#Local_News
Published_2 July 2022
နေရပ်ပြန်မည့် မြန်မာတစ်ဦး မလေးရှားနိုင်ငံ ကွာလာလမ်ပူလေဆိပ် (KLIA-1) တွင် ပျောက်ဆုံးသွားကြောင်း မလေးရှားနိုင်ငံ နှလုံးလှပရဟိတလူငယ်များ သွေးအလှူရှင်အဖွဲ့က သိရသည်။
"သူ့နာမည်က ကိုကြည်ခိုင်ပါ။ ဒီနေ့မနက်ပိုင်းထွက်ရမယ့် လေယာဉ်နဲ့ မြန်မာနိုင်ငံကို လိုက်ဖို့ဆိုပြီးတော့လေဆိပ်ကို အဖော်တစ်ယောက်နဲ့သွားတာ၊ စောင့်ဆိုင်းနေရင်း ပျောက်သွားတာ၊ သူက အာရုံကြောအားနည်းနေတယ်။ မွေးရာပါလား ဘာလားတော့ မသိဘူး။ ကျွန်တော်တို့လည်း ဒီမှာသိရတာပဲ"ဟု အဆိုပါ သွေးလှူရှင်များ အဖွဲ့တာဝန်ရှိသူက YMG ကို ပြောသည်။
ပျောက်ဆုံးသူသည် မြန်မာနိုင်ငံ၊ မကွေးတိုင်းဒေသကြီး၊ ဆင်ပေါင်ဝဲမြို့နယ်၊ စည်တိုင်းကျေးရွာကဖြစ်ကြောင်း၊ မလေးရှားရောက်မြန်မာနိုင်ငံသားများ အနေဖြင့် နှလုံးလှပရဟိတ လူငယ်များသွေးလှူရှင်အဖွဲ့ထံ ဆက်သွယ်ပေးကြရန်လည်း အကြောင်းကြားထားကြောင်း သိရသည်။
ymg/mt
#Yangon_Media_Group
