#Local_News
Published _ 29 November 2022
ယခုနှစ်အတွင်း ပဋိပက္ခဖြစ်စဉ်များကြောင့် စစ်ကိုင်းတိုင်းဒေသကြီးတွင် အိမ်ခြေ ၂၄၈ လုံး၊ မကွေးတိုင်းဒေသကြီးအတွင်း အိမ်ခြေ ၂၈ လုံး၊ ချင်းပြည်နယ်အတွင်း အိမ်ခြေ ၂၂၀ လုံးနှင့် ကချင်ပြည်နယ်အတွင်း အိမ်ခြေ ၃၀ လုံး ၊စုစုပေါင်း နေအိမ် အလုံး ၅၂၀ ကျော် မီးလောင်ခဲ့ရကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။
လက်နက်ကိုင် ပူးပေါင်းအဖွဲ့၏ အကြောင်းမဲ့မီးရှို့ဖျက်ဆီးမှုကြောင့် လောင်ကျွမ်းခဲ့ရခြင်း ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။
ပြီးခဲ့သည့် နိုဝင်ဘာလ ၂၆ ရက် နှင့် နိုဝင်ဘာလ ၂၇ ရက်က စစ်ကိုင်းတိုင်းဒေသကြီး၊ ထီးချိုင့်မြို့နယ်၊ အင်ကြင်းကုန်းကျေးရွာနှင့် ထီးချိုင့်မြို့နယ်၊ ဆူးပုတ်ချောင်းကျေးရွာအတွင်း လက်နက်ကိုင် ပူးပေါင်းအဖွဲ့ ဝင်ရောက် နေထိုင်၍ အဖျက်အမှောင့်လုပ်ငန်းများ လုပ်ဆောင်လျက်ရှိကြောင်း ကျေးရွာသားအချို့က လုံခြုံရေးတပ်ဖွဲ့ဝင်များထံသို့ လျှို့ဝှက်ဆက်သွယ် အကြောင်းကြားသတင်းပို့လာသဖြင့် လုံခြုံရေး လုပ်ငန်းများ ဆောင်ရွက်ခဲ့ရာ အပြန်အလှန် ပစ်ခတ်မှု ဖြစ်ပွားခဲ့ကြောင်းနှင့် တစ်ဖက်က ဆုတ်ခွာခဲ့စဉ် အဆိုပါ ကျေးရွာများအတွင်း မီးရှို့ခဲ့သဖြင့် လူနေအိမ် ၈၀ ခန့်၊ လက်တွန်းထွန်စက် ၆ စီး၊ စပါးချွေလှေ့စက် ၁ လုံး၊ မော်တော်ဆိုင်ကယ် ၂၀ စီး၊ မီးစက် ၂ လုံးနှင့် စပါးများ မီးလောင်ဆုံးရှုံးခဲ့ကြောင်း သိရသည်။
#ymg/mt
#Yangon_Media_Group
