#Local_News
Published -17 August 2022
ထုတ်ချေးပေးခဲ့သည့် ကျပ် ၄၀၀ ဘီလီယံသည် ကိုဗစ်-၁၉ ကာကွယ်၊ ထိန်းချုပ်၊ ကုသရေးဆိုင်ရာ အသုံးစရိတ် စီမံခန့်ခွဲမှုရန်ပုံငွေ လက်ကျန်ဖြစ်ပြီး ငွေစက္ကူအသစ် ရိုက်နှိပ်ကာ ထုတ်ချေးပေးခဲ့ခြင်းမဟုတ်ကြောင်း နစက ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ယနေ့ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။
‘‘ယခင်ကတည်းက သီးသန့်ထားရှိခဲ့တဲ့ ငွေများဖြစ်ပါတယ်။ ဒါကို အကျိုးရှိရှိ အသုံးချနိုင်ရေးအတွက် ဆောင်ရွက်ခဲ့တာဖြစ်ပါတယ်"ဟု ၎င်းကပြောကြားခဲ့သည်။
လက်ရှိထုတ်ပေးထားတဲ့ ရန်ပုံငွေသည် နိုင်ငံတော်က ရင်းနှီးငွေပေးအပ်ထားခြင်းဖြစ်ပြီး နောင်လာမည့် ရာသီတွေတွင် ပြန်လည်ရရှိလာမည့် ငွေကြေးကိုပင် ရင်းနှီးမြှုပ်နှံနိုင်ဖို့ ထပ်မံထုတ်ယူသွားမည်ဖြစ်ကြောင်း ဆက်လက်ပြောကြားခဲ့သည်။
"ကျန်တဲ့ငွေတွေကိုတော့ အခြားလုပ်ငန်းတွေမှာ အသုံးပြုနိုင်ရေး ဆွေးနွေးတိုင်ပင် ဆောင်ရွက်သွားမှာ ဖြစ်သလို လိုအပ်ချက်ရှိတဲ့ ဒေသတွေကို သီးခြားအစဉ်အမြဲ လိုအပ်မှုတင်ပြပြီး နိုင်ငံတော်အကြီးအကဲက စီမံဆောင်ရွက်သွားမှာ ဖြစ်ပါတယ်"ဟု ၎င်းကဆက်လက်ပြောကြားခဲ့သည်။
ymg/sth
#Yangon_Media_Group
