Published_ 12 August 2023
ကဗျာဆရာ၊စာရေးဆရာ၊ဇာတ်ညွှန်းဆရာ အကယ်ဒမီ မြင့်ဦးဦးမြင့် ဩဂုတ်လ(၁၂)ရက်မနက်ပိုင်းတွင် ကွယ်လွန်သွားကြောင်းမြန်မာနိုင်ငံရုပ်ရှင်အစည်းအရုံးမှသိရသည်။
ဦးမြင့်ဦး(ခေါ်)အကယ်ဒမီမြင့်ဦးဦးမြင့်သည် ကြိုးကြာတောင်ပံခတ်သံဇာတ်ကားဖြင့် ဇာတ်ညွှန်းအကယ်ဒမီ ဆုရရှိခဲ့သူတစ်ဦးဖြစ်ပြီး ဇာတ်ညွှန်းများစွာ၊ကဗျာများစွာနှင့်စာပေများစွာလည်းရေးသားခဲ့သည့် အနုပညာရှင် တစ်ဦးလည်းဖြစ်သည်။
ကွယ်လွန်ချိန်တွင် အသက်(၆၇)နှစ်ရှိပြီဖြစ်ပြီး ဩဂုတ်လ(၁၂)ရက်နေ့မွန်းလွဲ(၄)နာရီတွင် ရေဝေးသုဿန်သို့ ပို့ဆောင်မီးသဂြိုဟ်မည်ဖြစ်ပြီး ဩဂုတ်လ(၁၈)ရက်တွင် ကွယ်လွန်သူကိုရည်စူးပြီး ဘုရားအမှူးပြုသော သံဃာတော်တွေကိုဆွမ်းခဲဖွယ်များကိုဆက်ကပ်လှူဒါန်းကာ ရက်လည်ဆွမ်းကျွေးသွားမည်ဖြစ်ကြောင်း သိရသည်။
Yangon_Time/tthl
#Local_News
#YMG #Yangon_Times
