#World_Health
Published 3 July 2023
ခြေသည်းညှပ်ရာမှာ နောက်ဆက်တွဲနာကျင်ခြင်းကို ဖြစ်စေတဲ့ လူသုံးများတဲ့ ညှပ်ပုံညှပ်နည်းကို ခြေထောက်အထူးကုပညာရှင်တစ်ယောက်က သတိပေးပြောကြားလိုက်ပါတယ်။
စင်္ကာပူရှိ ပညာရှင်က သူ့ရဲ့အကြံပြုချက်ကို တစ်တော့မှာ ဖော်ပြသွားတာဖြစ်ပါတယ်။
ခြေသည်းကို နည်းလမ်းအမှားကြီးနဲ့ ညှပ်နေတယ်ဆိုရင် ဒီလိုမျိုးဆက်မလုပ်ပါနဲ့တော့လို့ ခေါင်းစဉ်တပ်ထားပါတယ်။
ဒါကြောင့် အချိန်၊ အကုန်အကျသက်သာပြီး နာကျင်မှုမရှိအောင် နည်းလမ်းမှန်ကန်စွာ ညှပ်ကြပါလို့ အကြံပြုလိုက်ပါတယ်။
ဘယ်လိုမညှပ်ရဘူးလဲဆိုတာနဲ့ ဘယ်လိုမျိုး မိမိကိုယ်ကို ပြုလုပ်သင့်လဲဆိုတာကို အသေးစိတ်ရှင်းပြလာပါတယ်။
ခြေသည်းလုံးဝိုင်းတဲ့ပုံကိုပြထားပြီး ထိုကဲ့သို့မညှပ်ကြဖို့ တောင်းဆိုလိုက်ပါတယ်။
ဒီနောက်မှာတော့ ကျန်းမာသန်စွမ်းခြေသည်းတွေရရှိဖို့ နည်းလမ်းအမှန်ကို ပြသလိုက်ပါတယ်။
ကက်ကြေးအစား လက်သည်းညှပ်ကိုသာ အသုံးပြုဖို့ဦးစွာ ပြသပါတယ်။
ခြေသည်းတစ်ဖက်ကနေ တောက်လျှောက်ကို ဖြည်းဖြည်းနည်းနည်းချင်းစီ ညှပ်သွားဖို့နဲ့ ထောင့်နေရာတွေကိုတော့ စူးရှတာမျိုးမဖြစ်အောင် တံစည်းဖြင့် အောက်ဘက်သို့ ပွတ်တိုက်ရမယ်လို့ အကြံပြုသွားပါတယ်။
သူ့ဗီဒီယိုကို ကြည့်ရှုသူ ၃ သိန်းကျော်ရှိထားကာ ခြေသည်းညှပ်ပုံညှပ်နည်း ပြောင်းလဲဖို့စိတ်ဝင်စားတဲ့သူ များစွာရှိနေပါတယ်။
ကြည့်ရှုသူထဲကတစ်ယောက်က လက်သည်းရော ခြေသည်းရော ထိုကဲ့သို့ညှပ်ရာမှာ အတော်လေးသက်တောင့်သက်သာရှိကြောင်း သဘောတူခဲ့ပါတယ်။
အချို့တွေကတော့ ပထမဆုံးပြောင်းလဲရာမှာ ပြဿနာတစ်စုံတစ်ရာ ဖြစ်မှာစိုးတဲ့အတွက် စမ်းကြည့်ဖို့ တွန့်ဆုတ်နေကြပါတယ်။
ဗြိတိန်လူမျိုး ခြေထောက်အထူးကုပညာရှင်က ခြေထောက်ကျန်းမာသန်စွမ်းစေမယ့် နည်းလမ်းများကို အကြံပြုမျှဝေနေတာဖြစ်ပါတယ်။
Source: Daily Mail
#Yangon_Time
