YUFC အမျိုးသမီးဘောလုံးအသင်းနှင့် အသင်းအုပ်ချုပ်သူများကို ငွေဒဏ်အပြင် နောက်ဆုံးအကြိမ် စာဖြင့်သတိပေးခံရ
ပြိုင်ပွဲကျင်းပရေးစည်းမျဉ်း/စည်းကမ်းအပိုဒ် (၁၈)အရ YUFC အသင်းကို ဒဏ်ကြေးငွေ ကျပ် (၁၅)သိန်းချမှတ်
Yangon_Times/MY
#Local_News
#Published_ 24 August 2023
#YMG #Yangon_Times
- Category: Myanmar
ပုဂံလောကနန္ဒာစေတီ၏ ဗုဒ္ဓပူဇနိယပွဲတော်ကြီးကျင်းပ
‘လောကနန္ဒာစေတီတော် ဗုဒ္ဓပူဇနိယပွဲတော်ကို ဝါခေါင်လဆန်း(၇)ရက်ဩဂုတ်လ(၂၃)ရက်နဲ့ ဝါခေါင်လဆန်း (၈)ရက်ဩဂုတ်လ(၂၄)ရက်နေ့တို့မှာ ကျင်းပခဲ့ပြီးသံဃာတော်၊ဆရာတော်စုစုပေါင်း(၆၅)ပါးကို ပင့်ဖိတ်ပြီး ဆွမ်းသပိတ်လုံးတွေ လောင်းလှူနိုင်ခဲ့တယ်’..... လောကနန္ဒာစေတီတော် ဂေါပကအဖွဲမှ တာဝန်ရှိသူတစ်ဦး
Yangon_Times/tthl
#Local_News
#Published_ 24 August 2023
#YMG #Yangon_Times
- Category: Myanmar
Published_ 24 August 2023
မန္တလေးတိုင်းဒေသကြီး အောင်မြေသာစံခရိုင် မတ္တရာမြို့နယ် တောင်ပြုံးကျေးရွာရှိ အနော်ရထာမင်းကြီး တည်ထားကိုးကွယ်ခဲ့သော သမိုင်းဝင် တောင်ပြုံးဆုတောင်းပြည့် ဆုတောင်းရမြတ်စွာဘုရား ဗုဒ္ဓပူဇနိယ ဆွမ်းတော်ကြီး လောင်းလှူပွဲ နှင့် တောင်ပြုံး အရှင်နှစ်ပါးပွဲတော်ကို ဝါခေါင်လဆန်း၈ရက် မှ ၁၅ ရက်အထိ ကျင်းပပြုလုပ်မည် ဖြစ်ရာ ပွဲတော်ရက် မရောက်ခင်ကပင် လာရောက်သည့် ဘုရားဖူးပြည်သူ များပြားနေကြောင်း ပွဲတော်ကျင်းပရေးကော်မတီထံမှ သိရသည်။
ပွဲတော်ကို နှစ်စဉ်ကျင်းပခဲ့သော်လည်း ပြီးခဲ့သည့်နှစ်က အကြောင်းအမျိုးမျိူးကြောင့် ပွဲတော် ဖြစ်ယုံသာ ကျင်းပခဲ့ရပြီး ယခုနှစ်မှသာ ပြန်လည်စည်ကားစွာ ကျင်းပနိုင်ရန် စီစဉ်ခဲ့ကြောင်း သိရသည်။
'' ဒီနှစ်ကတော့ လာတဲ့ ဘုရားဖူးဧည့်သည်ပိုများတယ် ပွဲတော်ရက် မစခင် လဆန်း၁ရက်နေ့ကတည်းက တစ်ရက်ကို လာတဲ့ဘုရားဖူးဧည့်သည် နှစ်သောင်းကျော်ရှိတယ်။
ဖွင့်ပွဲကို မနက်ဖြန်ဝါခေါင်လဆန်း ၉ရက် မနက် ၉နာရီမှာ ပြုလုပ်မှာပါ ပွဲတော်ကျင်းပချိန်ကိုတော့ မနက် ၆နာရီကနေ ညနေ ၆နာရီ အထိ ခွင့်ပြုထားပါတယ်''ဟု ပွဲတော်ကျင်းပရေးကော်မတီမှ ဦးမောင်မောင်ကြီးကပြောသည်။
ပွဲတော်အတွင်းရောင်းချမည့် ဆိုင်ခန်းများငှားရမ်းခကိုလည်း ယခင်နှစ်များတွင်
၅ပေတစ်ခန်းလျှင် တစ်သိန်းမှ နှစ်သိန်းအထိ ငှားရမ်းခရှိခဲ့ပြီး ယခုနှစ်ပွဲတော်ရက်တွင် ဆိုင်ခန်း အတွက် တစ်ပေလျှင် ကျပ်တစ်သောင်းဖြင့် ဈေးရောင်းသူများ အဆင်ပြေစေရန် လုပ်ဆောင်ပေးထားကြောင်း သိရသည်။
Yangon Times/LW
Photo crd - Naung Naung FB
#Local_News
#YMG #Yangon_Times
- Category: Myanmar
Published_ 24 August 2023
တောင်ကိုးရီးယားသမ္မတနိုင်ငံသွားရောက်သည့် မြန်မာလုပ်သားများထံမှ တားမြစ်စားသောက်ကုန်များကို မကြာခဏ ဖမ်းမိနေ၍ နောင်တစ်ကြိမ်လျှင်ပြည်ဝင်ခွင့်ပိတ်မည်ဟု တောင်ကိုးရီးယားဘက် မှအသိပေးလာကြောင်း ဆိုလ်းမြို့ရှိ မြန်မာအလုပ်သမားသံအရာရှိရုံးက ဩဂုတ်လ၂၄ရက်(ယနေ့)ထုတ်ပြန်လိုက်သည်။
ကိုရီးယားသမ္မတနိုင်ငံသို့ ဝင်ရာက် မည့်သူများအား တားမြစ်ပစ္စည်းများ၊ အစားအသောက်များ သယ်ဆောင်ခြင်းမပြုပါရန် အကြိမ်ကြိမ် အသိပညာပေးခြင်း သတိပေးပြောကြားခြင်းတို့ကို ဆောင်ရွက်ခဲ့သော်လည်း ကိုရီးယားသမ္မတနိုင်သို့ ဝင်ရောက်သည့် Re entry လုပ်သားများက ဂရုမပြုဘဲ အသားခြောက် ကွမ်းရွက် စသည့် အစားအသောက် များ သယ်ဆောင်သည်ကို အင်ချွန်းလေဆိပ်တွင် စစ်ဆေးတွေ့ရှိကြောင်း သိရှိရသည်။
"ပြောတာတော့ များနေပေမဲ့ ထပ်ပြောရဦးမှာပဲ။ အသားခြောက် လုံးဝ လုံးဝဖမ်းပါတယ်။ ကွမ်းရွက်ဖမ်းတာပါပဲ။ Re-entryတွေက လူနည်းတဲ့အတွက် သေချာစစ်ပါတယ်။ တစ်ခြားနိုင်ငံတွေ အိတ်စစ်ချိန် ၅မိနစ်တောင်မကြာတဲ့အချိန် ကျွန်တော်တို့တွေဝင်လိုက်ရင် နာရီဝက်လောက်ကြာပါတယ်။
POEA က ဆရာမတွေကလည်း မထွက်ခင်ကြိုသတိပေးခဲ့ပါတယ်။ ဘယ်သူမှဂရုမစိုက်ကြပါဘူး။ လွတ်မယ်ထင်လို့ သယ်လာကြတယ်။ ခုတော့ အပတ်စဥ်အမိများလာတော့ အဖမ်းခံရတဲ့သူတွေ နောင်တစ်ကြိမ်ပြည်ဝင်ခွင့်ပိတ်ပါမယ်လို့ အကြောင်းကြားလာပါတယ်။ ထပ်ချဲ့ပြောရရင် E-7-4လိုမျိုး ဗီဇာပြောင်းမယ်ဆိုရင်တောင် ကိုယ့်မှာ နစ်နာမယ့်အခြေအနေဖြစ်လာမှာပါ"ဟု အလုပ်သမားသံအရာရှိရုံးက ပြောသည်။
လက်ရှိတွင် တားမြစ် ပစ္စည်းသယ်ဆောင်ခြင်းနှင့်ပတ်သက်၍ ဖမ်းဆီးရမိသူများအား ပစ္စည်းသိမ်း၊ ပတ်စ်ပို့မှတ်တမ်းတင်၍ ဒဏ်ငွေဆောင်ခြင်းများစေခိုင်း၍ နောင်တစ်ကြိမ်ပြည်ဝင်ခွင့်ပိတ်မည်ဟု အကြောင်းကြားလာကြောင်း အလုပ်သမားသံအရာရှိရုံးက သိရသည်။
အဆိုပါ အကြောင်းအရာနှင့်ပတ်သက် ၍ အစိုးရပြည်ပအလုပ် အကိုင်အေဂျင်စီ (POEA-EPS) ကလည်းမိမိကြောင့် မြန်မာလုပ်သားများ၏ ပုံရိပ်မကျဆင်းစေရေး၊ နောင်ဝင်ရောက်မည့် လုပ်သားများအတွက် အဟန့်အတားမဖြစ်ပေါ်စေရေး အထူးသတိပြု လိုက်နာဆောင်ရွက်ကြပါရန် ထပ်မံအသိပေးထားသေးသည်။
#Yangon-Times/PP
#Local_News
#YMG #Yangon_Times
- Category: Myanmar
ကမ္ဘာကျော် ဘာစီလိုနာ ယူ-၁၂ လူငယ်ဘောလုံးအသင်းနှင့် မြန်မာ ယူ-၁၂ လူငယ်အသင်းတို့ ယှဉ်ပြိုင်ကစားရာတွင် မြန်မာလူငယ်အသင်း ရှုံးနိမ့်
ဘာစီလိုနာနဲ့ မြန်မာအသင်းတို့ ယနေ့ ဩဂုတ် (၂၄)ရက် နံနက်ပိုင်းတွင် အုပ်စုအဖွင့် ပွဲဦးထွက်ယှဉ်ပြိုင်
Yangon_Times/MY
#Local_News
#Published_ 24 August 2023
#YMG #Yangon_Times
- Category: Myanmar
အလုပ်သမားဝန်ကြီးဌာနမှ ဖွင့်လှစ်သည့် ဒေသဆိုင်ရာ လမ်းညွှန်သင်တန်းဟုဆိုကာ မန္တလေးတွင် လိမ်လည်ဖွင့်လှစ်ပြီး သင်တန်းကြေးငွေများ ကောက်ယူနေ
အလုပ်သမားတစ်ဦးကို သင်တန်း ၂ရက်ကြာ သင်ကြားပေးကာ သင်တန်းကြေးအဖြစ် ကျပ် ၃သိန်းမှ ၃သိန်းခွဲ ထိကောက်ယူပြီး အစိုးရ ရုံးပိတ်ရက်ကလွဲလို့ နေ့စဉ်သင်တန်း ဖွင့်လှစ် သင်ကြားပေးနေတယ်လို့ သိရပါတယ်။
Yangon_Times/LW
#Local_News
#Published_ 24 August 2023
#YMG #Yangon_Times
- Category: Myanmar
24 August 2023
အမေရိကန်ပြည်ထောင်စုက မြန်မာနိုင်ငံသားလုပ်ငန်းရှင် (၂)ဦးနှင့် သူတို့ရဲ့ ကုမ္ပဏီ(၃)ခုကို စီးပွားရေးအရေးယူ ကန့်သတ် ပိတ်ဆို့မှုအသစ်တွေထပ်မံပြုလုပ်လိုက်တယ်လို့ အမေရိကန်အစိုးရ ဘဏ္ဍာရေးဝန်ကြီးဌာနက ဩဂုတ် ၂၃ ရက်က သတင်းထုတ်ပြန်လိုက်ပါတယ်။
ဂျက်လေယာဉ်ဆီတွေတင်သွင်းမှုတွေပြုလုပ်ခဲ့တယ်ဆိုတဲ့စွပ်စွဲချက်နှင့် အမေရိကန်အစိုးရရဲ့ စီးပွားရေးကန့်သတ် အရေးယူမှုခံရတဲ့ မြန်မာလုပ်ငန်းရှင်နှစ်ဦးက ဒေါ်ခင်ဖြူဝင်းနှင့် ဦးဇော်မင်းထွန်းတို့ဖြစ်ကြပါတယ်။ အဲဒီအပြင် သူတို့ ထိန်းချုပ်ထားတယ်လို့ဆိုတဲ့ Shoon Energy PTE. LTD၊ PEIA PTE. LTD.နှင့် P.E.I Energy PTE. LTD တို့ကိုလည်း ပိတ်ဆို့ ကန့်သတ်မှုစာရင်းထဲထည့်သွင်းလိုက်တယ်လို့ သတင်းထုတ်ပြန်ချက်မှာဖော်ပြထားပါတယ်။ အဲဒီကုမ္ပဏီတွေ အားလုံးဟာ စင်္ကာပူအခြေစိုက်ကုမ္ပဏီတွေဖြစ်ကြတယ်လို့လည်း ဆိုပါတယ်။
ဒီနေ့စီးပွားရေးပိတ်ဆို့ကန့်သတ်မှုပြုလုပ်ခံရတဲ့လူပုဂ္ဂိုလ်တွေနှင့် ကုမ္ပဏီတွေဟာ မြန်မာတပ်မတော်ကို ဂျက်လေယာဉ် လောင်စာဆီတင်သွင်းရောင်းချဖြန့်ဖြူးရာမှာပါဝင်ပတ်သက်တယ်လို့ အမေရိကန်အစိုးရကစွပ်စွဲခဲ့တာဖြစ်ပါတယ်။
- Category: Myanmar