ် ရေငုပ်သင်္ဘောတွေ ဖြန့်ကျက်ချထားပါလိမ့်မယ်။ ပြီးတော့ ရန်သူတွေကို သတင်းစကားပါးတဲ့အနေနှင့် လေယာဉ်တင်သင်္ဘော်တွေနှင့် ဗုန်းကြဲလေယာဉ်တွေကို တောင်ကိုရီးယားထံ ပုံမှန်ခရီးသွားရောက်မှာလည်း ဖြစ်ပါတယ်။
၁၉၉၁ခုနှစ်မှာ အမေရိကန်က သူ့ရဲ့ နျူကလီးယားလက်နက်တွေကို တောင်ကိုရီးယားနိုင်ငံမှ ပြန်လည်ရုပ်သိမ်းပြီးနောက် ဒီသဘောတူညီချက်ဟာ ပထမဆုံးရရှိတဲ့သဘောတူညီချက်ဖြစ်ပါတယ်။
Source WION
#ကိုရီးယားကျွန်းဆွယ်တင်းမာမှု
#ကင်မ်ယိုဂျုန်
#ဝါရှင်တန်ကြေညာချက်
#YangonMediaGroup
- Category: World