Published 28 February
စင်္ကာပူနိုင်ငံမှာ ၁၀နှစ်အတွင်းငွေကြေးဖောင်းပွမှုနှုန်း အမြင့်ဆုံးအဖြစ် ၂.၄ရာခိုင်နှုန်းမြင့်တက်လာခဲ့တယ်လို့ စင်္ကာပူငွေကြေး အာဏာပိုင်အဖွဲ့က အွန်လိုင်းကနေတစ်ဆင့်ဖြန့်ဝေခဲ့တဲ့ သတင်းထုတ်ပြန်ချက်အရသိရပါတယ်။
ထောင်တက်လာနေတဲ့ငွေကြေးဖောင်းပွမှုကို ထိန်းချုပ်ဟန့်တားနိုင်ဖို့အတွက် ငွေကြေးအာဏာပိုင်အဖွဲ့ဟာ လေးလအတွင်း ငွေကြေးမူဝါဒကို နှစ်ကြိမ်တိုင်တင်းကျပ်ခဲ့တယ်လို့ အဖွဲ့က သိပ်မကြာသေးခင်က ပြောထားပါတယ်။
ဟောကာစင်တာတွေလို့ခေါ်တဲ့ စားသောက်ဆိုင်တန်းတွေဟာ စင်ကာပူနိုင်ငံသား အောက်ခြေလူတန်းစာတွေ အတွက်ပါ။ ဒေသခံတွေဟာ အဲဒီမှာ စုရုံးကြပြီး စားဖွယ်ရာတွေ စားသောက်ကြပါတယ်။ လက်ဖက်ရည် ကော်ဖီ သောက်ကြတယ်။ ဒါပေမယ့် ပြီးခဲ့တဲ့နှစ်နှင့် နှိုင်းယှဉ်ရင် ဟောကာစင်တာတွေက အစားအသောက်ဈေးတွေဟာ သူတို့မျှော်လင့်ထားတာထက် ပိုပြီး ဈေးတက်လာနေပါတယ်။
“ ခေါက်ဆွဲစားမှာလား အသားစာမှာလား။ ဟောကာစင်တာထဲ ဝင်စားကြည်တဲ့အခါ ဈေးနှုန်းတွေက ကြောက်စရာ ကောင်းအောင်တက်နေတာသိရလိမ့်မယ်။ အခုဆို ဆင့်၅၀ ဒါမှမဟုတ် တစ်ဒေါ်လာလောက်တက်နေပြီ” လို့ ဒေသခံတစ်ဦးကပြောပါတယ်။
“ ကံကောင်းထောက်မစွာပါပဲ။ အခုထက်ထိတော့ ထောက်ပို့မှုက ဖြတ်တောက်သွားတာတော့မရှိသေးဘူး။ ပင်လယ်ရပ်ခြားက တင်သွင်းတဲ့ ပစ္စည်းအများစုကတော့ ယခုထက်ထိရနေသေးတယ်။ ဒါပေမယ့် ဈေးကတော့ အများကြီး တက်သွားပြီ” လို့ တန်လော့ခ်အုပ်စုရဲ့ ဘုတ်အဖွဲ့ဥက္ကဋ္ဌနှင့် စီအီးအိုဖြစ်တဲ့ အင်ဒရူး တီဂျိုးကပြောပါတယ်။
လျှပ်စစ်ဓာတ်အားခ၊ကုန်ကြမ်းနှင့် လုပ်အားခတွေဈေးတက်လာတာက နေစဉ်မရှိမဖြစ်သုံးရတဲ့ ပစ္စည်းတွေနှင့် စားသောက်ကုန်ဈေးတွေကို မြင့်တက်လာစေပါတယ်။ လတ်တလောမှာ ကမ္ဘာ့ရေနံစိမ်းဈေးတွေတက်လာတာကြောင့် ဇန်နဝါရီ၃၁ရက်ကစပြီး ဓာတ်ဆီနှင့်ဒီဇယ်ဈေးနှုန်းတွေ ၂၅ရာခိုင်နှုန်းမြင့်တက်လာလို့ ခရီးသွားတဲ့ ပြည်တွင်းကသူတွေ အတွက် ကုန်ကျစရိတ်တွေမြင့်တက်မှုနှင့်ကြုံနေကြရတာဖြစ်ပါတယ်။
အဲဒီအပြင် တစ်ပတ်ရစ်အိမ်ခန်းတွေနှင့် အများပိုင်အိမ်ရာတွေရဲ့ ဈေးနှုန်းတွေကလည်း စင်္ကာပူမှာ ၁၀.၆ရာခိုင်နှုန်းကနေ ၁၂.၇ ရာခိုင်နှုန်းအထိ တက်လာနေပါတယ်။ မနှစ်ကထက်စာရင် အများကြီးမြင့်တက်လာတာဖြစ်ပါတယ်။
Source CMG
- Category: World
#LocalNews
Published - 28 Feb 2022
ပြည်တွင်းစားသုံးဆီဈေးနှုန်းတွေ မြင့်တက်လာပါတယ်။ အခုလက်ရှိမှာတော့ စားအုန်းဆီ တစ်ပိဿာ ကျပ် ၆,၀၀၀ ကျော် ၇,၀၀၀ နီးပါးအထိ ဈေးနှုန်းတွေမြင့်တက်နေပါတယ်။
#Yangon_Media_Group
- Category: Myanmar
#LocalNews
Published - 28 Feb 2022
ထိုင်းနိုင်ငံအတွင်းကို အလုပ်လာရောက်လုပ်ကိုင်လိုသူတွေအနေနဲ့ အသက်အန္တရာယ်များတဲ့ ခိုးဝင်ရောက်မှုတွေကို မပြုလုပ်ကြဖို့ မြန်မာနိုင်ငံသားများအရေးပူးတွဲလှုပ်ရှားမှုကော်မတီ JACBA က သတိပေးပြောဆိုလိုက်ပါတယ်။
#Yangon_Media_Group
- Category: Myanmar
#LocalNews
Published - 28 Feb 2022
အိုမီခရွန် ရောဂါပိုးစတင်တွေ့ရှိခဲ့တဲ့ အိန္ဒိယ-မြန်မာ နယ်စပ်မြို့တစ်မြို့ဖြစ်တဲ့ တမူးမြို့တွင် လက်ရှိအချိန်တွင် ကိုဗစ်အတည်ပြု လူနာ ၆ ဦးသာ ကျန်ရှိတော့တယ်လို့ တမူးမြို့ဒေသခံများထံမှ သိရပါတယ်။
#Yangon_Media_Group
- Category: Myanmar
Published 28 February 2022
ရုရှား-ယူကရိန်းအရေးမှာ ပါဝင်ပတ်သက်တဲ့ အဖွဲ့တွေအားလုံး စိတ်တည်တည်ငြိမ်ငြိမ်ထားကြဖို့နှင့် ချုပ်တည်းကြဖို့ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် ဝမ်ဝေဘင်းက ဖေဖာ်ဝါရီ ၂၈ရက် တနင်္လာနေ့က ပြောလိုက်ပါတယ်။ ရုရှားသမ္မတပူတင်က နျူကလီးယားတပ်ဖွဲတွေကို တပ်လှန့်ပြီးတစ်ရက်အကြာမှာ တရုတ်က ပြောကြားတာဖြစ်ပါတယ်။
Source AFP
- Category: World
#DailyNews
Published - 28 Feb 2022
၁။ ထိုင်းနိုင်ငံသို့ အသက်အန္တရာယ်များသည့် ခိုးဝင်ရောက်မှုမပြုလုပ်ရန် JACBA သတိပေး
၂။ အိုမီခရွန်ရောဂါပိုး စတင်တွေ့ရှိခဲ့တဲ့ တမူးမြို့တွင် ကိုဗစ်လူနာ ၆ ဦးသာကျန်ရှိ
၃။ မိုးလဝေသ သတင်း
၄။ အစ္စလာမ်အကြမ်းဖက်တွေဖျက်ဆီးခဲ့သည့် အီရတ်ရှေးဟောင်းမြို့မှ ပြုပြင်မွမ်းမံခြင်းလက်ရာများ
ဖော်ထုတ်ပြသ.......အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။
#Yangon_Media_Group
- Category: Myanmar
Published 27 February 2022
ယူကရိန်းနိုင်ငံ ကိဗ်မြို့တော်တွင် တနင်္လာနေ့မနက်အထိ နေ့ည ကာဖျူးအမိန့်ထုတ်ပြန်လိုက်တဲ့အတွက် မြို့ရဲ့လမ်းတွေဟာ လူသူကင်းမဲ့သွားပါတယ်။
အပြင်မှာရှိနေတဲ့လူတွေကို ရန်သူရဲ့ အဖျက်သမားတွေနှင့်ကင်းထောက်အဖွဲ့တွေလို့ သတ်မှတ်ရမှာဖြစ်တယ်လို့ အမိန့် ထုတ်ပြန်ထားတာဖြစ်ပါတယ်။
ကျူးကျော်မှုစတင်ချိန်မှ ယခုအချိန်အထိ ကလေးငယ်(၃)ဦးအပါအဝင် အရပ်သား(၁၈၉)ဦးသေဆုံးခဲ့တယ်လို့ အေအက်ဖ်ပီရဲ့ သတင်းအရသိရပါတယ်
တနင်္ဂနွေနေ့က ယူကရိန်းရဲ့ ဒုတိယမြောက်အကြီးဆုံး မြို့ဖြစ်တဲ့ ခါကစ်မြို့မှာ လမ်းပေါ်တိုက်ပွဲတွေရှိနေပြီး စက်သေနတ်သံတွေနှင့်ပေါက်ကွဲသံတွေကြားနေကြရပါတယ်။
ရုရှားနှင့်ယူကရိန်းစေ့စပ်ဆွေးနွေးကြဖို့ ဘီလာရု(စ်)မှာစီစဉ်ခဲ့ပေမယ့် ယူကရိန်းသမ္မတက ပယ်ဖျက်ခဲ့ပြီး ဝါဆော၊ဘရက်တစ်လာဗား၊ ဘူဒါပက်စ်၊အီစတန်ဘူလ်နှင့် ဘာကူးမြို့တွေထဲက တစ်မြို့မြို့ကို ရွေးပေးဖို့ သူက ရုရှားကို ပြန်လည်အဆိုပြုခဲ့ပါတယ်။
Source AFP
- Category: World