#Local_News
Published _ 1 November 2022
ပညာရေးဝန်ကြီးဌာန၊ အဆင့်မြင့်ပညာဦးစီးဌာနရှိ တက္ကသိုလ်၊ ဒီဂရီကောလိပ်နှင့်ကောလိပ်များတွင် ၂၀၂၂ ခုနှစ် တက္ကသိုလ်ဝင်စာမေးပွဲအောင်မြင်သူများ၏ တက္ကသိုလ်နေ့သင်တန်း ပထမနှစ်(ပထမနှစ်ဝက်)ဝင်ခွင့်ရသူများစာရင်းအား လာမည့် နိုဝင်ဘာလ ၃ ရက်တွင် ကြေညာသွားမည်ဟု ပညာရေးဝန်ကြီးဌာန၊ အဆင့်မြင့်ပညာဦးစီးဌာနမှ ထုတ်ပြန်ခဲ့သည်။
သက်ဆိုင်ရာတက္ကသိုလ်၊ ဒီဂရီကောလိပ်နှင့်ကောလိပ်များ၊ ပညာရေးဝန်ကြီးဌာန website http://www.moe.gov.mm နှင့် အဆင့်မြင့် ပညာဦးစီးဌာန website http://www.dhe.gov.mm များတွင် ကြေညာထားမည်ဟုလည်း အသိပေးထုတ်ပြန်ထားသည်။
အဆင့်မြင့်ပညာဦးစီးဌာနမှ ၂၀၂၂ ခုနှစ် တက္ကသိုလ်ဝင်စာမေးပွဲ အောင်မြင်သူများကို ပထမနှစ်(ပထမနှစ်ဝက်)နေ့သင်တန်းများအား နိုဝင်ဘာလ ၂၁ ရက်၌ စတင်ဖွင့်လှစ်ပေးသွားမည်ဖြစ်သည်။
ယင်းအပြင် ပထမနှစ်(ဒုတိယနှစ်ဝက်)နှင့် ဒုတိယနှစ်မှ မဟာဘွဲ့သင်တန်းများအထိ နေ့သင်တန်းများအားလုံးကိုလည်း နိုဝင်ဘာလ ၁၀ ရက်၌ စတင်ဖွင့်လှစ်၍ ကျောင်းအပ်လက်ခံခြင်းကို အောက်တိုဘာလ ၂၇ ရက်မှနိုဝင်ဘာလ ၁၈ ရက်အထိ လက်ခံဆောင်ရွက်ပေးသွားမည်ဟုလည်း အသိပေးထုတ်ပြန်ထားရှိသည်။
#ymg/NN
#Yangon_Media_Group
