Published 11 May 2022
ကာတာနိုင်ငံက ကမ္ဘာ့ဖလား ဆုဖလားကြီးပြန်ပို့သည့်အခမ်းအနားကို မေ(၁၀)ရက်က မြို့တော်ဒိုဟာမှာှရှိတဲ့ ကာတရာ ယဉ်ကျေးမှုရွာတွင် ကျင်းပခဲ့ရာ ဘရာဇီးဘောလုံးသမားဟောင်း ကာဖူးလည်းတက်ရောက်ခဲ့ပါတယ်။
ဒီဖလားဟာ ကိုကာကိုလာရဲ့ကမ္ဘာ့ဖလားခရီးလှည့်လည်အစီအစဉ်အရ ရောက်လာခဲ့ပြီးနောက် ကာတာ ၂၀၂၂၊ ကမ္ဘာ့ဖလားဖွင့်ပွဲ မတိုင်ခင် နိုဝင်ဘာ ၂၁ရက်မှာ Al Bayt အားကစားရုံကို တစ်ဖန်ပြန်လည်ရောက်ရှိလာမှာဖြစ်ပါတယ်။
Source AFP
- Category: World
- Hits: 772
Published 8 May 2022
စနေနေ့က ဘရိုက်တွန်နှင့်ကစားတဲ့ပွဲမှာ လေဂိုးဂိုးမရှိနှင့်ရှုံးနိမ့်ခဲ့ရလို့ မန်ယူအသင်းရဲ့ ကစားပုံအလွန်ညံ့ဖျင်းမှုအတွက် အသင်း မန်နေဂျာ ရပ်ဖ်ရန်နစ်ခ်က တောင်းပန်လိုက်ပါတယ်။
အစကနေအဆုံးအထိ ကျွန်တော်တို့ ကောင်းကောင်းမကစားနိုင်ခဲ့ဘူးလို့ ရန်နစ်ခ်ကပြောပါတယ်။
ဘရိုက်တွန်အယ်ဘီယွန်မန်နေဂျာ ဂရေဟမ်ပေါ်တာကလည်း သူဟာ တော့တင်ဟမ်ရဲ့ မန်နေဂျာ အန်တိနီယိုကွန်တီရဲ့ နေရာကို ဝင်ယူမယ်လို့ သတင်းတွေ ထင်ကြေးပေးထွက်ပေါ်နေတာကို ငြင်းဆိုလိုက်ပါတယ်။
Source AFP
- Category: World
- Hits: 548
Published 1 may 2022
ရီးယဲလ်မက်ဒရစ်အသင်းဟာ ၃၅ကြိမ်မြောက် လာလီဂါဆုဖလားကြီးကို ဧပြီ ၃၀ရက် စနေနေ့ ဆွတ်ခူးသွားပါတယ်။ Espanyol အသင်းကို လေးဂိုး-ဂိုးမရှိနှင့် အနိုင်ယူပြီး ဗိုလ်စွဲသွားတာဖြစ်ပြီး ဒါဟာ နည်းပြ “ကာလို အန်ဆက်လိုတီ”ကို အဓိက ဥရောပလိဒ်ငါးခုစလုံးအနိုင်ရသွားတဲ့ ပထမဆုံးနည်းပြ ဖြစ်သွားစေခဲ့ပါတယ်။
ရီးယဲလ်မက်ဒရစ်ဟာ ကစားကွင်းထဲက ပရိဿတ်ပေါင်း ရှစ်သောင်းနီးပါးရှေ့မှောက်မှာ ဆုဖလားကြီးကိုလက်ခံခဲ့တာဖြစ်ပါတယ်။ ရီးယဲမက်ဒရစ်အောင်ပွဲနှင့်အတူ ပျော်ရွှင်စွာ အောင်ပွဲခံနေကြတဲ့ ပရိဿတ်တွေရဲ့ မြင်ကွင်းတွေကို ရုပ်သံအဖြစ် စုစည်းဖော်ပြပေးလိုက်ပါတယ်။
Source AFP
- Category: World
- Hits: 1158
Published 24 April 2022
တောင်ကိုးရီးယားနိုင်ငံ ဆိုးလ်မြို့တော်မှာ နှစ်စဉ်ကျင်းပတဲ့ ဒေါင်လိုက်မာရသွန်အပြေးပြိုင်ပွဲကို ဧပြီ၂၃ ရက်က ကျင်းပခဲ့ရာမှာ လူပေါင်း ၇၀၀ ကျော်ပါဝင်ယှဉ်ပြိုင်ခဲ့ကြပါတယ်။
ဆိုးလ်မြို့မှာရှိတဲ့ အမြင့်ဆုံးမိုးမျှော်အဆောက်အဦကြီးမှာ ကျင်းပတဲ့ ဒေါင်လိုက် မာရသွန်ပွဲမှာ ပြိုင်ပွဲဝင် မာရသွန် အပြေးသမား ၇၅၀ဦးဟာ ၅၅၅ မီတာမြင့်ပြီး အထပ်ပေါင်း၁၂၃ထပ်ရှိတဲ့ Lotte ကမ္ဘာ့မျှော်စင်ကြီးရဲ့ လှေကားထစ်ပေါင်း ၂၉၁၇ထစ်ကို တက်ပြီး အပြေးပြိုင်ခဲ့ကြပါတယ်။
ကပ်ဘေးတွေရှိနေလင့်ကစား ဒီပွဲဟာ တကမ္ဘာလုံးက ပြည်သူတွေရဲ့ မျှော်လင့်ချက်တွေကို ယူဆောင်ပေးနိုင်လိမ့်မယ်လို့ ပွဲစီစဉ်သူတွေက မျှော်လင့်ထားပါတယ်။
“ကျွန်မအားကစားလုပ်ရတာသဘောကျတယ်။ဒီလိုစိတ်လှုပ်ရှားစရာကောင်းပြီး ကြည်နူးစရာ အငွေ့အသက်တွေနှင့် အတွေ့အကြုံရယူလိုပါတယ်။ အဲဒါကြောင့်ဝင်ပြိုင်တာပါ” လို့ မာရသွန်ပြိုင်ပွဲဝင်တစ်ဦးကပြောပါတယ်။ သူဟာ ဘော်စတွန် မာရသွန်မှာ ပြိုင်ပွဲဝင်ခဲ့သူပါ။
ပြိုင်ပွဲဝင်ကြသူတွေထဲမှာ ကြေးစားအားကစားသမားတွေနှင့် အပျော်တမ်းအပြေးသမားတွေ အသက်ကြီးရင့်သူတွေမှ ကလေးငယ်တွေအထိ အစုံပါဝင်ကြပါတယ်။ ကိုဗစ်-၁၉ကန့်သတ်ချက်ကြောင့် သူတို့ကို အုပ်စုတွေခွဲပြီး အသုတ်လိုက် ခွဲပြီး အဆောက်အဦထဲဝင်ကြရပါတယ်။
အပန်းဖြေဖို့အတွက်၁၀၂ထပ်မှာ ကစားသမားတွေ ရေငတ်ပြေသောက်ဖို့ အားဖြည့်အချိုရည်တွေထားပေးထားပါတယ်။
ဆိုးလ်မြို့ ဆောင်ပါဂူခရိုင်ရဲ့ မာရသွန်အသင်းဝင် ပြိုင်ပွဲဝင်တစ်ဦးက ၁၂၃ထပ်မှာ နာရီဝက်ထက်လျော့ပြီး ပန်းဝင်ခဲ့ပါတယ်။
“ပြေးရတာ ကျွန်တော်သိပ်သဘောကျတယ်။ အဲဒါကြောင့် ဒီနေ့ သိပ်စိတ်မပူမိပါဘူး။ကျွန်တော်မျှော်လင့်ထားတာထက်တောင် ပျော်စရာကောင်းသေးတယ်။ နောက်နှစ်ထပ်လုပ်ရင် ကျွန်တော်သေချာပေါက်ထပ်လာဦးမယ်” လို့ သူကပြောပါတယ်။ နောက်တစ်ခါဆိုရင် မိနစ်၂၀နှင့်ပန်းဝင်အောင်လုပ်မယ်လို့လည်း သူကပြောပါတယ်။
Source CMG
- Category: World
- Hits: 1087
Published 22 April 2022
ယူဂန်ဒါမြို့တော် ကမ်ပါလာမြို့ဒေသခံတွေ ရေပေါ်အားကစား အထူးသဖြင့် ခြောက်သွေ့နေတဲ့မြေကြီးပေါ်မဟုတ်ဘဲ ရေကူးကန်ထဲမှာ အေရိုးဘစ် လေ့ကျင့်ခန်းလုပ်တာတွေ တွင်ကျယ်လာနေပါတယ်။
ရေအေရိုးဘစ်ဟာ ကမ်ပါလာဒေသခံ ဆန်နီဆင်းအတွက် သမားရိုးကျ အားကစားလေ့ကျင့်မှုကို ရေရဲ့အကျိုးကျေးဇူးနျင့် ပေါင်းစပ်ပေးထားတဲ့ ကြီးကျယ်တဲ့ နည်းလမ်းတစ်ခုဖြစ်စေပါတယ်။
Source CMG
- Category: World
- Hits: 629
Published 19 April 2022
ခရစ်တီယာနိုရော်နယ်ဒိုနှင့်သူ့ပါတနာ ဂျော်ဂျီနာ ရိုဒရီဂဂက်စ်တို့ဟာ သူတို့ရဲ့ မွေးကင်းစ သားကလေးကွယ်လွန်ခဲ့ရတဲ့ အတွက် အင်္ဂါနေ့မှာ ကစားမယ့်အရေးကြီး ပရီမီယာလိဒ်ပွဲဖြစ်တဲ့ ပြိုင်ဘက် လီဗာပူးလ်နှင့်ပွဲမှာ သူပါဝင် ကစားမှာမဟုတ်ဘူးလို့ သိရပါတယ်
ရော်နယ်ဒိုဟာ သူ့နှလုံးသားကြေကွဲရတဲ့ ဖြစ်ရပ်ကို တနင်္လာနေ့က ဆိုရှယ်မီဒီယာမှာရေးသားထားပါတယ်။ “ ဆုံးရှုးမှုဟာ မိဘတိုင်းခံစားနိုင်တဲ့ အကြီးမားဆုံးထိခိုက်နာကျင်မှုဖြစ်တယ်” လို့ သူကပြောပါတယ်။ အဲဒီအပြင် သူတို့အတွဲဟာ သူတို့ရဲ့ အမြွှာသမီးကလေး မွေးဖွားတာကိုလည်း ကြေညာခဲ့ပါတယ်။
“ ခင်ဗျားရဲ့ ထိခိုက်ခံစားရမှုဟာ ကျွန်တော်တို့ရဲ့ ထိခိုက်ခံစားရမှုပါပဲ” လို့ ယူနိက်တက်က တွစ်တာမှာရေးခဲ့ပါတယ်။ အဲဒီအပြင် အသက်၃၇နှစ်အရွယ် ရော်နယ်ဒိုဟာ ဒီနေ့ညနေမှာ အင်န်ဖီးလ်မှာ ဝင်ကစားမှာမဟုတ်ဘူးလို့ မန်ချက် စတာယူနိုက်တက်က သူတို့ရဲ့ ဝက်ဘ်ဆိုက်မှာ အတည်ပြုခဲ့ပါတယ်။
“ မိသားစုဆိုတာ အရာရာတိုင်းထက် ပိုအရေးကြီးပါတယ်။ ရော်နယ်ဒိုဟာ အင်မတန်မှခက်ခဲတဲ့အချိန်မှာ ချစ်မြတ်နိုးရတဲ့သူ တွေကို အားပေးနေပါတယ်”လို့ ကလပ်ကရေးပါတယ်။
“ အင်္ဂါနေ့ညနေမှာ လီဗာပူးနှင့်ပွဲ သူဝင်ကစားမှာမဟုတ်တာကို ကျွန်တော်တို့ အတည်ပြုပါတယ်။ ကျွန်တော်တို့ဟာ မိသားစုရဲ့ သီးသန့်အေးအေးဆေးဆေးနေလိုတဲ့ဆန္ဒတွေကို အလေးထားပါတယ်” လို့ ယင်းကဆိုပါတယ်။
- Category: World
- Hits: 1013
Published 19 April 2022
ပြီးခဲ့တဲ့ အောက်တိုဘာက သူတို့အမြွှာရင်သွေးကလေးတွေရတော့မယ်လို့ကြေညာခဲ့တဲ့ ပေါ်တူဂီရှေ့တန်းတိုက်စစ်မှူး ခရစ်တီယာနိုရော်နယ်ဒိုနှင့်သူ့ရဲ့ပါတနာ ဂျော်ဂျီနာ ရိုဒရီဂက်စ်တို့က သူတို့ရဲ့အမြွှာထဲက တစ်ယောက် ကွယ်လွန်သွားပြီလို့ တနင်္လာနေ့က ကြေညာခဲ့ပါတယ်။
“ ကျွန်တော်တို့ရဲ့ သားကလေးတစ်ယောက် ကွယ်လွန်သွားတဲ့အကြောင်း အထူးဝမ်းနည်းစွာပြောပါတယ်” လို့ သူတို့က ပူးတွဲကြေညာချက်တစ်စောင်ကို ဆိုရှယ်မီဒီယာမှာ ထုတ်ပြန်ပါတယ်။
“ ဘယ်မိဘမဆို ခံစားနိုင်တဲ့ အကြီးမားဆုံးထိခိုက်နာကျင်မှုဖြစ်ပါတယ်” လို့ သူတို့ကပြောပါတယ်။
“ဒီအခိုက်အတန့်မှာ မျှော်လင့်ခြင်းတွေ ပျော်ရွှင်ခြင်းတွေနှင့် ကျွန်တော်တို့နေနိုင်ဖို့ သမီးလေးကပဲ ခွန်အားတွေပေးနေပါတယ်” လို့ သူတို့က သတင်းထုတ်ပြန်ပါတယ်။
ဒီလိုခက်ခဲတဲ့အချိန်မှာ သူတို့ကိုယ်ရေးကိုယ်တာ လျှို့လျှို့ဝှက်ဝှက်နေထိုင်မှုအတွက် သူတို့က တောင်းဆိုပြီး ကုသမှုနှင့် အားပေးမှုတွေပြုလုပ်ခဲ့ကြတဲ့ ဆရာဝန်တွေ၊သူနာပြုတွေနှင့် ပညာရှင်တွေကို သူတို့အတွဲက ကျေးဇူးတင်ကြောင်းပြောပါတယ်။
အသက် ၃၇နှစ်ရှိပြီဖြစ်တဲ့ ရော်နယ်ဒိုဟာ ကမ္ဘာ့အကောင်းဆုံးကစားသမား (၅)ကြိမ်ရရှိထားပါတယ်။ရီယဲလ်မက်ဒရစ်နှင့် ဂျူဗင်တပ်စ်တို့မှာ ဆုဖလားတွေ အများကြီးနှင့် နိုင်ပွဲတွေကစားပေးပြီးနောက် သူဟာ ပြီးခဲ့တဲ့ နှစ်က မန်ချက်စတာယူနိုက်တက်မှာ ပြန်ကစားခဲ့ပါတယ်။
Source Reuters
- Category: World
- Hits: 2163