#Local_News
Published _ 13 December 2022
ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်၊ ကူးတို့ဆိပ်ရပ်ကွက်တွင် ယနေ့ နံနက် ၈ နာရီခန့်က အမျိုးသားတစ်ဦး ဆွဲကြိုးချသေဆုံးမှု ဖြစ်ပွားခဲ့ကြောင်း မင်္ဂလာတောင်ညွန့်လူငယ်လူမှုကူညီကယ်ဆယ်ရေးအသင်း၏ ထုတ်ပြန်ချက်အရ သိရသည်။
သေဆုံးသူ၏ အမည်မှာ ကိုဝင်းနိုင်ဦးဆိုသူဖြစ်ပြီး ကွယ်လွန်ချိန်တွင် ဇနီးနှင့် အရွယ်မရောက်သေးသည့် ကလေးသုံးဦး ကျန်ရစ်ခဲ့ကြောင်း ကူးတို့ဆိပ်ရပ်ကွက် ဒေသခံတစ်ဦးက ပြောသည်။
"သူက အသက် ၄၄ နှစ်လောက်ရှိပြီလို့ပြောတယ်။ အခုတော့ အလောင်းကို ရန်ကုန်ဆေးရုံကြီးမှာ PR - 055 နဲ့ ထားခဲ့တယ်"ဟု လိုက်ပါကူညီခဲ့သော မင်္ဂလာတောင်ညွန့်လူငယ်လူမှုကူညီကယ်ဆယ်ရေးအသင်းပြောရေးဆိုခွင့် ရှိသူက ပြောသည်။
မင်္ဂလာတောင်ညွန့်လူငယ် လူမှုကူညီရေးအသင်းအနေဖြင့် မင်္ဂလာတောင်ညွန့်ရဲစခန်းမှ ဆက်သွယ်အကူအညီတောင်းခံလာသောကြောင့် ယင်း ဖြစ်စဉ်ကို လိုက်ပါကူညီခဲ့ခြင်းဖြစ်ကြောင်းလည်း ထုတ်ပြန်ထားသည်။
#ymg/mt
#Yangon_Media_Group
