#Local_News
Published_ 15 February 2023
ရုရှာနိုင်ငံနဲ့ အာဆီယံနိုင်ငံများရှိ တက္ကသိုလ်များ ပညာရေးဆိုင်ရာကျောင်းများ သုတေသနစင်တာတွေသာမက သုတေသနစီမံကိန်းများကိုပါ တိုးမြှင့်ဆောင်ရွက်နိုင်ရေး ပူးပေါင်းဆောင်ရွက်သွားမှာ ဖြစ်ပါတယ်။ အာဆီယံနိုင်ငံတွေမှာ နည်းပညာနှင့်တီထွင်ဆန်းသစ်မှုတိုးမြင့်လာစေဖို့ ရုရှားနိုင်ငံနဲ့ ပူးပေါင်းဆောင်ရွက်နေတာ ဖြစ်ပါတယ်။
ရုရှားနိုင်ငံက ဦးဆောင်ကျင်းပတဲ့ သိပ္ပံနဲ့နည်းပညာတီထွင်ဆန်းသစ်မှုဆိုင်ရာ အစည်းအဝေးကို ဖေဖော်ဝါရီလ ၁၄ ရက်နေ့က ပြုလုပ်ခဲ့ပြီး သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်က တက်ရောက်ခဲ့ပါတယ်။
အဲ့ဒီအစည်းအဝေးမှာ နိုင်ငံအလိုက် နည်းပညာတီထွင်မှုနယ်ပယ်များတွင် ဆောက်ရွက်နေမှုအခြေအနေများကို ဆွေးနွေးခဲ့ကြပြီး အသိပညာမျှဝေမှုတွေ လုပ်ဆောင်ခဲ့ကြပါတယ်။ အစည်းအဝေးကို သိပ္ပံနှင့် အဆင့်မြင့်ပညာရေးဝန်ကြီးဌာနဝန်ကြီးနှင့် အာဆီယံ အတွင်းရေးမှူးချုပ်ရုံးက တာဝန်ရှိသူတွေနဲ့အာဆီယံ အဖွဲ့ဝင်နိုင်ငံတွေ တက်ရောက်ခဲ့ကြပါတယ်။
#ymg/ynzw
#Yangon_Media_Group
