#Local_News
Published_ 26 March 2024
ထိုင်းနိုင်ငံမှ နိုင်ငံတကာအဆင့်မီ တက္ကသိုလ် ၃၀ ကျော် ပါဝင်ပြသမည့် (၇) ကြိမ်မြောက် ထိုင်းတက္ကသိုလ်ပေါင်းစုံ ပညာရေးပြပွဲကို ဧပြီ (၇) ရက် နံနက် (၉) နာရီမှ ညနေ (၄) နာရီအထိ ရန်ကုန်မြို့ ကမ္ဘာအေးဘုရားလမ်းရှိ ဆီဒိုးနားဟိုတယ်၌ကျင်းပသွားမှာဖြစ်ကြောင်း သိရပါတယ်။
ထိုင်းတက္ကသိုလ်ပေါင်းစုံ ပညာရေးပြပွဲကို ထိုင်းတက္ကသိုလ်ဘွဲ့ရ မြန်မာကျောင်းသားများ အသင်း Association of Myanmar Alumni from Universities in Thailand က ကြီးမှူးကျင်းပတာဖြစ်ပါတယ်။
ပြပွဲတွင် ထိုင်းနိုင်ငံမှ နိုင်ငံတကာအဆင့်မီ နာမည်ကျော်တက္ကသိုလ် ၃၂ ခု ပါဝင်ပြသမည်ဖြစ်ပြီး၊ တက္ကသိုလ်၊ ကောလိပ်များ၊ ပညာရေးအဖွဲ့အစည်းများ၏ ကိုယ်စားလှယ်များထံမှ သတင်းအချက်အလက်များကိုတစ်ပြိုင်နက်တည်း ရရှိနိုင်မှာ ဖြဟ်ပါတယ်။
မြန်မာ ကျောင်းသား/သူများအနေဖြင့် ပညာရေးပြပွဲသို့ မည်သူမဆို ဝင်ကြေး အခမဲ့ဖြင့် လာရောက်လေ့လာနိုင်မှာဖြစ်ပြီး ထိုင်းတက္ကသိုလ်အများအပြားနှင့် တိုက်ရိုက်ဆွေးနွေးမှုများ ပြုလုပ်နိုင်ကာ scholarships ၁၀၀ ရာခိုင်နှုန်းထိပေးမယ့် တက္ကသိုလ်များလည်း ပါဝင်မည်ဖြစ်ကြောင်း သိရသည်။
#Local_News #ထိုင်းတက္ကသိုလ်၃၀ကျော် #ပညာရေးပြပွဲ #Ymg_mnn #Yangon_Media_Group
