#LocalNews
Published _25 September 2022
သီတင်းကျွတ်ကာလ ဗုဒ္ဓဂယာခရီးသွားမည့်သူများ လေယာဉ်စင်းလုံးငှားရမ်းနိုင်မည်ဖြစ်ကြောင်း မြန်မာအမျိုးသားလေကြောင်းလိုင်း (MNA ) က သိရသည်။
မြန်မာအမျိုးသားလေကြောင်းလိုင်း (MNA)အနေဖြင့် ရန်ကုန်- ဗုဒ္ဓဂယာ-ရန်ကုန် စင်းလုံးငှား Charter Flight ခရီးစဉ်ကို အောက်တိုဘာလ ၄ ရက်က စတင်မည်ဖြစ်ပြီး ၂၀၂၃ ခုနှစ် မတ်လကုန်ထိ အပတ်စဉ်အင်္ဂါနေ့နှင့် သောကြာနေ့များတွင် ကိုဗစ်စည်းကမ်းချက်များနှင့်အညီ ပျံသန်းနိုင်ရန် စီစဉ်ထားကြောင်း ၊ယင်းကြောင့် ဗုဒ္ဓဂယာ Charter Flight လေယာဉ်လက်မှတ်များကို ခရီးသွားကုမ္ပဏီတွင် သတ်မှတ်ဈေးနှုန်းတွေအတိုင်း ဝယ်ယူနိုင်ပြီဖြစ်ကြောင်းလည်းသိရသည်။
MNA လေကြောင်းလိုင်းအနေဖြင့် ရန်ကုန်-ဒူဘိုင်း၊ ရန်ကုန် -ကူမင်း လေကြောင်းခရီးစဉ်များကိုလည်း အောက်တိုဘာလကုန်မှစ၍ တစ်ပတ်လျှင် ၃ရက် တိုးချဲ့ပြေးဆွဲပေးသွားရန် စီစဉ်နေကြောင်းလည်း ၊လက်တလောတွင် ရန်ကုန်- မလေးရှားနိုင်ငံ ကွာလာလမ်ပူ ၊ ရန်ကုန်-ဘန်ကောက်၊ရန်ကုန်-စင်္ကာပူ တို့ကိုလည်း ပြေးဆွဲပေးနေကြောင်း သိရသည်။
ymg/mt
#Yangon_Media_Group
