#World_Health
Published 23 April 2023
တေးဂီတလေ့ကျင့်ခြင်းရော နားဆင်ခြင်းကပါ အသက်အရွယ်ကြီးသူတွေမှာ ဦးနှောက်ထဲရှိ မီးခိုရောင်သားနေရာထုတ်လုပ်မှုကို လှုံ့ဆော်ပေးကာ အသိဉာဏ်စွမ်းရည်လျော့ကျခြင်းကို ပြောင်းလဲပေးနိုင်ကြောင်း ဆွစ်ဇာလန်လေ့လာချက်တစ်ခုမှာ တွေ့ရှိထားပါတယ်။
ပုံမှန်ဆိုရင် အသက်ကြီးလာတဲ့အခါ အသိဉာဏ်စွမ်းရည်ယုတ်လျော့မှု ပိုမိုဆိုးရွားလာတတ်ပါတယ်။
ဦးနှောက်ပုံစံနဲ့ ချိတ်ဆက်မှုတွေက ပတ်ဝန်းကျင်နဲ့ တွေ့ကြုံမှုပေါ်မူတည်ပြီး ပြောင်းလဲသွားတတ်ပါတယ်။
ဥပမာအားဖြင့် အတတ်ပညာအသစ်တွေကို သင်ယူခြင်း၊ လေဖြတ်ခြင်းနောက်ဆက်တွဲဆိုးကျိုးများကို ကျော်ဖြတ်နိုင်ခြင်းတို့ပဲ ဖြစ်ပါတယ်။
အသက်ကြီးလာတာနဲ့အမျှ ဒီလိုအရာမျိုးလျော့နည်းလာတဲ့အပြင် တန်ဖိုးရှိ နျူရွန်အာရုံကြောမျှင်လေးများရှိနေတဲ့ မီးခိုးရောင်သားနေရာတွေလည်း ယုတ်လျော့လာပါတယ်။
တဖြည်းဖြည်းနဲ့ အသိဉာဏ်စွမ်းရည်ကျဆင်းလာပြီး အဓိကလုပ်ဆောင်ချက်ဖြစ်တဲ့ မှတ်ဉာဏ်စွမ်းရည်ဟာ အထိခိုက်နေရာဖြစ်နေပါတယ်။
ဒါဟာ အချက်အလက်တွေကို ယာယီပြန်ရယူပြီး မှတ်ဉာဏ်ပြန်ဖော်တဲ့ ဖြစ်စဉ်မျိုးဖြစ်ပါတယ်။
ဂျီနီဗာတက္ကသိုလ်၊ ဆွစ်ဇာလန်ဖက်ဒရယ်နည်းပညာတက္ကသိုလ်တို့မှ အဖွဲ့က အသက် ၆၂ နှစ်မှ ၇၈ နှစ်ကြား ကျန်းမာသန်စွမ်းပြီး ဂီတပညာမသင်ဖူးတဲ့ အငြိမ်းစား ၁၃၂ ဦးကိုခေါ်ယူကာ စန္ဒရားနဲ့ဂီတအကြောင်း ၆ လသင်ကြားပေးခဲ့ပါတယ်။
တေးဂီတပါဝင်ပတ်သက်နေခြင်းက ဦးနှောက်မှာယေဘုယျအားဖြင့် ကျုံ့သွားတာတောင် မီးခိုးရောင်သားနေရာနဲ့ မှတ်ဉာဏ်စွမ်းရည်တို့ကို မြှင့်တင်ပေးနိုင်တယ်လို့ NeuroImage Reports မှာ ဖော်ပြခဲ့ကြပါတယ်။
ရလဒ်များအရ တေးဂီတလေ့ကျင့်နားထောင်ခြင်းဟာ ဦးနှောက်ကျုံ့နိုင်ချဲ့နိုင်စွမ်းနဲ့ အသိဉာဏ်စွမ်းရည်တို့ကို မြှင့်တင်ပေးကြောင်း တွေ့ရှိရပါတယ်။
အာရုံကြောပုံရိပ်ဖော်ပြချက်များအရ မှတ်ဉာဏ်ပိုင်းမှာပါဝင်တဲ့ ဆယ်ရီဘယ်လမ်နေရာအပါအဝင် အဆင့်မြင့်အသိဉာဏ်စွမ်းရည်လုပ်ဆောင်ချက်တွေမှာ ပါဝင်တဲ့ ဦးနှောက်အစိတ်အပိုင်း ၄ ပိုင်းထဲက မီးခိုးရောင်သားနေရာမှာ များပြားလာတာကိုတွေ့ခဲ့ရတယ်လို့ စိတ်ကျန်းမာရေးပရော်ဖက်ဆာ'ကလဲရာဂျိမ်းစ်'က ဆိုပါတယ်။
စန္ဒရားသင်ကြားသူတွေမှာ မီးခိုးရောင်သားနေရာက အသံလုပ်ဆောင်ချက်နေရာဖြစ်တဲ့ ညာဘက်အကြားအာရုံနေရာအပိုင်းမှာ တည်မြဲနေပြီး ဂီတနားထောင်တဲ့သူအဖွဲ့မှာတော့ ထိုအရာကလျော့နည်းလာပါတယ်။
ပါဝင်စမ်းသပ်သူအားလုံးမှာ ဦးနှောက်အစိတ်အပိုင်းအားလုံး ကျုံ့သွားတာကြောင့် ဂီတလေ့ကျင့်သင်ကြားခြင်းက ဦးနှောက်ကိုပြန်လည်နုပျိုစေတယ်လို့ မဆိုနိုင်ပဲ အစိတ်အပိုင်းအချို့မှာသာ အိုမင်းရင့်ရော်ခြင်းကို ကာကွယ်ပေးနိုင်တာဖြစ်တယ်လို့ သုံးသပ်ရမှာပါ။
Source: The Jerusalem Post #World_Health #ဂီတလေ့ကျင့် #ဦးနှောက်အစိတ်အပိုင်း
#အသိဉာဏ်စွမ်းရည်
#YMG #Yangon_Media_Group
- Category: World
#World_Health
Published 23 April 2023
ကမ္ဘာ့နိုင်ငံအချို့မှာ ကိုဗစ်ကူးစက်မှုပြန်အဖြစ်များလာချိန်မှာ ဆီးချိုရောဂါဖြစ်ပွားခြင်းနဲ့ ဆက်စပ်နေတယ်ဆိုတဲ့ လေ့လာချက်အသစ်တစ်ခု ပေါ်ထွက်လာပါတယ်။
ကပ်ရောဂါပျံ့ပွားတာ ၃ နှစ်ရှိလာသည့်တိုင်အောင် ကိုရိုနာဗိုင်းရပ်စ်က သက်ရောက်နေဆဲဖြစ်ပါတယ်။
ဗန်ကူဗာ ဗြိတိသျှကိုလံဘီယာရောဂါထိန်းချုပ်ရေးစင်တာနဲ့ စိန့်ပေါလ်ဆေးရုံတို့မှ သုတေသီများက SARS-Cov-2 ကူးစက်မှုကြောင့် ဆီးချိုရောဂါနဲ့ဆက်စပ်တာကို အဓိကလေ့လာခဲ့ကြပါတယ်။
လေ့လာချက်အရ SARS-CoV-2 ကူးစက်မှုဟာ ဆီးချိုရောဂါဖြစ်နိုင်ချေနဲ့ ဆက်စပ်နေတယ်လို့ ဖော်ပြခဲ့ပါတယ်။
ဆီးချိုရောဂါကို ပိုမိုပြင်းထန်တဲ့ ကိုဗစ်-၁၉ အသက်ရှူလမ်းကြောင်းဆိုင်ရာ ရလဒ်များနဲ့ဆက်စပ်နေတဲ့ အန္တရာယ်တစ်ခုအဖြစ် သတ်မှတ်ထားပြီး ယခင်ရှိပြီးသားဆီးချိုလက္ခဏာများ ပိုမိုဆိုးရွားလာခြင်းနဲ့ ဆက်စပ်နေပါတယ်။
ကိုဗစ်ရောဂါပိုးရှိပြီး ဆီးချိုဖြစ်နိုင်ချေမြင့်မားတဲ့ လူ ၆၂၉,၉၃၅ ဦးကို သုတေသီများ စမ်းသပ်စစ်ဆေးခဲ့ကြပါတယ်။
လေ့လာချက်များအရ ကိုဗစ်ကူးစက်ခံထားရသူများဟာ ဆီးချိုရောဂါဒုတိယအမျိုးအစားဖြစ်နိုင်ချေ မြင့်မားပြီး နောက်ထပ်ဆီးချိုဖြစ်ပွားသူတွေရဲ့ ၃ - ၅ ရာခိုင်နှုန်းလောက်က ကိုဗစ်ကြောင့်ဖြစ်တာလို့ ဖော်ပြထားပါတယ်။
SARS-CoV-2 ဗိုင်းရပ်စ်က အသက်ရှူစနစ်ကို အဓိကထိခိုက်တယ်လို့ သိရှိထားကြပေမယ့် အခြားအင်္ဂါစနစ်တွေလည်းထိခိုက်နိုင်ပြီး လတ်တလောနဲ့ နာတာရှည်နောက်ဆက်တွဲလက္ခဏာများ ဖြစ်လာနိုင်ပါတယ်။
Source: India Today #World_Health #ဆီးချို #ကိုဗစ်ရောဂါကူးစက်ခြင်း
#YMG #Yangon_Media_Group
- Category: World
Published 23 April 2023
စင်မြင့်ပေါ်တွင် အက်ဖရိုမန်းဟု လူသိများတဲ့ အမေရိကန်ရက်ပါအဆိုတော် ဂျိုးဆက်အက်ဒ်ဂါဖိုမင်က ၂၀၂၄ခုနှစ်တွင် အမေရိကန်သမ္မတရွေးကောက်ပွဲတွင် သမ္မတလောင်းအဖြစ်ဝင်ရောက်ယှဉ်ပြိုင်မယ်လို့ တရားဝင်ကြေညာလိုက်ပါတယ်။
“ သူသာ သမ္မတရွေးကောက်ပွဲနိုင်ခဲ့ရင် အမေရိကန်တစ်နိုင်ငံလုံးမည်သည့်နေရာမဆို ဆေးခြောက်သုံးစွဲမှုကို တရားဝင်ဖြစ် အောင်လုပ်ပေးမယ်” လို့ "Because I Got High" သီချင်းရဲ့အဆိုရှင် အက်ဖရိုမန်းက ကတိပေးလိုက်ပါတယ်။
သူဟာ အမေရိကန်သမ္မတအဖြစ်ဝင်ပြိုင်ဖို့လိုအပ်တဲ့ လျှောက်လွှာတွေကို ဖြည့်ပြီး ဖက်ဒရယ်ရွေးကောက်ပွဲကော်မရှင်ထံ တင်သွင်းပြီးဖြစ်ပါတယ်။ TMZ သတင်းဌာနကရရှိတဲ့အချက်အလက်များအရ သူ့ရဲ့ သမ္မတကော်မတီက ဂျိုးစက်အက်ဖရိုမန်းဖိုမန်းကို သမ္မတအတွက်အမည်စာရင်းတင်သွင်းလိုက်ပြီး သူဟာ တစ်သီးပုဂ္ဂလ သမ္မတလောင်းအဖြစ် ဝင်ရောက်ယှဉ်ပြိုင်မှာဖြစ်ပါတယ်။
“ ကျွန်တော့်ဘဝမှာ အကြီးမားဆုံးသော ကြေညာချက်တစ်ခု ကျွန်တော်လုပ်လို့ရမလား။ ကျွန်တော်ဟာ 20-20-Fro အတွက် သမ္မတအဖြစ်ဝင်ပြိုင်ပါမယ်” လို့ သူက ဖျော်ဖြေရေးစင်မြင့်ပေါ်ကနေ ကြေညာခဲ့တာပါ။
ပြီးခဲ့တဲ့လကတည်းက အင်တာဗျူးတစ်ခုမှာ သူဟာ သမ္မတအဖြစ်ဝင်ပြိုင်မယ်လို့ ထုတ်ဖော်ပြောခဲ့ပြီးသားဖြစ်ပါတယ်?
“ အမေရိကန်အိပ်မက်သမားတစ်ဦးရဲ့ အခွင့်အရေးတစ်ခုကို ကျင့်သုံးပြီး ကျွန်တော်ဟာ ပြည်နယ်၅၀အားလုံးကို ဆေး ခြောက်တရားဝင်ဖြစ်စေဖို့ ဆောင်ကြဉ်းနိုင်မယ်လို့ ကျွန်တော်ထင်ပါတယ်။ ရဲတပ်ဖွဲ့တကယ့်ပြုပြင်ပြောင်းလဲရေး လုပ် နိုင်မယ်၊ပြီးတော့ နိုင်ငံရဲ့ စိတ်ကျန်းမာရေးကို ကူညီနိုင်မယ်လို့ထင်ပါတယ်” လို့သူကပြောခဲ့ပါတယ်။
Source WION
#YangonMediaGroup
#အမေရိကန်ရက်ပါအဆိုတော်အက်ဖရိုမန်
#အမေရိကန်သမ္မတရွေးကောက်ပွဲ၂၀၂၄
- Category: World
#World_Climate
Published 22 April 2023
တောင်အာရှနဲ့ အရှေ့တောင်အာရှနိုင်ငံတွေမှာ လူတွေက တွေ့သမျှအရိပ်အဝါအောက် ခိုလှုံ့နေရပြီး စံချိန်တင်အပူချိန်ကြောင့် မိုးရွာဖို့ ဆုတောင်းနေရပါတယ်။
#World_Climate #အာရှနိုင်ငံ #အပူလှိုင်းကြောင့်
#YMG #Yangon_Media_Group
- Category: World
#Daily_News
Published_ 22 April 2023
၁။ ဧပြီလ တတိယအပတ်အတွင်း ကမ္ဘာ့ရွှေဈေးနည်းငယ်ကျဆင်းသော်လည်း ပြင်ပရွှေဈေး သိန်း ၃၀ နီးပါးရှိနေ
၂။ နေပြည်တော်ရှိ လေပြင်းသင့်ပြည်သူ(၄၀၀)ဦးခန့်အတွက် ရေသန့်နှင့်စားနပ်ရိက္ခာများလိုအပ်နေ
၃။ စက်သုံးဆီဈေးကျဆင်းလာ၊ ၉၂ ဓါတ်ဆီတစ်လီတာ ၂၁၀၀ကျပ်အောက်သို့ ရောက်ရှိလာ
၄။ အာရှနိုင်ငံအများအပြားတွင် အပူလှိုင်းကြောင့် အပူချိန်အလွန်မြင့်မားလျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
- Category: Myanmar
#World_Politics
Published 22 April 2023
လန်ဒန်ရှိ ဝန်ကြီးချုပ်ရုံးတည်ရှိရာ ဒေါင်းနင်းလမ်းမှာ နိုင်ငံရေးအရှုပ်တော်ပုံများကြောင့် ရာထူးနှုတ်ထွက်ခြင်းများ မြင်တွေ့နေရပါတယ်။
လက်ထောက်ဝန်ကြီးချုပ် 'ဒိုမီနစ်ရက်ဘ်'ဟာ လွန်ခဲ့တဲ့နှစ်တွေက သူတာဝန်ယူခဲ့တဲ့ရုံးများမှာ အစိုးရဝန်ထမ်းများကို အနိုင်ကျင့်ခဲ့ကြောင်း တရားဝင်စုံစမ်းစစ်ဆေးမှုဖြင့် သက်သေရခဲ့ပြီးနောက် ဝန်ကြီးချုပ်'ရီရှီဆူနက်'ရဲ့ ဝန်ကြီးများအဖွဲ့ကနေ နှုတ်ထွက်ခဲ့ပါတယ်။
ရီရှီဆူနက် ဗြိတိန်ဝန်ကြီးချုပ်အဖြစ် တာဝန်မယူခင်နဲ့ တာဝန်ယူနေစဉ်ကာလတွေမှာ တာဝန်ယူခဲ့ရတဲ့ ဒေါင်းနင်းလမ်းရုံးတိုင်းနီးပါးမှာ ရက်ဘ်က ဆိုးရွားစွာအုပ်ချုပ်ခဲ့ကြောင်း စစ်ဆေးတွေ့ရှိပြီးနောက် ရာထူးမှနှုတ်ထွက်ရတာဖြစ်ပါတယ်။
နာရီပိုင်းအကြာမှာတော့ ရက်ဘ်ရဲ့နေရာမှာ ယူကေလက်ထောက်ဝန်ကြီးချုပ်အဖြစ် 'အိုလီဗာဒေါင်ဒင်'ကို အစားထိုးခန့်အပ်လိုက်ပြီး တရားရေးဝန်ကြီးနေရာမှာတော့ 'အဲလက်စ်ချော့ခ်'ကို ခန့်အပ်လိုက်ပါတယ်။
ရက်ဘ်က ဆူနက်လက်ထောက်အဖြစ် တရားဝင်အာဏာမရှိပေမယ့် ဝန်ကြီးချုပ်မရှိတဲ့အချိန်မှာ တာဝန်ယူရတာဖြစ်ပါတယ်။
သူဟာ ဆူနက်နဲ့ နီးစပ်တဲ့နိုင်ငံရေးမဟာမိတ်တစ်ဦးဖြစ်ပြီး ပြီးခဲ့တဲ့နွေရာသီတုန်းက ဝန်ကြီးချုပ်ဖြစ်လာအောင် မဲဆွယ်စည်းရုံးရေးကို ကူညီပေးခဲ့ပါတယ်။
ဝန်ကြီးချုပ်အတွက်တော့ ပြီးခဲ့တဲ့ ၆ လအတွင်း တတိယမြောက်အကြီးတန်းဝန်ကြီးတစ်ဦး ဆုံးရှုံးလိုက်ရတာပဲဖြစ်ပါတယ်။
နောက်တစ်ဦးဖြစ်တဲ့ 'ဂေဗင်ဝီလျံဆန်'ကတော့ အနိုင်ကျင့်ကြောင်း စွပ်စွဲခံရပြီးနောက် နိုဝင်ဘာလမှာ နှုတ်ထွက်ခဲ့ပါတယ်။
ကွန်ဆာဗေးတစ်ပါတီဥက္ကဌ'နာဒင်ဇာဝါဟီ'ကတော့ အခွန်ကိစ္စနဲ့ပတ်သက်ပြီး ဝန်ကြီးများစောင့်ထိန်းရမယ့်စည်းမျဉ်းတွေကို ချိုးဖောက်ခဲ့ကြောင်း တွေ့ရှိပြီးနောက် ဝန်ကြီးချုပ်က သူ့ကို ဇန်နဝါရီလက ထုတ်ပယ်ခဲ့ပါတယ်။
ရီရှီဆူနက်က ရက်ဘ်နှုတ်ထွက်မှုနဲ့ပတ်သက်ပြီး အလွန်ဝမ်းနည်းရကြောင်း၊ သူ့လုပ်ရပ်တွေနဲ့ပတ်သက်ပြီး စွပ်စွဲချက်များကိုလည်း စိုးရိမ်ပူပန်နေရမယ်ဆိုတာ သဘောပေါက်နားလည်ကြောင်း ပြောပြခဲ့ပါတယ်။
#Source: WION #World_Politics #ယူကေ #ဝန်ကြီးချုပ်ဒိုမီနစ်ရက်ဘ် #ရာထူးမှနှုတ်ထွက်
#YMG #Yangon_Media_Group
- Category: World
#World_Health
Published 22 April 2023
လူတွေဟာ တစ်ပတ်အတွင်း သကြားဓာတ်ပါတဲ့အချိုရည်တစ်ခွက်ပဲ သောက်သုံးသင့်ကြောင်း သုတေသီများကဆိုပါတယ်။
သကြားစားသုံးမှုမြင့်မားခြင်းဖြင့် ကျန်းမာရေးပြဿနာအမျိုးမျိုးဖြစ်နိုင်တယ်လို့ လေ့လာတွေ့ရှိပြီးနောက် အခုလို သတိပေးလိုက်တာဖြစ်ပါတယ်။
တစ်ပတ်အတွင်း အချိုဓာတ်ပါတဲ့ဖျော်ရည်တစ်ခွက် ပိုသောက်တိုင်း ကျန်းမာရေးပြဿနာဖြစ်နိုင်ချေ ပိုများလာပါတယ်။
တရုတ်နဲ့ အမေရိကန်တို့မှ ပညာရှင်များက သကြားစားသုံးမှုနဲ့ပတ်သက်ပြီး ကျန်းမာရေးထိခိုက်မှုများကို ဖော်ထုတ်ခဲ့ကြပါတယ်။
လေ့လာသုံးသပ်ချက်များအရ သကြားစားသုံးမှုမြင့်မားခြင်းဖြင့် ကျန်းမာရေးပြဿနာ ၄၅ မျိုးနဲ့ ဆက်စပ်နေကြောင်း BMJ မှာ ဖော်ပြခဲ့ပါတယ်။
သကြားစားသုံးမှုကြောင့် ဆီးချို၊ လေးဖက်နာ၊ အဝလွန်ခြင်း၊ သွေးတိုး၊ နှလုံးဖောက်ခြင်း၊ လေဖြတ်ခြင်း၊ ရင်ကြပ်၊ သွားပိုးစားခြင်း၊ စိတ်ကျခြင်း၊ အရွယ်မတိုင်ခင်သေဆုံးနိုင်ခြင်း၊ ကင်ဆာရောဂါအမျိုးမျိုးတို့ ဖြစ်နိုင်ချေများကြောင်း တွေ့ရှိခဲ့ကြပါတယ်။
အချိုရည်ကို များများသောက်သူတွေမှာ နည်းနည်းသောက်သူတွေထက် ကိုယ်အလေးချိန်ပိုများတာကိုလည်း တွေ့ရှိခဲ့ပါတယ်။
ဖရပ်တို့စ်ပါဝင်တဲ့အချိုရည်ကို နေ့စဉ် ၂၅ ဂရမ်သောက်သုံးပါက ပန်ကရိယကင်ဆာဖြစ်နိုင်ချေ ၂၂ ရာခိုင်နှုန်းပိုများနေပါတယ်။
တရုတ်နိုင်ငံ စီချွမ်တက္ကသိုလ်မှ ပညာရှင်များက တစ်နေ့ကို သကြားစားသုံးမှု ၂၅ ဂရမ်အောက် (လက်ဖက်ရည်ဇွန်း ၆ ဇွန်း)သာ ရှိဖို့နဲ့ တစ်ပတ်အတွင်း အချိုရည်တစ်ခွက်အောက်သာ ကန့်သတ်သောက်သုံးဖို့ အကြံပြုထားပါတယ်။
သကြားပါတဲ့အရည်တွေ လျှော့သောက်ပြီး ရေ၊ သကြားမပါတဲ့အရည်နဲ့ အစားအစာများ စားသုံးဖို့ အကြံပြုထားပါတယ်။
အချိုဓာတ်ပါတဲ့ဖျော်ရည်တွေကြောင့် အသည်း၊ နှလုံး၊ ပန်ကရိယ၊ ကြွက်သားများမှာ အဆီစုပြုံလာပြီး ဆဲလ်တွေရဲ့ လုပ်ဆောင်ချက်နဲ့ ဇီဝဖြစ်စဉ်တို့ကို နှောင့်ယှက်စေပါတယ်။
သကြားစားသုံးမှုနဲ့ ကင်ဆာဖြစ်ခြင်းတို့ကြား ဆက်စပ်မှုကမလုံလောက်ပေမယ့် နောက်ထပ်လေ့လာမှုတွေ လိုအပ်နေပါသေးတယ်။
အချိုဓာတ်စားသုံးမှုလျော့ကျရန်အတွက် ပြည်သူ့ကျန်းမာရေးအသိပေးပညာနဲ့ မူဝါဒတွေကို အကျယ်တပြန့်ချမှတ်ဖို့ လိုအပ်နေပါတယ်။
Source: South China Morning Post #World_Health #အဝလွန်ခြင်း #အချိုရည် #လျှော့ချသောက်သုံးသင့် #YMG #Yangon_Media_Group
- Category: World